« ‹ សង្ឃឹមអ៊ីស្រាអែល › ៖ ការសិក្សាអំពីការបង្រៀនរបស់ថ្នាក់ដឹកនាំសាសនាចក្រ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ‹ សង្ឃឹមអ៊ីស្រាអែល › ៖ ការសិក្សាអំពីការបង្រៀនរបស់ថ្នាក់ដឹកនាំសាសនាចក្រ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ការបង្រៀនរបស់ថ្នាក់ដឹកនាំសាសនាចក្រ ៖ មេរៀនទី ២០៨
« សង្ឃឹមអ៊ីស្រាអែល »
ការសិក្សាអំពីការបង្រៀនរបស់ថ្នាក់ដឹកនាំសាសនាចក្រ
ពេញមួយឆ្នាំនេះ សិស្សនឹងមានឱកាសជាច្រើនដើម្បីសិក្សាសារលិខិតរបស់ព្រះអម្ចាស់ដែលបានប្រទានឲ្យតាមរយៈថ្នាក់ដឹកនាំដ៏បំផុសគំនិតរបស់ទ្រង់ ។ ឯកសារ« ពុម្ពគំរូសម្រាប់ការបង្រៀនសារលិខិតមកពីថ្នាក់ដឹកនាំសាសនាចក្រ » គឺជាឧបករណ៍មួយដែលអ្នកអាចប្រើដើម្បីជួយអ្នកណែនាំសិស្សរបស់អ្នក នៅពេលពួកគេសិក្សាសារលិខិតទាំងនេះ ។ មេរៀននេះផ្តល់គំរូមួយអំពីរបៀបដែលអ្នកអាចប្រើពុម្ពគំរូនេះដើម្បីបង្រៀនសុន្ទរកថារបស់ប្រធាន ណិលសុន « សង្ឃឹមអ៊ីស្រាអែល » ( [ ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី៣ ខែមិថុនា ឆ្នាំ២០១៨ ] នៅលើបណ្ណាល័យដំណឹងល្អ ) ។ មេរៀននេះអាចជួយសិស្សធ្វើតាមការអញ្ជើញរបស់ប្រធាន ណិលសុន ។
ការរៀបចំសិស្ស ៖ ចែកចាយជាមួយសិស្សនូវចំណងជើងនៃសុន្ទកថារបស់ប្រធានណិលសុន « សង្ឃឹមអ៊ីស្រាអែល » ។ សូមលើកទឹកចិត្តពួកគេឲ្យអាន មើល ឬស្តាប់គ្រប់ផ្នែកទាំងមូល ឬផ្នែកមួយនៃសុន្ទរកថាមុនចូលរៀន ។ សូមអញ្ជើញពួកគេឲ្យរៀបចំដួងចិត្តរបស់ពួកគេប្រកបដោយការអធិស្ឋាន ដើម្បីឲ្យព្រះវិញ្ញាណបរិសុទ្ធបង្រៀនពួកគេនៅពេលពួកគេសិក្សាសារលិខិតរបស់ពួកអ្នកបម្រើរបស់ព្រះយេស៊ូវគ្រីស្ទ ។
សកម្មភាពរៀនសូត្រដែលអាចមាន
ចំណាំ ៖ មេរៀននេះផ្ដល់ឧទាហរណ៍ ពីរបៀបដែលគ្រូបង្រៀនអាចប្រើប្រាស់ឯកសារ « ពុម្ពគំរូសម្រាប់ការបង្រៀនសារលិខិតមកពីថ្នាក់ដឹកនាំសាសនាចក្រ » ឯកសារដើម្បីជួយសិស្សសិក្សាសារលិខិតមកពីថ្នាក់ដឹកនាំសាសនាចក្រ ។ អ្នកអាចកែសម្រួលគំនិតនៅក្នុងមេរៀននេះ ប្រើគំនិតចម្រុះពីគំរូនេះ ឬប្រើគំនិតផ្ទាល់ខ្លួនរបស់អ្នក ដែលនឹងបំពេញតម្រូវការរបស់សិស្សរបស់អ្នកបានកាន់តែប្រសើរ ។
ចាប់ផ្ដើមមេរៀន
សូមចាប់ផ្តើមមេរៀននេះតាមរបៀបមួយដែលទាក់ទាញចំណាប់អារម្មណ៍ដល់គំនិត និងដួងចិត្តរបស់សិស្សដើម្បីជួយរៀបចំពួកគេសម្រាប់បទពិសោធន៍នៃការរៀនសូត្រ ។ សូមពិចារណាប្រើគំនិតផ្ទាល់ខ្លួនរបស់អ្នក ឬគំនិតនៅក្នុងសំណួរអំពីប្រធានបទ » ដូចខាងក្រោមនៅក្នុងផ្នែក « វិធីសាស្រ្តដើម្បីចាប់ផ្ដើមមេរៀន » នៃពុម្ពគំរូនេះ ។
សូមដាក់តាំងសេចក្តីថ្លែងការណ៍ខាងក្រោម ។ សូមពិចារណាគូសចំណាំ ឬគូសបន្ទាត់ពីក្រោមឃ្លា ប្រមូលសាសន៍អ៊ីស្រាអែល ។
ប្រធាន រ័សុល អិម ណិលសុន បានមានប្រសាសន៍ដូចតទៅនេះ ៖
យុវវ័យដ៏អស្ចារ្យជាទីស្រឡាញ់របស់ខ្ញុំអើយ—ក្មួយៗត្រូវបានបញ្ជូនមកកាន់ផែនដីនៅគ្រាដ៏ជាក់លាក់នេះ ជាគ្រាដ៏សំខាន់បំផុតក្នុងប្រវត្តិសាស្ត្រនៃពិភពលោក ដើម្បីជួយប្រមូលផ្ដុំអ៊ីស្រាអែល ! គ្មានអ្វីកើតឡើងនៅលើផែនដីនេះក្នុងពេលនេះ ដែលសំខាន់ជាងកិច្ចការនេះទេ ។ គ្មានអ្វីដែលសំខាន់ខ្លាំងជាងនោះទេ ។ គ្មានទាល់តែសោះ ។ ( « សង្ឃឹមអ៊ីស្រាអែល » [ ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី៣ ខែមិថុនា ឆ្នាំ២០១៨ ] នៅលើបណ្ណាល័យដំណឹងល្អ )
សិស្សអាចចែកចាយចម្លើយរបស់ពួកគេចំពោះសំណួរខាងក្រោមនេះជាដៃគូ ឬជាក្រុមតូចៗ ។ ឬពួកគេម្នាក់ៗអាចសរសេរសំណួរដែលអាចកើតមាននៅក្នុងសៀវភៅកំណត់ហេតុរបស់ពួកគេ ។
-
តើអ្នក ឬអ្នកដទៃទៀតមានសំណួរអ្វីខ្លះអំពីការប្រមូលផ្ដុំនៃអ៊ីស្រាអែល—ព្រឹត្តិការណ៍ដែលប្រធាន ណិលសុន ហៅថាគឺជារឿងសំខាន់បំផុត « ដែលកំពុងកើតឡើងនៅលើផែនដីសព្វថ្ងៃនេះ » ?
សូមអញ្ជើញសិស្សឲ្យចែកចាយសំណួរដែលពួកគេបានគិតឃើញ ។ ពួកគេអាចឆ្លើយតបនឹងសំណួរជាច្រើន រួមទាំងសំណួរដូចខាងក្រោម ៖
-
តើអ្វីជាការប្រមូលសាសន៍អ៊ីស្រាអែល ?
-
ហេតុអ្វីបានជាការប្រមូលនេះគឺជារឿងសំខាន់បំផុតដែលកំពុងកើតឡើងនៅលើផែនដីសព្វថ្ងៃនេះ ?
-
ហេតុអ្វីខ្ញុំគួរតែចូលរួមក្នុងការប្រមូលសាសន៍អ៊ីស្រាអែលនេះ ?
សូមពិចារណាអញ្ជើញសិស្សឲ្យសរសេរសំណួរដែលពួកគេបានគិតឃើញនៅលើក្ដារខៀន ដោយទុកចន្លោះនៅក្រោមសំណួរនីមួយៗ ។
នៅពេលអ្នកស្វែងរកចម្លើយសម្រាប់សំណួរទាំងនេះថ្ងៃនេះ សូមពិចារណាអំពីរបៀបដែលចំណេះដឹងអំពីព្រះយេស៊ូវគ្រីស្ទ និងដំណឹងល្អរបស់ទ្រង់អាចជួយឆ្លើយសំណួរទាំងនោះបាន ។
សិក្សាសារលិខិត
គោលបំណងនៃផ្នែកនេះគឺដើម្បីជួយសិស្សសិក្សាផ្នែកខ្លះនៃសុន្ទរកថារបស់ប្រធាន ណិលសុន« សង្ឃឹមអ៊ីស្រាអែល » ។ សូមពិចារណាប្រើគំនិតរបស់អ្នកផ្ទាល់ ឬគំនិត « ស្វែងរក ៖ ចម្លើយសម្រាប់សំណួរ ឬកង្វល់ » ខាងក្រោមនៅក្នុងផ្នែក« វិធីសាស្រ្តដើម្បីសិក្សាសារលិខិត » នៃពុម្ពគំរូនេះ ។
ប្រសិនបើសិស្សរបស់អ្នកគ្មានសិទ្ធិចូលប្រើកំណែដែលបានបោះពុម្ព ឬជាឌីជីថលនៃការពិភាក្សានោះទេ សូមពិចារណាចែកចាយឯកសារ « ការប្រមូលសាសន៍អ៊ីស្រាអែល » ដល់សិស្សម្នាក់ៗ ។ សំណៅមេរៀននេះមាននូវផ្នែកជាលាយលក្ខណ៍អក្សរនៃសុន្ទរកថាដែលនឹងត្រូវបានសិក្សានៅក្នុងមេរៀននេះ ។ អ្នកក៏អាចអញ្ជើញសិស្សឲ្យមើលផ្នែកនៃសុន្ទរកថានេះនៅក្នុងវីដេអូ « សង្ឃឹមអ៊ីស្រាអែល »ដែលមាននៅ ChurchofJesusChrist.orgចាប់ពីនាទីទី ៣០:២៦ ដល់ ៣៣:៣៧ ។
ប្រសិនបើសិស្សពិបាកក្នុងការអាន ឬស្តាប់ផ្នែកវែងៗនៃសុន្ទរកថាមួយ សូមពិចារណាចែកចាយកថាខណ្ឌមួយ ឬពីរមកពីសំណៅមេរៀន ហើយអញ្ជើញពួកគេឲ្យគូរ ឬសរសេរអំពីអត្ថន័យនៃការប្រមូលផ្តុំអ៊ីស្រាអែលចំពោះពួកគេ ។
សូមសិក្សាជម្រើសដែលបានផ្តល់ឲ្យមកពីសុន្ទរកថានេះ ដោយរកមើលចម្លើយសម្រាប់សំណួរណាមួយដែលមាននៅលើក្ដារខៀន ។ អ្នកអាចគូសចំណាំនៅលើសន្ទុរកថានោះនូវចម្លើយណាមួយដែលអ្នករកឃើញ ។ អ្នកអាចពិចារណាគូសចំណាំចម្លើយសម្រាប់សំណួរនីមួយៗតាមរបៀបដែលខុសពីសំណួរផ្សេងទៀត ។ ឧទាហរណ៍ អ្នកអាចគូសរង្វង់ចម្លើយសម្រាប់សំណួរមួយ ហើយគូសបន្ទាត់ពីក្រោមចម្លើយសម្រាប់សំណួរមួយទៀត ឬអ្នកអាចគូសចំណាំសំណួរទាំងអស់ជាពណ៌ផ្សេងៗគ្នា ។
បន្ទាប់ពីសិស្សបានសិក្សាផ្នែកទាំងឡាយនៃសុន្ទរកថាដែលអ្នកបានជ្រើសរើសរួចហើយ សូមពិចារណារៀបចំពួកគេជាគូ ដើម្បីពិភាក្សាសំណួរខាងក្រោម ។
-
តើសំណួរមួយណាដែលអ្នកមានអារម្មណ៍ថា វាមានចម្លើយនៅក្នុងផ្នែកនៃសុន្ទរកថារបស់ប្រធាន ណិលសុន ដែលអ្នកបានសិក្សា ? តើវាទទួលបានចម្លើយដោយរបៀបណា ?
សូមពិចារណាអញ្ជើញសិស្សឲ្យសរសេរចម្លើយរបស់ពួកគេនៅលើក្ដារខៀននៅក្រោមសំណួរដែលពួកគេបានឆ្លើយ ។ បន្ទាប់មក អ្នកអាចអញ្ជើញសិស្សឲ្យពន្យល់អំពីចម្លើយរបស់ពួកគេ ។
ការអនុវត្តសារលិខិតរបស់ប្រធាន ណិលសុន
គោលបំណងនៃផ្នែកនេះគឺដើម្បីជួយសិស្សអនុវត្តការអញ្ជើញរបស់ប្រធាន ណិលសុន ដើម្បីប្រមូលសាសន៍អ៊ីស្រាអែល ។ សូមពិចារណាប្រើគំនិតរបស់អ្នកផ្ទាល់ ឬគំនិត « ស្វែងរក ឬអនុវត្តតាមការអញ្ជើញ » នៅក្នុងផ្នែក « វិធីសាស្រ្តដើម្បីអនុវត្តតាមសារលិខិត » នៃពុម្ពគំរូនេះ ។
ចែកចាយសំណៅមេរៀនដែលមានចំណងជើងថា « ការអញ្ជើញឲ្យចូលរួមក្នុងការប្រមូលសាសន៍អ៊ីស្រាអែល » ដល់សិស្សគ្រប់គ្នា ។ សូមពិចារណាអញ្ជើញពួកគេឲ្យសិក្សាទំព័រនេះរៀងៗខ្លួន ។
សូមជញ្ជឹងគិតអំពីគំនិត ឬការបំផុសគំនិតមកពីព្រះវិញ្ញាណបរិសុទ្ធដែលផុសក្នុងគំនិត ឬដួងចិត្តរបស់អ្នក នៅពេលអ្នកសិក្សាការអញ្ជើញរបស់ប្រធាន ណិលសុនចំពោះយុវវ័យ ។ សូមពិចារណាប្រកបដោយការអធិស្ឋានថាតើការអញ្ជើញណាមួយដែលអ្នកមានអារម្មណ៍ថាព្រះអម្ចាស់នឹងឲ្យអ្នកទទួលយក ហើយធ្វើតាមដើម្បីចូលនៅក្នុងការប្រមូលសាសន៍អ៊ីស្រាអែល ។ អ្នកអាចមានចំណាប់អារម្មណ៍ក្នុងការធ្វើសកម្មភាពតាមការអញ្ជើញលើសពីមួយ ។
សូមសរសេរការអញ្ជើញនេះនៅក្នុងសៀវភៅកំណត់ហេតុការសិក្សារបស់អ្នក ។ អ្នកក៏អាចសរសេរពីរបៀបដែលការធ្វើតាមការអញ្ជើញនោះអាចជួយអ្នកខិតកាន់តែជិតព្រះវរបិតាសួគ៌ និងព្រះយេស៊ូវគ្រីស្ទបានដែរ ។
សូមពិចារណាចែកចាយទីបន្ទាល់របស់អ្នកអំពីសេចក្ដីពិតដែលប្រធានណិលសុនបានបង្រៀន ។ សូមលើកទឹកចិត្តសិស្សឲ្យធ្វើតាមការបំផុសគំនិតដែលពួកគេអាចទទួលបាន ។