Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Mamanu mo le Aoaoina atu o Savali mai Taitai o le Ekalesia: Suesue ma Faaaoga le Aoaoga a Auauna a le Ali’i

“Mamanu mo le Aoaoina atu o Savali mai Taitai o le Ekalesia: Suesue ma Faaaoga le Aoaoga a Auauna a le Ali’i,” Tusi Lesona a le Faia’oga Seminare o le Feagaiga Tuai (2026)

“Mamanu mo le Aoaoina atu o Savali mai Taitai o le Ekalesia: Suesue ma Faaaoga le Aoaoga a Auauna a le Ali’i,” Tusi Lesona a le Faia’oga Seminare o le Feagaiga Tuai

Aoaoga a Taitai o le Ekalesia: Lesona 207

Mamanu mo le Aoaoina atu o Savali mai Taitai o le Ekalesia

Suesue ma Faaaoga le Aoaoga a Auauna a le Ali’i

Studying General Conference on Mobile Device

E faagaeetia le iloa e faapea o lo o fetalai mai pea le Faaola i Ana auauna filifilia i aso nei.I le gasologa o le tausaga seminare, o le a maua ai e tagata a’oga ni avanoa e suesue ai Ana savali e ala i nei auauna.E mafai ona e faaaoga lenei mamanu o se meafaigaluega e fesoasoani i le aoaoina atu o savali mai taitai o Le Ekalesia a Iesū Keriso o le Au Paia o Aso e Gata Ai.

Sauniuniga a le tagata a’oga: Faasoa atu i tagata a’oga le ulutala o le lauga o le a latou suesueina i le vasega.Uunaia i latou e faitau, matamata, pe faalogologo i le lauga atoa po o sina vaega ae le’i amatalia le vasega.Valaaulia tagata a’oga e saunia ma le agaga tatalo o latou loto mo le Agaga Paia e aoao i latou a o latou suesue i savali a auauna a Iesū Keriso.

O Gaoioiga Faatatau mo le Suesueina o Lauga mai Taitai o le Ekalesia

Manatua: Mo faataitaiga i le auala e faaaoga ai lenei mamanu, tagai i le Lesona 208: “Faamoemoe o Isaraelu.”

O lenei mamanu e mafai ona fesoasoani ia te oe e aoao atu ai au tagata aoga ia savali mai taitai o le Ekalesia.E le o faamoemoeina ina ia avea ma se lesona tutasi.O loo iai se ituaiga eseese o manatu tau i le aotauina ma le aoaoina ai e mafai ona e faaaogaina i soo se taimi e te aoao atu ai se lauga mai se taitai o le Ekalesia.

Ina ia saunia se lesona mai se lauga, suesue muamua le lauga o lo o e fuafua e aoao atu, vaavaai mo upumoni e sili ona taua i au tagata a’oga ona malamalama iai ma faaaoga.Ina ia fesoasoani ia te oe e faia lenei faaiuga, (1) gauai totoa atu i musumusga a le Agaga, (2) ia manatua le faamoemoega a le tusitala musuia, (3) vaavaai mo upumoni tau i le liua ia o le a fesoasoani e faalolotoina le liua ia Iesū Keriso ma Lana talalelei, ma (4) mafaufau i manaoga ma tomai o au tagata a’oga.

Ona mafaufau lea e filifili mai manatu mai lenei mamanu—po o le faaaoga o ni au lava faiga—e te lagona o le a fesoasoani i au tagata a’oga e faailoa, malamalama, ma faaaoga upumoni ua e filifilia mai le lauga.E mafai ona e filifili e faaaoga se manatu mai vaega ta’itasi o lenei mamanu i lau lesona.

Mafaufau e tuu atu i tagata a’oga se lomiga lolomi pe faakomepiuta o le lauga o le a suesueina e tagata a’oga.E mafai foi ona e fai se pepa faasafua o vaega o le lauga e te filifili e taulai atu iai.

O metotia e amata ai le lesona

Mafaufau i se auala e amata ai le lesona e mafai ona fesoasoani e fatufatu ai le fiafia i mafaufau po o loto o tagata a’oga, e fesoasoani ai ia i latou e saunia mo le aafiaga o le aoaoina ai.O nisi nei o faataitaiga:

Fesili po o se faamatalaga faatupu manatu. Faasoa atu se fesili po o se faamatalaga faatupu manatu e fesootai i le savali a le failauga ma valaaulia tagata a’oga e talanoaina puupuu [le savali] pe faamaumau a latou uluai tali i a latou api talaaga.Mo se faataitaiga, e mafai ona e tusi le ulutala o le lauga i luga o le laupapa ma fesili atu i tagata a’oga pe aisea latou te manatu ai e taua lena autū i o tatou aso.

O lesona faatino, ata, po o vitiō. Faasoa ma talanoaina puupuu se lesona faatino, ata, po o vitiō ua faatagaina e le Ekalesia e fesootai i le savali a le failauga.

Faasoa se tala. Faasoa se tala e mai [i le savali] po o se tala e fesootai i le savali a le failauga.O nisi taimi atonu e sili atu le faasoa atu ia tau lava o sina vaega o le tala i le amataga o le lesona e faaosofia ai le fiafia o tagata a’oga.Mulimuli ane i le lesona, e mafai ona faaiuina le tala e faapupula ai le faamoemoega o le savali a le failauga.

O fesili e uiga i le autū. Faasoa le autū o le lauga ma valaaulia tagata a’oga e tusi i luga o le laupapa po o ia latou api talaaga, soo se fesili o loo ono ia i latou poo nisi tagata e uiga i le autū.E mafai ona e uunaia tagata a’oga e saili tali i le taimi o le lesona.

Vaaiga faataitai talafeagai. E mafai ona e tuuina atu se vaaiga faataitai talafeagai—po o le valaaulia o tagata a’oga e fatu se vaaiga faataitai—o se talavou e mafai ona manuia mai le faalogo ai ma faaaogaina le savali a le failauga lea o le a suesueina e le vasega.

Iloiloga o le tagata lava ia. Valaaulia tagata a’oga e iloilo patino pe manatunatu i lo latou malamalama o iai i le taimi nei, uiga faaalia, po o le faaaogaina o le autū o lo o talanoaina i le lauga.O se tasi o auala e mafai ona latou faia ai lenei mea, e ala i le manatunatu loloto po o le faamaumau o a latou tali i fesili tau i le iloiloga o manatu o le tagata lava ia.E mafai ona e faaaoga fesili e ono iai i le lauga pe tusi ni au oe lava fesili.

Metotia e suesue ai le savali

Ina ia fesoasoani i tagata a’oga e suesue le lauga, mafaufau e faaaoga ou manatu, se tasi pe sili atu o manatu nei, po o se tuufaatasiga o manatu eseese.

Filifili ni vaega o le lauga e sili ona aoga, talafeagai, ma fetaui mo tomai o tagata a’oga.Mo se faataitaiga, e ono talafeagai le faapupuu ma faigofie ona faafoefoe o vaega o le a faitau e tagata a’oga, nai lo le fai atu ia i latou e faitau le lauga atoa.

Valaaulia tagata a’oga e saili faaaliga patino mai la latou suesuega atoa, ma faamaumauina musumusuga i a latou api talaaga mo suesuega po o masini faatekonolosi.E mafai ona maua manatu faaopoopo faale-suesuega i le “Studying General Conference[Suesueina o Lauga o le Konefesi Aoao]” at ChurchofJesusChrist.org.

Saili mo.Atonu o le a sili atu le manuia o tagata a’oga pe a iai se mea latou te sailiili iai a o latou suesue.E tele mea e mafai ona sailiili e tagata a’oga, e pei o:

Iesū Keriso.E mafai e tagata a’oga ona vaavaai mo upumoni musuia e uiga i le Faaola, molimau ma faataitaiga o Ia, po o aoaoga e uiga i Lona mana, taulaga togiola, alofa, uiga, ma isi.
Tali i fesili po o popolega.Afai na e faaaogaina le manatu “Fesili e uiga i le autū” i le vaega “Metotia mo le amataina o le lesona” o lenei mamanu, ona mafai lea e tagata a’oga ona vaavaai mo tali i nei fesili a o latou suesue.Po o lou valaaulia o i latou e vaavaai mo tali i fesili po o popolega atonu o ia i latou poo nisi.A uma ona suesue tagata a’oga, valaaulia i latou e faasoa mai mea na latou mauaina.Afai na e tusia fesili i luga o le laupapa na faailoa muamua mai e tagata a’oga, e mafai e tagata a’oga ona tusi a latou tali i lalo ifo o fesili.Ona mafai lea ona latou faamatalaina mai a latou tali.
O auala e fesoasoani ai [e faaaogaina ai] se vaaiga faataitai talafeagai.Afai na e faaaogaina le manatu “Vaaiga faataitai talafeagai” i le vaega “Metotia mo le amataina o le lesona”, ona mafai lea e tagata a’oga ona vaavaai auala e mafai ai e le savali a le failauga ona fesoasoani i le tagata i le vaaiga faataitai.
Upu poo fasifuaitau musuia.E mafai e tagata a’oga ona faailoga pe faamaumau manatu e uiga i upu po o fasifuaitau e musuia pe anoa ia i latou.
O upumoni e faavavau, valaaulia, ma faamanuiaga folafolaina.E mafai e tagata a’oga ona vaavaai mo upumoni e faavavau, valaaulia, ma faamanuiaga folafolaina o lo o maua i le lauga.E mafai ona latou faailogaina nei mea ta’itasi i se auala ese mai, pe e mafai foi ona latou faamaumau i totonu o a latou api talaaga i lalo o ni koluma eseese se tolu.

Suesue ta’ito’atasi.E mafai ona masani ona manuia tagata a’oga pe a fai a latou suesuega na o i latou lava.Valaaulia tagata a’oga e suesue vaega o le lauga ona faailoa lea i le vasega po o se vaega to’alaiti mea na latou mauaina.

Suesue ai i vaega toalaiti.E mafai ona e tofia tagata a’oga e suesue i vaega to’alaiti.O lona uiga e ono auaua’i i le faitauina o parakalafa, pe faalogologo uma a o faitau se tasi o le vaega.

Faaaoga le leopu’e po o le vitiō o le lauga.E mafai ona e taina ni vaega o le leopu’e po o le vitiō o le lauga e te lagona e sili ona taua ona suesueina e au tamaiti a’oga.Mafaufau e valaaulia tagata a’oga e mulimuli tautu i le faitauga e faaaoga ai se lomiga lolomi pe faakomepiuta o le lauga.E mafai ona latou faailoga faamatalaga e taliina ai se fesili patino pe latou te manatu i latou lava e anoa.E mafai foi ona latou faamaumau soo se manatu po o musumusuga a o latou suesue.

Faanumera parakalafa ma faasolotaamilo le lauga.Tusi pe ta numera o parakalafa i se kopi o le lauga.Tuu atu se kopi i tagata aoga taitasi ma valaaulia tagata aoga e filifili se mea e sailiili i ai.E mafai e tagata a’oga ona faitau se parakalafa se tasi pe sili atu, faailoga ma tusi ni faamatalaga i autafa.E mafai ona tuulima faasolo atu le pepa i le isi tagata a’oga e sosoo ai, ma mulimuli ai i se mamanu talifaapena.A uma ona latou suesue i parakalafa uma, toe faafoi le pepa i le uluai tagata a’oga ma tuu atu ia i latou e vaai i malamalamaaga na faasoa mai e isi tagata o le vasega.

Mau sii pe fesootai iai.E mafai e tagata a’oga ona saili mau o lo o ta’ua i le lauga po o faamatalaga faaiu.E mafai ona latou faitau fuaiupu ma tusi pe faapefea ona fesoasoani le lauga ia i latou e malamalama lelei atili ai i mau o lo o sii mai, po o le auala e fesoasoani ai mau sii ia i latou e malamalama lelei atili ai i le savali o le lauga.E mafai e tagata a’oga ona faailoga nei fuaiupu i a latou tusitusiga paia pepa, po o le faafesootai atu iai i le Potutusi o le Talalelei.

Metotia e faalolotoina ai le malamalama

O le faamoemoega o lenei vaega o le fesoasoani lea i tagata a’oga e toe manatunatu ma talanoaina le lauga na latou suesueina.E mafai ona e faaaogaina ou manatu, pe mafai foi ona e filifilia se tasi pe sili atu o gaoioiga nei, e fesoasoani ai i tagata a’oga e auai i le talanoaga.Mafaufau e fai atu fesili tulitatao a o fefaasoaa’i tagata a’oga.O nei filifiliga e mafai ona ausia ta’ito’atasi, ma se paga, pe i se vaega to’alaiti.

Taulai ia Iesū Keriso.Afai na suesueina e au tagata a’oga le lauga ma vaavaai mo upumoni musuia e uiga ia Iesū Keriso, ona mafaufau lea e tuu se ata [o Iesu Keriso] i luga o le laupapa.Valaaulia tagata a’oga e tusi faataamilo i le ata mea na latou mauaina e uiga ia [Iesu Keriso] mai le lauga.Ona mafai lea ona latou faasoa mai mea na latou tusia ma le auala e fesoasoani ai ia i latou ia iloa atili, alofa [atili], po o le naunau [atili] e mulimuli ia Iesū Keriso.

Tala faatino.E mafai e tagata a’oga ona faaata ua fai atu e se isi ia i latou se fesili e fesootai i le lauga.E mafai ona latou faataitai le tali atu i lena uo e faavae i luga o mea na latou aoaoina mai le lauga.Pe afai na e faaaogaina le fautuaga “Auala e fesoasoani ai i se vaaiga faataitai talafeagai” , ona mafai lea e tagata a’oga ona fai se tala faatino ma se paga pe i ni vaega to’alaiti, i le auala latou te ono fesoasoani ai i le tagata o loo i le vaaiga faataitai e faaaoga ai mea ua latou aoaoina.

Aoao le tasi i le isi.E mafai e tagata a’oga ona aoao e le tasi i le isi le auala e talafeagai ai pe anoa ai le savali mai le lauga ia i latou.Pe mafai foi ona latou fefaasoaa’i foi e le tasi i le isi mea na latou aoaoina e uiga i le autū ma le auala e fesoasoani atili ai mea ua latou aoaoina, e mulimuli lelei atili ai ia Iesū Keriso.

Sauni se lauga.E mafai ona e valaaulia tagata aoga e faia se tautalaga e tolu i le lima minute po o se lesona o aoaoina ai le savali sa latou suesueina.E mafai ona faaaofia e tagata aoga ni aafiaga patino po o ni mau faasino faaopoopo e lagolago i le savali.E mafai e tagata a’oga ona faataitai le faasoaina atu o a latou lauga i se paga, se vaega to’alaiti, po o le vasega.

Faamaumau manatu ma lagona.Mafaufau e valaaulia tagata a’oga e tusi o latou manatu po o lagona a o latou suesueina le lauga.E ono faamaumau e tagata a’oga soo se faatinoga na uunaia i latou e le Agaga e fai.Pe a talafeagai ai, e mafai ona e fai atu i tagata a’oga naunautai e faasoa mai mea na latou tusia.

Fatufatua’i se mea.I le faaaogaina ai o mea na latou aoaoina i le lauga, e mafai ona e tuu atu i tagata a’oga se taimi e fatu ai se ata, ata tusi, pepa lautele, meme, se tusitusiga o faasalalauga faaagafesootai, ma isi mea faapena.E mafai ona avea o se faamanatu po o se mea e musuia ai isi.Valaaulia tagata a’oga e faasoa mai i le vasega pe i se vaega to’alaiti mea na latou fatuina.

Faasoa atu i isi.E te ono uunaia tagata a’oga e faasoa atu se savali mai le lauga ma o latou aiga poo uo.A o latou fefaasoaa’i, e mafai e tagata a’oga ona faaaofia ai se molimau faigofie po o se valaaulia e faatino mea na aoaoina.

Metotia e faaaoga ai le savali

Two people sitting at a table. Text boxes representing communication.

Faailoa ma faaaoga valaaulia.O nisi taimi, e tasi pe sili atu valaaulia e aofia i lauga.E mafai ona e valaaulia tagata a’oga e faailoa mai nisi o nei valaaulia, ma mafaufau ma le agaga tatalo i mea latou te lagona e finagalo le Ali’i latou te faia e faaaoga ai se valaaulia.E mafai foi ona latou mafaufau pe faapefea i le faatino ai o lena valaaulia ona fesoasoani ia i latou e faalatalata atili atu ai i le Tamā Faalelagi ma Iesū Keriso.

Faatino uunaiga.Uunaia tagata a’oga e faatino ni uunaiga atonu na latou maua a o suesueina le lauga.Atonu na latou lagonaina se uunaiga e faia ni suiga faapitoa i o latou olaga, ia faatu pe galue i se tasi o a latou sini patino, pe faasoa atu le savali i se isi tagata.

Fai se fuafuaga.E mafai e tagata a’oga ona tali fesili e pei o fesili nei i totonu o a latou api talaaga po o masini faatekonolosi, ina ia fesoasoani ia i latou e faaaoga mea ua latou aoaoina:

O le a le mea ua ou fuafua e fai?
Aisea oute lagona ai e tatau ona ou faia lenei mea?
O afea oute fuafua e faia ai lenei mea?
O ai e mafai ona ou talosaga iai e fesoasoani ia te a’u?
E mafai faapefea e le Faaola ona fesoasoani ia te a’u?