លោកុប្បត្តិ ៣៧–៤១; មេរៀនទី ៣៣
លោកុប្បត្តិ ៣៧–៤១
« ហើយព្រះអម្ចាស់ក៏គង់នៅជាមួយនឹងយ៉ូសែប »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
តើអ្នកធ្លាប់មានអារម្មណ៍ថា ស្ថានភាពរបស់អ្នកកាន់តែអាក្រក់ឡើងៗដែរឬទេ ? យ៉ូសែបត្រូវបានលក់ជាទាសករ ទទួលការចោទប្រកាន់ក្លែងក្លាយ និងជាប់គុកអស់រយៈពេលជាច្រើនឆ្នាំ ដោយសារស្នាដៃរបស់ពួកបងប្រុសរបស់លោក ។ ប៉ុន្តែយ៉ូសែបបានរស់នៅដោយសុចរិត និងអនុវត្តសេចក្តីជំនឿលើព្រះ ។ ជាលទ្ធផល ព្រះអម្ចាស់បានប្រទានពរ និងជួយលោកឲ្យឆ្លងកាត់ការសាកល្បងរបស់លោក ។ មេរៀននេះអាចជួយអ្នកឲ្យមានសេចក្តីសង្ឃឹមថា ព្រះអាចប្រើការសាកល្បងអ្វីក៏ដោយដែលអ្នកប្រឈមមុខ ដើម្បីប្រទានពរដល់ជីវិតរបស់អ្នក ។
សិក្សាព្រះគម្ពីរ
រឿងនិទាននេះគឺនិទានអំពីសត្វលាមួយក្បាល ដែលបានធ្លាក់ចូលទៅក្នុងរណ្តៅ ។ ពេលព្យាយាមជួយសង្គ្រោះសត្វលាដែលកំពុងភ័យខ្លាច និងជាប់អន្ទាក់ នោះម្ចាស់រូបនេះបានចាប់ផ្តើមកាយដីចូលទៅក្នុងរណ្តៅ ។ ដីមួយប៉ែលៗបានធ្លាក់ពេញលើខ្នងសត្វលា ដែលធ្វើឲ្យវាស្រែកយំ ។ សត្វលានោះបានរលាស់ដីឲ្យធ្លាក់ចេញពីខ្នងរបស់វា ដែលធ្វើឲ្យដីធ្លាក់គរនៅខាងក្រោម ។ សត្វលានោះបានរលាស់ដីចេញម្តងហើយម្ដងទៀត ហើយឈានជើងជាន់លើពំនូកដីដែលកំពុងគរខ្ពស់ទៅៗ រហូតទាល់តែសត្វលានោះបានឡើងខ្ពស់ល្មមដើម្បីចេញពីរណ្តៅបាននៅទីបំផុត ។
-
តើដីក្នុងប៉ែលទាំងនោះអាចតំណាងឲ្យអ្វីខ្លះក្នុងជីវិតរបស់យើង ?
-
ហេតុអ្វីបានជាវាអាចពិបាកដើម្បីចងចាំព្រះអម្ចាស់ នៅពេលអ្នកប្រឈមមុខនឹងឧបសគ្គ ?
-
តាមទស្សនវិស័យដ៏អស់កល្បជានិច្ចមួយ តើព្រះវរបិតាសួគ៌អាចប្រើឧបសគ្គរបស់អ្នកដើម្បីប្រទានពរដល់ជីវិតរបស់អ្នកបានដោយរបៀបណា ?
នៅពេលអ្នកសិក្សាអំពីជីវិតរបស់យ៉ូសែបនៅថ្ងៃនេះ សូមស្វែងរកវិវរណៈមកពីព្រះវិញ្ញាណបរិសុទ្ធ ដើម្បីផ្តល់ឲ្យអ្នកនូវសេចក្តីសង្ឃឹមថា ព្រះវរបិតាសួគ៌ និងព្រះយេស៊ូវគ្រីស្ទអាចបង្វែរការសាកល្បងដ៏លំបាក ទៅជាពរជ័យនៅក្នុងជីវិតរបស់អ្នកបាន ។
ដើម្បីរំឭកដំណើររឿងរបស់យ៉ូសែបឡើងវិញ សូមអានចំណងជើងជំពូកទាំងនេះក្នុង លោកុប្បត្តិ ៣៧, ៣៩, ៤០ និង ៤១ ។ សូមផ្គូផ្គងចំណងជើងជំពូកនេះ ទៅនឹងរូបភាពនីមួយៗនៅខាងក្រោម ។ ប្រសិនបើមាន អ្នកអាចមើលវីដេអូនេះ « Joseph’s Inspired Dreams » ( ២:១៨ ) និង « Joseph in Egypt » ( ២:៥១ ) ។
សូមអានខគម្ពីរខាងក្រោម ហើយរកមើលរបៀបដែលព្រះអម្ចាស់បានជួយដល់យ៉ូសែប ក្នុងអំឡុងពេលនៃការសាកល្បងរបស់លោក ។
-
លោកុប្បត្តិ ៣៩:១–៦
-
លោកុប្បត្តិ ៣៩:២០–២៣
-
តើអ្នកគិតថា ហេតុអ្វីបានជាយ៉ូសែបត្រូវរង់ចាំជាច្រើនឆ្នាំ ដើម្បីទទួលបានពរជ័យដែលលោកបានស្វែងរក ?
-
តើព្រះវរបិតាសួគ៌ និងព្រះយេស៊ូវគ្រីស្ទ អាចជួយយើងតាមរបៀបស្រដៀងគ្នានេះបានយ៉ាងដូចម្ដេច នៅពេលយើងឆ្លងកាត់គ្រាលំបាកៗ ?
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។
ជម្រើស ក
តើការសាកល្បងទាំងឡាយរបស់ខ្ញុំអាចជាពរជ័យបានយ៉ាងដូចម្ដេច ?
-
តើព្រះអម្ចាស់បានប្រទានពរដល់យ៉ូសែប និងអ្នកដទៃ តាមរយៈការសាកល្បងរបស់លោកយ៉ាងដូចម្ដេច ?
-
តើការសាកល្បងអាចជួយពង្រឹងទំនាក់ទំនងរបស់អ្នកជាមួយនឹងព្រះវរបិតាសួគ៌ និងព្រះយេស៊ូវគ្រីស្ទបានដោយរបៀបណា ?
-
រ៉ូម ៨:២៨
សូមអានសម្រង់សម្ដីដូចតទៅនេះដោយអែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់ ។
ខ្ញុំសូមធ្វើជាសាក្សីថា ទោះជាពេលខ្លះយើងមានអារម្មណ៍ថាដូចជាត្រូវបានកប់យ៉ាងជ្រៅដោយការសាកល្បងក្នុងជីវិត ឬហ៊ុមព័ទ្ធដោយសេចក្ដីងងឹតខាងផ្លូវចិត្តយ៉ាងណាក្ដី ក៏សេចក្ដីស្រឡាញ់របស់ព្រះ និងពរជ័យនៃដំណឹងល្អរបស់ព្រះយេស៊ូវគ្រីស្ទដែលបានស្ដារឡើងវិញ នឹងនាំឲ្យកើតនូវរឿងមួយដែលនឹកស្មានមិនដល់ដែរ ។ ( « God Will Do Something Unimaginable » Liahona ខែវិច្ឆិកា ឆ្នាំ២០២០ ទំព័រ៥២ )
-
តើអ្នកគិតថា យ៉ូសែបអាចនឹងចង់ឲ្យអ្នកដឹងអ្វីខ្លះអំពីព្រះអម្ចាស់ បន្ទាប់ពីបទពិសោធន៍ដែលលោកបានឆ្លងកាត់ទាំងនោះ ?
ជម្រើស ខ
តើព្រះអាចជួយខ្ញុំឲ្យយកឈ្នះលើអារម្មណ៍ស្អប់ ឬច្រណែនបានដោយរបៀបណា ?
សូមមើលវីដេអូ « The Laborers in the Vineyard » ហើយស្ដាប់អ្វីដែលប្រធាន ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ បានបង្រៀនអំពីសេចក្ដីស្អប់ និងសេចក្ដីច្រណែន ។
វានឹងមានពេលខ្លះនៅក្នុងជីវិតរបស់យើង នៅពេលដែលមាននរណាម្នាក់ទៀតទទួលបានពរជ័យដែលមិនបានស្មានទុកមុន ឬទទួលបានការទទួលស្គាល់ជាពិសេសខ្លះ ។ តើខ្ញុំអាចសុំអង្វរយើងកុំឲ្យឈឺចាប់បានទេ—ហើយពិតណាស់សូមកុំមានចិត្តច្រណែន—នៅពេលដែលពរជ័យបានឲ្យទៅអ្នកផ្សេង ? យើងមិនបានអន់ថយនោះទេ នៅពេលអ្នកផ្សេងទទួលបានពរជ័យបន្ថែមនោះ ។ យើងពុំស្ថិតនៅក្នុងការប្រណាំងប្រជែងគ្នា ដើម្បីនឹងមើលឃើញថា តើនរណាមានជាងគេ ឬមានទេពកោសល្យជាងគេបំផុត ឬស្អាតជាងគេបំផុត ឬបានពរជ័យជាងគេបំផុតនោះឡើយ ។ ការប្រកួតដែលយើងពិតកំពុងធ្វើនោះគឺជាការប្រកួតទាស់នឹងអំពើបាប ហើយប្រាកដណាស់ ការច្រណែនគឺជាអំពើបាបមួយធំជាងគេបំផុតក្នុងចំណោមអំពើបាបទាំងនោះ ។ ( « The Laborers in the Vineyard » Liahona ខែឧសភា ឆ្នាំ២០១២ ទំព័រ៣១ )
សូមចំណាយពេលមួយសន្ទុះ ដើម្បីប្រៀបធៀបពួកបងៗរបស់យ៉ូសែបនៃស្រុកអេស៊ីព្ទ ជាមួយនឹងហៃរុម ដែលជាបងប្រុសរបស់ យ៉ូសែប ស្ម៊ីធ និងសាំ ដែលជាបងប្រុសរបស់នីហ្វៃ ។ ហៃរុម និងសាំ ជាបងប្រុសដែលលំទោនធ្វើតាមការណែនាំរបស់ប្អូនប្រុសរបស់ពួកគាត់ ។
-
នីហ្វៃទី២ ៥:៦ ( សាំ )
-
គោលលទ្ធិ និងសេចក្ដីសញ្ញា ១២៤:១៥ ( ហៃរុម )
ដោយប្រើឈ្មោះរបស់សាំ ឬហៃរុម សូមតែងកំណាព្យមួយដែលមាននូវគុណលក្ខណៈដូចជាព្រះគ្រីស្ទ និងរបៀបដែលព្រះគ្រីស្ទអាចជួយអ្នកឲ្យយកឈ្នះលើអារម្មណ៍ទាំងនោះបាន ។ ជួរនីមួយៗនៃកំណាព្យនេះចាប់ផ្ដើមដោយអក្សរមួយ ដែលពេលអានចុះក្រោម នឹងត្រូវគ្នាជាមួយឈ្មោះដែលអ្នកបានជ្រើសរើស ។ សូមប្រើអ្វីដែលអ្នកបានរៀនមកពីសាំ ហៃរុម និងប្រធាន ហូឡិន ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យមានសេចក្តីសង្ឃឹមថា ព្រះអាចប្រើការសាកល្បងអ្វីក៏ដោយដែលអ្នកប្រឈមមុខ ដើម្បីប្រទានពរដល់ជីវិតរបស់អ្នក ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
អ្វីដែលអ្នកគិតថា យ៉ូសែបនៃស្រុកអេស៊ីព្ទអាចនឹងចង់ឲ្យអ្នកដឹងអំពីព្រះអម្ចាស់ បន្ទាប់ពីបទពិសោធន៍ដែលលោកបានឆ្លងកាត់ទាំងនោះ ។
-
កំណាព្យដែលមានគុណលក្ខណៈដូចជាព្រះគ្រីស្ទ និងរបៀបដែលព្រះអង្គសង្គ្រោះអាចជួយអ្នកឲ្យយកឈ្នះលើសេចក្ដីស្អប់ និងសេចក្ដីច្រណែន ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។