Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Edukasyon alang sa Tibuok Kalag: Pag-una sa Edukasyon sa Hunahuna ug Espiritu

“Edukasyon alang sa Tibuok Kalag: Pag-una sa Edukasyon sa Hunahuna ug Espiritu,” Manwal sa Magtutudlo sa Seminary sa Daang Tugon (2026)

“Edukasyon alang sa Tibuok Kalag: Pag-una sa Edukasyon sa Hunahuna ug Espiritu,” Manwal sa Magtutudlo sa Seminary sa Daang Tugon

Pagpangandam alang sa Umaabot nga Edukasyon ug Pagpanarbaho: Leksiyon 189

Edukasyon alang sa Tibuok Kalag

Pag-una sa Edukasyon sa Hunahuna ug Espiritu

Ang Ginoo nagdasig kanato nga unahon ang sekular ug relihiyosong edukasyon diha sa atong kinabuhi (tan-awa ang Doktrina ug mga Pakigsaad 88:77–80). Ang sekular ug relihiyosong edukasyon magpauswag sa atong abilidad sa pagserbisyo sa Dios ug sa uban ug mahimong makabarog pinaagi sa kinaugalingong paningkamot. Kini nga leksiyon makatabang sa mga estudyante sa pagplano aron mapadayon nila ang ilang human sa high school nga sekular nga edukasyon ug ang relihiyosong edukasyon.

Pagpangandam sa estudyante: Dapita ang mga estudyante nga mosulod sa klase nga andam ipakigbahin ang dili moubos sa duha ka posibleng opsiyon nga ilang gikonsiderar nga ilang himoon inigkahuman sa high school.

Posibleng mga Kalihokan sa Pagkat-on

Pag-una sa edukasyon

Si Reggie gustong mopadayon sa kinabuhi human og high school pinaagi sa dili pagpadayon sa iyang edukasyon. Gusto niyang dugangan ang iyang mga oras sa pagtrabaho diha sa iyang kasamtangang trabaho. Sa dili pa ang iyang pinal nga desisyon, nakahunahuna siyang ikonsiderar una ang mga bintaha ug dili bintaha sa pagpadayon sa iyang edukasyon.

Unsa kahay pipila ka bintaha ang malista ni Reggie para sa pagpadayon sa iyang edukasyon?
Unsa ang pipila ka dili bintaha?

Pwedeng maghimog listahan ang mga estudyante uban sa usa kapares o sa gagmayng grupo. Pwede nimong isulat diha sa pisara ang Mga Bintaha ug Mga Dili Bintaha ug dapita ang mga estudyante nga isulat diha sa pisara ang mahunahunaan nilang tubag. Kon bag-o lang nimong gitudlo ang Leksiyon 188, “Ang Kaimportante sa Edukasyon,” pwede nimong pahinumdoman ang mga estudyante sa ilang gihisgotan diha sa leksiyon nga gigamitan og butang nga imbudo. Pwedeng padayon nga pun-an sa mga estudyante kini nga listahan sa tibuok leksiyon.

Sekular ug relihiyosong edukasyon

Gihatagan og gibug-aton sa mga lider sa Simbahan ang kaimportante sa edukasyon para sa tanang anak sa Dios. Ang edukasyon nga gihatagan og gibug-aton sa mga lider sa Simbahan mao ang sekular ug relihiyosong edukasyon.

Isulat diha sa pisara ang mosunod nga dili kompletong kapahayag ilawom sa Mga Bintaha ug dapita ang mga estudyante nga isulat kini diha sa ilang mga journal.

Ang pagpadayon sa sekular ug relihiyosong edukasyon motabang nato nga …

Basaha ang mosunod nga mga pamahayag nga pangitaon ang lainlaing paagi nga makompleto nimo ang kapahayag.

Si Elder Clark G. Gilbert sa Seventy mitudlo:

Nakahibalo ba kamo ngano nga ang Simbahan namuhunan pag-ayo og daghang mga kapanguhaan sa edukasyon? Tungod kay ang Ginoo nahigugma kaninyo. Gusto Siya nga kamo magpaduol ngadto Kaniya ug makakaplag og emosyonal, intelektuwal, ug espirituwal nga kalig-on. Ang mga lider sa Simbahan gusto sa samang butang! Kami nag-ampo alang kaninyo ug sa inyong kalamposan. Kami naghatag og kapanguhaan kaninyo ug sa pagtabang kaninyo nga makab-ot ang inyong balaan nga potensyal. (“Edukasyon sa Simbahan: Adunay Luna alang sa Tanan,” Alang sa Kalig-on sa mga Kabatan-onan, Oktubre 2023, 18)

Dapita ang mga estudyante sa pagpakigbahin sa ilang nakaplagan ug isulat diha sa pisara ang ilang mga tubag. Apil tingali sa mga tubag sa mga estudyante ang:

… mas maduol sa Ginoo.

… makadawat og kusog gikan sa Ginoo.

… makab-ot nako ang akong balaanong potensiyal.

Nganong gikinahanglan ang sekular ug relihiyosong edukasyon aron madapit kini nga mga panalangin gikan sa Ginoo?

Sekular nga edukasyon

Ikonsiderar ang pagdrowing diha sa pisara og duha ka libro nga parehas sa mosunod. Butangi og label ang unang libro nga “Sekular” ug ang ikaduha “Relihiyoso.” Dapita ang mga estudyante sa pagdrowing og parehas niini nga mga basahon diha sa ilang mga journal sa pagtuon.

Sa basahon nga adunay label nga “Sekular,” dapita ang mga estudyante nga ilista ang ilang mga tubag sa mosunod nga pangutana. Pwede nimo silang dapiton nga buhaton kini sa usa ka pares o sa gagmayng mga grupo.

Unsang mga opsiyon ang anaa para nimo alang sa sekular nga edukasyon inigkahuman og high school?

Pwede nimong ipakigbahin ang dugang opsiyon nga wala hisgoti sa mga estudyante sama sa online nga pag-eskwela, community college, mga trade school, mga kahigayonan sa pag-aprentis, pagbansay diha sa trabaho, ug uban pa.
Unsang mga opsyon ang available pinaagi sa Church Educational System (CES)?

Relihiyosong edukasyon

Unsang opsiyon sa relihiyosong edukasyon ang anaa para sa kada sekular nga edukasyon nga gilista?

Para sa kada aytem nga gilista ilawom sekular nga edukasyon, ipalista sa mga estudyante ang opsiyon sa relihiyosong edukasyon nga kauban niini. Seguroa nga nasabtan sa mga estudyante nga kada eskwelahan sa CES naay relihiyosong edukasyon ingon nga bahin sa gikinahananglang kurikulom. Pwedeng isulat sa mga estudyante ang mga klase sa relihiyon tupad sa linya sa bisan unsang eskwelahan sa CES.

Kon dili kini mahisgotan sa mga estudyante, dapita sila sa pagsulat sa institute tupad sa bisan unsang gilista nga opsiyon sa sekular nga edukasyon. Kon kinahanglan, ipasabot nga niadtong wala moeskuwela sa eskwelahan sa CES, ang institute maoy usa ka lugar diin ang mga young adult (18–35 anyos), bisan asa sa kalibotan, libreng makakuhag relihiyosong edukasyon.

Paghunahuna og mga paagi nga makatabang ka sa mga estudyante sa seminary nga makita kon sa unsang paagi makatabang nila sa umaabot ang pag-eskwela sa institute. Usa ka paagi sa paghimo niini mao ang paghisgot niini nga senaryo ug sa pipila sa mosunod nga mga pangutana.

Ibutang ta nga nakadesisyon si Reggie nga mokuha og dugang edukasyon inigkahuman og high school diha sa usa ka trade school ug naghunahuna kon pwede ba pod siyang moeskwela sa institute.

Unsa kaha ang mga rason nga iahatag ni Reggie sa wala pagtambong sa institute?
Sa unsang paagi nakatabang nimo ang seminary samtang nag-eskwela ka?
Sa unsang paagi ang padayong pagkat-on bahin sa Langitnong Amahan ug ni Jesukristo makatabang ni Reggie samtang nag-eskwela sa trade school?

Ipasalida ang bidyo nga “Personal nga Imbitasyon sa Pagtambong sa Institute” (2:44), nga anaa sa ChurchofJesusChrist.org. Dapita ang mga estudyante nga pangitaon ang mga panalangin nga gisaad para sa pag-eskwela sa institute. Pwede usab nimong dapiton ang mga estudyante nga basahon diha sa handout ang bahin sa institute.

2:51

Pwede kang magbutang og dugang ideya diha sa listahan nga anaa sa pisara ubos sa Mga Bintaha nga gipakigbahin sa mga estudyante ingon nga bahin niini nga panaghisgot.
Unsang mga panalangin ang mipatigbabaw kaayo ninyo gikan sa gisaad ni Presidente Nelson para niadtong moeskwela sa institute?
Base sa inyong panaghisgot, unsa kahay makadasig ni Reggie nga moeskwela sa institute?

Tabangi ang mga estudyante nga masabtan kon unsaon pagpangita og institute bisan asa pa sila magpuyo inigkahuman og high school pinaagi sa pag-adto sa myinstitute.ChurchofJesusChrist.org/findInstitute. Ikonsiderar ang pagpili og pipila ka opsiyon sa edukasyon nga gihisgotan ganina ubos sa unang basahon. Ilha ang lokasyon niini nga mga opsiyon ug ibutang ang siyudad diha sa website aron ipakita kon unsaon pagpangita ug pagparehistro diha sa institute. Pwede pod nimong ipakita kon unsaon pagpangitag online institute gamit ang mao ra nga link.

Paghimo og plano

Ipakigbahin sa mga estudyante nga mo-graduate man sila sa high school karong tuiga o dili, makabenepisyo sila sa pagplano para sa ilang sekular ug relihiyosong edukasyon. Aron tabangan ang mga estudyante sa pagplano, ipakita ang mosunod nga mga instruksiyon ug mga pangutana. Dapita sila sa pagtubag sa mosunod nga pangutana diha sa ilang mga journal sa pagtuon.

Gamit ang mga pangutana sa ubos isip giya, pagplano para sa imong umaabot nga sekular ug relihiyosong edukasyon. Tinguhaa ang giya sa Langitnong Amahan pinaagi sa Espiritu Santo samtang imong gipamalandongan ug gisulat ang imong mga tubag.

Unsay inyong mga tumong sa umaabot?
Unsang edukasyonal nga mga pagpili ang motabang ninyo sa pagkab-ot niini nga mga tumong?
Unsang mga plano ang inyong mahimo para sa inyong relihiyosong edukasyon para sa sunod tuig? sa mga tuig human niana?

Sagad makatabang sa mga estudyante ang pagdungog og mga ideya gikan sa laing mga estudyante. Ikonsiderar ang pagdapit og pipila ka boluntaryo sa pagpakigbahin sa ilang plano.

Ikonsiderar ang pagpakigbahin sa imong pamatuod sa kaimportante sa pag-una sa sekular ug relihiyosong pagkat-on sa tibuok kinabuhi.

Dugang nga mga Kapanguhaan

Sa unsang paagi ako mapanalanginan tungod sa pag-una sa relihiyosong edukasyon?

Si Presidente M. Russell Ballard (1928–2023) sa Korum sa Napulog Duha ka Apostoles mitudlo:

15:45

Kamong naa pa sa high school nga nangandam alang sa misyon, moawhag ko kaninyo nga moapil ug mogradwar sa seminary. Kamo mga young adult kinahanglang mo-enroll sa institute of religion. Kon nagtambong kamo og usa ka eskwelahan sa Simbahan, kanunayng ilakip ang usa ka klase sa religious education matag semester. Atol niining importanteng panahon sa pagpangandam alang sa misyon o mahangturong kaminyoon ug sa inyong kinabuhi isip usa ka hamtong, kinahanglang padayon kamong mangitag paagi nga makat-on ug molambo ug modawat og inspirasyon ug giya pinaagi sa Espiritu Santo. Ang mainampingon, mainampuong pagtuon sa ebanghelyo pinaagi sa seminary, institute, o mga klase sa religious education makatabang ninyo niana nga tumong.

Nagtambong man kamo og usa ka eskwelahan sa Simbahan o wala, nag-eskwela man kamo sa kolehiyo o wala, ayaw paghunahuna nga busy ra kaayo mo aron magtuon sa ebanghelyo. Ang seminary, institute, o mga klase sa relihiyon makahatag og balanse sa inyong kinabuhi ug makadugang sa inyong sekular nga edukasyon pinaagi sa paghatag og laing oportunidad nga mogahin og panahon sa pagtuon sa mga kasulatan ug mga pagtulun-an sa mga propeta ug apostoles. (“Ang Labing Maayong Henerasyon sa mga Young Adult,” Liahona, Mayo 2015, 69)

Si Presidente Henry B. Eyring sa Unang Kapangulohan mitudlo:

Ang atong unang prayoridad kinahanglan mao ang espirituhanon nga pagkat-on. …

Klaro nga ang pag-una sa espirituhanong pagkat-on dili mopalingkawas kanato gikan sa pagkat-on sa sekyular nga mga butang. Sa sukwahi, naghatag kini og katuyoan sa atong sekyular nga pagkat-on ug nagdasig kanato og dugang pang paningkamot bahin niini.

Kon atong mahatagan og prayoridad ang espirituhanong pagkat-on, kinahanglang mohimo kita og lisod nga mga pagpili kon unsaon nato paggamit ang atong panahon. Apan kinahanglan gayod nga dili mahimong ikaduha lamang ang espirituhanong mga butang isip sumbanan sa atong kinabuhi. (“Education for Real Life,” Ensign, Okt. 2002, 17, 18)

Si Presidente Gordon B. Hinckley (1910–2008) mipakigbahin:

Uban sa tanan nimong nakat-onan, pagkat-on kaniya. Sa tanan nimong pagtuon, tinguhaa ang kahibalo sa Agalon. Kana nga kahibalo mosangkap sa talagsaong paagi sa sekyular nga pagbansay nga imong nadawat ug mohatag og kahingpitan sa imong kinabuhi ug sa kinaiya nga moabot sa walay laing paagi. (sa Conference Report, Oct. 1964, 118)

Unsa kaha kon bation ang kabug-at sa pagdesisyon para sa akong umaabot?

Si Presidente Dallin H. Oaks sa Unang Kapangulohan ug si Kristen M. Oaks mitudlo:

Nasayod kita nga walay mas labaw nga makalibog kaysa dili makahibalo unsa ang buhaton sa imong kaugmaon, apan walay mas labaw nga makalipay sa kaugalingon kaysa pagdiskobre sa imong kaugalingong mga abilidad. Basaha ang imong patriyarkal nga panalangin, hunahunaa ang imong kinaiyanhong mga kahanas ug mga talento, ug padayon. Himoa ang unang lakang, ug mga pultahan moabli. (“Pagtuon ug mga Santos sa Ulahing mga Adlaw,” Liahona, Abr. 2009, 29)

Si Elder Neal A. Maxwell (1926–2004) sa Korum sa Napulog Duha ka Apostoles mipakigbahin:

Daghang batan-on ang naghunahuna kon moeskwela ba sila sa unibersidad, kolehiyo, o sa vocational nga eskwelahan. Kamoy mamili. Ang pagpili himoon kasagaran kon unsay gusto, hinoon, dili sa baroganan. Busa, sa dili pa mamili, maalamong susihon ang imong mga interes, mga kahanas, ug mga kahimtang. Ikonsiderar pag-ayo ang inyong mga pagbati ug mga gusto. Dayon padayon ug paningkamoti ang pagkuha sa klase sa edukasyon ug pagbansay nga bug-os nga nagsuporta sa imong mga interes ug mga abilidad. Hinumdomi, ang bisan unsang trabaho nga dungganon usa ka dungganon. (“Seek Learning, Even by Study and Also by Faith,” 1994 videocassette).

Dugang nga mga Kalihokan sa Pagkat-on

Unsa ang mga deadline para sa pag-apply sa mga eskuwelahan sa Simbahan?

Aron tabangan ang mga estudyante nga mahibalo kon kanus-a sila mag-apply para sa mga eskwelahan sa Simbahan, gamita ang mosunod nga mga link para sa gi-update nga impormasyon.

BYU Pathway: https://www.byupathway.edu/academic-calendar

BYU: https://enrollment.byu.edu/admissions/when-should-i-apply

BYU–Hawaii: https://ai1.ivy-cdn.com/storage/assets/Ve6D4xkngR0YrMOv2zPW8wdbZEKB2QOo.png

BYU–Idaho: https://www.byui.edu/admissions/application-deadlines

Ensign College: https://www.ensign.edu/admissions-dates-deadlines

Ang Institute para sa tanan

Kon makabenepisyo ang mga estudyante sa dugang impormasyon bahin sa institute, ikonsiderar ang pagpasalida sa usa o kapin pang bidyo gikan sa “I Love Institute” media pahina. Niini nga mga bidyo, ang mga young adult sa tibuok kalibotan mipamatuod sa kaimportante sa institute.

Laing paagi sa pagsugod sa klase

Pwede nimong sugdan ang klase pinaagi sa pagpakigbahin sa mosunod nga impormasyon: Matod sa World Health Organization, ang kasagaran nga gitas-on sa kinabuhi sa tibuok kalibotan mao mga 73 ka tuig. (World Health Organization website).

Pwede nimong ipakigbahin sa mga estudyante nga kon ang usa ka tawo 16 anyos ug makaabot pag 73 anyos, naa na lang silay mga 78 porsiyento nga nahibilin sa ilang kinabuhi.

Sa imong hunahuna, nganong importante samtang diha sa high school nga ilhon ang maong dakong nahibiling bahin sa kinabuhi?

Tabangi ang mga estudyante nga masabtan nga ang ilang mga puhonan sa edukasyon human sa high school makaapektar sa daghang tuig sa ilang kinabuhi sa umaabot. Kon natudlo na nimo ang Leksiyon 188, “Ang Kaimportante sa Edukasyon,” dapita ang mga estudyante nga ipakigbahin ang ilang nahinumdoman kon nganong importante ang edukasyon.