Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Paglihok uban ang Hugot nga Pagtuo aron Makaplagan ang mga Tubag: Pagpadayon, Pagsalig sa Ginoo

“Paglihok uban ang Hugot nga Pagtuo aron Makaplagan ang mga Tubag: Pagpadayon, Pagsalig sa Ginoo,” Manwal sa Magtutudlo sa Seminary sa Daang Tugon (2026)

“Paglihok uban ang Hugot nga Pagtuo aron Makaplagan ang mga Tubag: Pagpadayon, Pagsalig sa Ginoo,” Manwal sa Magtutudlo sa Seminary sa Daang Tugon

Doktrinal nga Kahanas: Leksiyon 163

Paglihok uban ang Hugot nga Pagtuo aron Makaplagan ang mga Tubag

Pagpadayon, Pagsalig sa Ginoo

A young woman in a green striped shirt and black skirt leans down to hug her friend who is sitting in a wheelchair.

Lisod tingali ang paghulat sa kabubut-on ug sa eksaktong panahon sa Langitnong Amahan aron makadawat og mga tubag sa atong mga pangutana sa ebanghelyo. Daghang istorya sa Daang Tugon ang nagpakita kon sa unsang paagi ang mga sumusunod sa Dios padayong makahimo og desisyon nga nagpakita sa ilang hugot nga pagtuo ug pagsalig Kaniya samtang nagtinguha og mga tubag. Kini nga leksiyon makatabang sa mga estudyante nga molihok uban ang hugot nga pagtuo kang Jesukristo samtang tinguhaon ang mga tubag sa ilang mga pangutana sa ebanghelyo.

Pagpangandam sa estudyante: Dapita ang mga estudyante nga rebyohon ang mga parapo 5–7 sa seksiyon nga “Pag-angkon og Espirituhanong Kahibalo” diha sa Mahinungdanon nga Dokumento sa Doktrinal nga Kahanas (2023). Pwede silang mangandam sa pagpakigbahin kon nganong para nila importante ang atong mga aksiyon dihang magtinguha og mga tubag sa mga pangutana o kabalaka bahin sa ebanghelyo.

Posibleng mga Kalihokan sa Pagkat-on

Paghulat sa Ginoo para sa mga tubag sa mga pangutana

Ikonsiderar ang pagpakita sa mga hulagway gikan sa mga istorya sa mga tawo sa Daang Tugon nga milihok uban ang hugot nga pagtuo sa Ginoo. Pwede nimong tahasan nga tun-an sa gagmayng grupo sa mga estudyante ang usa ka tudling sa kasulatan nga konektado sa usa sa mga hulagway. Pwede nimong pilion ang mga istorya sa sama sa:

Ang matinud-anong babaye sa Sarefat panahon sa hulaw (1 Mga Hari 17:7–12).
Si Naaman gustong maayo sa iyang sanla (2 Mga Hari 5:1–3, 9–10).
Panawagan ni Enoch nga isangyaw ang ebanghelyo (Moises 6:26–28, 31).

Pwedeng basahon sa mga estudyante ang parte sa istorya nga nagpaila sa lisod nga sitwasyon (mga pakisayran diha sa mga parenthesis sa ibabaw) ug tubagon ang mosunod nga mga pangutana. (Sa kataposang bahin sa leksiyon, tun-an sa mga estudyante kon sa unsang paagi kini nga mga indibidwal milihok uban ang hugot nga pagtuo.)

Sa unsang paagi nagkinahanglan og hugot nga pagtuo sa Ginoo ang sirkumstansiya niining tawhana?
Unsang mga kabalaka o sirkumstansiya ang giatubang sa mga tin-edyer karon diin nagkinahanglan silang molihok uban ang hugot nga pagtuo sa Ginoo?

Kon makatabang sa mga estudyante nga ilhon ang modernong mga ehemplo sa mga pangutana, pwede nimong ipakita ang bidyo nga “Lihok Uban ang Hugot nga Pagtuo: Ang Kantero” (4:57), gikan sa time code 0:00 hangtod 1:48, ug dapita ang mga estudyante nga pangitaon ang lisod nga mga kahimtang nga giatubang niinig duha ka tin-edyer. Ikonsiderar ang pagtabang sa mga estudyante nga ilhon ang mga pangutana sa mga tin-edyer. Pwede nimong dapiton ang mga estudyante nga isulat sa katunga sa pisara ang mga pangutana.

4:56

Human mailhi sa mga estudyante ang pipila ka pangutana, pwede nimo silang dapiton nga tubagon sa ilang mga journal sa pagtuon ang mosunod.
Kanus-a ka o ang imong kaila nakabaton og mga pangutana o kabalaka bahin sa ebanghelyo?
Unsa ang pipila ka butang nga imong gihimo o mahimo aron mobati nga duol sa Manluluwas dihang aduna kay mga gikabalak-an o pangutana sa ebanghelyo?

Natural lang ang pagbaton og mga pangutana o kabalaka bahin sa Langitnong Amahan, kang Jesukristo, o sa Ilang ebanghelyo. Ang tulo ka baroganan sa Pag-angkon og Espirituhanong Kahibalo motabang nato sa pagtubag sa lisod nga mga pangutana o mga kabalaka. Kini nga mga baroganan motabang nato nga masabtan kon unsaon pagpabiling suod sa Langitnong Amahan ug kang Jesukristo samtang atong tinguhaon ang mga tubag.

Ang pagtuo maoy baroganan sa paglihok

Pwede nimong ipakigbahin sa mga estudyante nga ang leksiyon karong adlawa mapunting sa unang baroganan: Lihok uban ang hugot nga pagtuo. Ikonsiderar ang pagsulat sa mosunod nga dili kompletong kamatuoran diha sa pisara: Dihang mag-atubang og mga pangutana o kabalaka sa ebanghelyo, pwede kitang molihok uban ang hugot nga pagtuo kang Jesukristo pinaagi sa …

Pwede nimong kopyahon ang mosunod nga tsart diha sa pisara, nga dapiton ang mga estudyante nga mangita og bisag usa ka paagi sa pagkompleto sa nakabaga nga kamatuoran gikan sa matag parapo.

Basaha ang mga parapo 5, 6, ug 7 sa seksiyong “Pag-angkon og Espirituhanong Kahibalo” sa Mahinungdanon nga Dokumento sa Doktrinal nga Kahanas (2023), nga pangitaon ang mga paagi sa pagkompleto sa pamahayag diha sa pisara.

	Dihang mag-atubang og mga pangutana o kabalaka sa ebanghelyo, makalihok kita uban ang hugot nga pagtuo kang Jesukristo pinaagi sa…
Parapo 5
Parapo 6
Parapo 7

Gamit ang matag parapo, unsaon nimo pagkompleto sa pamahayag diha sa pisara?
Aduna bay laing mga paagi sa paglihok uban ang hugot nga pagtuo kang Jesukristo nga pwede nimong idugang niini nga listahan?

Kompletohon tingali sa mga estudyante ang pamahayag pinaagi sa hugpong sa mga pulong nga sama sa:

… padayong pagtuman sa mga sugo. (parapo 5)

… pagsalig kon unsay tinuod nga ato nang nahibaloan. (parapo 6)

… pagsalig sa Langitnong Amahan hangtod nga makadawat tag mga tubag. (parapo 7)

Pwede nimong gamiton ang mosunod aron sa paghatag og kahigayonan sa mga estudyante sa pagsusi kon sa unsang paagi nila magamit pag-ayo ang matag usa niining tulo ka pamahayag aron matubag ang ilang mga pangutana o gikabalak-an sa ebanghelyo.

Paggahin og panahon sa pagpamalandong niining mga paagiha sa paglihok uban ang hugot nga pagtuo kang Jesukristo dihang aduna kay mga pangutana. Sa sukod nga 1 (gamay) hangtod 5 (kaayo), unsa ka kamasaligon sa paglihok uban ang hugot sa pagtuo sa Manluluwas niining mga paagiha? Bantayi ang mga pag-aghat gikan sa Espiritu aron modako ang imong pagsalig sa mga bahin diin nakita nimo nga kinghanglan kang mouswag.

Mga lihok nga nagpakita sa atong hugot nga pagtuo kang Jesukristo

Handurawa nga gidapit ka sa pagtambag sa usa ka tawo nga naay mga pangutana o kabalaka bahin sa ebanghelyo. Pagpili og dili moubos sa duha sa mosunod aron kompletohon:

Ilha ang mga paagi nga kining tawhana pwedeng molihok uban ang hugot nga pagtuo kang Jesukristo pinaagi sa pagtubag sa mosunod nga mga pangutana:
- Unsang mga sugo ang pwede niyang padayon nga tumanon?
- Unsay gipanghinaot nimo nga nahibaloan o nahinumdoman niining tawhana bahin sa Langitnong Amahan ug kang Jesukristo?
- Unsay iyang mahimo aron mapakita nga nagsalig siya Kanila?
Pangita og bisan og usa ka doktrinal nga kahanas o uban pang tudling sa kasulatan nga motabang niining tawhana nga molihok uban ang hugot nga pagtuo kang Jesukristo.
Pangita og pamahayag gikan sa usa ka lider sa Simbahan nga makatabang tingali niining tawhana sa paglihok uban ang hugot nga pagtuo kang Jesukristo.

Human ang igong panahon, dapita ang mga estudyante nga ipakigbahin sa usa ka kapares ang tambag nga ila tingaling ihatag. Pwede pod nimong hatagan og higayon ang mga estudyante nga ipakigbahin ang ilang mga kasinatian sa paglihok uban ang hugot nga pagtuo kang Jesukristo samtang nagtinguha sa mga tubag o mga panalangin sa ebanghelyo.

Pagplano nga molihok uban ang hugot nga pagtuo

Ikonsiderar ang pagdapit sa mga estudyante sa pagplano nga molihok uban ang hugot nga pagtuo kang Jesukristo dihang mag-atubang og mga pangutana o kabalaka sa ebanghelyo. Usa ka paagi sa paghimo niini mao ang pagpakigbahin sa mosunod nga mga pag-aghat nga tubagon diha sa ilang mga journal sa pagtuon. Kon aduna pay oras, pwede nimong dapiton ang mga estudyante nga andam ipakigbahin ang ilang gisulat.

Ang usa ka butang nga gusto nakong hinumdoman bahin sa paglihok uban ang hugot nga pagtuo kang Jesukristo mao ang .
Ang usa ka butang nga gusto nakong himoon aron molihok uban ang hugot nga pagtuo kang Jesukristo sa sunod higayon nga motungha ang mga pangutana o kabalaka mao ang .

Dugang nga mga Kapanguhaan

Nganong importante ang akong mga aksiyon dihang aduna koy mga pangutana sa ebanghelyo?

Si Elder Dale G. Renlund sa Korum sa Napulog Duha ka Apostoles mitudlo:

13:52

Modako ang hugot nga pagtuo kon molihok kita sa mga paagi nga mas lig-on nga ma-angkla ang atong pagtuo ngadto ni [Jesukristo].

Karon, kaanindot kaha kon ang nagtubo nga pagtuo motakod lang sama sa pagtakod sa hilanat o sip-on. Dayon, ang yanong “espiritwal nga pag-hatsing” mopalig-on sa hugot nga pagtuo sa uban. Apan dili magsilbi kana nga paagi. Ang bugtong paagi aron motubo ang hugot pagtuo sa usa ka tawo mao ang paglihok inubanan sa hugot nga pagtuo. Kini nga mga buhat sa kasagaran dinasig pinaagi sa mga pagdapit sa uban, apan dili nato “mapatubo” ang pagtuo sa uban o magsalig lang sa uban aron molambo ang atoang kaugalingong pagtuo. Aron motubo ang atong hugot nga pagtuo, pilion gayod nato ang mga buhat nga makapalig-on, sama sa pag-ampo, pagtuon sa mga kasulatan, pag-ambit sa sakramento, pagtuman sa mga sugo, ug pagserbisyo sa uban. (“Walay Pagkapaling nga Pasalig ngadto kang Jesukristo,” Liahona, Nob. 2019, 23)

Unsaon nako pagsalig sa butang nga nahibaloan na nakong daan?

Si Presidente Jeffrey R. Holland sa Korum sa Napulog Duha ka Apostoles mipakigbahin:

14:44

Kon moabut ang problema ug mga pangutana, ayaw sugdi ang inyong pagpangita sa pagtuo pinaagi sa pagsulti kon unsay wala ninyo, mosangpot lang kini sa inyong “pagkawalay pagtuo.” Lisud kaayo kana nga buhaton! Klarohon nako kini nga punto: Wala ko magsulti ninyo nga magpakaaron-ingnon nga dunay pagtuo nga wala kaninyo. Naghangyo ko ninyo nga magmatinud-anon sa pagtuo nga anaa na kaninyo. Usahay molihok kita sama nga ang tinuod nga pamahayag sa pagduha-duha usa ka mas taas nga pagpakita sa moral nga kaisug kay sa matinuoron nga pamahayag sa pagtuo. Dili kini mao! Busa hinumduman natong tanan ang klaro nga mensahe niini nga kasulatan: Kinahanglang mas prangka kamo sa inyong mga pangutana sigon sa inyong gikinahanglan; ang kinabuhi adunay daghan niini sa usa ka butang o sa lain. Apan kon kamo ug ang inyong pamilya gusto nga maayo, ayaw itugot nga kini nga mga problema mobabag sa pagtuo nga mohimo og milagro. (“Nagatuo Ako,” Liahona, Mayo 2013, 94)

Si Elder Neil L. Andersen sa Korum sa Napulog Duha ka Apostoles mipakigbahin:

32:25

Ganahan ko sa leksiyon nga gitudlo ni Presidente Dallin H. Oaks sa iyang anak nga lalaki sa dihang ang iyang anak nangutana og pangutana nga wala maklaro sa pagpasabot diha sa doktrina ni Kristo. Ang iyang tubag? “Anak, wala ko masayod sa tubag nianang pangutanaha, apan tugoti ko nga motubag sa pangutana nga nahibaloan nako.” Mihatag dayon siya og pagpamatuod bahin ni Propeta Joseph Smith ug sa Unang Panan-awon. Magmahimo kitang andam nga moingon nga, “Wala ko masayod bahin niana, apan mao kini ang akong nahibaloan. (“Ang Gahom ni Jesukristo ug sa Lunsay nga Doktrina,” [sibya sa Church Educational System, Hunyo 11, 2023], broadcasts.ChurchofJesusChrist.org).

Dugang nga mga Kalihokan sa Pagkat-on

Dugang mga ehemplo sa Daang Tugon sa paglihok uban ang hugot nga pagtuo kang Jesukristo

Makita ang uban pang ehemplo sa Daang Tugon sa paglihok uban ang hugot nga pagtuo sa mosunod nga mga istorya. Gihan-ay ang mga tudling sa kasulatan nga gamiton isip dugang o isip hulip sa mga istorya sa hugot nga pagtuo nga gigamit diha sa leksiyon.

Lisod nga sitwasyon	Paglihok uban ang hugot nga pagtuo sa Ginoo
Lisod nga sitwasyon Ang pagtabok sa suba sa Jordan sa mga Israelinhon (Josue 3:9–13)	Paglihok uban ang hugot nga pagtuo sa Ginoo Josue 3:14–17
Lisod nga sitwasyon Si Gideon nangandam sa pagpakigubat sa mga Medianhon (Mga Maghuhukom 7:2–8)	Paglihok uban ang hugot nga pagtuo sa Ginoo Mga Maghuhukom 7:16–21
Lisod nga sitwasyon Si Ester miatubang sa hari (Ester 4:7–14)	Paglihok uban ang hugot nga pagtuo sa Ginoo Ester 4:15–17; 5:1–3

Gigamit ni Elder David A. Bednar sa Korum sa Napulog Duha ka Apostoles ang istorya ni Josue aron sa pagtudlo mahitungod sa atong panginahanglan sa paglihoki uban ang hugot nga pagtuo. Pwede nimong ipakita sa mga estudyante ang bidyo sa iyang mensahe nga “Pagpakitag Hugot nga Pagtuo kang Kristo” (1:43).

1:56

Pagpakigbahin og mga ideya kon unsaon paglihok uban ang hugot nga pagtuo

Aron tabangan ang mga estudyante nga magplano sa paglihok uban ang hugot nga pagtuo, makatabang tingali ang paghimog graphic diha sa pisara aron daling makapakigbahin ang mga estudyante og mga ideya ngadto sa ilang mga classmate. Pwede kang magdrowing og flow chart diha sa pisara diin naay “Lihok Uban ang Hugot nga Pagtuo” ingon nga pangunang ideya ug tulo ka sanga nga naay mga label para sa kada tulo ka pamahayag. Human sa kalihokan sa pagtuon, pwedeng moduol sa pisara ang mga estudyante ug magsulat og mga ideya kon sa unsang paagi ang usa ka tin-edyer makalihok uban ang hugot nga pagtuo sa matag usa niini nga mga bahin. Pwede usab kang mohatag og mga sticky note nga kasulatan sa mga estudyante sa ilang mga ideya ug ibutang kini ilawom sa matag pamahayag. Dapita ang mga estudyante nga moduol sa pisara ug irebyo ang mga ideya nga gipakigbahin sa ilang mga classmate sa dili pa maghimo sa ilang plano.