សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៥៦ ៖ សាការី ១–៨—« ចូរវិលមកឯយើងវិញ »

រឿងនិទាននៅកាលីឡេ ដោយ ឌែល ផាសិន

ហាកាយ ១–២; សាការី ១–៤; ៧–១៤ ៖ មេរៀនទី ១៥៦

សាការី ១–៨

« ចូរវិលមកឯយើងវិញ »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

បន្ទាប់ពី៥០ឆ្នាំនៃការជាប់ជាឈ្លើយនៅក្រុងបាប៊ីឡូន និងស្រុកពើស៊ី នោះសំណល់វង្សអ៊ីស្រាអែលបានវិលត្រឡប់ទៅដែនដីបរិសុទ្ធរបស់ពួកគេវិញខាងរូបកាយ ប៉ុន្តែខាងវិញ្ញាណវិញ ពួកគេនៅតែឆ្ងាយពីព្រះអម្ចាស់នៅឡើយ ។ តាមរយៈព្យាការីសាការី ព្រះអង្គសង្គ្រោះបានរំឭកការអញ្ជើញរបស់ទ្រង់ជាថ្មីឲ្យ « ចូរវិលមកឯយើងវិញ » ( សាការី ១:៣ ) ដោយមានការសន្យាថាទ្រង់នឹង « នៅកណ្តាល [ រាស្ដ្ររបស់ទ្រង់ ] » ( សាការី ២:១០ ) ។ មេរៀននេះអាចជួយអ្នកឲ្យយល់ពីរបៀបដែលអ្នកអាចងាកទៅរកព្រះអម្ចាស់បាន ។

សិក្សាព្រះគម្ពីរ

រូបមនុស្សចង្កឹះពីរកំពុងដើរក្នុងទិសដៅផ្ទុយគ្នា មួយឆ្ពោះទៅរកពាក្យ « ព្រះយេស៊ូវគ្រីស្ទ »

ហេតុអ្វីបានជាមនុស្សមួយចំនួនងាកចេញពីព្រះយេស៊ូវគ្រីស្ទ ? តើមានមូលហេតុអ្វីខ្លះដែលក្មេងវ័យជំទង់អាចងាកចេញពីព្រះអម្ចាស់ ?

ពួកព្យាការីព្រះគម្ពីរសញ្ញាចាស់បានប្រកាសដល់អ៊ីស្រាអែល នូវការអញ្ជើញរបស់ព្រះអង្គសង្គ្រោះឲ្យវិលមកឯទ្រង់វិញ ឬត្រឡប់ទៅរកទ្រង់វិញ ដោយមិនគិតពីហេតុផលដែលពួកគេបានងាកចេញឡើយ ។ ពេលខ្លះយើងងាកចេញដោយមិនដឹងថា យើងកំពុងឃ្លាតចេញនោះទេ ។ នៅពេលអ្នកសិក្សាគម្ពីរសាការី សូមស្វែងរកការបំផុសគំនិតមកពីព្រះវិញ្ញាណបរិសុទ្ធ ដើម្បីជួយដល់អ្នកក្នុងកាលៈទេសៈផ្ទាល់ខ្លួនរបស់អ្នក ។

នៅអំឡុងមេរៀននេះ អ្នកនឹងត្រូវបានអញ្ជើញឲ្យដាក់ស្លាកវគ្គបទគម្ពីរបីបួនថា « ការងាកទៅរកព្រះ » ។ កាលអ្នកអានវគ្គបទគម្ពីរនីមួយៗ សូមរកមើលអ្វីដែលវាបង្រៀនអំពីការងាកទៅរក ឬការត្រឡប់ទៅរកព្រះអម្ចាស់វិញ ។

សូមអាន ចោទិយកថា ៤:៣០–៣១ និង នេហេមា ១:៩ ហើយរកមើលពរជ័យដែលបានសន្យាដោយសារការងាកទៅរកព្រះអម្ចាស់ ។ សូមពិចារណាដាក់ស្លាកបទគម្ពីរទាំងពីរថា « ការងាកទៅរកព្រះ » ។

ក្រោយពីការជាប់ក្នុងទាសភាពរយៈពេលកន្លះសតវត្សរ៍មក ពួកសាសន៍អ៊ីស្រាអែលជាច្រើនត្រូវបានអនុញ្ញាតឲ្យត្រឡប់ទៅក្រុងយេរូសាឡិម និងតំបន់ជុំវិញនោះវិញ ។ ទោះបីជារាងកាយរបស់ពួកគេបានត្រឡប់មកវិញហើយក៏ដោយ ហើយមនុស្សមួយចំនួនបានកសាងព្រះវិហារបរិសុទ្ធឡើងវិញហើយក្ដី ( សូមមើល អែសរ៉ា ៥:១–២; ៦:១៤ ) ក៏មនុស្សជាច្រើននៅមិនត្រឡប់មករកព្រះអម្ចាស់វិញខាងវិញ្ញាណដែរ ។ ទ្រង់បានចាត់ព្យាការីសាការីឲ្យទៅជួយប្រជាជនឲ្យវិលទៅរកទ្រង់វិញ ដើម្បីទ្រង់អាចគង់ « នៅកណ្តាល [ ពួកគេ ] » ( សាការី ២:១០ ) ។

សូមអាន សាការី ១:១–៣ ហើយរកមើលអ្វីដែលព្រះអម្ចាស់បានអញ្ជើញរាស្ដ្ររបស់ទ្រង់ឲ្យធ្វើ ។ សូមប្រាកដថាបានដាក់ស្លាក ខទី ៣ ថា « ការងាកទៅរកព្រះ » ។

វគ្គបទគម្ពីរនីមួយៗខាងក្រោមនេះបង្រៀនពីសេចក្ដីពិត អំពីរបៀបដែលយើងអាចងាកទៅរកព្រះអម្ចាស់បាន ។ នៅពេលអ្នកអានវគ្គបទគម្ពីរនីមួយៗ សូមបំពេញជំហានដូចខាងក្រោម ។

សូមគូសសម្គាល់ពាក្យ ឬឃ្លានៅក្នុងវគ្គបទគម្ពីរនីមួយៗ ដែលជួយអ្នកឲ្យបំពេញសេចក្តីថ្លែងការណ៍នេះ « ខ្ញុំអាចងាកទៅរកព្រះអម្ចាស់បាន តាមរយៈ … »

ឧទាហរណ៍ ៖ បន្ទាប់ពីអាន សាការី ១:៤ អ្នកអាចប្រើ « ចូរវិលត្រឡប់ពីផ្លូវអាក្រក់ » ឬ « ស្ដាប់តាមយើង » ដើម្បីបំពេញឃ្លានេះតាមរបៀបនេះ ៖ « ខ្ញុំអាចងាកទៅរកព្រះអម្ចាស់បាន តាមរយៈការវិលត្រឡប់ពីផ្លូវអាក្រក់ ហើយស្ដាប់តាមព្រះគ្រីស្ទ » ។
សូមដាក់ស្លាកឃ្លាដែលបានគូសសម្គាល់ថា « ការងាកទៅរកព្រះ » ។
សូមជញ្ជឹងគិតពីរបៀបដែលសេចក្ដីពិតដែលបានបង្រៀននៅក្នុងវគ្គបទគម្ពីរនេះ អាចមានសភាពយ៉ាងណានៅក្នុងជីវិតរបស់អ្នក ។
- សាការី ១:៤
- សាការី ៣:៧ ( « នោះឯងនឹងរក្សាទីលានរបស់យើងផង ហើយយើងនឹងឲ្យឯងបានចូលក្នុងពួកដែលនៅទីនេះដែរ » អាចសំដៅទៅលើអារម្មណ៍ស្អាតស្អំ និងស័ក្តិសមនៅចំពោះមុខពួកសារទូតសួគ៌ា ។ សូមមើលលេខយោង c ជាភាសាអង់គ្លេស ) ។
- សាការី ៧:៩–១០
- សាការី ៨:១៦–១៧ ( សូមកត់ចំណាំឃ្លា « សេចក្ដីសុខនៅក្នុងទ្វារក្រុងរបស់ឯងរាល់គ្នា » ) ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។

យុវនារីងាកចេញពីយុវវ័យផ្សេងទៀតទាំងក្តីឈឺចាប់

ឥឡូវត្រូវធ្វើដូចម្តេចទៀត ?

នៅក្នុងសៀវភៅកត់ចំណាំរបស់អ្នក សូមសរសេររឿងមួយ ឬពីរដែលអ្នកមានអារម្មណ៍ថាអាចជួយអ្នកឲ្យងាកទៅរកព្រះអម្ចាស់បាន ។ សូមយាងអញ្ជើញព្រះវរបិតាសួគ៌របស់អ្នកនៅក្នុងការអធិស្ឋាន ឲ្យជួយអ្នកជាមួយនឹងការខិតខំរបស់អ្នក ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យយល់ពីរបៀបដែលអ្នកអាចងាកទៅរកព្រះអម្ចាស់បាន ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

រឿងមួយ ឬពីរដែលអ្នកមានអារម្មណ៍ថាអាចជួយអ្នកឲ្យងាកទៅរកព្រះអម្ចាស់ ។
សេចក្ដីពិតដែលអ្នកបានរៀនមកពីសាការី រួមទាំងរបៀបដែលការដឹងសេចក្ដីពិតនេះអាចផ្ដល់ពរជ័យដល់ក្មេងជំទង់ម្នាក់ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?