Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Պատրաստվել գերագույն համաժողովին. Լսել Փրկչի խոսքերը գերագույն համաժողովում

«Պատրաստվել գերագույն համաժողովին. Լսել Փրկչի խոսքերը գերագույն համաժողովում», Հին Կտակարան․ Սեմինարիայի ուսուցչի ձեռնարկ (2026)

«Պատրաստվել գերագույն համաժողովին. Լսել Փրկչի խոսքերը գերագույն համաժողովում», Հին Կտակարան․ Սեմինարիայի ուսուցչի ձեռնարկ

Եկեղեցու ղեկավարների ուսմունքները․ Դաս 205

Պատրաստվել գերագույն համաժողովին

Լսել Փրկչի խոսքերը գերագույն համաժողովում

Գերագույն համաժողովում Տերը մեզանից յուրաքանչյուրի հետ խոսում է Իր ծառաների միջոցով։ Համաժողովին նպատակադրված պատրաստվելը կարող է օգնել մեզ անձնական հայտնություն ստանալ։ Այս դասը կօգնի ուսանողներին պատրաստվել ստանալու Փրկչի կողմից տրվող ուղերձները գերագույն համաժողովում:

Ուսանողի նախապատրաստում․ ուսանողներին առաջարկեք մտածել այն օրհնությունների մասին, որոնք կարող են գալ հաջորդ գերագույն համաժողովը դիտելուց, և թե ինչպես կարող են պատրաստվել դրան։

Հնարավոր ուսումնական վարժություններ

Ինչպես պատրաստվել միջոցառումներին

Նշում․ քանի որ գերագույն համաժողովը տեղի է ունենում տարին երկու անգամ, դուք նույնպես կարող եք ուսուցանել այս դասը երկու անգամ։ Այս դասն այլ եղանակներով ուսուցանելու համար տես դասի «Լրացուցիչ ուսումնական վարժություններ» բաժինը ChurchofJesusChrist.org կայքում Gospel Library հավելվածում։

Որպեսզի օգնեք ուսանողներին պատրաստվել ուսումնասիրությանը, կարող եք սկսել դասը՝ գրատախտակին նկարելով հետևյալը.

Ուսանողներին առաջարկեք հիշել իրենց ստացած որևէ ուղերձ, որը կարևոր էր իրենց համար։ Օրինակ՝ գրություն ծնողից, հաղորդագրություն ընկերոջից, գովեստի խոսքեր հարևանից կամ Եկեղեցու ղեկավարից կամ տատիկի ու պապիկի խորհուրդը։

Կարող եք կիսվել ձեր ստացած ուղերձով, որը կարևոր էր ձեզ համար։ Ուսանողներին տվեք հետևյալ հարցը.

Ինչո՞ւ էր ձեր ստացած ուղերձը կարևոր։

Պատկերացրեք, որ Տերը ցանկանում էր ձեզ ուղերձ ուղարկել։ Մի քանի րոպե տրամադրեք՝ ձեր ուսումնասիրության օրագրում գրելու, թե ինչ կցանկանայիք, որ Նա ներառի Իր ուղերձում, օրինակ՝ առաջնորդություն ձեր կյանքի համար, հույսի և վստահության ուղերձ, ճշմարտության հաստատում կամ հարցի պատասխան։

Ինչպես է Աստված մեզ ուղերձներ ուղարկում

Կարդացեք հետևյալ հատվածները՝ փնտրելով մեկ եղանակ, որով Տերը ուղարկում է Իր ուղերձները և այն արտահայտությունները, որոնք ցույց են տալիս, թե ինչու են դրանք կարևոր։

Ուսանողներին առաջարկեք կիսվել իրենց գտածով և խրախուսեք նրանց նշել այն արտահայտությունները, որոնք լսել են իրենց հասակակիցներից և որոնք կցանկանային հիշել։

Գերագույն համաժողովի ժամանակ մարգարեները, տեսանողները և հայտնողները, ինչպես նաև Եկեղեցու այլ ոգեշնչված ղեկավարները կիսվում են Տիրոջ ուղերձներով։

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

Ես բերում եմ իմ վկայությունը, որ Հիսուսը Քրիստոսն է, որ Նա առաջնորդում է Իր սուրբ գործը, և որ գերագույն համաժողովն այն կարևոր պահերից մեկն է, երբ Նա անձնապես ուղղորդում է Իր Եկեղեցին։ …

Գերագույն համաժողովի ուսմունքներն այն նկատառումներն են, որոնց մասին Տերը ցանկանում է, որ մտածենք այժմ և առաջիկա ամիսների ընթացքում։ («Տիրոջ ձայնը», Լիահոնա, նոյեմբեր 2017, 122, 124)

Ինչպե՞ս կամփոփեք այն, ինչ ուսուցանեց երեց Անդերսենը։

Ուսանողները կարող են նշել հետևյալ ճշմարտությունը․ գերագույն համաժողովի ժամանակ Տերը ուղղորդում է Իր Եկեղեցին և մեզ՝ Իր ծառաների՝ մարգարեների միջոցով։
Ի՞նչ գիտեք Հիսուս Քրիստոսի մասին, որը կարևորում է Նրա ուղերձը։

Որպեսզի օգնեք ուսանողներին մտորել գերագույն համաժողովին իրենց նախապատրաստության մասին, կարող եք ցուցադրել ինքնագնահատման հետևյալ հարցերը:

Հարցերի պատասխանները գրեք ձեր ուսումնասիրության օրագրում.

Որքանո՞վ եք վստահ, որ կարող եք ճանաչել անձամբ ձեզ ուղարկված Տիրոջ ուղերձները գերագույն համաժողովում։ Ինչո՞ւ։
Ի՞նչ կարող եք անել՝ առաջիկա գերագույն համաժողովին նախապատրաստվելու համար, որպեսզի կարողանաք ավելի լավ ընդունել ձեզ ուղարկված Տիրոջ ուղերձները։

Պատրաստվել գերագույն համաժողովին

Ե՞րբ եք դուք կամ ձեր ծանոթը գերագույն համաժողովի ուղերձ ստացել, որն, ըստ ձեզ, Տիրոջից էր։ Այն ինչպե՞ս ազդեց ձեզ կամ նրանց վրա:

Պատրաստվել գերագույն համաժողովին

Գրեք մի նպատակ, որին կցանկանայիք հասնել՝ գերագույն համաժողովի ժամանակ Տիրոջ ուղերձները ստանալու համար։

Յուրաքանչյուր ուսանողի բաժանեք կպչուն նշում կամ թերթիկ և խնդրեք դրանց վերևում գրել «Ձեզ համար» արտահայտությունը։ Ուսանողները կարող են նաև օգտագործել իրենց ուսումնասիրության օրագիրը կամ տետրը՝ ըստ իրենց նախընտրության։

Խնդրեք նրանց գրել ցանկացած ուղերձ, որն, ըստ իրենց, Տերն է ուղարկել իրենց գերագույն համաժողովի ժամանակ։ Խրախուսեք նրանց գերագույն համաժողովից հետո գալ դասի և կիսվել, թե ինչպես են նախապատրաստվել համաժողովին։ Եթե դա խիստ անձնական չէ, նրանք կարող են նաև կիսվել, թե ինչ ուղերձներ են լսել Տիրոջից։

Գերագույն համաժողովին հաջորդող դասի ժամանակ կարող եք մի քանի րոպե տրամադրել, որպեսզի ուսանողները պատմեն իրենց փորձառության մասին։

Գերագույն համաժողովի ուսումնառության կրկնողություն

Գերագույն համաժողովին հաջորդող սեմինարիայի դասի ժամանակ ուսանողներին հնարավորություն տվեք կրկնել և կիսվել իրենց սովորածով։ Կարող եք մի քանի նմանատիպ հարց գրել գրատախտակին․

Ի՞նչը ձեզ մոտ ծիծաղ առաջացրեց:
Ո՞ր ելույթը կցանկանայիք ուսումնասիրել:
Ո՞ր ուղերձներն են, ըստ ձեզ, ուղղված եղել անձամբ ձեզ։
Ի՞նչ սովորեցիք կամ զգացիք Փրկչի մասին։

Կարող եք առաջարկել ուսանողներին գրատախտակին գրել հարցերի պատասխանները: Որպես այլընտրանք, նրանք կարող են գրել իրենց անունը կպչուն նշման կամ թերթիկի վրա և տեղադրել դա այն հարցի մոտ, որին պատրաստ են պատասխանել։ Դասարանում քննարկում անցկացրեք՝ անուն առ անուն պատրաստակամ ուսանողներին առաջարկելով կիսվել իրենց հարցերի պատասխաններով։ Կարող եք նաև կիսվել ձեր մի քանի պատասխանով։

Օժանդակ նյութեր

Ինչի՞ վրա են կենտրոնանում գերագույն համաժողովի ուղերձները:

Նախագահ Ռասսել Մ. Նելսոնն ուսուցանել է․

5:27

Եկեղեցու Բարձրագույն իշխանությունը և Բարձրագույն պաշտոնյաները, որոնք խոսելու են, իրենց ուղերձները կկենտրոնացնեն մեր Փրկիչ Հիսուս Քրիստոսի, Նրա ողորմածության և Նրա անսահման քավիչ զորության վրա: Աշխարհի պատմության մեջ երբևէ չի եղել այնպիսի ժամանակ, երբ մեր Փրկչի մասին գիտելիքն ավելի կենսական և արդիական լինի մարդկային բոլոր հոգիների համար: Պատկերացրեք, թե որքան արագ կլուծվեին կործանարար հակամարտություններն ամբողջ աշխարհում և մեր կյանքում անհատապես, եթե բոլոր մարդիկ որոշեին հետևել Հիսուս Քրիստոսին և ուշադիր լսել Նրա ուսմունքները: («Մաքուր ճշմարտություն, մաքուր վարդապետություն և մաքուր հայտնություն», Լիահոնա, նոյ․ 2021, 6) (1:41–2:26)

Ո՞րն է գերագույն համաժողովի ընթացքում նշումներ կատարելու եղանակներից մեկը:

Տասներկու Առաքյալների Քվորումից երեց Ռոբերտ Դ. Հեյլսն (1932–2017) ուսուցանել է.

15:51

Երբ ես համաժողովի ժամանակ գրառումներ եմ անում, միշտ չէ, որ ճշգրտորեն գրում եմ այն, ինչ ասում է խոսնակը. ես գրի եմ առնում անձնականացված ուղղորդումը, որը Հոգին տալիս է ինձ:

Ասվածն այնքան կարևոր չէ, որքան այն, ինչ լսում և զգում ենք: («Գերագույն համաժողով. Ամրացնել հավատքը և վկայությունը», Լիահոնա, նոյ․ 2013, 6) (5:00–5:19)

Լրացուցիչ ուսումնական վարժություններ

Տիրոջ հետ խոսելու հնարավորություն

Դասը սկսելու մեկ այլ եղանակ է՝ ուսանողներին տալ հետևյալ հարցը. «Եթե դուք հնարավորություն ունենայիք ձեր կյանքում խորհուրդ և օգնություն խնդրելու համար խոսել ցանկացած մեկի հետ, ո՞վ կլիներ դա և ինչո՞ւ»։

Ցուցադրեք Փրկչի ուսուցումը պատկերող նկարը։ Ուսանողներին առաջարկեք պատկերացնել, որ մի քանի օրից իրենք հնարավորություն կունենան խոսելու Տեր Հիսուս Քրիստոսի հետ։ Նրանք կարող են Նրանից խորհուրդ և առաջնորդություն խնդրել իրենց կյանքի համար։

Ապա ուսանողները կարող են պատասխանել հետևյալ հարցերին իրենց ուսումնասիրության օրագրերում։

Ի՞նչ առաջնորդություն կամ օգնություն կարող եք խնդրել Նրանից։
Ի՞նչ կարող եք անել՝ Նրա հետ ձեր հանդիպմանը նախապատրաստվելու համար։ Ինչո՞ւ։

Տերը մեզ խորհուրդ է տալիս Իր մարգարեի միջոցով

Եթե այս դասն ուսուցանում եք տարվա ընթացքում երկրորդ անգամ, կարող եք սկսել դասը՝ ներկայացնելով վերը նշված գաղափարը և անել հետևյալը.

Կարդացեք հետևյալ հատվածներից մի քանիսը՝ փնտրելով, թե Տիրոջ կողմից Իր մարգարե Մովսեսի միջոցով տրված ուղղորդումն ինչպես է օգնել Իր ժողովրդին տարբեր ժամանակներում։

Ելք 3․15–17: Երբ մարդիկ ստրկացված էին։

Ելք 12․21–23, 27։ Երբ Տերը խոստացավ, որ մահվան հրեշտակը կսպանի անդրանիկ զավակներին Եգիպտոսում։

Ելք 14․13–14, 21։ Երբ մարդիկ արգելափակված էին եգիպտական բանակի և Կարմիր ծովի միջև։

Ելք 16․4: Երբ մարդիկ ուտելիք չունեին։

Ելք 17․5–6: Երբ մարդիկ ջուր չունեին։

Ելք 25․1–2, 8: Երբ մարդիկ անապատում էին։ (Նշում. սրբարան բառը վերաբերում էր խորանին կամ շարժական տաճարին։)

Թվեր 21․8–9։ Երբ մարդկանց խայթում էին թունավոր օձերը։

Ինչո՞վ էին այս ուղերձները տարբերվում միմյանցից։ Ինչո՞ւ։
Ի՞նչ սովորեցիք:
Ինչպե՞ս էին այդ ուղերձները ցույց տալիս Տիրոջ սերը։

Գրատախտակին գրեք հետևյալը. Իր մարգարեի միջոցով Տերը մեզ առաջնորդում է մեր դժվարությունների և դժվարին իրավիճակների ժամանակ։

Ուսանողներին առաջարկեք հիշել ցանկացած պատճառ, որով կցանկանային առաջնորդություն կամ խորհուրդ ստանալ իրենց կյանքում։ Քննարկեք, թե նրանք ինչպես կարող են պատրաստվել լսել Տիրոջ խոսքը գերագույն համաժողովում։ Օրինակ՝ ուսանողները կարող են գրել իրենց պատճառները և, գերագույն համաժողովը դիտելիս՝ նշումներ անել այն ամենի մասին, ինչը կարող է օգնել իրենց այդ իրավիճակներում։

Ձգտեք զարգացնել քրիստոսանման հատկանիշները գերագույն համաժողովի միջոցով

Գերագույն համաժողովին նախապատրաստվելու մեկ այլ եղանակ է՝ մտածել մեկ կամ երկու քրիստոսանման հատկանիշների մասին, որոնք ուսանողները կցանկանային զարգացնել (օրինակ՝ գթություն, խոնարհություն, աշխատասիրություն, համբերություն և այլն): Ապա լսեք գերագույն համաժողովում տրված ուղղորդումներն այն մասին, թե ինչպես ավելի նմանվել Փրկչին։