សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

លោកុប្បត្តិ ១:២៦–២៧—« ទ្រង់ក៏បង្កើតមនុស្សឲ្យដូចរូបអង្គទ្រង់ »

« លោកុប្បត្តិ ១:២៦–២៧—‹ ទ្រង់ក៏បង្កើតមនុស្សឲ្យដូចរូបអង្គទ្រង់ › » សៀវភៅសិក្សាព្រះគម្ពីរសញ្ញាចាស់សម្រាប់សិស្សថ្នាក់សិក្ខាសាលា ( ឆ្នាំ២០២៦ )

លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ មេរៀនទី ៨

លោកុប្បត្តិ ១:២៦–២៧

« ទ្រង់ក៏បង្កើតមនុស្សឲ្យដូចរូបអង្គទ្រង់ »

សូមមើល « ការសិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

តើវាមានន័យដូចម្តេច ដែលថាអ្នកត្រូវបានបង្កើតឲ្យដូចរូបអង្គព្រះ ? តើការដឹងពីសេចក្ដីពិតនេះអាចផ្លាស់ប្ដូររបៀបដែលអ្នកមើលទៅខ្លួនឯងយ៉ាងដូចម្ដេច ? ការបង្កបង្កើតមនុស្សប្រុស និងមនុស្សស្រីរបស់ព្រះបង្រៀនថា មនុស្សគ្រប់រូបនៅលើផែនដីគឺជាបុត្រី ឬបុត្រាសំណព្វរបស់ព្រះមាតាបិតាសួគ៌ ។ ពួកយើងម្នាក់ៗមាននិស្ស័យនៃព្រះ និងជោគវាសនាដ៏ទេវភាព ។ មេរៀននេះអាចជួយអ្នកឲ្យស្គាល់ពីសារៈសំខាន់នៃអត្តសញ្ញាណ និងសក្ដានុពលរបស់អ្នកក្នុងនាមជាបុត្ររបស់ព្រះមាតាបិតាសួគ៌ ។

សិក្សាព្រះគម្ពីរ

នៅក្នុងសៀវភៅកត់ចំណាំ សូមសរសេរអត្តសញ្ញាណ ឬងារណាមួយដែលអ្នកកំពុងមាននាពេលបច្ចុប្បន្ន ឬធ្លាប់មាន ។ ការណ៍ទាំងនេះអាចរួមមានទាំង « មិត្តភក្ដិ » « សិស្ស » ឬការហៅបម្រើផងដែរ ។ សូមជញ្ជឹងគិតពីរបៀបដែលអត្តសញ្ញាណទាំងនេះអាចមានឥទ្ធិពលលើជម្រើសដែលអ្នកជ្រើសរើស ។

ប្រធាន រ័សុល អិម ណិលសុន បានពន្យល់ថា តើរបៀបដែលយើងដាក់ស្លាកសម្គាល់ខ្លួនឯងអាចជះឥទ្ធិពលលើយើងបែបណាខ្លះ ។

31:24

ស្លាកទាំងឡាយអាចមានភាពរីករាយ ហើយប្រាប់ពីការគាំទ្ររបស់ក្មួយៗចំពោះរឿងវិជ្ជមានជាច្រើន ។ ស្លាកជាច្រើននឹងផ្លាស់ប្ដូរសម្រាប់ក្មួយៗ កាលពេលវេលាកន្លងទៅ ។ ហើយពុំមែនស្លាកទាំងអស់សុទ្ធតែមានតម្លៃស្មើគ្នានោះទេ ។ ប៉ុន្តែបើមានស្លាកណាមួយជំនួសឲ្យអត្តសញ្ញាណដ៏សំខាន់បំផុតរបស់ក្មួយៗ នោះលទ្ធផលអាចជាគ្រោះថ្នាក់ខាងវិញ្ញាណ ។ ( « ការជ្រើសរើសដែលជះឥទ្ធិពលលើភាពអស់កល្បជានិច្ច » [ ការប្រជុំធម្មនិដ្ឋានទូទាំងពិភពលោកសម្រាប់យុវមជ្ឈិមវ័យ ថ្ងៃទី១៥ ខែឧសភា ឆ្នាំ២០២២ ] នៅលើបណ្ណាល័យដំណឹងល្អ )

សូមអាន លោកុប្បត្តិ ១:២៦–២៧ និងសេចក្ដីថ្លែងការណ៍ខាងក្រោមនេះមកពីកថាខណ្ឌទីពីរនៅក្នុង « ក្រុមគ្រួសារ ៖ ការប្រកាសដល់ពិភពលោក » ។ អ្នកអាចភ្ជាប់សេចក្ដីយោងទាំងនេះជាមួយគ្នាបាន ។

មនុស្សទាំងអស់—ទាំងប្រុសទាំងស្រី—ត្រូវបានបង្កើតឡើងតាមរូបភាពនៃព្រះ ។ មនុស្សម្នាក់ៗសុទ្ធតែជាបុត្រា និងបុត្រីខាងវិញ្ញាណរបស់ព្រះមាតាបិតាសួគ៌ ដូច្នេះហើយមនុស្សម្នាក់ៗមានចរិត និងគោលដៅនៃព្រះ ។ ភេទប្រុសស្រីគឺជាលក្ខណៈពិសេសនៃអត្តសញ្ញាណ និងគោលបំណងរបស់បុគ្គលម្នាក់ៗនៅជីវិតមុនផែនដី ជីវិតរមែងស្លាប់ និងនៅអស់កល្បជានិច្ច ។ ( « ក្រុមគ្រួសារ ៖ ការប្រកាសដល់ពិភពលោក » នៅលើបណ្ណាល័យដំណឹងល្អ )

សូមធ្វើការកត់ចំណាំមួយនៅជាប់នឹង លោកុប្បត្តិ ១:២៦–២៧ ជាមួយនឹងចម្លើយរបស់អ្នកចំពោះសំណួរខាងក្រោមនេះ ៖

តើអ្នកគិតថា ហេតុអ្វីបានជាវានឹងមានសារៈសំខាន់ក្នុងការដាក់អត្តសញ្ញាណរបស់អ្នកជាបុត្ររបស់ព្រះ លើសពីអត្តសញ្ញាណផ្សេងទៀតដែលអ្នកមាន ?
តើមានឧបសគ្គអ្វីខ្លះដែលអាចធ្វើឲ្យពិបាកក្នុងការជឿ ឬចងចាំអត្តសញ្ញាណរបស់អ្នកថាជាបុត្ររបស់ព្រះ ដែលបានបង្កើតឲ្យដូចរូបអង្គទ្រង់ ?

នៅក្នុងកំណត់ចំណាំរបស់អ្នក អ្នកក៏អាចសរសេរសេចក្ដីពិតនេះបានផងដែរ យើងជាបុត្រាបុត្រីរបស់ព្រះមាតាបិតាសួគ៌ ហើយត្រូវបានបង្កើតឲ្យដូចរូបទ្រង់ទាំងទ្វេ ។ ងារជាច្រើនដែលអ្នកបានបន្ថែមទៅក្នុងបញ្ជីរបស់អ្នកនៅដើមមេរៀននេះ អាចជារឿងវិជ្ជមាន ឬសប្បាយរីករាយ ។ ប៉ុន្តែអត្តសញ្ញាណដ៏សំខាន់បំផុតរបស់អ្នកគឺ « កូនរបស់ព្រះ » ។

លោកុប្បត្តិ ១:២៦–២៧ គឺជាវគ្គបទគម្ពីរចំណេះចំណានខាងគោលលទ្ធិមួយ ។ សូមពិចារណាដាក់ស្លាកវគ្គបទគម្ពីរទាំងនេះជាមួយនឹងប្រធានបទដែលវាបង្រៀន ដើម្បីអ្នកអាចរកវាឃើញនៅពេលក្រោយ ។ ដើម្បីទន្ទេញវគ្គបទគម្ពីរនេះឲ្យចាំ អ្នកអាចសរសេរ លោកុប្បត្តិ ១:២៦–២៧ ជាមួយនឹងឃ្លាបទគម្ពីរគន្លឹះ « ទ្រង់ក៏បង្កើតមនុស្សឲ្យដូចរូបអង្គទ្រង់ » នៅលើកាតចំណាំ ឬក្រដាសស្អិត ហើយដាក់វានៅកន្លែងណាមួយដែលអ្នកនឹងមើលឃើញវាពេញមួយថ្ងៃ ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមបំពេញជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកយល់អំពីសារៈសំខាន់នៃអត្តសញ្ញាណ និងសក្តានុពលរបស់អ្នក ក្នុងនាមជាបុត្រនៃព្រះមាតាបិតាសួគ៌ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកបានរៀនអំពីអត្តសញ្ញាណដ៏ទេវភាពរបស់អ្នកក្នុងនាមជាបុត្ររបស់ព្រះ និងរបៀបដែលវាមានឥទ្ធិពលទៅលើរបៀបដែលអ្នកមានអារម្មណ៍អំពីខ្លួនឯង និងអ្នកដទៃ ។
គំនិត និងអារម្មណ៍ដែលអ្នកមានអំពីសក្តានុពលដ៏ទេវភាពរបស់អ្នក ដើម្បីក្លាយដូចជាព្រះវរបិតាសួគ៌ និងព្រះយេស៊ូវគ្រីស្ទ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?