Ուսումնասիրենք Տիրոջ ծառաների ուղերձները

Ստորև բերված երկու պնդումները գնահատելիս կարո՞ղ եք դրանցից յուրաքանչյուրը բնութագրել հետևյալ կերպ․ «ինձ համար ճիշտ է» կամ «ինձ համար ճիշտ չէ»։

• Ես դիտում եմ գերագույն համաժողովը։

• Ես կարդում և ուսումնասիրում եմ ելույթները գերագույն համաժողովից հետո։

Գերագույն համաժողովի ավարտին նախագահ Ռասսել Մ. Նելսոնն ասել է.

Հուսով եմ, որ առաջիկա ամիսների ընթացքում դուք բազմիցս կուսումնասիրեք այս համաժողովի ուղերձները։ («Ցնծացեք քահանայության բանալիների պարգևով», Լիահոնա, մայիս 2024, 119)

• Ըստ ձեզ, ինչո՞ւ է կարևոր ուսումնասիրել գերագույն համաժողովի ուղերձները։

• Ինչո՞ւ կարող է դեռահասների համար դժվար լինել ուսումնասիրել այդ ուղերձները։ Ի՞նչ խոչընդոտների եք բախվել կամ կարող եք բախվել՝ այդ ուղերձները կանոնավոր կերպով ուսումնասիրելիս։

Այսօրվա ուսումնասիրության ընթացքում հրավիրեք Սուրբ Հոգուն՝ օգնելու ձեզ հասկանալ, թե ինչու է կարևոր ուսումնասիրել այդ ուղերձները։ Կարող եք փնտրել եղանակներ, որոնցով Երկնային Հայրը և Հիսուս Քրիստոսը կարող են օգնել ձեզ հաղթահարել ցանկացած դժվարություն, որը խոչընդոտ է հանդիսանում՝ ներառելու այդ ուղերձներն ավետարանի ձեր անձնական ուսումնասիրության մեջ։

Այլ իսրայելացիների հետ Եզեկիելը գերի ընկավ և տարվեց Բաբելոն։ Գերության ժամանակ նրան այցելեց Տերը և կանչեց՝ լինելու մարգարե (տես Եզեկիել 1–2):

Կարդացեք Եզեկիել 3․4, 10–11, 27 հատվածները՝ փնտրելով Տիրոջ հրահանգներն Իր մարգարեին։

• Ի՞նչ կարող ենք սովորել Տիրոջ մարգարեի դերի մասին։

Նախագահ Ռասսել Մ. Նելսոնը կիսվել է այն օրհնություններով, որոնք Փրկիչը խոստացել է նրանց, ովքեր լսում են (ականջալուր են), ականջ են դնում (պատրաստ են հնազանդվել) և ուշադիր են (հետևում են հավատքով) Փրկչի ծառաների կողմից տրված ուսմունքների հանդեպ։

24:24

[Մ]ենք լսում ենք Նրան, երբ ականջ ենք դնում մարգարեների, տեսանողների և հայտնողների խոսքերին: Հիսուս Քրիստոսի կարգված առաքյալները միշտ վկայում են Նրա մասին: Նրանք մատնանշում են ուղին, երբ մենք քայլում ենք մահկանացու փորձառությունների մեր մռայլ լաբիրինթոսի ուղիով:

Ի՞նչ կլինի, երբ դուք ավելի գիտակցված լսեք, ականջ դնեք և ուշք դարձնեք նրան, ինչ ասել է Փրկիչը, և ինչ է Նա ասում հիմա իր մարգարեների միջոցով: Ես խոստանում եմ, որ դուք ավելի մեծ ուժ կստանաք՝ պայքարելու գայթակղության, դժվարության և թուլության դեմ: Ես խոստանում եմ հրաշքներ՝ ձեր ամուսնության, ընտանեկան հարաբերությունների և ամենօրյա աշխատանքի մեջ: Եվ ես խոստանում եմ, որ ուրախություն զգալու ձեր կարողությունը կավելանա նույնիսկ այն դեպքում, երբ ձեր կյանքում շատանան ցնցումները: («Լսի՛ր Նրան», Լիահոնա, մայիս 2020, 90) (13:07–14:16)

• Ի՞նչ խոստացված օրհնություններ բացահայտեցիք։

Դիտարկելով այդ խոստացված օրհնությունները, մտածեք այն հանգամանքի մասին, երբ այդ օրհնություններից մեկը կարող է օգտակար լինել դեռահասի համար։

• Ինչո՞վ կարող եք կիսվել՝ օգնելու դեռահասներին ուսումնասիրել Եկեղեցու ղեկավարների ուղերձները, եթե նրանք դժվարանում են դա անել։

• Ե՞րբ եք դուք կամ ձեր ծանոթներից մեկը զգացել այդ օրհնությունները։

• Ի՞նչ խորհուրդ կտայիք մարդուն՝ հաղթահարելու այդ խոչընդոտը։

Մտածեք մեկ եղանակի մասին, թե ինչպես կարող եք Եկեղեցու ղեկավարների ուղերձների ուսումնասիրությունը ներառել ձեր անձնական ուսումնասիրության մեջ։ Ընտրեք հետևյալ գաղափարներից մեկը.

• Հետևեք Եկեղեցու ղեկավարների սոցիալական ցանցերի էջերին։

• Կիրակնօրյա ձեր երկրպագության կամ շաբաթվա մեկ կամ մի քանի այլ օրերի ընթացքում ուսումնասիրեք ելույթը կամ ելույթի մի մասը։

• Լսեք ելույթը՝ միաժամանակ կատարելով մեկ այլ գործունեություն, օրինակ՝ մարզվելով, աշխատանքի գնալով կամ աշխատելով։

• Օգտագործեք «Ուսումնական ծրագիր» գործառույթը՝ վերջին գերագույն համաժողովի ելույթների կամ Եկեղեցու ներկայիս նախագահի ուղերձների ուսումնասիրության ծրագիր կազմելու համար։

• Օգտագործեք սուրբգրային մեջբերումների ցանկը՝ ձեր անձնական սուրբ գրությունների ուսումնասիրության ընթացքում ձեզ համար կարևոր սուրբ գրություն գտնելիս։ scriptures.byu.edu կայքում գտնվող այս ցանկը կարող է օգնել ձեզ տեսնել հատվածի վերջին կիրառությունները գերագույն համաժողովում։ Կարող եք մեջբերումը կապել Gospel Library հավելվածում գտնվող հատվածի հետ։

• Ստեղծեք ձեր անձնական տարբերակը։