Pasko ng Pagkabuhay: Pag-asa at Kapayapaan sa pamamagitan ng Tagapagligtas at ng Kanyang Pagbabayad-sala

Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
  - Pasko ng Pagkabuhay: Buod
  - Lesson sa Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

“Pasko ng Pagkabuhay: Pag-asa at Kapayapaan sa pamamagitan ng Tagapagligtas at ng Kanyang Pagbabayad-sala,” Manwal ng Guro ng Seminary para sa Lumang Tipan (2026)

“Pasko ng Pagkabuhay: Pag-asa at Kapayapaan sa pamamagitan ng Tagapagligtas at ng Kanyang Pagbabayad-sala,” Manwal ng Guro ng Seminary para sa Lumang Tipan

Pasko ng Pagkabuhay

Pag-asa at Kapayapaan sa pamamagitan ng Tagapagligtas at ng Kanyang Pagbabayad-sala

Jesus Christ tells the people to bring their little children, they sit around Him during His ministry in the Americas.

Ang Tagapagligtas na si Jesucristo ay nagdala ng pag-asa at kapayapaan sa mga paraang marahil na akala ng iba ay imposible. Pinagaling Niya ang bulag, maysakit, at pilay. Binuhay Niya ang patay. Sa huli, sa pamamagitan ng Kanyang pagdurusa, kamatayan, at Pagkabuhay na Muli, napagtagumpayan Niya ang kasalanan at kamatayan para sa buong sangkatauhan. Ipinagdiriwang at inaalala natin ang Tagapagligtas sa Pasko ng Pagkabuhay. Ang lesson na ito ay makatutulong sa mga estudyante na pagnilayan ang kapayapaan at pag-asang ibinibigay sa kanila ni Jesucristo.

Paghahanda ng estudyante: Sabihin sa mga estudyante na gawin ang isa sa apat na aktibidad na may numero sa pagtatapos ng lesson. Halimbawa, pag-aralan ang dokumentong “Ang Buhay na Cristo,” at hanapin ang mga pariralang nagpapatotoo sa kapayapaan at pag-asang ibinibigay ng Tagapagligtas. Hikayatin sila na dumating sa klase na handang ibahagi ang kanilang mga paboritong parirala.

Mga Posibleng Aktibidad sa Pag-aaral

Pagkawala o pagkakaroon ng pag-asa at kapayapaan

Idrowing ang sumusunod na graphic sa pisara.

Maaari mong sabihin sa mga estudyante na isiping nabuhay sila sa Israel at nasaksihan nila ang buhay ng Tagapagligtas. Itanong ang sumusunod:

Anong mga karanasan mula sa buhay ng Tagapagligtas ang maaaring magbigay sa inyo ng higit na pag-asa?

Pagkatapos magbahagi ng ilang halimbawa ang mga estudyante, maaari kang magpakita ng larawan ni Jesucristo sa krus, tulad ng “The Crucifixion [Ang Pagpapako sa Krus],” at ipaliwanag na maaaring ito ang isang sandali kung kailan natutukso ang ilang disipulo na mawalan ng pag-asa. (Namatay ang Tagapagligtas, at walang sinuman ang nabuhay na mag-uli noon.)

Pagkatapos ay ipakita ang isang larawan ng Pagkabuhay na Muli ng Tagapagligtas, tulad ng “Christ and Mary at the Tomb [Si Cristo at si Maria sa Libingan],” at itanong kung paano maaaring naapektuhan ng pangyayaring ito ang kanilang pag-asa.

Ano ang ilang dahilan kung bakit maaaring matukso ang mga tao na mawalan ng pag-asa ngayon?
Ano ang ilang dahilan kung bakit maaaring magkaroon ng pag-asa ang mga tao sa pamamagitan ng Tagapagligtas ngayon?

Maaari mong isulat ang mga sagot ng mga estudyante sa pisara sa tabi ng mga naaangkop na arrow. Ipaliwanag na maaari kayong gumawa ng katulad na aktibidad sa pamamagitan ng pagpapalit ng salitang pag-asa sa kapayapaan.

Maglaan ng sandali na pag-isipan kung paano kayo tinutulungan ng Tagapagligtas na madama ang pag-asa at kapayapaan sa inyong buhay. Pag-isipan din ang mga dahilan kung bakit pakiramdam ninyo ay nawawalan kayo ng pag-asa at kapayapaan. Pag-isipan kung bakit maaaring kailanganin ninyo ng higit pang pag-asa at kapayapaan sa inyong buhay.

Sa buong lesson na ito, hangarin ang patnubay ng Espiritu Santo upang tulungan kayong pagnilayan ang kapayapaan at pag-asa na ibinibigay sa inyo ni Jesucristo at sa buong sangkatauhan.

Pag-asa at kapayapaan sa ating buhay

Sa Pasko ng Pagkabuhay, ipinagdiriwang natin ang Pagkabuhay na Muli ni Jesucristo, ang pagkumpleto ng Kanyang nagbabayad-salang sakripisyo para sa atin. Habang binabasa ninyo ang sumusunod na pahayag mula kay Pangulong Russell M. Nelson, hanapin ang pag-asang hatid ng Tagapagligtas sa ating buhay.

5:11

Nang Siya ay nagdusa para sa ating mga kasalanan at kahinaan, namatay sa krus, at nagbangong muli, ang Tagapagligtas ay lumikha ng mga bagong pagkakataon at posibilidad para sa sangkatauhan. Dahil sa Kanya, hindi natin haharapin ang kahinaan, kasalanan, at takot nang mag-isa. Dahil sa Kanya, ang kamatayan ay hindi ang katapusan. Ang Pagkabuhay na Mag-uli ay mangyayari sa lahat ng nabuhay. Dahil sa Kanya, magkakasama nang walang-hanggan ang mga pamilya. Dahil kay Jesucristo, ipinagdiriwang natin ang Pasko ng Pagkabuhay. At ang Pasko ng Pagkabuhay ay tungkol sa kapayapaan at pag-asa. …

… Ngayong Pasko ng Pagkabuhay, ating sambahin at purihin Siya para sa kapayapaan, pag-asa, liwanag, at katotohanang hatid Niya sa atin. (“The Peace and Hope of Easter,” video, ChurchofJesusChrist.org)

Paano ninyo ibubuod ang itinuro ni Pangulong Nelson?

Maaaring magbahagi ang mga estudyante ng iba’t ibang kabatiran. Pasalamatan sila sa kanilang mga sagot. Ang isa sa mga alituntuning maaari nating matutuhan ay sa pamamagitan ng pagdurusa, kamatayan, at Pagkabuhay na Mag-uli ng Tagapagligtas, magkakaroon tayo ng kapayapaan at pag-asa sa ating buhay.
Ano ang ilang paraang ibinahagi ni Pangulong Nelson na maibibigay sa atin ng Tagapagligtas ang pag-asa at kapayapaan?
Sa inyong palagay, bakit makatutulong ang kaalaman tungkol sa pagdurusa, kamatayan, at Pagkabuhay na Mag-uli ng Tagapagligtas sa paghahanap natin ng pag-asa at kapayapaan sa pamamagitan Niya?

Mga Patotoo ng Tagapagligtas

Makatutulong sa mga estudyante ang sumusunod na aktibidad na mas maunawaan kung paano tayo magkakaroon ng kapayapaan at pag-asa sa pamamagitan ni Jesucristo. Maaari mong ipakita ang mga sumusunod na tagubilin at scripture reference sa pisara. Anyayahan ang mga estudyante na pag-aralan ang ilan sa mga talatang ito o iba pang mga talatang nagpapatotoo sa Tagapagligtas. O maaari mong italaga ang bawat banal na kasulatan sa iba’t ibang estudyante. Pagkatapos ay maaaring ibahagi ng mga estudyante sa klase ang natuklasan nila tungkol sa kung paano nagdadala ng pag-asa at kapayapaan ang Tagapagligtas sa ating buhay.

Basahin ang ilan sa mga sumusunod na banal na kasulatan sa Lumang Tipan, na naghahanap ng mga pariralang naglalarawan kung ano ang magagawa ng Tagapagligtas para sa atin. Pagnilayan kung paano Siya nagdadala ng pag-asa at kapayapaan sa buhay natin.

Job 19:25–26

Mga Awit 16:8–11

Mga Awit 30:2–5

Mga Awit 33:18–22

Isaias 1:18

Isaias 12:2

Isaias 25:8–9

Isaias 40:28–31

Jeremias 17:7–8

Anyayahan ang mga estudyante na ibahagi ang mga pariralang nakita nilang makabuluhan sa kanila. Maaari mong ipasulat sa kanila ang mga pariralang ito sa pisara sa tabi ng arrow na “Pagkakaroon ng pag-asa.” Itanong sa kanila kung bakit makabuluhan ang mga parirala. Maaari mo ring hikayatin ang mga estudyante na markahan ang mga pariralang ibinahagi ng iba.

Pagnilayan ang pag-asa at kapayapaang ibinibigay ng Tagapagligtas

Para matulungan ang mga estudyante na pagnilayan ang pag-asa at kapayapaang nagmumula sa Tagapagligtas, anyayahan ang mga estudyante na gawin ang isa o dalawa sa mga sumusunod na aktibidad bilang isang klase. Maaari mong piliin ang mga aktibidad na sa tingin mo ay pinakakapaki-pakinabang o pinakamakatutulong sa mga estudyante. O maaari mong ibuod ang mga pagpipilian at hayaang pumili ang mga estudyante, bilang isang klase, kung aling mga aktibidad ang gusto nilang gawin. Maaari mo ring anyayahan ang mga estudyante na mag-isip ng sarili nilang mga ideya at subukan ang mga ito.

Pag-aralan ang “Ang Buhay na Cristo,” na isinulat ng Unang Panguluhan at Korum ng Labindalawang Apostol, na naghahanap ng mga pariralang nagpapatotoo sa kapayapaan at pag-asang ibinibigay ng Tagapagligtas. Maaaring ibahagi ng mga estudyante ang nahanap nila at kung bakit ito makabuluhan sa kanila.
Pumili ng mga himno o iba pang mga kantang nagtuturo ng tungkol sa kapayapaan at pag-asa na ibinibigay ng Tagapagligtas. Kantahin ang isa sa mga ito. Pagkatapos ay magbahagi ng mga parirala mula sa himnong iyon na makabuluhan para sa iyo. Ang ilang halimbawa ay ang “Saan Naroon ang Aking Kapayapaan?,” Mga Himno, blg. 74; “Ang Manunubos Ko’y Buhay,” Mga Himno, blg. 77; at “Aking Nadarama ang Pag-ibig ni Cristo,” Aklat ng mga Awit Pambata, 42.
Basahin ang sumusunod na pahayag ni Pangulong Russell M. Nelson o panoorin ang “The Peace and Hope of Easter, President Russell M. Nelson Palm Sunday Invitation” mula sa time code na 3:50 hanggang 5:11. Ibahagi kung paano tayo natutulungan ng pagsisimba o pakikinig sa pangkalahatang kumperensya na pagnilayan ang kapayapaan at pag-asa na ibinibigay ng Tagapagligtas.

5:11

Ngayong Pasko ng Pagkabuhay, hinihikayat ko kayong ituon ang inyong pansin sa Tagapagligtas. Kung humahanap kayo ng lugar para sumamba, halina’t sumama sa amin. Sa [o malapit sa] Pasko ng Pagkabuhay, ang pandaigdigang pangkalahatang kumperensya ng Ang Simbahan ni Jesucristo ng mga Banal sa mga Huling Araw ay mapupuno ng mga mensahe at musikang nakatuon kay Cristo. Magtitipon kami [nang personal at] nang virtual upang sambahin ang ating Manunubos. Sumama sa amin. Anyayahan ang inyong mga kaibigan!

Buhay si Jesucristo! Bilang ating Tagapagligtas na nabuhay na mag-uli at nagbayad-sala, handa Siyang tulungan tayong umunlad mula sa mga nakabibigla at di-inaasahang pangyayari sa buhay. Ngayong Pasko ng Pagkabuhay, ating sambahin at purihin Siya para sa kapayapaan, pag-asa, liwanag, at katotohanang hatid Niya sa atin. (“The Peace and Hope of Easter, President Russell M. Nelson Palm Sunday Invitation,” video, ChurchofJesusChrist.org)

Magbahagi ng mga karanasan noong nakadama ka o ang isang taong kilala mo ng pag-asa at kapayapaan sa pamamagitan ng Tagapagligtas na si Jesucristo.

Pangwakas

Balikan ang graphic sa pisara. Ipaliwanag na bagama’t lahat tayo ay maaaring matuksong mawalan ng pag-asa kung minsan, magagawa nating piliing hangarin ang pag-asa at kapayapaan sa pamamagitan ng Tagapagligtas.

Sa inyong scripture journal, isulat kung bakit kailangan ninyo ang pag-asa at kapayapaan ng Tagapagligtas sa inyong buhay. Pagkatapos ay sumulat ng ilang bagay na gusto ninyong gawin para tumuon sa Tagapagligtas at sa Kanyang pag-asa at kapayapaan. Maaaring kabilang sa mga ito ang pag-alaala sa mga banal na kasulatan o parirala mula sa “Ang Buhay na Cristo” na pinag-aralan ninyo ngayon.

Maaari mong bigyan ng pagkakataon ang mga estudyante na magbahagi ng kanilang mga saloobin at patotoo tungkol sa Tagapagligtas at sa pag-asa at kapayapaang ibinibigay Niya.

Mga Karagdagang Aktibidad sa Pag-aaral

Isang propeta sa Aklat ni Mormon ang nagpatotoo sa pag-asa na dumarating sa pamamagitan ni Jesucristo.

Kung makatutulong na pag-aralan ang isang banal na kasulatan sa Aklat ni Mormon para magbigay ng karagdagang patotoo tungkol sa katotohanang binigyang-diin sa lesson na ito, isaalang-alang ang sumusunod: Sa Moroni 7, binanggit ni Moroni ang turo ng kanyang amang si Mormon. Anyayahan ang mga estudyante na basahin ang Moroni 7:40–41 at ibuod kung ano ang itinuro ni Mormon at kung paano ito makatutulong sa kanila. Maaari ding basahin ng mga estudyante ang Moroni 7:42–44 upang makita kung paano nauugnay ang pag-asa kay Jesucristo sa pananampalataya at pag-ibig sa kapwa.

Mga karagdagang aktibidad para sa pagtatapos ng lesson:

Kung makatutulong, maaaring ibigay ang mga sumusunod na aktibidad sa pagtatapos ng lesson:

Anyayahan ang mga estudyante na gumawa ng card o poster ng isang parirala ng banal na kasulatan na nagbibigay sa kanila ng pag-asa kay Jesucristo. Maaari nilang ilagay ito sa isang lugar na madalas nilang makikita. Bilang alternatibo, maaari silang maglagay ng isang scripture verse bilang wallpaper sa kanilang telepono.
Sumulat ng isang liham o text sa isang taong kilala ninyo para madagdagan ang kanilang pag-asa sa Tagapagligtas. Maaari kayong magsama ng paborito ninyong banal na kasulatan o sipi mula sa lesson, isang patotoo, o anupamang bagay na hinihikayat kayo ng Espiritu Santo na ibahagi.

Ang mga sinauna at makabagong propeta ay nagpapatotoo sa nagbabayad-salang sakripisyo ng Tagapagligtas.

Kung makatutulong sa mga estudyante na pag-aralan kung paano ipinropesiya ng mga propeta sa Lumang Tipan ang Pagbabayad-sala ni Jesucristo at kung paano natupad ang mga propesiyang ito, maaari mong isulat ang salitang propesiya sa pisara. Itanong sa mga estudyante ang gaya ng mga sumusunod:

Ano ang propesiya?
Ano ang mga halimbawa ng mga kaganapan o katotohanan na sapat na mahalaga para ipahayag ng Panginoon ang mga ito sa atin sa pamamagitan ng Kanyang mga propeta?

Maaaring nagawa na ng mga estudyante ang aktibidad sa Pumarito Ka, Sumunod Ka sa Akin—Para sa mga Indibiduwal at Pamilya: Lumang Tipan 2026 sa ilalim ng pamagat na, “Ang mga sinauna at makabagong propeta ay nagpapatotoo sa nagbabayad-salang sakripisyo ng Tagapagligtas.” Maaari mong isulat sa pisara ang pamagat na iyon, na isa ring katotohanan, gayundin ang chart na may mga talata ng banal na kasulatan. Kung ginawa ng mga estudyante ang aktibidad na ito sa bahay, anyayahan silang balikan ang ilang passage para maalala ang natutuhan nila. Kung hindi, anyayahan silang magbasa na ilang passage na naghahanap ng natutuhan nila tungkol sa Tagapagligtas. Kung makatutulong, maaari mong italaga ang iba’t ibang talata sa iba’t ibang estudyante o grupo ng mga estudyante.

Pagkatapos ibahagi ng mga estudyante kung ano ang pinakamahalaga para sa kanila, maaari kang magpakita sa kanila ng patotoo ng isang makabagong propeta tungkol kay Jesucristo. Mapapanood ang iba’t ibang video sa Easter page sa ChurchofJesusChrist.org. Ang sumusunod ay ilang halimbawa:

“Because of Jesus Christ We Can Navigate Life’s Challenges,” (Pangulong Russell M. Nelson)

“Finding Strength in Jesus Christ,” (Pangulong Dallin H. Oaks)

O maaari mong anyayahan ang mga estudyante na pag-aralan ang “Ang Buhay na Cristo,” na isinulat ng Unang Panguluhan at Korum ng Labindalawang Apostol.

Anyayahan ang mga estudyante na isulat ang sarili nilang patotoo tungkol sa Tagapagligtas. Maaari silang magsama ng kanilang mga saloobin at damdamin tungkol sa Pagbabayad-sala ng Tagapagligtas. Maaari din silang magsama ng mga scripture reference na nagpapatotoo sa mga katotohanan ding iyon. Pagkatapos ay maaaring ibahagi ng mga estudyante ang kanilang mga saloobin at patotoo sa klase o sa isang maliit na grupo.