« លោកុប្បត្តិ ១:២៨–៣១; ២:១–២៥—‹ គ្រួសារជាផ្នែកដ៏សំខាន់មួយនៅក្នុងផែនការរបស់ព្រះដ៏បង្កបង្កើត › » សៀវភៅសិក្សាព្រះគម្ពីរសញ្ញាចាស់សម្រាប់សិស្សថ្នាក់សិក្ខាសាលា ( ឆ្នាំ២០២៦ )
លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ មេរៀនទី ៩
លោកុប្បត្ដិ ១:២៨–៣១; ២:១–២៥
« គ្រួសារជាផ្នែកដ៏សំខាន់មួយនៅក្នុងផែនការរបស់ព្រះដ៏បង្កបង្កើត »
សូមមើល « ការសិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
បន្ទាប់ពីការបង្កបង្កើតលោកអ័ដាម និងនាងអេវ៉ា ព្រះវរបិតាសួគ៌បានរៀបអាពាហ៍ពិពាហ៍ឲ្យពួកលោក ។ ទ្រង់បានដាក់បញ្ញត្តិឲ្យពួកលោកបង្កើតកូនឲ្យចម្រើនជាច្រើនឡើងឲ្យបាននៅពេញពាសលើផែនដី ហើយឲ្យនៅជាប់នឹងគ្នាទៅវិញទៅមក ។ មេរៀននេះអាចជួយអ្នកឲ្យយល់អំពីតួនាទីដ៏សំខាន់នៃអាពាហ៍ពិពាហ៍ និងគ្រួសារនៅក្នុងផែនការរបស់ព្រះវរបិតាសួគ៌ ។
សិក្សាព្រះគម្ពីរ
តើអ្នកនឹងបំពេញសេចក្ដីថ្លែងការណ៍ខាងក្រោមនេះយ៉ាងដូចម្ដេច ?
-
ជាចំនុចសំខាន់នៃភាពជោគជ័យនៅសាលាពីព្រោះ ។
-
ជាចំនុចសំខាន់នៃសុភមង្គលក្នុងជីវិតពីព្រោះ ។
-
ដើរតួនាទីយ៉ាងសំខាន់ក្នុងជីវិតរបស់ខ្ញុំ ពីព្រោះ ។
ឥឡូវនេះ សូមអានកថាខណ្ឌដំបូងនៃ « ក្រុមគ្រួសារ ៖ ការប្រកាសដល់ពិភពលោក » ហើយបំពេញចន្លោះខាងក្រោមនេះ ។
-
គឺសំខាន់ចំពោះ ។
យើងជាគណៈប្រធានទីមួយ និងក្រុមប្រឹក្សានៃពួកសាវកដប់ពីរនាក់នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ សូមប្រកាសជាឱឡារិកថា អាពាហ៍ពិពាហ៍រវាងបុរស និងស្ត្រី គឺត្រូវបានតែងតាំងឡើងដោយព្រះ ហើយថាគ្រួសារជាផ្នែកដ៏សំខាន់មួយនៅក្នុងផែនការរបស់ព្រះដ៏បង្កបង្កើតសម្រាប់គោលដៅដ៏នៅអស់កល្បជានិច្ចនៃកូនចៅរបស់ទ្រង់ ។ ( « ក្រុមគ្រួសារ ៖ ការប្រកាសដល់ពិភពលោក » នៅលើបណ្ណាល័យដំណឹងល្អ )
តើអ្នកគិតថា ហេតុអ្វីបានជាអាពាហ៍ពិពាហ៍ និងគ្រួសារដើរតួនាទីដ៏សំខាន់បែបនេះនៅក្នុងផែនការនៃសេចក្តីសង្គ្រោះរបស់ព្រះវរបិតាសួគ៌ ? តើអ្នកអាចមើលឃើញសាតាំងកំពុងព្យាយាមវាយប្រហារលើអាពាហ៍ពិពាហ៍ និងក្រុមគ្រួសារនៅជំនាន់របស់យើងតាមរបៀបណាខ្លះ ?
ព្យាការីរបស់ព្រះតែងបង្រៀនពីគំនិតដ៏ឧត្តមសម្រាប់ជីវិតគ្រួសារជានិច្ច ។ ការណ៍នេះរួមបញ្ចូលទាំងឪពុក និងម្តាយដែលដឹកនាំគ្រួសារស្របតាមគោលការណ៍នៃដំណឹងល្អ ។ ទោះជាយ៉ាងណាក៏ដោយ នៅក្នុងជីវិតរមែងស្លាប់ ជាញឹកញាប់កាលៈទេសៈធ្វើឲ្យការរស់នៅតាមគំនិតដ៏ឧត្តមនេះមិនអាចទៅរួចទេ ។ ក្បួនខ្នាតទូទៅ បង្រៀនថា ៖
ការសន្យានៃជីវិតដ៏នៅអស់កល្បជានិច្ចរបស់ព្រះរួមមាន អាពាហ៍ពិពាហ៍ដ៏នៅអស់កល្បជានិច្ច កូនចៅ និងពរជ័យទាំងអស់ផ្សេងទៀតនៃគ្រួសារដ៏នៅអស់កល្បជានិច្ចមួយ ។ ការសន្យានេះអនុវត្តចំពោះអស់អ្នកដែលមិនទាន់បានរៀបការនៅពេលបច្ចុប្បន្ននេះ ឬមិនមានគ្រួសារនៅក្នុងសាសនាចក្រ ។ ពរជ័យទាំងនេះប្រាកដជាមានដល់អស់អ្នកដែលខិតខំខ្នះខ្នែងរស់នៅជាសិស្សរបស់ព្រះយេស៊ូវគ្រីស្ទ ។ ( ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ២.១ នៅលើបណ្ណាល័យដំណឹងល្អ )
សូមសិក្សាវគ្គបទគម្ពីរខាងក្រោមនេះអំពីតួនាទីដ៏សំខាន់នៃអាពាហ៍ពិពាហ៍ និងគ្រួសារនៅក្នុងផែនការរបស់ព្រះ ។ សូមដាក់ស្លាកវគ្គបទគម្ពីរទាំងអស់ ឬផ្នែកមួយនៃវគ្គបទគម្ពីរនេះថា « អាពាហ៍ពិពាហ៍ » ។ កាលអ្នកសម្គាល់ឃើញសេចក្ដីពិតផ្សេងទៀត សូមពិចារណាបន្ថែមស្លាកដូចជា « ការបង្កបង្កើត » ឬ « កូនចៅ » ។
ការយល់ពីពាក្យពិបាកៗ ។ ការពន្យល់ខាងក្រោមនេះអាចមានប្រយោជន៍ នៅពេលអ្នកសិក្សា ៖
-
ឃ្លា ជាជំនួយសម្រាប់ជួយ នៅក្នុង លោកុប្បត្តិ ២:១៨ សំដៅទៅលើ « អ្នកជួយដែលសមត្រូវនឹង ស័ក្ដិសមនឹង ឬចុះសម្រុងនឹង » អ័ដាម ( សូមមើល footnote 18b ) ។
-
ដំណើររឿងរបស់ព្រះដែលបង្កើតនាងអេវ៉ាពីឆ្អឹងជំនីរបស់លោកអ័ដាមនៅក្នុង លោកុប្បត្តិ ២:២១–២២ គឺជានិមិត្តរូប ហើយវាតំណាងឲ្យភាពជាដៃគូស្មើភាពគ្នារវាងស្វាមី និងភរិយា ( សូមមើល រ័សុល អិម ណិលសុន « Lessons from Eve » Ensign ខែវិច្ឆិកា ឆ្នាំ១៩៨៧ ទំព័រ៨៧ )
-
លោកុប្បត្តិ ១:២៧–២៨ ( ព្រះបញ្ញត្តិរបស់ព្រះទៅកាន់អ័ដាម និងនាងអេវ៉ាឲ្យបង្កើតកូនឲ្យចម្រើនជាច្រើនឡើង ឲ្យមានពេញពាសលើផែនដី )
-
លោកុប្បត្តិ ២:១៨, ២១–២៣ ( ការបង្កបង្កើតនាងអេវ៉ា )
-
លោកុប្បត្តិ ២:២៤ ( ព្រះបញ្ញត្តិដើម្បីឲ្យលោកអ័ដាម និងនាងអេវ៉ាជាសាច់តែមួយសុទ្ធ )
-
គោលលទ្ធិ និងសេចក្ដីសញ្ញា ៤៩:១៥–១៧ ( វិវរណៈដល់យ៉ូសែប ស្ម៊ីធ អំពីសារៈសំខាន់នៃអាពាហ៍ពិពាហ៍ )
លោកុប្បត្តិ ២:២៤ គឺជាវគ្គបទគម្ពីរចំណេះចំណានខាងគោលលទ្ធិ ។ សូមពិចារណាដាក់ស្លាកវគ្គបទគម្ពីរចំណេះចំណានខាងគោលលទ្ធិ ជាមួយនឹងប្រធានបទដែលវាបង្រៀន ដើម្បីអ្នកអាចងាយនឹងរកវាឃើញនៅពេលក្រោយ ។ សូមទន្ទេញឲ្យចាំនូវសេចក្ដីយោង និងឃ្លាបទគម្ពីរគន្លឹះ « មនុស្សប្រុសនឹង … ទៅនៅជាប់នឹងប្រពន្ធវិញ ហើយអ្នកទាំង២នោះនឹងត្រឡប់ជាសាច់តែ១សុទ្ធ » ។ ដើម្បីទន្ទេញសេចក្ដីយោងឲ្យចាំ សូមគូររូបតំណាងសម្រាប់ពាក្យ ឬឃ្លានីមួយៗ ។ បន្ទាប់មក សូមប្រើរូបតំណាងទាំងឡាយដើម្បីហាត់ទន្ទេញវគ្គបទគម្ពីរនេះ ។
ប្រសិនបើមាន អ្នកអាចមើលវីដេអូ « Renaissance of Marriage » ( ២:៣៦ ) ដើម្បីជួយអ្នកឲ្យយល់ពីគោលលទ្ធិនៃអាពាហ៍ពិពាហ៍បានកាន់តែច្បាស់ ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមបំពេញជម្រើសមួយ ឬច្រើន ។
ជម្រើស ក
តើខ្ញុំអាចពន្យល់ពីតម្លៃនៃអាពាហ៍ពិពាហ៍ និងគ្រួសារតាមរបៀបណា ?
នៅក្នុងថ្នាក់មួយនៅសាលារបស់អេលីសាបិត មានការពិភាក្សាមួយអំពីអាពាហ៍ពិពាហ៍ និងគ្រួសារ ។ អេលីសាបិតបានចែកចាយទស្សនៈខ្លះៗរបស់នាងអំពីអាពាហ៍ពិពាហ៍រវាងបុរស និងស្ត្រី និងសារៈសំខាន់នៃគូស្វាមីភរិយាដែលមានកូន ។ មិត្តរួមថ្នាក់របស់អេលីសាបិតជាច្រើននាក់បានចែកចាយយោបល់ដែលខុសពីនាង ។ បន្ទាប់ពីថ្នាក់រៀនចប់ទៅ មិត្តរួមថ្នាក់ម្នាក់មកជួបនាង ។ នាងនិយាយថា « ខ្ញុំមិនចង់ឈ្លើយដាក់ឯងទេ ។ ប៉ុន្ដែនិយាយឲ្យមែនទែនទៅ តើឯងមិនគិតថា ទស្សនៈរបស់ឯងអំពីអាពាហ៍ពិពាហ៍រាងហួសសម័យបន្ដិចហើយទេឬ ? »
ដោយប្រើអ្វីដែលអ្នកបានរៀននៅថ្ងៃនេះ សូមសរសេរចម្លើយនៅក្នុងសៀវភៅកត់ចំណាំរបស់អ្នក ដែលអេលីសាបិតអាចចែកចាយជាមួយមិត្តរួមថ្នាក់របស់នាង ។ សូមបញ្ចូលសេចក្តីដូចខាងក្រោមនេះនៅក្នុងចម្លើយរបស់អ្នក ៖
-
ការពន្យល់មួយអំពីមូលហេតុដែលអាពាហ៍ពិពាហ៍ និងគ្រួសារមានសារៈសំខាន់ចំពោះព្រះវរបិតាសួគ៌ និងផែនការនៃសេចក្តីសង្គ្រោះរបស់ទ្រង់
-
ការបង្រៀនមួយ ឬច្រើនមកពីព្រះគម្ពីរ ឬពីថ្នាក់ដឹកនាំសាសនាចក្រ
ជម្រើស ខ
ហេតុអ្វីបានជាអាពាហ៍ពិពាហ៍ និងគ្រួសារគឺជារឿងសំខាន់នៅក្នុងផែនការរបស់ព្រះ ?
សូមស្រមៃថា ប៊ីស្សព ឬប្រធានសាខារបស់អ្នកបានស្នើឲ្យអ្នកឡើងនិយាយអំពីប្រធានបទ « ហេតុអ្វីបានជាអាពាហ៍ពិពាហ៍ និងគ្រួសារគឺជារឿងសំខាន់នៅក្នុងផែនការរបស់ព្រះ » ។
សូមសរសេរសុន្ទរកថានៅក្នុងសៀវភៅកត់ចំណាំរបស់អ្នក ដោយប្រើខគម្ពីរដែលអ្នកបានសិក្សានៅថ្ងៃនេះ ។
បន្ថែមពីលើបទគម្ពីរ សូមពិចារណាពីការបង្រៀនមកពីព្យាការីសម័យទំនើប ។ ឧទាហរណ៍ ប្រធាន រ័សុល អិម ណិលសុន បានបង្រៀន ៖
ដោយសារតែទំហំដ៏ធំរបស់វា នោះភពផែនដីគឺជាផ្នែកមួយនៃកិច្ចការដែលកាន់តែមហិមាជាងទំហំរបស់វាទៅទៀត—នោះគឺជាផែនការដ៏មហិមារបស់ព្រះ ។ សរុបសេចក្តីយ៉ាងសាមញ្ញមក ផែនដីនេះត្រូវបានបង្កើតឡើង ដើម្បីឲ្យមានក្រុមគ្រួសារអាចរស់នៅបាន ។ ព្រះគម្ពីរពន្យល់ថា ស្វាមី និងភរិយា « នឹងត្រឡប់ជាសាច់តែមួយ ហើយគ្រប់ទាំងអស់នេះ ដើម្បីឲ្យផែនដីអាចបំពេញគោលបំណងនៃការបង្កបង្កើត » [ គោលលទ្ធិ និងសេចក្តីសញ្ញា ៤៩:១៦ ] ។ ( « The Creation » Ensign ខែឧសភា ឆ្នាំ២០០០ ទំព័រ៨៥ )
អ្នកអាចស្វែងរកបទគម្ពីរ ឬសម្រង់សម្ដីផ្សេងទៀតអំពីគ្រួសារនៅក្នុងបណ្ណាល័យដំណឹងល្អ ឬនៅក្នុងលិបិក្រម topical guide ឬលេខយោងរបស់អ្នកបាន ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យយល់ពីតួនាទីដ៏សំខាន់នៃអាពាហ៍ពិពាហ៍ និងគ្រួសារនៅក្នុងផែនការរបស់ព្រះវរបិតាសួគ៌ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ការឆ្លើយតបរបស់អ្នកចំពោះករណីសិក្សាអំពីអេលីសាបិត ។
-
សុន្ទរកថាដែលអ្នកបានសរសេរ ( អ្នកអាចចែកចាយកំណែជាលាយលក្ខណ៍អក្សរ ឬជាការថតសំឡេង ឬវីដេអូបាន ) ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?