Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pagpalig-on sa Imong Epirituwal nga Pundasyon: Pasiuna sa Doktrinal nga Kahanas

“Pagpalig-on sa Imong Epirituwal nga Pundasyon: Pasiuna sa Doktrinal nga Kahanas,” Manwal sa Magtutudlo sa Seminary sa Daang Tugon (2026)

“Pagpalig-on sa Imong Epirituwal nga Pundasyon: Pasiuna sa Doktrinal nga Kahanas,” Manwal sa Magtutudlo sa Seminary sa Daang Tugon

Doktrinal nga Kahanas: Pagpangitag mga Tubag sa Akong mga Pangutana: Leksiyon 161

Pagpalig-on sa Imong Espirituwal nga Pundasyon

Pasiuna sa Doktrinal nga Kahanas

Jesus is standing on a hill. You can see the sun in the background

Unsaon nato sa pag-atubang ang mga hagit, mga pangutana, ug mga kabalaka sa atong kinabuhi pwedeng makapasuod nato sa Langitnong Amahan ug kang Jesukristo o makapalayo nato gikan Kanila. Ang doktrinal nga kahanas nagtanyag og giya nga makatabang natong mosanong sa maong mga kahimtang uban ang hugot nga pagtuo kang Jesukristo ug pagdasig gikan sa Espiritu Santo. Kini nga leksiyon makatabang sa mga estudyante nga masabtan kon sa unsang paagi ang doktrinal nga kahanas magpanalangin sa ilang kinabuhi ug motabang sa pagtukod sa ilang espirituwal nga pundasyon diha kang Jesukristo.

Pagpangandam sa estudyante: Dapita ang mga estudyante nga basahon ang Helaman 5:12 sa dili pa mosulod sa klase. Pwedeng pangitaon sa mga estudyante ang gisaad nga mga panalangin alang sa paglambo sa ilang pundasyon diha kang Jesukristo.

Posibleng mga Kalihokan sa Pagkat-on

Pagtubag sa lisod nga impormasyon

Sa pagsugod sa klase, ikonsiderar ang pagdrowing og duha ka stick nga tawo diha sa pisara ug butangi silag label nga Anna ug Veronica. Kon gusto nila, ang mga estudyante pwede nga maghatag og mga detalye bahin sa matag babaye parehas sa kon unsay ganahan nilang himoon, asa sila nagtrabaho, ug uban pa. Pag-amping nga dili mahurot ang oras niini nga bahin sa leksiyon o basin matabonan na niini ang senaryo.

Ipakita ang mosunod nga senaryo. (Timan-i: Ang senaryo magpadayon sa ubang bahin sa leksiyon.)

Suod nga managhigala si Anna ug Veronica, ug ang duha parehong miyembro sa Ang Simbahan ni Jesukristo sa mga Santos sa Ulahing mga Adlaw. Sugod high school, daghan silag nadungog nga impormasyon ug mga opinyon bahin sa Simbahan gikan sa lainglaing mga tinubdan. Samtang nagkuyog usa ka gabii, gipakigbahin ni Anna kang Veronica ang pipila ka impormasyon nga iyang nabasa online bahin sa Simbahan. Miingon si Anna nga naluya ang iyang pagtuo tungod sa iyang nabasa. Nakurat siya pagkadungog niya sa giingon ni Veronica nga nadungog na ni niya ug wala ra siya matugaw niini. Nainteres si Anna nga mahibalo kon nganong kini ang gibati ni Veronica.

Unsang positibong mga butang ang nahitabo niini nga senaryo bisan pa sa mga gikabalak-an ni Anna?

Mabantayan tingali sa mga estudyante nga usa ka positibong butang nga komportable ra si Anna nga mosukna og sinserong pangutana. Positibo usab nga naa sa posisyon si Veronica nga tabangan si Anna.

Dapita ang mga estudyante nga hunahunaon kon mibati na ba sila sukad og sama sa gibati ni Anna. Pwede nimo silang hangyoon nga hunahunaon nga mibati na ba sila sukad og sama sa gibati ni Veronica ug adunay higala nga miduol nila aron mangutana.

Samtang magtuon ka bahin sa doktrinal nga kahanas karon, ablihi ang imong kasingkasing sa kon unsa tingali itudlo kanimo sa Espiritu Santo. Tinguhaa ang pagkasayod kon sa unsang paagi makatabang nimo ang doktrinal nga kahanas nga motubag uban ang hugot nga pagtuo kang Jesukristo sa wala damhang impormasyon ug tabangan ang uban nga mao usab ang himoon.

Pagtukod sa atong pundasyon diha ni Jesukristo

Basaha ang unang duha ka parapo ubos sa “Pasiuna sa Doktrinal nga Kahanas” diha sa Mahinungdanon nga Dokumento sa Doktrinal nga Kahanas (2022). Pangitaa kon para sa asa gidisenyo ang doktrinal nga kahanas aron tabangan kita.

Unsaon nimo pag-summarize ang katuyoan sa doktrinal nga kahanas?

Gawas pa sa ubang mga tubag, tabangi ang mga estudyante nga mailhan ang mosunod nga kamatuoran: Ang doktrinal nga kahanas motabang nato sa pagtukod sa atong espirituwal nga mga pundasyon diha ni Jesukristo.

Kon makatabang, pwede nimong ipangutana ang mosunod.
Para nimo, unsay kahulogan sa pagtukod sa imong pundasyon diha ni Jesukristo?

Sa dili pa basahon sa mga estudyante ang mosunod nga bersikulo, ikonsiderar ang pagsulat sa pisara og bato = Jesukristo.

Basaha ang Isaias 28:16, nga pangitaon kon sa unsang paagi ang pagtukod sa atong pundasyon diha kang Jesukristo magpanalangin nato.

Ikonsiderar ang pagdapit sa mga estudyante nga markahan ang hugpong sa mga pulong nga “makabaton og kalig-on,” ug ipasabot nga kini nga hugpong sa mga pulong pwedeng magpasabot og “dili matarog” o “dili matarantar.”

Sa imong hunahuna nganong ang pagsentro sa atong hugot nga pagtuo ngadto ni Jesukristo motabang nato nga dili matarog?

Dapita ang mga estudyante nga hunahunaon pag-usab ang senaryo.
Unsa tingali ang pipila sa gihimo ni Veronica aron sa pagtukod sa iyang hugot nga pagtuo kang Jesukristo ug “dili matarog” sa malisod nga mga isyu?

Kon para nimo mapuslanon, pwede nimong patun-an sa mga estudyante ang Jacob 4:6–10, nga pangitaon kon unsay gihimo ni Jacob aron dili matarog ang iyang hugot nga pagtuo kang Jesukristo. Pwede nimong ilista sa pisara, duol sa imahe ni Veronica, ang nakita sa mga estudyante. Dapita ang mga estudyante nga ihulagway kon unsa angpagkasusama sa matag aksiyon nga tingali nahisama sa kinabuhi ni Veronicai.

Mga sangpotanan sa doktrinal nga kahanas

Aron andamon ang mga estudyante nga masabtan ang mga sangpotanan sa doktrinal nga kahanas, ipakigbahin ang sunod nga bahin sa senaryo gamit ang kaugalingon nimong mga pulong.

Mihunong kadiyot si Veronica, nga gipangita kon unsaon niya pagpakigbahin ngadto ni Anna ang nakatabang niya aron magpabiling matinud-anon. Gusto niyang ipasabot ang kaimportante sa iyang regular nga mga paningkamot aron palig-onon ang iyang relasyon kang Jesukristo. Samtang namalandong sa iyang naandan nga pag-ampo kada adlaw, pagbasa sa mga kasulatan, ug pag-apil sa simbahan ug seminary, nakamatngon siya nga usa ka butang ang mipatigbabaw.

“Ang doktrinal nga kahanas,” miingon si Veronica uban ang kamasaligon.

Nalibog si Anna. “Doktrinal nga unsa?”

“Doktrinal nga kahanas. Mao ni gihimo namo sa seminary. Dako kini og natabang nako aron maatubang ang lisod nga mga pangutana ug sitwasyon samtang padayon nakong gihimong sentro sa akong kinabuhi ang hugot nga pagtuo kang Jesukristo.” Mipasabot si Veronica.

Klaro kaayong nainteres is Anna. “Unya, unsa man gyod diay nang doktrinal nga kahanas?”

Unsa nay nahibaloan nimong daan bahin sa doktrinal nga kahanas?

Kon ang pipila sa imong mga estudyante anaa nay kasinatian sa seminary uban ang doktrinal nga kahanas, dapita ang pipila nga ipakigbahin ang ilang nahibaloan.

Kon nagkinahanglan og dugang tabang ang mga estudyante aron masabtan ang doktrinal nga kahanas, ikonsiderar ang pagpasalida sa bidyo nga “Unsa ang doktrinal nga kahanas?” (3:56).

3:56

Ingon nga alternatibo, pwede nimong parespareson ang mga estudyante og tahasan nila sa pagbasa sa duha ka sangpotanan sa doktrinal nga kahanas diha sa seksiyon nga “Pasiuna sa Doktrinal nga Kahanas” sa Mahinungdanon nga Dokumento sa Doktrinal nga Kahanas.
Sa imong hunahuna sa unsang paagi makatabang kang Anna ang mga sangpotanan sa doktrinal nga kahanas aron mapalambo ang iyang pundasyon diha ni Jesukristo?

Pwede nimong ilista sa pisara nga duol ni Anna ang mga tubag sa mga estudyante.

Aron hatagan ang estudyante og kahigayonan nga mapamilyar sa mga tudling sa kasulatan sa doktrinal nga kahanas, dapita silang basahon ang mga tudling sa Daang Tugon ilawom sa “Mga Tudling sa Kasulatan sa Doktrinal nga Kahanas ug Importanting Hugpong sa mga Pulong sa Kasulatan sigon sa Kurso” diha sa Mahinungdanon nga Dokumento sa Doktrinal nga Kahanas.

Basaha ang pipila ka importanteng hugpong sa mga pulong sa kasulatan, nga pangitaon ang usa ka tudling nga makatabang ni Anna nga dili matarog ang iyang hugot nga pagtuo ni Jesukristo.

Pwedeng isulat sa mga estudyante diha pisara ang ilang napiling mga pakisayran sa kasulatan, palibot sa stick nga drowing nga Anna. Pwede nimong ipasabot ang pipila ka pakisayran ug hangyoon ang mga estudyante nga misulat niini nga ipakigbahin kon sa unsang paagi kini makatabang kang Anna.

Panapos

Hatagi og kahigayonan ang mga estudyante nga magpraktis sa paghulagway sa doktrinal nga kahanas pinaagi sa pagtubag sa mosunod nga pag-aghat.

Handurawa nga ikaw ang motubag sa pangutana ni Anna: “Unsa ang doktrinal nga kahanas?” Irekord diha sa imong journal kon unsaon nimo pagpasabot kon unsa ang doktrinal nga kahanas ug kon sa unsang paagi kini mopanalangin sa imong kinabuhi.

Hatagi og kahigayonan ang mga estudyante nga ipakigbahin ngadto sa ilang tupad sa klase o sa klase ang ilang gisulat.

Ikonsiderar ang pagpakigbahin ang imong pamatuod kon sa unsang paagi mapanalanginan sa doktrinal nga kahanas ang kinabuhi sa mga estudyante pinaagi sa pagtabang nila sa pagpalambo sa ilang espirituwal nga mga pundasyon diha kang Jesukristo.

Dugang nga mga Kapanguhaan

Nganong importante ang doktrinal nga kahanas karon?

Si Elder Neil L. Andersen sa Korum sa Napulog Duha ka Apostoles mipakigbahin:

16:4

Nagpuyo kita sa usa ka planeta nga daghang tingog ang nanawagan. Ang internet, ang atong mga smartphone, ang atong labihan ka daghang kapilian nga mga kalingawan nga ang tanan gustong mokuha sa atong pagtagad ug moimpluwensiya kanato, nanghinaot nga mopalit kita sa ilang mga produkto ug mopahiangay sa ilang mga sumbanan.

Ang daw walay katapusang impormasyon ug opinyon mopahinumdom kanato sa mga pasidaan sa kasulatan bahin sa “igatuya-tuya ug igaliyok-liyok” [Mga Taga-Efeso 4:14], “ginahandos sa hangin” [Santiago 1:6], ug naimpluwensya sa “lipat-lipat” niadtong kinsa “batid sa pagmugnag kasaypanan” [Mga Taga-Efeso 4:14]. (“Ang Propeta sa Dios,” Liahona, Mayo 2018, 26)

Gipakigbahin ni Presidente M. Russell Ballard (1928–2023) sa Korum sa Napulog Duha ka Apostoles ang mosunod bahin sa magtutudlo sa relihiyon:

[Ang Doktrinal nga Kahanas magtutok] sa pagpalambo ug pagpalig-on sa pagtuo sa atong mga estudyante diha kang Jesukristo ug pagdugang sa ilang abilidad nga masunod ug magamit ang ebanghelyo sa ilang kinabuhi. Pinaagi sa paggamit sa mga kasulatan ug sa pulong sa mga propeta, makat-onan nila unsaon sa paglihok uban sa hugot nga pagtuo diha kang Kristo sa pag-angkon og espirituhanon nga kahibalo ug panabot sa Iyang ebanghelyo. Ug may mga oportunidad sila sa pagkat-on unsaon sa paggamit sa doktrina ni Kristo ug mga baroganan sa ebanghelyo diha sa mga pangutana ug mga hagit nga ilang madungog ug makita kada adlaw sa ilang mga higala ug sa social media.

Kini nga inisyatiba dinasig ug tukma sa panahon. Duna kini talagsaong impluwensya sa atong kabatan-onan. (“Ang mga Oportunidad ug Responsibilidad sa mga Magtutudlo sa CES sa ika-21 Siglo” [usa ka gabii uban sa General Authority, Peb. 26, 2016], Librarya sa Ebanghelyo)

Dugang nga mga Kalihokan sa Pagkat-on

Pagtubag sa daghan kaayong impormasyon

Ingon sa bahin sa panaghisgotan sa seksiyon nga “Mga sangpotanan sa doktrinal nga kahanas,” pwede nimong ipakigbahin ang mosunod nga pamahayag ni Elder John C. Pingree Jr. sa Seventy.

Kita kanunay kaayong gidabudabohan sa lig-on nga mga opinyon, may gidapigan nga mga taho, ug dili kompleto nga datos. Sa samang higayon, ang gidaghanon ug tinubdan niining impormasyon [nagkadako]. Ang atong panginahanglan sa pag-ila sa kamatuoran nahimong mas importante pa gayod! (“Mahangtoron nga Kamatuoran,” Liahona, Okt. 2023, 99)

Unsa ang gikan niini nga pamahayag ang makatabang tingali kang Anna nga makasabot? Ngano man?

Ang app sa Doktrinal nga Kahanas

Kini nga leksiyon mahimong maayong kahigayonan nga ipaila ang app sa Doktrinal nga Kahanas. Pwede una nimong ipangutana sa mga estudyante ang mosunod:

Nganong kinahanglan pa man kitang mag-memorize sa kasulatan nga aduna may mga selpon o computer nga dali natong matan-aw?

Pwede nimong ipakigbahin ang mosunod nga pamahayag gikan kang Elder Richard G. Scott (1928–2015) sa Korum sa Napulog Duha ka Apostoles ug hisgoti ang mosunod nga mga pangutana:

Dakong gahom moabot gikan sa pagmemorya og mga kasulatan. Ang pagmemorya og kasulatan mao ang paghulma og bag-ong pakighigala. Sama kini sa pagdiskobre og bag-ong tawo kinsa makatabang sa panahon sa panginahanglan, makahatag og inspirasyon ug kahopay, ug mahimong tinubdan sa kadasig sa gikinahanglan nga kausaban. (“Ang Gahum sa Kasulatan,” Liahona, Nob. 2011, 6)

Sa unsang paagi ang nasag-ulo nga kasulatan mahisama sa usa ka higala?

Pwede nimong dapiton ang mga estudyante nga i-download ang libreng app sa Doktrinal nga Kahanas. Dayon pwede nimong dapiton ang mga estudyante nga tan-awon ang mga feature sa pagsag-ulo og mga bersikulo, gamit mga flash card sa lainlaing mga paagi, o paggamit sa opsyon nga quiz aron motabang nga makasag-ulo.

Pwede nimong ipadako ang app diha sa usa ka screen ug ipakita ang pipila sa mga pangunang feature niini. Pwede kang mopili og usa ka kasulatan isip usa ka klase ug sulayan og sag-ulo ang tibuok teksto. O ikonsiderar ang pagpilig o pipila ka tudling ug paggamit sa mga flash card aron sulayan og sag-ulo sa importanteng mga pulong ug pakisayran.

Para sa mga estudyante nga wala pa kaayo makakat-on bahin sa doktrinal nga kahanas

Kon bag-o pa lang sa seminary ang imong mga estudyante, makatabang tingali ang paggahin og pipila ka minuto human sa klase ug dapiton ang mga estudyante nga dalikyatan ang seksiyon sa Mahinungdanon nga Dokumento sa Doktrinal nga Kahanas nga nag-ulohang “Pag-angkon og Espirituhanong Kahibalo.” Makatabang tingali kini nila nga mangandam nga mas detalyadong tun-an ang maong seksiyon sa tibuok semester.