សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៥៣ ៖ ហាបាគុក—រង់ចាំចម្លើយចំពោះសំណួរដ៏ស្មោះរបស់យើង

មីកា; ណាហ៊ុម; ហាបាគុក; សេផានា ៖ មេរៀនទី ១៥៣

ហាបាគុក

រង់ចាំចម្លើយចំពោះសំណួរដ៏ស្មោះរបស់យើង

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

នៅពេលដែលព្យាការីហាបាគុកមានសំណួរពីអំពើទុច្ចរិតនៅជុំវិញលោក លោកបានស្វះស្វែងរក ហើយរង់ចាំចម្លើយពីព្រះអម្ចាស់ ។ ដូចហាបាគុកដែរ យើងអាចងាកទៅរកព្រះអម្ចាស់ជាមួយសំណួររបស់យើង ។ មេរៀននេះអាចជួយអ្នកឲ្យយល់ពីរបៀបរក្សាសេចក្ដីជំនឿទៅលើព្រះយេស៊ូវគ្រីស្ទ នៅពេលអ្នកមានសំណួរដែលហាក់ដូចជាគ្មានចម្លើយ ។

សិក្សាព្រះគម្ពីរ

គ្រូបង្រៀនថ្នាក់សិក្ខាសាលាម្នាក់នៅទីក្រុង សលត៍ លេក រដ្ឋយូថាហ៍ នៅសហរដ្ឋអាមេរិក បានចែកចាយដូចខាងក្រោមនេះ ៖

កាលខ្ញុំអាយុ១២ឆ្នាំ ខ្ញុំបានចាប់ផ្តើមធ្វើរូបផ្គុំរូបរណារមួយ ដែលខ្ញុំសង្ឃឹមថានឹងបិទជាប់គ្នា ហើយដាក់ព្យួរលើជញ្ជាំងរបស់ខ្ញុំ ។ ប៉ុន្មានថ្ងៃក្រោយមក ខ្ញុំមានការតក់ស្លុតយ៉ាងខ្លាំង ពេលដឹងថារូបផ្គុំ១,០០០បំណែករបស់ខ្ញុំ មានតែ៩៩៩បំណែកប៉ុណ្ណោះ ។ ក្រោយពីដើររកមើលគ្រប់ទីកន្លែងអស់ហើយ ខ្ញុំបានសម្រេចចិត្តទៅទិញរូបផ្គុំដូចគ្នាបេះបិទមួយ ដើម្បីយកបំណែកចុងក្រោយនោះ ។ ជាអកុសល បន្ទាប់ពីដើរមើលនៅច្រើនហាងហើយ ខ្ញុំមិនអាចរកឃើញរូបផ្គុំនោះទេ ។

ដូចរូបផ្គុំនោះដែរ យើងអាចមានបំណែកដំណឹងល្អជាច្រើន ដែលយើងពិបាកនឹងដាក់ឲ្យត្រូវទៅក្នុងការយល់ដឹងរបស់យើងអំពីរូបភាពដ៏ធំនៃជីវិតនេះ ។ នៅពេលអ្នកសិក្សានៅថ្ងៃនេះ សូមរកមើលវិធីដែលអ្នកអាចឆ្ពោះទៅមុខនៅក្នុងសេចក្ដីជំនឿលើព្រះយេស៊ូវគ្រីស្ទ នៅពេលអ្នកខិតខំទទួលបានចម្លើយចំពោះសំណួររបស់អ្នក ។

ព្រះអម្ចាស់បានហៅហាបាគុកឲ្យធ្វើជាព្យាការីដល់នគរយូដា មុនពេលពួកបាប៊ីឡូនឡោមព័ទ្ធក្រុងយេរូសាឡិម ។ ដូចជាព្យាការីដទៃទៀតដែរ ហាបាគុកមានសំណួរ និងស្វះស្វែងរកការយល់ដឹងពីព្រះអម្ចាស់ ( សូមមើល យេរេមា ១២:១; គោលលទ្ធិ និងសេចក្ដីសញ្ញា ១២១:១–៦ ) ។

សូមអាន ហាបាគុក ១:២–៤ ។ សូមសរសេរកំណត់ចំណាំនៅក្បែរខគម្ពីរនីមួយៗ ជាមួយនឹងសេចក្តីសង្ខេបខាងក្រោមនៃសំណួររបស់ហាបាគុក ។

ព្រះអម្ចាស់អើយ តើទ្រង់ឮទូលបង្គំទេ ? ( ខទី ២ )
ហេតុអ្វីបានជាមានអំពើហិង្សា និងអំពើបាបជាច្រើននៅជុំវិញទូលបង្គំ ? ( ខទី ៣ )
ហេតុអ្វីបានជាមនុស្សអាក្រក់រួចខ្លួនពីអំពើអាក្រក់ច្រើនម្ល៉េះ ? ( ខទី ៤ )

ដូចជាហាបាគុកដែរ យើងក៏ប្រហែលជាមានសំណួរផងដែរ ។ សូមសរសេរសំណួរពិបាកដែលអ្នកអាចមាន ដែលអ្នកមានអារម្មណ៍ថាមិនទាន់មានចម្លើយនៅឡើយ ។

ជាការឆ្លើយតបនឹងសំណួររបស់ហាបាគុកអំពីអំពើទុច្ចរិតនៅក្នុងសង្គមរបស់លោក ព្រះអម្ចាស់បានមានបន្ទូលថា ទ្រង់នឹង « តាំងសាសន៍ខាល់ដេឡើង » ( ពួកបាប៊ីឡូន ) ដើម្បីដាក់ទោសកូនចៅនៃអ៊ីស្រាអែល ( សូមមើល ហាបាគុក ១:៦ ) ។ ហាបាគុកឆ្ងល់ថា ហេតុអ្វីបានជាព្រះអម្ចាស់នឹងអនុញ្ញាតឲ្យពួកបាប៊ីឡូនដ៏ទុច្ចរិតវាយយកដែនដីប្រជារាស្រ្តរបស់ទ្រង់បាន ( សូមមើល ហាបាគុក ១:១២–១៧ ) ។

សូមអាន ហាបាគុក ២:១–៤ ហើយរកមើលអ្វីដែលហាបាគុកបានជ្រើសរើសធ្វើ នៅពេលលោកពុះពារជាមួយនឹងសំណួររបស់លោក និងរបៀបដែលព្រះអម្ចាស់បានឆ្លើយតប ។

សូមឆ្លើយសំណួរខាងក្រោមនេះនៅក្នុងកំណត់ចំណាំនៅក្បែរខគម្ពីរទាំងនេះ ។

តើអ្នកគិតថា វាមានសភាពដូចម្តេចដើម្បី « ខំមើលទៅដើម្បីឲ្យដឹងជា [ ព្រះ ] នឹងមានបន្ទូលមក » ( ហាបាគុក ២:១ ) ?
តើវាមានសភាពដូចម្តេចដើម្បី « រស់នៅដោយសារសេចក្តីជំនឿ [ របស់យើង ] » ( ហាបាគុក ២:៤ ) ?

នៅក្នុង ហាបាគុក ៣:១៧–១៨ ហាបាគុកបានរៀបរាប់ពីហេតុការណ៍ដែលមិនចង់ឲ្យកើតឡើងជាច្រើន ដែលអាចកើតមានឡើង ។ សូមអានវគ្គបទគម្ពីរទាំងនេះ ហើយគូសសម្គាល់របៀប និងមូលហេតុដែលហាបាគុកបានឆ្លើយតប ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។

ឥឡូវត្រូវធ្វើដូចម្តេចទៀត ?

នៅចាំរូបផ្គុំពីសេចក្តីផ្ដើមទេ ? គ្រូបង្រៀនបានបន្ដថា ៖

ខ្ញុំស្រឡាញ់រូបផ្គុំនោះ ដូច្នេះជាជាងបោះវាចោល ខ្ញុំបានបិទវាជាប់គ្នានូវអ្វីដែលខ្ញុំមាន ហើយដាក់វានៅក្នុងទូររបស់ខ្ញុំ ហើយសង្ឃឹមថា នៅថ្ងៃមួយ ខ្ញុំនឹងរកឃើញបំណែកចុងក្រោយនោះ ។ ម្ភៃបួនឆ្នាំក្រោយមក ខ្ញុំបានឃើញរូបផ្គុំពេញដោយធូលីនោះ ហើយបច្ចេកវិទ្យាថ្មីបានអនុញ្ញាតឲ្យខ្ញុំរកឃើញទីតាំងបំណែកដូចគ្នាបេះបិទមួយ ហើយរកឃើញបំណែកដែលបានបាត់នោះ ។

សព្វថ្ងៃនេះរូបផ្គុំនោះព្យួរនៅលើជញ្ជាំងរបស់ខ្ញុំ មិនមែនដោយសាររូបភាពដែលវាបង្ហាញនោះទេ ប៉ុន្ដែដោយសារអ្វីដែលវាបង្រៀនខ្ញុំពីសំណួរអំពីដំណឹងល្អ ។ សូមកុំបោះចោលរូបភាពទាំងមូល ដោយសារអ្នកកំពុងបាត់បំណែកមួយ ឬពីរនៃរូបផ្គុំនេះឡើយ ។

សូមឆ្លើយសំណួរខាងក្រោមនេះ នៅជាប់នឹងសំណួរដែលអ្នកបានសរសេរពីមុន ។

តើអ្នកអាចធ្វើអ្វីបានខ្លះ ដើម្បីរក្សាសេចក្តីជំនឿលើព្រះគ្រីស្ទ ទោះបីជាអ្នកមិនមានចម្លើយចំពោះសំណួររបស់អ្នកក៏ដោយ ?

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យយល់ពីរបៀបរក្សាសេចក្ដីជំនឿទៅលើព្រះយេស៊ូវគ្រីស្ទ នៅពេលអ្នកមានសំណួរដែលហាក់ដូចជាគ្មានចម្លើយ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកបានរៀនអំពីការសួរសំណួរអំពីដំណឹងល្អ ។
អ្វីដែលអ្នកបានរៀនអំពីរបៀបដើម្បីឆ្ពោះទៅមុខដោយសេចក្ដីជំនឿលើព្រះយេស៊ូវគ្រីស្ទ នៅពេលអ្នកមានសំណួរដែលគ្មានចម្លើយជាច្រើន ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?