សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
  - មេរៀនទី ៨១
    ពង្សាវតារក្សត្រ ទី១ ១៧—« នាងក៏ទៅធ្វើតាមបង្គាប់របស់អេលីយ៉ា »
  - មេរៀនទី ៨២
    ពង្សាវតារក្សត្រ ទី១ ១៨—ការជ្រើសរើសធ្វើតាមព្រះអម្ចាស់
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ៨១ ៖ ពង្សាវតារក្សត្រ ទី១ ១៧ ៖ « នាងក៏ទៅធ្វើតាមបង្គាប់របស់អេលីយ៉ា »

Widow of Zarephath [ ស្ត្រីមេម៉ាយនៃស្រុកសារិបតា ] ដោយជេមស៍ ចនសុន

ពង្សាវតារក្សត្រ ទី១ ១២–១៣; ១៧–២២ ៖ មេរៀនទី ៨១

ពង្សាវតារក្សត្រ ទី១ ១៧

« នាងក៏ទៅធ្វើតាមបង្គាប់របស់អេលីយ៉ា »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

ព្រះវរបិតាសួគ៌ និងព្រះយេស៊ូវគ្រីស្ទប្រទានឱកាសឲ្យយើងដើម្បីអនុវត្តសេចក្តីជំនឿលើទ្រង់ទាំងទ្វេនៅគ្រាដែលជួបនឹងការលំបាកនៅក្នុងជីវិត ។ ក្នុងអំឡុងគ្រាគ្រោះរាំងស្ងួត ព្យាការីអេលីយ៉ាបានសុំស្ត្រីមេម៉ាយម្នាក់នៅក្រុងសារិបតា ឲ្យផ្តល់អាហារចុងក្រោយរបស់នាងដល់លោក ។ នៅពេលស្ត្រីមេម៉ាយបានធ្វើសកម្មភាពដោយសេចក្តីជំនឿ ព្រះអម្ចាស់បានសន្យាដល់នាងនូវពរជ័យដ៏មហិមា ។ ដូចជាស្ត្រីមេម៉ាយដែរ យើងអាចធ្វើតាមព្យាការីរបស់ព្រះ ។ មេរៀននេះមានគោលបំណងជួយអ្នកធ្វើសកម្មភាពដោយសេចក្ដីជំនឿកាន់តែខ្លាំងទៅលើព្រះវរបិតាសួគ៌ និងព្រះយេស៊ូវគ្រីស្ទ ដោយការធ្វើតាមប្រសាសន៍របស់ពួកព្យាការី ។

សិក្សាព្រះគម្ពីរ

សូមគិតអំពីការអញ្ជើញដ៏ប្រឈមដែលព្រះអម្ចាស់បានផ្តល់តាមរយៈពួកព្យាការីរបស់ទ្រង់ ។ សូមផ្គូផ្គងព្យាការីជាមួយនឹងការអញ្ជើញដែលព្រះអម្ចាស់បានប្រទានដល់ប្រជាជនរបស់ពួកលោក ៖

ព្យាការី	ការអញ្ជើញមកពីព្រះអម្ចាស់
ព្យាការី បងរបស់យ៉ារេឌ	ការអញ្ជើញមកពីព្រះអម្ចាស់ ចាកចេញពីយេរូសាឡិម ហើយចេញទៅទីរហោស្ថាន ។
ព្យាការី ម៉ូសេ	ការអញ្ជើញមកពីព្រះអម្ចាស់ ការធ្វើដំណើរទៅកាន់ភ្នំរ៉កគី ។
ព្យាការី លីហៃ	ការអញ្ជើញមកពីព្រះអម្ចាស់ ធ្វើទូកដ៏ធំដើម្បីឆ្លងមហាសមុទ្រទៅកាន់ដែនដីសន្យា ។
ព្យាការី ព្រិកហាំ យ៉ង់	ការអញ្ជើញមកពីព្រះអម្ចាស់ ដើរកាត់សមុទ្រក្រហមនៅលើដីស្ងួត ។

សូមអាន អេធើរ ២:១៦; និក្ខមនំ ១៤:២១–២២; នីហ្វៃទី១ ២:១–២ និង គោលលទ្ធិ និងសេចក្តីសញ្ញា ១៣៦:១ ដើម្បីពិនិត្យមើលចម្លើយរបស់អ្នក ។

សូមពិចារណាអំពីសេចក្តីថ្លែងការណ៍ដូចខាងក្រោមនេះ ៖

ខ្ញុំជឿថា ព្រះអម្ចាស់មានព្រះបន្ទូលតាមរយៈពួកព្យាការី ។
ខ្ញុំស្គាល់អំពីអ្វីដែលព្រះអម្ចាស់កំពុងបង្រៀនតាមរយៈព្យាការីរបស់ទ្រង់នៅសព្វថ្ងៃនេះ ។
ខ្ញុំកំពុងធ្វើតាមការបង្រៀនរបស់ព្រះអម្ចាស់ ដែលបានប្រទានមកតាមរយៈពួកព្យាការីរបស់ទ្រង់ ។

នៅពេលអ្នកសិក្សា ពង្សាវតារក្សត្រ ទី១ ១៧ សូមយកចិត្តទុកដាក់លើគំនិត និងការយល់ដឹងពីព្រះវិញ្ញាណបរិសុទ្ធ ។ សូមគិតអំពីរបៀបដែលការសិក្សារបស់អ្នកនៅថ្ងៃនេះ អាចជះឥទ្ធិពលដល់អារម្មណ៍របស់អ្នកអំពីសេចក្តីថ្លែងការណ៍ទាំងនេះ ។

នគរពីរ

ដោយសារអំពើទុច្ចរិត នគរអ៊ីស្រាអែលត្រូវបានបែងចែកជាពីរនគរគឺ អ៊ីស្រាអែល និងយូដា ( សូមមើល ពង្សាវតារក្សត្រ ទី១ ១១–១២ ) ។ ក្នុងរជ្ជកាលស្ដេចអ័ហាប់ដ៏ទុច្ចរិត ព្រះអម្ចាស់បានចាត់ព្យាការីអេលីយ៉ារបស់ទ្រង់ទៅកាន់ប្រជាជនអ៊ីស្រាអែល ។

តារាងបង្ហាញពីការកំណត់ពេលវេលានៃនគរអ៊ីស្រាអែល និងយូដា ។

ដោយប្រើព្រះចេស្តានៃព្រះ អេលីយ៉ាបានបង្អាក់ភ្លៀងមិនឲ្យធ្លាក់មកលើដែនដី ដែលបណ្តាលឲ្យមានគ្រោះរាំងស្ងួតជាច្រើនឆ្នាំ ។ ព្រះអម្ចាស់បានផ្គត់ផ្គង់តម្រូវការរបស់អេលីយ៉ា ដោយណែនាំលោកឲ្យលាក់ខ្លួនក្បែរទឹកជ្រោះ ដែលសត្វក្អែកចិញ្ចឹមគាត់ ( សូមមើល ពង្សាវតារក្សត្រ ទី១ ១៧:១–៦ ) ។

សូមអាន ពង្សាវតារក្សត្រ ទី១ ១៧:៨–១៦ ។ សូមគូសចំណាំពីរបៀបដែលអេលីយ៉ា និងស្ត្រីមេម៉ាយបានបង្ហាញសេចក្តីជំនឿលើព្រះយេស៊ូវគ្រីស្ទ ។ ប្រសិនបើមាន អ្នកអាចមើល « Elijah and the Widow of Zarephath » ចាប់ពីនាទីទី ៤:០៩ ដល់ ១០:០៦ ។

10:13

ទាំងអេលីយ៉ា និងស្រ្តីមេម៉ាយអាចចាត់ទុកថាជានិមិត្តរូបនៃព្រះយេស៊ូវគ្រីស្ទ ។ អេលីយ៉ាប្រហែលជាបានរំឭកអ្នកអំពីព្រះយេស៊ូវគ្រីស្ទនៅពេលដែលលោកបានអញ្ជើញស្ត្រីមេម៉ាយឲ្យធ្វើតាមការណែនាំរបស់លោកដើម្បីត្រូវបានសង្គ្រោះ ។ ស្ត្រីមេម៉ាយអាចរំឭកអ្នកអំពីព្រះយេស៊ូវគ្រីស្ទ គឺតាមរយៈរបៀបដែលនាងស្ម័គ្រចិត្តលះបង់អ្វីៗទាំងអស់ដែលនាងមាន ដូចដែលព្រះអង្គសង្គ្រោះបានធ្វើ ។

សូមអាន និងភ្ជាប់ ពង្សាវតាក្សត្រ ទី១ ១៧:១៤–១៦ ជាមួយ ម៉ាថាយ ១៤:១៥–២១ ដើម្បីស្វែងរករបៀបផ្សេងទៀតដែលអេលីយ៉ាជានិមិត្តរូបនៃព្រះអង្គសង្រ្គោះ ។

សូមបង្កើតកំណត់ចំណាំនៅជិតនឹង ពង្សាវតាក្សត្រ ទី១ ១៧:១៦ ហើយកត់ត្រាសេចក្តីពិតនេះ ៖ ដោយការធ្វើសកម្មភាពដោយសេចក្តីជំនឿលើព្រះបន្ទូលរបស់ព្រះអង្គសង្រ្គោះ នាំមកនូវពរជ័យដែលបានសន្យា ។

សូមឆ្លើយសំណួរខាងក្រោមនេះនៅក្នុងសៀវភៅកត់ចំណាំរបស់អ្នក ៖

តើអ្វីអាចធ្វើឲ្យមានការលំបាកក្នុងការធ្វើសកម្មភាពដោយសេចក្តីជំនឿតាមការបង្រៀនរបស់ព្រះអង្គសង្គ្រោះ ?
តើអ្នកបានដឹងអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ដែលអាចជួយអ្នកធ្វើសកម្មភាពដោយសេចក្តីជំនឿ ?

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

រចនារូបភាពនៃប្រេងក្នុងដប ម្សៅក្នុងខាប់ និងនំបុ័ងមួយដុំ

អេលីយ៉ាប្រោសកូនប្រុសរបស់ស្ត្រីមេម៉ាយម្នាក់ពីសេចក្ដីស្លាប់

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យធ្វើសកម្មភាពដោយសេចក្ដីជំនឿកាន់តែខ្លាំងទៅលើព្រះវរបិតាសួគ៌ និងព្រះយេស៊ូវគ្រីស្ទ ដោយការធ្វើតាមប្រសាសន៍របស់ពួកព្យាការី ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

រូបគំនូរ និងបញ្ជីដែលអ្នកបានធ្វើពីអ្វីដែលពួកព្យាការីរបស់ព្រះអម្ចាស់កំពុងស្នើសុំឲ្យអ្នកធ្វើនៅសព្វថ្ងៃនេះ ។
សារខ្លីនៃការលើកទឹកចិត្តដែលអ្នកបានសរសេរ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?