Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Përgatitja për Konferencën e Përgjithshme: Të Dëgjuarit e Fjalëve të Shpëtimtarit në Konferencën e Përgjithshme

“Përgatitja për Konferencën e Përgjithshme: Të Dëgjuarit e Fjalëve të Shpëtimtarit në Konferencën e Përgjithshme”, Manuali i Mësuesit të Seminarit për Dhiatën e Vjetër (2026)

“Përgatitja për Konferencën e Përgjithshme: Të Dëgjuarit e Fjalëve të Shpëtimtarit në Konferencën e Përgjithshme”, Manuali i Mësuesit të Seminarit për Dhiatën e Vjetër

Mësime të Udhëheqësve të Kishës: Mësimi 205

Përgatitja për Konferencën e Përgjithshme

Të Dëgjuarit e Fjalëve të Shpëtimtarit në Konferencën e Përgjithshme

Zoti i flet secilit prej nesh nëpërmjet shërbëtorëve të Tij në konferencën e përgjithshme. Përgatitja e qëllimshme për konferencë mund të na ndihmojë të marrim zbulesa vetjake. Ky mësim mund t’i ndihmojë nxënësit të përgatiten për të marrë mesazhe nga Shpëtimtari në konferencën e përgjithshme.

Përgatitja e nxënësve: Ftojini nxënësit të përsiatin për bekimet që mund të vijnë nga shikimi i konferencës së përgjithshme të radhës dhe si mund të përgatiten për të.

Veprimtari të Mundshme të të Mësuarit

Përgatitja për ngjarjet

Shënim: Për shkak se konferenca e përgjithshme ndodh dy herë në vit, mund t’ju nevojitet ta jepni këtë mësim dy herë. Për mënyra të tjera se si ta jepni këtë mësim, shihni pjesën Veprimtari Plotësuese të të Mësuarit të këtij mësimi te Gospel Library [Biblioteka e Ungjillit] në ChurchofJesusChrist.org.

Për t’i ndihmuar nxënësit të mësojnë, merreni parasysh ta filloni mësimin duke vizatuar diçka si më poshtë në tabelë:

Ftojini nxënësit të sjellin ndër mend një mesazh që morën, i cili ishte kuptimplotë për ta. Disa shembuj janë një shënim nga një prind, një mesazh SMS nga një mik/e, një kompliment nga një fqinj/e ose udhëheqës/e i/e Kishës ose këshillë nga një gjysh/e.

Merreni parasysh të tregoni një shembull të një mesazhi që morët, i cili ishte kuptimplotë për ju. Bëjuni nxënësve pyetjen në vijim:

Pse mesazhi që morët, ishte kuptimplotë për ju?

Përfytyro sikur Zoti do të të dërgonte një mesazh. Ndalu një çast për të shkruar në ditarin tënd të studimit se çfarë shpreson që Ai do të përfshijë në mesazhin e Tij, për shembull, udhëzime për jetën tënde, një mesazh shprese dhe sigurie, një konfirmim të së vërtetës ose një përgjigje për një pyetje.

Si na dërgon Perëndia mesazhe

Lexoji disa nga vargjet e vijuese, duke kërkuar një mënyrë se si Zoti i dërgon mesazhet dhe frazat e Tij që tregojnë pse është e rëndësishme kjo:

2 Kronikave 36:15
Jeremia 7:25
Amos 3:7
Doktrina e Besëlidhje 1:38
Doktrina e Besëlidhje 21:4–6

Ftojini nxënësit të tregojnë atë që gjetën, dhe inkurajojini ata t’i shenjojnë frazat që dëgjojnë nga bashkëmoshatarët e tyre, të cilat do të dëshironin t’i mbajnë mend.

Gjatë konferencës së përgjithshme, profetët, shikuesit dhe zbuluesit, së bashku me udhëheqës të tjerë të frymëzuar të Kishës, tregojnë mesazhe nga Zoti.

Plaku Nil L. Andersen, i Kuorumit të Dymbëdhjetë Apostujve, dha mësim:

“Ju jap dëshminë time që Jezusi është Krishti, që Ai i drejton punët e kësaj vepre të shenjtë dhe që konferenca e përgjithshme është një nga rastet shumë të rëndësishme kur Ai i jep drejtim Kishës së Tij dhe neve personalisht. …

Mësimet e konferencës së përgjithshme janë gjërat që Zoti dëshiron që t’i kemi përpara nesh tani dhe në muajt e ardhshëm.” (“Zëri i Zotit”, Liahona, nëntor 2017, f. 122, 124)

Si do ta përmblidhje atë që Plaku Andersen dha mësim?

Një e vërtetë që mund të përmendin nxënësit, është se, në konferencën e përgjithshme, Zoti i jep udhëzime Kishës së Tij dhe neve personalisht nëpërmjet shërbëtorëve të Tij, profetëve.
Çfarë di ti rreth Jezu Krishtit që do ta bënte kuptimplotë një mesazh nga Ai?

Për t’i ndihmuar nxënësit të reflektojnë për përgatitjen e tyre për konferencën e përgjithshme, merreni parasysh të paraqitni pyetjet vijuese për vlerësimin e vetes.

Përsiat dhe përgjigju për pyetjet vijuese në ditarin tënd të studimit:

Sa beson te vetja se mund ta dallosh mesazhin e Zotit veç për ty në konferencën e përgjithshme? Pse?
Çfarë mund të bësh për t’u përgatitur për konferencën e përgjithshme të radhës që të mund t’i marrësh më mirë mesazhet e Zoti për veten tënde?

Përgatitja për konferencën e përgjithshme

Kur ke marrë ti ose dikush që e njeh, një mesazh nga konferenca e përgjithshme që e ndjeve se ishte nga Zoti? Si ndikoi ai tek ti ose tek ai person?

Përgatitu për konferencën e përgjithshme

Shkruaj një synim se çfarë do të doje të bëje për të marrë mesazhet e Zotit gjatë konferencës së përgjithshme.

Shpërndajini një pusullë ngjitëse ose një copë letër secilit nxënës dhe ftojeni të shkruajë frazën “Enkas për Ty” në krye. Nxënësit gjithashtu mund të përdorin ditarin e tyre të studimit ose një fletore, nëse parapëlqejnë.

Kërkojuni atyre të shkruajnë çdo mesazh që mendojnë se Zoti u dërgoi gjatë konferencës së përgjithshme. Inkurajojini ata të kthehen në klasë pas konferencës së përgjithshme gati për të treguar atë që bënë për t’u përgatitur. Nëse nuk është tepër personale, ata gjithashtu mund të tregojnë se çfarë mesazhesh dëgjuan prej Zotit.

Në një orë të ardhshme mësimore pas konferencës së përgjithshme, merreni parasysh t’u jepni nxënësve disa minuta për të raportuar përvojën e tyre.

Veprimtaria e përsëritjes së konferencës së përgjithshme

Në orën e ardhshme mësimore pas konferencës së përgjithshme, merreni parasysh t’u jepni nxënësve një mundësi për të shqyrtuar dhe treguar atë që mësuan. Ju mund të shkruani disa pyetje në tabelë, të tilla si:

Çfarë ju bëri të qeshni?
Cilën bisedë jeni entuziastë ta studioni?
Cilat mesazhe ndiet se ishin enkas për ju?
Çfarë mësuat apo ndiet për Shpëtimtarin?

Mund t’i ftoni nxënësit të shkruajnë në tabelë përgjigjet për çdonjërën nga pyetjet. Përndryshe, mund të shkruajnë emrin e tyre në një pusullë ngjitëse ose një copë të vogël letre dhe ta vënë afër një pyetjeje që janë të gatshëm t’i përgjigjen. Bëni një diskutim me klasën duke i ftuar me emër nxënësit e gatshëm për të treguar përgjigjet e tyre për pyetjet. Ju gjithashtu mund të tregoni disa nga përgjigjet tuaja.

Burime Shtesë

Cila është pika ku përqendrohen mesazhet e konferencës së përgjithshme?

Presidenti Rasëll M. Nelson dha mësim:

5:27

“Autoritetet e Përgjithshme dhe Drejtuesit e Përgjithshëm të Kishës që flasin, do t’i përqendrojnë mesazhet e tyre te Shpëtimtari ynë, Jezu Krishti, mëshira e Tij dhe fuqia e Tij e pafund shëlbuese. Nuk ka pasur kurrë një kohë në historinë e botës kur njohuria për Shpëtimtarin tonë të ishte më jetike personalisht dhe më me vend për çdo shpirt njerëzor. Përfytyroni se sa shpejt do të zgjidheshin konfliktet shkatërrimtare anembanë botës – dhe ato në jetën tonë individuale – nëse të gjithë do të zgjidhnim të ndiqnim Jezu Krishtin dhe t’ua vinim veshin mësimeve të Tij.” (“E Vërtetë e Kulluar, Doktrinë e Kulluar dhe Zbulesë e Kulluar”, Liahona, nëntor 2021, f. 6) (kodi kohor 1:41 deri në 2:26)

Cila është një mënyrë për të mbajtur shënime gjatë konferencës së përgjithshme?

Plaku Robert D. Hejls (1932–2017), i Kuorumit të Dymbëdhjetë Apostujve, dha mësim:

15:51

“Kur mbaj shënime në konferencë, nuk shkruaj gjithmonë me përpikëri atë që po thotë folësi; unë shënoj drejtimin vetjak që Shpirti po më jep mua.

Ajo që thuhet nuk është aq e rëndësishme sa ajo që dëgjojmë dhe ajo që ndiejmë. ( “Konferenca e Përgjithshme: Forcimi i Besimit dhe i Dëshmisë”, Liahona, nëntor 2013, f. 6) ([në anglisht] kodi kohor 5:00 deri në 5:19)

Veprimtari Plotësuese të të Mësuarit

Një mundësi për të folur me Zotin

Një mënyrë tjetër për ta filluar mësimin është t’i pyesni nxënësit: “Nëse do të kishit mundësinë të flisnit me dikë për këshilla dhe ndihmë në jetën tuaj, kush do të ishte dhe pse?”

Shfaqni një figurë të Shpëtimtarit duke dhënë mësim. Ftojini nxënësit të imagjinojnë se pas disa ditësh, ata do të kishin mundësinë të flisnin me Zotin Jezu Krisht. Ata mund t’i kërkonin Atij këshilla dhe udhëzime për jetën e tyre.

Nxënësit mund t’u përgjigjen pyetjeve vijuese në ditarët e tyre të studimit:

Çfarë drejtimi ose ndihme mund të kërkoni prej Tij?
Çfarë mund të bëni për t’u përgatitur për vizitën tuaj me Të? Pse?

Zoti na këshillon nëpërmjet profetit të Tij

Nëse e jepni këtë mësim për herë të dytë gjatë vitit, merreni parasysh të filloni me idenë shtesë të mësipërme dhe të bëni sa vijon:

Lexoni disa nga vargjet vijuese, duke kërkuar se si udhëzimi që Zoti dha nëpërmjet profetit të Tij Moisiut, e ndihmoi popullin e Tij në kohë të ndryshme.

Eksodi 3:15–17. Kur populli u skllavërua.

Eksodi 12:21–23, 27. Kur Zoti premtoi se një engjëll i vdekjes do të vriste të parëlindurit në Egjipt.

Eksodi 14:13–14, 21. Kur populli kishte ngecur ndërmjet ushtrisë egjiptiane dhe Detit të Kuq.

Eksodi 16:4. Kur populli nuk kishte ushqim.

Eksodi 17:5–6. Kur populli nuk kishte ujë.

Eksodi 25:1–2, 8. Kur populli ishte në shkretëtirë. (Shënim: fjala shenjtërore i referohet tabernakullit ose tempullit të lëvizshëm.)

Numrat 21:8–9. Kur njerëzit u pickuan nga gjarpërinjtë helmues.

Si ishin të ndryshme këto mesazhe? Pse?
Çfarë mësuat?
Si e tregojnë këto mesazhe dashurinë e Zotit?

Merreni parasysh të shkruani në tabelë sa vijon: Nëpërmjet profetit të Tij, Zoti na jep udhëzime për sfidat dhe situatat tona.

Ftojini nxënësit të sjellin ndër mend çfarëdo arsye pse do të donin udhëzim ose këshillë në jetën e tyre. Diskutoni për mënyrat se si ata mund të përgatiten për të dëgjuar fjalën e Zotit në konferencën e përgjithshme. Për shembull, nxënësit mund të shkruajnë arsyet e tyre dhe, ndërsa shikojnë konferencën e përgjithshme, të mbajnë shënime për çdo gjë që dëgjojnë që mund të ndihmojë në ato situata.

Kërkimi për të zhvilluar cilësi si të Krishtit përmes konferencës së përgjithshme

Një mënyrë tjetër për t’u përgatitur për konferencën e përgjithshme është të mendoni për një ose dy cilësi si të Krishtit që nxënësit do të dëshironin të zhvillonin (të tilla si dashuria hyjnore, përulësia, zelli, durimi etj.). Pastaj dëgjoni për udhëzime në konferencën e përgjithshme se si të bëheni më shumë si Shpëtimtari në atë mënyrë.