Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ang Kaimportante sa Edukasyon: Temporal ug Espirituwal nga mga Panalangin sa Edukasyon

“Ang Kaimportante sa Edukasyon: Temporal ug Espirituwal nga mga Panalangin sa Edukasyon,” Manwal sa Magtutudlo sa Seminary sa Daang Tugon (2026)

“Ang Kaimportante sa Edukasyon: Temporal ug Espirituwal nga mga Panalangin sa Edukasyon,” Manwal sa Magtutudlo sa Seminary sa Daang Tugon

Pagpangandam alang sa Umaabot nga Edukasyon ug Pagpanarbaho: Leksiyon 188

Ang Kaimportante sa Edukasyon

Temporal ug Espirituwal nga mga Panalangin sa Edukasyon

Samtang nagkab-ot sa edukasyon mahimong mahagiton kaayo kini, takos kini sa sakripisyo ug paningkamot. Dili lang magpanalangin sa atong kinabuhi ang edukasyon ug niadtong anaa sa atong palibot, apan mag-andam kini nato nga mahimong mas maayong mga instrumento sa pagtuman sa buluhaton sa Ginoo. Kini nga leksiyon makatabang sa mga estudyante nga masabtan ang kaimportante sa temporal ug espirituwal nga edukasyon.

Pagpangandam sa estudyante: Dapita ang mga estudyante nga pamalandongan ang usa ka butang nga ganahan nilang kat-onan ug kon giunsa nila pag-ugmad ang maong interes. Pwede usab nilang pamalandongan kon sa unsang paagi ang pagkat-on niini nga interes nahimong bililhon para nila.

Posibleng mga Kalihokan sa Pagkat-on

Kagawasan o limitasyon

Ikonsiderar ang pagdrowing diha sa pisara og duha ka imbudo, sama sa gipakita sa ubos. Pwede usab kini nga idrowing sa mga estudyante diha sa ilang mga journal. Pwede usab kang magdala og imbudo diha sa klase o maghimog papel nga imbudo.

Dapita ang mga estudyante nga itudlo ang mas gamay ang tumoy sa imbudo ug ang baba niini mas dakog abli. Dayon isulat ang Pagkuhag Edukasyon ibabaw sa unang hulagway.

Handurawa nga ang gamay nga tumoy niini nga imbudo nagrepresentar sa pagkuhag edukasyon.

Sa unsang mga paagi nga tingali ang pagkab-ot og edukasyon sa una, mura og pig-ot o naglimita alang ngadto sa pipila ka tawo?
Unsa kahay girepresentahan sa mas dako nga abli nga naa sa ubos sa imbudo? Ngano man?

Ipasabot tingali sa mga estudyante nga samtang nagkuha og edukasyon nakinahanglan og dakong paningkamot, disiplina, ug sakripisyo , kini mosangpot sa mga panalangin gikan sa Ginoo, apil ang mas dakong kagawasan, mga kahigayonan, ug pag-uswag.

Isulat ang Pagpili nga Dili Mokuhag Edukasyon sa ibabaw sa ikaduhang hulagway.

Karon handurawa nga ang dako nga abli niini nga imbudo nagrepresentar sa pagpili nga dili mokuhag edukasyon.

Unsa kahay girepresentahan sa gamay og tumoy nga imbudo nga naa sa ubos? Ngano man?

Ipasabot tingali sa mga estudyante nga ang dili pagpaningkamot sa pagkuha og edukasyon tingali sa una mopabati sa usa nga gawasnon, pero mosangpot kini sa limitado o adunay restriksiyon nga kagawasan, mga oportunidad, ug pag-uswag.

Pamalandongi ang mosunod nga mga pangutana:

Unsa ka importante ang edukasyon para nimo? Ngano man?
Sa unsang paagi ang imong pagpili nga mokuha o dili mokuhag edukasyon makaapektar niadtong naa sa imong palibot?

Makatabang nimo ang Espiritu Santo sa pag-ila sa mga mensahe nga para lang nimo. Samtang magkat-on ka bahin sa edukasyon, hatagi og pagtagad ang mga impresyon nga makatabang tingali ninyo sa inyong mga tumong sa edukasyon ug kinabuhi.

Kanunay nga magkat-on

Ipakita ang mosunod nga mga pahayag. Pwede nimong iapod-apod ang Alang sa Kalig-on sa mga Kabatan-onan nga giya ngadto sa kada estudyante, o dapita sila nga pangitaon ni diha sa Gospel Library app.

Pwede nimong dapiton ang mga estudyante nga tun-an ang mga pahayag ingon nga indibidwal dayon hisgotan ang nagsunod nga mga pangutana uban ang gagmayng mga grupo.

Basaha ang mosunod nga mga pahayag, nga pangitaon unsa ang imong makat-onan bahin sa pagkat-on ug edukasyon.

Si Presidente Russell M. Nelson mitudlo:

Nagdahom ang atong Tiglalang nga makakuhag edukasyon ang Iyang mga anak ingon nga bahin sa ilang personal nga paningkamot, bisan asa pa man sila. (“Education—A Religious Responsibility” [debosyonal sa Brigham Young University–Idaho, Ene. 26, 2010], byui.edu)

Ang Alang sa Kalig-on sa mga Kabatan-onan: Usa ka Giya sa Paghimo og mga Pagpili mipasabot:

Ang Langitnong Amahan gusto nga ang Iyang mga anak nga babaye ug mga anak nga lalaki kanunayng makakat-on. Kamo adunay temporal ug espirituhanong mga rason sa pagtinguha ug mahalon ang pagkat-on. Ang edukasyon dili lang mahitungod sa pagkita og kwarta. Kini kabahin sa inyong mahangtoron nga tumong sa pagkahimong mas sama sa Langitnong Amahan. …

Kanunay nga magkat-on. Pangita og mga oportunidad sa pagpalapad sa inyong hunahuna ug sa inyong kahanas. Kini nga mga oportunidad naglakip sa pormal nga edukasyon sa eskwelahan o sa bokasyonal nga pagbansay ingon man sa dili pormal nga pagkat-on gikan sa mga tinubdan nga inyong gisaligan. Ilakip ang Ginoo diha sa inyong mga paningkamot, ug Siya mogiya kaninyo. Samtang kamo magkat-on mahitungod sa kalibotan sa inyong palibot, kat-oni usab ang mahitungod sa Manluluwas, kinsa milalang sa kalibotan. Tun-i ang Iyang kinabuhi ug mga pagtulon-an. Himoa ang seminary, institute, ug ang personal nga pagtuon sa ebanghelyo nga kabahin sa inyong tibuok kinabuhi nga pagkat-on. …

Ang edukasyon makapadako sa inyong abilidad sa pagserbisyo sa Ginoo. Kini mohatag og gahom kaninyo sa pagpanalangin sa uban, ilabi na sa inyong pamilya. Kon magkadako ang inyong makat-onan, mas makatabang kamo sa pagtukod sa gingharian sa Dios ug makaimpluwensiya sa kalibotan alang sa maayo. (Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022], 31–32)

Unsang hugpong sa mga pulong gikan niini nga mga pahayag ang pinakamakahuloganon para nimo? Ngano man?
Unsang mahangtorong mga kamatuoran ang atong makat-onan gikan niini nga mga pahayag?
Irekord ang mga kamatuoran nga ipakigbahin sa mga estudyante diha sa tupad sa unang imbudo nga naa sa pisara. Pwede usab kining himoon sa mga estudyante diha sa ilang drowing. Pwede nilang ipakigbahin ang mga kamatuoran nga parehas sa mosunod:
- Ang edukasyon maoy bahin sa atong mahangtorong tumong nga mahimong mas mahisama sa Langitnong Amahan.
- Ang Langitnong Amahan gusto nga ang Iyang mga anak nga babaye ug mga anak nga lalaki kanunayng makakat-on.
- Ang edukasyon mopadako sa atong abilidad sa pagserbisyo sa Ginoo ug pagpanalangin sa uban.
Nganong importanteng bahin sa plano sa Langitnong Amahan ang pagkat-on ug ang edukasyon?
Sa unsang paagi kini nga mga kamatuoran makatabang niadtong naglantaw sa edukasyon ingon nga makahatag og restriksiyon ug limitasyon?

Kaimportante sa edukasyon

Ang pagkat-on ug ang edukasyon kanunay nga mahinugdanon nga mga bahin sa pag-uswag alang sa mga anak sa Langitnong Amahan. Pananglitan, gitudloan ni Adan ug Eva ang ilang mga anak sa espirituwal ug sekular nga mga butang (tan-awa ang Moises 5:10–12; 6:5–6), nga mao ang nakatabang nila nga mahimong mas mahisama sa Langitnong Amahan.

Unsang mga panalangin gikan sa Ginoo ang inyong nakita diha sa inyong kinabuhi o sa kinabuhi sa uban tungod sa pagkat-on ug sa edukasyon?
Unsay inyong mga kasinatian nga nakatabang ninyong makita nga importante sa Langitnong Amahan ang inyong edukasyon?

Panapos

Handurawa nga anaa kay higala nga dili ganahang moeskwela ug naghunahuna og mga opsyon nga wala magkinahanglan og dugang edukasyon human sa high school. Isulat kon unsay imong ipakigbahin sa inyong higala gamit ang inyong nakat-onan karon. Pwede tingali nimong iapil ang mosunod nga mga pananglitan:

Ang temporal ug espirituwal nga mga panalangin nga ihatag kanato sa Langitnong Amahan ug ni Jesukristo tungod sa pagkuhag edukasyon.
Mga kasulatan, mga kinutlo, o personal nga mga hunahuna o mga kasinatian nga makahuloganon para nimo.

Dapita ang pipila ka estudyante sa pagpakigbahin ngadto sa klase. Ikonsiderar ang pagpamatuod sa dagkong mga panalangin nga mahatag sa edukasyon diha sa atong kinabuhi—ilabina ang pagtabang nato nga mahimong mas nahisama sa Langitnong Amahan ug ni Jesukristo.

Dugang nga mga Kapanguhaan

Nganong importante ang pagbaton og edukasyon?

Si Presidente Gordon B. Hinckley (1910–2008) mitudlo:

Kinahanglang matun-an ninyo ang tanang edukasyon kutob sa mahimo. Ang kinabuhi sobra kalisud ug labihan ang kompetisyon. Dili ka makabanabana nga aduna kay mga kahigayonan nga gitakda alang lang gayod kanimo. Ikaw gilauman sa paghimo og dakong paningkamot ug sa paggamit sa kinamaayohan nimong talento aron sa paghimo sa imong agianan ngadto sa kinanindutang ugma nga mahimo ra nimong makab-ot. Isakripisyo ang sakyanan;Isakripisyo ang kinahanglang isakripisyo aron makahimo kamo sa buluhaton [dinhi] sa kalibotan. Ang kalibotan sa dakong sukod mobayad kon pila ang imong presyo, ug ang imong presyo modako kon madugangan ang imong edukasyon ug kahanas sa gipili nimong trabaho. (“Words of the Prophet: Seek Learning,” New Era, Sept. 2007, 3–4)

Si Presidente Dallin H. Oaks ug Sister Kristen M. Oaks mipasabot:

Kon unsa ka daghan ang kahibalo nga anaa kanato kalabut sa langitnong mga balaod ug kalibutanong mga butang, ingon usab ka dako ang impluwensya ang atong magamit alang sa kaayohan niadtong naglibut kanato ug ingon usab kita ka luwas gikan sa [law-ay] ug dautan nga mga impluwensya nga mahimong molibug ug modaot kanato. (“Pagtuon ug mga Santos sa Ulahing mga Adlaw,” Liahona, Abr. 2009, 26–27)

Unsa na man lang kon dili available para nako ang pormal nga edukasyon?

Si Presidente Dieter F. Uchtdorf, kanhi sa Unang Kapangulohan, miingon:

18:45

Kon ang pormal nga edukasyon dili makab-ot, ayaw tugoti kana sa pagpugong kaninyo gikan sa pag-angkon sa tanang kahibalo nga inyong mahimo. Ubos sa ingon nga mga kahimtang, ang labing maayo nga mga basahon, maingon nato, mahimo nga inyong “unibersidad”—usa ka lawak klasehanan nga kanunay abli ug modawat sa tanan kinsa mosulod. Paningkamot sa pagdugang sa inyong kahibalo sa tanan nga “mahiyason, matahum, o maayo og dungog o dalaygon.” Pangita og kahibalo “pinaagi sa pagtuon ug usab pinaagi sa hugot nga pagtuo.” (“Duha ka mga Baruganan alang sa Kaayohan,” Liahona, Nob. 2009, 58) (time code 15:28 hangtod 16:05)

Dugang nga mga Kalihokan sa Pagkat-on

Laing paagi sa pagsugod

Ikonsiderar ang pagsugod sa klase pinaagi sa pagpakita og hulagway sa usa ka abli nga pultahan.

Dayon ipakita ang mosunod nga kinutlo, nga blangkohan ang unang pulong. Dapita ang mga estudyante nga tag-anon ang kulang nga pulong. Samtang ilang ipakigbahin ang posibleng mga tubag, pwede nilang ipasabot kon nganong kanang pulonga ang ilang gipili.

Si Presidente Gordon B. Hinckley (1910–2008) mitudlo sa mosunod:

mao ang yawi diin moabli sa ganghaan sa mga oportunidad alang kaninyo. Angay lang kining sakripisyohan. (“Inspirational Thoughts,” Ensign, Hunyo 1999, 4)

Human ang igong panahon, isulat ang Edukasyon diha sa blangko. Dapita ang mga estudyante nga ipakigbahin kon sa unsang paagi tinuod ang pahayag. Kon dili kini isulti sa mga estudyante, ikonsiderar ang pagpasabot nga usa ka paagi nga maablihan sa edukasyon ang ganghaan sa mga oportunidad para nato tungod kay motabang kini nato sa pagkat-on ug pagtubo, nga mahimong mas nahisama sa Langitnong Amahan ug kang Jesukristo (tan-awa ang Doktrina ug mga Pakigsaad 93:36).

Dayon ipakita ang hulagway sa usa ka siradong pultahan.

Dapita ang mga estudyante sa pagpakigbahin sa mga rason kon nganong pilion sa pipila ka tawo nga dili tinguhaon ang pagkat-on ug edukasyon. Pwede nimong dapiton ang mga estudyante nga pamalandongan ang ilang personal nga panglantaw sa edukasyon.

Ang edukasyon mao ang yawi sa oportunidad

Para sa lain pang opsiyon sa kalihokan sa seksiyong “Kaimportante sa edukasyon,” ikonsiderar ang pagpasalida sa video nga “Education Is the Key to Opportunity” (1:38). Niini nga bidyo, gihisgotan ni Thomas S. Monson ug Gordon B. Hinckley ang bahin sa kaimportante sa edukasyon. Pwede nimong dapiton ang mga estudyante nga tan-awon pag-usab ang imbudo diha sa pisara, nga pangitaon ang mga paagi nga ablihan sa edukasyon ang dugang kahigayonan ug mga panalangin.

1:38