« ការរៀបចំខ្លួនសម្រាប់សន្និសីទទូទៅ ៖ ការស្តាប់ព្រះបន្ទូលរបស់ព្រះអង្គសង្រ្គោះនៅក្នុងសន្និសីទទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« ការរៀបចំខ្លួនសម្រាប់សន្និសីទទូទៅ ៖ ការស្តាប់ព្រះបន្ទូលរបស់ព្រះអង្គសង្រ្គោះនៅក្នុងសន្និសីទទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
ការបង្រៀនរបស់ថ្នាក់ដឹកនាំសាសនាចក្រ ៖ មេរៀនទី ២០៥
ការរៀបចំខ្លួនសម្រាប់សន្និសីទទូទៅ
ការស្តាប់ព្រះបន្ទូលរបស់ព្រះអង្គសង្រ្គោះនៅក្នុងសន្និសីទទូទៅ
ព្រះអម្ចាស់មានព្រះបន្ទូលមកយើងម្នាក់ៗ តាមរយៈពួកអ្នកបម្រើរបស់ទ្រង់នៅក្នុងសន្និសីទទូទៅ ។ ការរៀបចំខ្លួនដោយមានគោលបំណងសម្រាប់សន្និសីទអាចជួយយើងទទួលបានវិវរណៈផ្ទាល់ខ្លួន ។ មេរៀននេះអាចជួយសិស្សឲ្យរៀបចំខ្លួនដើម្បីទទួលសារលិខិតមកពីព្រះអង្គសង្រ្គោះនៅក្នុងសន្និសីទទូទៅ ។
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតពីពរជ័យដែលអាចមានមកពីការមើលសន្និសីទទូទៅលើកក្រោយ និងរបៀបដែលពួកគេអាចរៀបចំខ្លួនសម្រាប់សន្និសីទទូទៅ ។
សកម្មភាពរៀនសូត្រដែលអាចមាន
ការរៀបចំខ្លួនសម្រាប់ព្រឹត្តិការណ៍នានា
កំណត់ចំណាំ ៖ ដោយសារសន្និសីទទូទៅធ្វើឡើងពីរដងក្នុងមួយឆ្នាំ នោះអ្នកប្រហែលជាត្រូវបង្រៀនមេរៀននេះពីរដង ។ សម្រាប់របៀបផ្សេងទៀតដើម្បីបង្រៀនមេរៀននេះ សូមមើលផ្នែកសកម្មភាពសិក្សាបន្ថែមនៃមេរៀននេះនៅក្នុងបណ្ណាល័យដំណឹងល្អនៅលើគេហទំព័រ ChurchofJesusChrist.org ។
ដើម្បីជួយរៀបចំសិស្សឲ្យរៀន សូមពិចារណាចាប់ផ្តើមថ្នាក់ដោយគូរអ្វីមួយដូចខាងក្រោមនៅលើក្ដារខៀន ៖
សូមអញ្ជើញសិស្សឲ្យរំឭកសារលិខិតមួយដែលពួកគេបានទទួលដែលមានអត្ថន័យសម្រាប់ពួកគេ ។ ឧទាហរណ៍មួយចំនួនគឺជាកំណត់ចំណាំពីឪពុកម្តាយ សារពីមិត្តភក្តិ ការសរសើរពីអ្នកជិតខាង ឬថ្នាក់ដឹកនាំសាសនាចក្រ ឬដំបូន្មានពីជីដូនជីតា ។
ពិចារណាចែកចាយឧទាហរណ៍នៃសារលិខិតដែលអ្នកបានទទួល ដែលមានអត្ថន័យសម្រាប់អ្នក ។ សូមសួរសិស្សនូវសំណួរខាងក្រោម ៖
-
ហេតុអ្វីបានជាសារលិខិតដែលអ្នកបានទទួលមានអត្ថន័យ ?
ស្រមៃថា ព្រះអម្ចាស់នឹងផ្ញើសារលិខិតមកអ្នក ។ សូមចំណាយពេលបន្តិចដើម្បីសរសេរនៅក្នុងសៀវភៅកំណត់ហេតុការសិក្សារបស់អ្នកនូវអ្វីដែលអ្នកសង្ឃឹមថាទ្រង់នឹងរួមបញ្ចូលនៅក្នុងសារលិខិតរបស់ទ្រង់ ឧទាហរណ៍ ការណែនាំសម្រាប់ជីវិតរបស់អ្នក សារលិខិតនៃសេចក្តីសង្ឃឹម និងការធានា ការបញ្ជាក់អំពីសេចក្តីពិត ឬចម្លើយចំពោះសំណួរមួយ ។
របៀបដែលព្រះផ្ញើសារលិខិតមកយើង
សូមអានខគម្ពីរមួយចំនួនខាងក្រោម ដោយរកមើលរបៀបមួយដែលព្រះអម្ចាស់បញ្ជូនសារលិខិតរបស់ទ្រង់ និងឃ្លាដែលបង្ហាញពីមូលហេតុដែលវាសំខាន់ ៖
-
របាក្សត្រទី២ ៣៦:១៥
-
យេរេមា ៧:២៥
-
អេម៉ុស ៣:៧
សូមអញ្ជើញសិស្សឲ្យចែកចាយនូវអ្វីដែលពួកគេបានរកឃើញ ហើយលើកទឹកចិត្តពួកគេឲ្យគូសចំណាំឃ្លាដែលពួកគេបានឮពីមិត្តភក្តិរបស់ពួកគេដែលពួកគេចង់ចងចាំ ។
នៅអំឡុងសន្និសីទទូទៅ ព្យាការី អ្នកមើលឆុត និងអ្នកទទួលវិវរណៈ រួមជាមួយនឹងថ្នាក់ដឹកនាំសាសនាចក្រដែលទទួលបានការបំផុសគំនិតផ្សេងទៀត ចែកចាយសារលិខិតមកពីព្រះអម្ចាស់ ។
អែលឌើរ នែល អិល អាន់ឌើរសិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖
ខ្ញុំសូមផ្ដល់សាក្សីដល់បងប្អូនថា ព្រះយេស៊ូវគឺជាព្រះគ្រីស្ទ ថាទ្រង់បានដឹកនាំធុរកិច្ចនៃកិច្ចការដ៏ពិសិដ្ឋនេះ ហើយថាសន្និសីទទូទៅគឺជាគ្រាមួយដ៏សំខាន់បំផុតដែលទ្រង់ប្រទានការណែនាំដល់សាសនាចក្រទ្រង់ និងដល់ពួកយើងម្នាក់ៗ ។ …
ការបង្រៀននៃសន្និសីទទូទៅគឺជាការពិចារណាដែលព្រះអម្ចាស់មានព្រះទ័យផ្តល់ឲ្យយើងសម្រាប់ពេលបច្ចុប្បន្ននេះ និងនៅប៉ុន្មានខែខាងមុខទៀត ។ ( « The Voice of the Lord » Liahona ខែវិច្ឆិកា ឆ្នាំ២០១៧ ទំព័រ ១២២,១២៤ )
-
តើអ្នកនឹងសង្ខេបអំពីអ្វីដែលអែលឌើរ អាន់ឌើរសិន បានបង្រៀនយ៉ាងដូចម្ដេច ?
សេចក្តីពិតមួយដែលសិស្សអាចលើកឡើងគឺថា នៅក្នុងសន្និសីទទូទៅ ព្រះអម្ចាស់ប្រទានការណែនាំដល់សាសនាចក្ររបស់ទ្រង់ និងដល់យើងដោយផ្ទាល់តាមរយៈពួកអ្នកបម្រើរបស់ទ្រង់ គឺព្យាការី ។
-
តើអ្នកដឹងអ្វីខ្លះអំពីព្រះយេស៊ូវគ្រីស្ទ ដែលនឹងធ្វើឲ្យសារលិខិតមួយមកពីទ្រង់មានអត្ថន័យ ?
ដើម្បីជួយសិស្សឲ្យជញ្ជឹងគិតអំពីការរៀបចំខ្លួនរបស់ពួកគេសម្រាប់សន្និសីទទូទៅ សូមពិចារណាបង្ហាញសំណួរស្វ័យវាយតម្លៃដូចខាងក្រោមនេះ ។
សូមជញ្ជឹងគិត និងឆ្លើយសំណួរខាងក្រោមនេះនៅក្នុងសៀវភៅកំណត់ហេតុការសិក្សារបស់អ្នក ៖
-
តើអ្នកមានទំនុកចិត្តកម្រិតណាថាអ្នកអាចស្គាល់នូវសារលិខិតរបស់ព្រះអម្ចាស់ដែលមានភាពផ្ទាល់ខ្លួនសម្រាប់អ្នកនៅក្នុងសន្និសីទទូទៅ ? ហេតុអ្វី ?
-
តើអ្នកអាចធ្វើអ្វីខ្លះដើម្បីរៀបចំខ្លួនសម្រាប់សន្និសីទទូទៅនាពេលខាងមុខ ដើម្បីអ្នកអាចទទួលបានសារលិខិតរបស់ព្រះអម្ចាស់សម្រាប់អ្នកកាន់តែប្រសើរ ?
ការរៀបចំខ្លួនសម្រាប់សន្និសីទទូទៅ
សូមសរសេរពាក្យ ពីមុន និង អំឡុងពេល នៅលើក្តារខៀន ។ សូមអញ្ជើញសិស្សឲ្យរាយបញ្ជីពីអ្វីដែលពួកគេអាចធ្វើពីមុន និងអំឡុងពេលសន្និសីទទូទៅ ដើម្បីទទួលបានសារលិខិតរបស់ព្រះអម្ចាស់កាន់តែប្រសើរ ។
បន្ទាប់មកសូមពិចារណាអញ្ជើញសិស្សឲ្យរកមើលគំនិតបន្ថែម ដោយប្រើសំណៅមេរៀន « ការទទួលបានអត្ថប្រយោជន៍ច្រើនបំផុតមកពីសន្និសីទទូទៅ » ។ នេះគឺជារបៀបមួយចំនួនដែលការប្រើប្រាស់សំណៅមេរៀននេះអាចមានប្រសិទ្ធភាព៖
-
សិក្សាជាក្រុមតូចៗ ហើយឆ្លើយសំណួរជាមួយគ្នា ។
-
រៀបចំសិស្សជាក្រុមដែលមានគ្នាបួននាក់ ហើយចាត់ឲ្យសិស្សម្នាក់ៗនូវសម្រង់មួយ និងសំណួរដែលភ្ជាប់មកជាមួយ ។ បន្ទាប់ពីការអាន និងការជញ្ជឹងគិតផ្នែករបស់ពួកគេហើយ សិស្សម្នាក់ៗចែកចាយជាមួយក្រុមរបស់ពួកគេ ។
-
សូមផ្តល់សេចក្តីថ្លែងការណ៍ផ្សេងមួយទៀតដល់សិស្សបួននាក់មុនថ្នាក់ ហើយអញ្ជើញពួកគេឲ្យមកដោយរៀបចំខ្លួនដើម្បីចែកចាយវាជាមួយសិស្សក្នុងថ្នាក់ ហើយឆ្លើយសំណួរមួយ ឬច្រើនដែលភ្ជាប់មកជាមួយ ។ ម្យ៉ាងវិញទៀត ពួកគេអាចប្រើសំណួរដើម្បីដឹកនាំការពិភាក្សាក្នុងថ្នាក់ ។
ជំនួសឲ្យ ឬបន្ថែមទៅនឹងសំណៅមេរៀន អ្នកអាចចែកចាយវីដេអូនេះ « The Blessings of General Conference » ( ២:២៤ ) ដែលមាននៅលើគេហទំព័រ ChurchofJesusChrist.org ។
បន្ទាប់ពីសិស្សមានពេលវេលាសិក្សាសំណៅមេរៀន និងជញ្ជឹងគិតពីសំណួរខាងក្រោមនេះហើយ សូមអញ្ជើញពួកគេឲ្យឆ្លើយ ។
-
តើនៅពេលណាដែលអ្នក ឬនរណាម្នាក់ដែលអ្នកស្គាល់បានទទួលសារលិខិតពីសន្និសីទទូទៅដែលអ្នកមានអារម្មណ៍ថាមកពីព្រះអម្ចាស់ ? តើវាជះឥទ្ធិពលដល់អ្នក ឬពួកគេដោយរបៀបណា ?
រៀបចំខ្លួនសម្រាប់សន្និសីទទូទៅ
សូមសរសេរគោលដៅនៃអ្វីដែលអ្នកចង់ធ្វើ ដើម្បីទទួលសារលិខិតរបស់ព្រះអម្ចាស់ក្នុងអំឡុងសន្និសីទទូទៅ ។
សូមឲ្យកូនក្រដាសកត់ចំណាំ ឬក្រដាសមួយសន្លឹកទៅសិស្សម្នាក់ៗ ហើយអញ្ជើញពួកគេឲ្យសរសេរឃ្លា « បានតម្រូវសម្រាប់អ្នក » នៅផ្នែកខាងលើ ។ សិស្សក៏អាចប្រើសៀវភៅកំណត់ហេតុការសិក្សារបស់ពួកគេ ឬសៀវភៅកត់ត្រា ប្រសិនបើពួកគេចូលចិត្ត ។
សូមឲ្យពួកគេសរសេរសារលិខិតណាមួយដែលពួកគេមានអារម្មណ៍ថាព្រះអម្ចាស់បានបញ្ជូនមកកាន់ពួកគេ ក្នុងអំឡុងសន្និសីទទូទៅ ។ សូមលើកទឹកចិត្តពួកគេឲ្យត្រឡប់មកថ្នាក់វិញបន្ទាប់ពីសន្និសីទទូទៅ ដោយត្រៀមរួចរាល់ដើម្បីចែកចាយអ្វីដែលពួកគេបានធ្វើដើម្បីរៀបចំខ្លួន ។ ប្រសិនបើវាមិនផ្ទាល់ខ្លួនពេកទេ ពួកគេក៏អាចចែកចាយពីសារលិខិតដែលពួកគេបានឮពីព្រះអម្ចាស់ផងដែរ ។
នៅថ្នាក់នាពេលខាងមុខបន្ទាប់ពីសន្និសីទទូទៅ សូមពិចារណាចំណាយពេលប៉ុន្មាននាទីដើម្បីឲ្យសិស្សរាយការណ៍អំពីបទពិសោធន៍របស់ពួកគេ ។
សកម្មភាពរំឭកសន្និសីទទូទៅឡើងវិញ
នៅក្នុងថ្នាក់សិក្ខាសាលាលើកក្រោយបន្ទាប់ពីសន្និសីទទូទៅ សូមពិចារណាផ្តល់ឱកាសដល់សិស្សដើម្បីរំឭកឡើងវិញ និងចែកចាយអ្វីដែលពួកគេបានរៀន ។ អ្នកអាចសរសេរសំណួរជាច្រើននៅលើក្ដារខៀនដូចជា ៖
-
តើអ្វីបានធ្វើឲ្យអ្នកសើច ?
-
តើសុន្ទរកថាណាមួយដែលអ្នកមានចិត្តរំភើបចង់សិក្សា ?
-
តើសារលិខិតអ្វីខ្លះដែលអ្នកមានអារម្មណ៍ថាបានជាសារសម្រាប់តែអ្នក ?
-
តើអ្នកបានរៀន ឬទទួលអារម្មណ៍អ្វីខ្លះអំពីព្រះអង្គសង្រ្គោះ ?
អ្នកអាចអញ្ជើញសិស្សឲ្យសរសេរចម្លើយចំពោះសំណួរណាមួយដាក់នៅលើក្តារខៀនបាន ។ ជាជម្រើសមួយផ្សេងទៀត ពួកគេអាចសរសេរឈ្មោះរបស់ពួកគេនៅលើកូនក្រដាសកត់ចំណាំ ឬសន្លឹកក្រដាសតូចៗ ហើយដាក់វានៅជិតសំណួរដែលពួកគេស្ម័គ្រចិត្តដើម្បីឆ្លើយ ។ សូមឲ្យមានការពិភាក្សាក្នុងថ្នាក់ដោយអញ្ជើញសិស្សដែលស្ម័គ្រចិត្តតាមឈ្មោះ ដើម្បីចែកចាយចម្លើយរបស់ពួកគេចំពោះសំណួរទាំងនេះ ។ អ្នកក៏អាចចែកចាយចម្លើយរបស់អ្នកមួយចំនួនផងដែរ ។