Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Malaki 4: Mana o Fa’amauga

“Malaki 4: Mana o Fa’amauga,” Tusi Lesona a le Faia’oga Seminare o le Feagaiga Tuai (2026)

“Malaki 4: Mana o Fa’amauga,” Tusi Lesona a le Faia’oga Seminare o le Feagaiga Tuai

Malaki: Lesona 159

Malaki 4

Mana o Fa’amauga

I malumalu pa’ia, e tu’ufa’atasi e le Fa’aola ‘āiga mo le fa’avavau e ala i ki o le fa’amauga.Na valo’ia e Malaki o le Fa’aola o le a toe fuatai mai nei ki ina ia “faaliliu loto o matua i a latou fanau, ma loto o fanau i o latou matua” (Malaki 4:6).E fesoasoani lenei lesona i tagata a’oga e liliu atu o latou loto i o latou matua, tua’a, ma fanau i le lumanai.

Sauniuniga a le tagata a’oga: Vala’aulia tagata a’oga e fa’aalu ni nai minute e su’esu’e ai le FamilySearch.org po’o le polokalama FamilySearch Tree .O se fa’ata’ita’iga, e mafai ona latou kiliki i o latou tau’āiga i le gafa o o latou ’āiga ina ia iloa atili e fa’atatau iā te i latou.Pe latou te faamae’aina fo’i nisi o gaoioiga fa’atino o le talafa’asolopito o o latou ’āiga o lo’o maua i luga o le uepisaite po’o le vaega o lo’o fa’aigoaina o le “Isi” i luga o le polokalama.A lē mafai e tagata a’oga ona maua nei punaoa, e mafai ona latou talanoa atu i se matua po’o se tau’āiga ina ia a’oa’oina se mea fou e fa’atatau i so latou tua’ā.

Gaoioiga e Ono Mafai Ona Aoaoina Ai

A’a ma Lālā

Mafaufau e vala’aulia tagata a’oga e tusi se ata o se la’au ma ni a’a ma lālā i a latou api tala’aga mo su’esu’ega.E mafai fo’i ona e tusia se ata i luga o le laupapa.

Set of line art depicting a growing tree from a seedling to a full grown tree with roots, sunlight.

Aisea e aoga uma ai a’a ma lālā mo le tupu lauolaola o se la’au?

Vala’aulia tagata a’oga e tusi o latou igoa i le ogala’au o le la’au na latou tusia le ata.
A fa’apea o le ogala’au o lo’o faatusa ia te oe, o ai o lo’o fa’atusa i ai a’a ma lālā?

A mana’omia, fa’amatala atu i totonu i tusitusiga pa’ia, e tele ona fa’aaoga e le Alii gagana fa’afa’atusa o se la’au ma a’a ma lālā e a’oa’o ai e uiga i se ‘āiga.E mafai fo’i ona e matamata i le “By the Hand of Elijah the Prophet” (3:32) mai i le faailo taimi 0:00 i le 0:35, e maua i le ChurchofJesusChrist.org.

3:43

Vala’aulia tagata a’oga e fa’ailoga a’a o tua’a ma lālā o fanau.Tuuina atu fa’atonuga nei:
I autafa o a’a i lau ata, tusi ai se fa’amatalaga pu’upu’u o ou lagona e fa’atatau i ou tua’ā (mātua, mātua o mātua, ma isi).
I autafa o lālā i lau ata, tusi po’o le a sou fa’amoemoega mo ni au fanau po’o le a se mea e te vaai mamao i ai a’o e mafaufau e fa’atatau iā i latou (fanau, fanau a fanau, ma isi).

A’o e su’esu’e i le Malaki 4, mafaufau po’o le a se mea na faia e le Fa’aola e fa’amalosia ma fa’asaoina ai a’a ma lālā o lou ‘āiga. E mafai ona e tatalo lē leoa, ole atu i le Tamā Fa’alelagi e fesoasoani ia te oe e malamalama i mea e ao ona e faia e fa’amalosia ai lou aiga e fa’avavau.

Ona e o mai tagata a’oga mai tulaga eseese i o latou ‘āiga, e taua le talanoa e fa’atatau i mataupu fa’avae o ‘āiga e fa’avavau ma le lagona magafagafa ma le malamalama.Fa’amanatu i tagata a’oga o lo’o silafia atoatoa e le Fa’aola o latou tulaga ma e mafai ona tuuina mai le fa’amoemoe mana’omia ma le fa’amalologa mo o latou aiga ua tuana’i, taimi nei, ma le lumanai e ala i lana Togiola.

O valo’aga a Malaki

Faitau le Malaki 4:1, va’ai po’o a mea na a’oa’o mai e le Alii e fa’atatau i a’a ma lālā i le valo’aga lenei o lona Afio Mai Fa’alua.

E fa’avae i mea ua e a’oa’oina e uiga i a’a ma lālā, o le a sou manatu o le a le mea o loo a’oa’o mai e le Fa’aola?

Sa fa’amatala mai e Elder D. Todd Christofferson o le Korama a Aposetolo e To’asefululua le mea lenei:

A aunoa ma fa’amauga lea e faatasia ai aiga e fa’avavau ma soso’o ai augatupulaga iinei ma talaatu o le oti, o le a tuua i tatou i le fa’avavau e leai ni a’a po o ni lālā, o lona uiga e leai ni matua po’o ni fanau.(“O le Mana o Fa’amauga,” Liahona, Nov. 2023, 21)

Mafaufau loloto pe fa’apefea ou lagona pe afai e le mafai ona fa’amauina oe, pe fa’atasi atu e fa’avavau, ma le ‘āiga e pele ia te oe.

O leMalaki 4:5–6 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga fuaitau o le atamai i a’oa’oga fa’avae i se auala iloga ina ia faigofie ona latou mauaina.

Faitau le Malaki 4:5–6, vaava’ai mo mea na folafola mai le Fa’aola o le a Ia faia ina ia fa’amauina ai faatasi ‘āiga.E mafai ona fesoasoani vaefa’amatalaga a’o e faitau.

O le a sou malamalama e fa’atatau i lenai valo’aga?O a ni au fesili o i ai?

A mana’omia e tagata a’oga le fesoasoani ia malamalama e fa’atatau i lenei valo’aga, mafaufau e vala’aulia i latou e fesootai pe fefaasinoai le Malaki 4:5–6 i le Mataupu Fa’avae ma Feagaiga 110:13–16; 138:47–48.E mafai ona faitau e tagata a’oga nei fuaitau, vaava’ai mo ni malamalama’aga fa’aopoopo e fa’atatau i le valo’aga a Malaki.

Fesoasoani i tagata a’oga e fa’ailoa e faapea na auina mai e le Fa’aola ia Elia e toefuatai ki o fa’amauga ma faaliliu loto o ‘āiga i le tasi ma le isi.Na fa’ataunuuina lenei folafolaga i le aso 3 Aperila, 1836, ina ua fa’aali atu Elia ia Iosefa Samita ma Oliva Kaotui i le Malumalu o Katelani.O ki o fa’amauga na ia toefuata’i mai ua aloaia ai sauniga paia i le lalolagi ma le lagi.E aofia ai sauniga o lo’o faia i totonu o malumalu paia.

Mafaufau e fa’aali se ata o se malumalu ma le fa’amatalaga lenei.

Oakland California Temple Exterior image. This image features the temple and temple grounds. You see trees, the fountain, and the entrance of the temple.

Faitau le fa’amatalaga lenei mai iā Elder Christofferson, vaava’ai pe fa’apefea ona fa’amanuia i tatou e le Fa’aola e ala i Lona mana o fa’amauga i totonu o malumalu paia:

[I totonu o le malumalu o le Alii] tatou te vaaia ai le mamalu ma le paia o le mana o fa’amauga–e avea ai le fa’aolataga o le tagata lava ia ma le fa’aeaga o le ‘āiga e avanoa faalauaitele i so’o se mea ma so’o se taimi na latou ola ai i le lalolagi.E leai se isi mataupu silisili faalelotu po o se filosofia po o se pule e mafai ona faatusalia i lea avanoa ua faaaofia ai tagata uma lava.O lenei mana o fa’amauga o se fa’ailoaga atoatoa lea o le fa’amasinogatonu, alofa mutimutivale, ma le alofa o le Atua.

O le fa’ailoaga aupito maualuga ma aupito paia o le mana o faamauga o loo i ai lea i le tu’ufa’atasiga e fa’avavau o se alii ma se tamaitai i le fa’aipoipoga, ma le soo faatasia o le fanauga a tagata i o latou augatupulaga uma.(“O le Mana o Fa’amauga,” Liahona, Nov. 2023, 20, 21)

O le a se mea ua fa’agae’etia ai oe mai lenei faamatalaga?
Ua fa’apefea ona fesoasoani galuega o le malumalu iā te oe e lagona ai se so’otaga pe faaliliu atu ai lou loto i ou tau’āiga i aso ua mavae, taimi nei, po’o le lumana’i?

Faaliliuina o o tatou loto

O gaoioiga nei e mafai ona fesoasoani i tagata a’oga e fa’amalosia o latou sootaga ma o latou tua’ā ma faia filifiliga e manuia ai a latou fanau. E fa’alagolago i le taimi o avanoa, e mafai ona e vala’aulia tagata a’oga e fa’amae’a se tasi po o gaoioiga uma nei e lua.Mafaufau e fetu’unai fa’atonuga ia fetaui i mana’oga o au tagata a’oga.Mo se fa’ata’ita’iga, e mafai ona e aveesea pe suia fa’atonuga e mana’omia ai le fa’aaogaina o masini fa’aonaponei pe afai e le maua lena avanoa e au tagata a’oga.

Gaoioiga A: Liliu atu lou loto i ou tua’a.

Fa’amae’a se tasi pe sili atu o gaoioiga nei.A’o e suesue, tomanatu pe fa’apefea e le Fa’aola ma Lona mana o fa’amauga ona fa’amalosia ou tua’a ma lau sootaga ma i latou.Fa’amaumau mea na e a’oa’oina i autafa ane o “a’a” o le atatusi i totonu o lau api tala’aga mo su’esu’ega.

Tusi se mea lelei e te manatua e uiga i se matua po o se mātua o mātua pe faitau foi e uiga i se tua’ā i le vaega o “Manatuaga” i le FamilySearch.org po’o i le polokalama o le FamilySearch Tree.Mafaufau pe aisea e ono finagalo ai le Fa’aola ia te oe e te feso’ota’i i le tua’ā lenei.
Su’esu’e le Mataupu Fa’avae ma Feagaiga 128:16–18, vaava’ai pe aisea e aogā ai le faia o sui papatisoga mo e ua maliliu ma isi galuega o le malumalu mo ou tua’ā i le fuafuaga a le Atua.
Saili mo le “talafa’asolopito o ‘āiga” i lalo o Autū i le vaega o le Konefesi Aoao o le Potutusi o le Talalelei. Filifili se tasi o tautalaga, ma su’esu’e nisi po’o mea uma fo’i.
Saili le talafa’asolopito o lou ‘āiga mo tua’ā o lo’o mana’omia le sauniga o le papatisoga. A mafai, alu i le temples.ChurchofJesusChrist.org ma atofa se taimi e faataunuu ai papatisoga.

Gaoioigia E: Liliu lou loto i lau fanau.

Fa’amae’a se tasi pe sili atu o gaoioiga nei.A’o e su’esu’e, tomanatu pe fa’apefea e le Fa’aola ma Lona mana o fa’amauga ona fesoasoani ia te oe e fa’amalosia lau fanau. Fa’amaumau mea na e a’oa’oina i autafa o “lālā” o le atatusi i lau api tala’aga mo su’esu’ega.

Toe iloilo fesili na tu’uina atu i se fa’atalanoaga o pepa fa’ataga o le malumalu ma mafaufau pe mafai fa’apefea e au tali ona fa’amanuiaina lou ‘āiga i le taimi nei ma lou ‘āiga i le lumana’i.O fesili nei e mafai ona maua i le fa’aopoopoga o le Mo Le Malosi o le Autalavou: O Se Taiala mo le Faia o Filifiliga.
Saili le O le Autū mo Tamaitai Talavou po’o le Autū mo Korama o Perisitua Arona, vaava’ai mo ni fasifuaitau e mafai ona saunia oe e fa’amanuia sou to’alua ma sau fanau i le lumana’i.
Su’esu’e le Mataupu Fa’avae ma Feagaiga 49:15–17; 68:25–28, vaava’ai po’o le a se mea o loo a’oa’o mai le Alii e fa’atatau i fa’aipoipoga ma le tausia o fanau. Mafaufau pe fa’apefea e au filifiliga e te faia i le taimi nei ona a’afia ai lau faaipoipoga i le lumana’i ma le auala o le a e tausia ai sau fanau.
Fai se tusi i lou to’alua po o fanau i le lumana’i e fa’amatala ai mea o lo’o e faia i le taimi lenei e te agava’a ai mo le malumalu ma saunia ai oe mo se ‘āiga e fa’avavau.

A mae’a loa, mafaufau e vala’aulia tagata a’oga e naunau e fa’asoa mai mea na latou a’oa’oina pe na lagona fo’i mai i lea gaoioiga. E ono aofia ai mea na latou tusia i autafa o a’a po’o lālā i a latou api tala’aga mo suesuega. E mafai fo’i ona fa’asoa o latou lagona e fa’atatau i le Fa’aola ma Lana matafaioi i le fesoasoani ai iā i tatou e maua fa’amanuiaga o se ‘āiga fa’avavau.

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona ma toe iloilo i latou i lesona i le lumana’i.O le fasifuaitau mo le mau autu mo le Malaki 4:5–6 o le “E faaliliu e Elia … loto o fanau i o latou matua.’”O manatu mo gaoioiga o le taulotoina o lo’o i ai i fa’matalaga fa’aopoopo i lalo o le “Gaoioiga Toefa’amanatu o le Atamai i A’oa’oga Faavae.”

O Puna’oa Fa’aopoopo

Ae fa’apefea pe a fai e se tasi o lo’u ‘āiga ni filifiliga e ono taofia ai i tatou mai le mafuta ai fa’atasi e fa’avavau?

Na a’oa’o mai Elder David A. Bednar o le Korama a Aposetolo e To’asefululua e fa’apea:

Ia te oe o lē na oo i le lototiga ona o se tatalaga o se faaoipoipoga i lou aiga pe sa e lagonaina le tiga i le solia o le faatuatuaga, faamolemole ia manatua [o le fuafuaga a le Atua mo aiga] e toe amata foi ia te oe!Atonu e tasi le sooga i le filifili o ou augatupulaga ua motusia, ae o isi sooga amiotonu ma mea o totoe o le filifili e le faaitiitia le taua e faavavau. E mafai ona e faaopoopo i ai le malosi i lau filifili ma atonu lava e te fesoasoani e toefuatai mai sooga ua motusia.O lena galuega o le a faataunuuina auauai.(“O Se So’oga Uelo” [faigalotu a le lalolagi atoa mo talavou matutua, Set. 10, 2017], Potutusi o le Talalelei)

E fa’ape’i lagona o le Ali’i i tagata o lo’o faia galuega o le malumalu ma galuega o talafa’asolopito o ‘āiga?

Na saunoa mai Peresitene Henry B. Eyring o le Au Peresitene Sili:

Mafaufau i le lotofaafetai ua [i le Faaola] mo i latou o e faaalu lo latou taimi i le galuega ma le faatuatua e su’e ai igoa o o latou tuaa ma e lava le alofa ia i latou ma Ia e ofoina atu ai ia i latou le ola e faavavau i aiga, o le meaalofa silisili lea o meaalofa uma a le Atua.Sa Ia ofoina atu ia i latou se taulaga e le i’u.O le a Ia alofa ma talisapaia i latou o e totogi soo se tau latou te mafaia e faataga ai o latou tuaa e filifili Lana ofo o le ola e faavavau.(“Loto Ua Fusia Fa’atasi,” Liahona, Me 2005, 79)

E fa’apefea ona a’afia a’u fanau i le lumana’i i a’u filifiliga i le taimi nei?

Na saunoa mai e Elder Carlos A. Godoy o le Fitugafulu:

Ua e silafia o loo i ai se fuafuaga mo i tatou i lenei olaga.Ua e silafia e mafai ona faavavau aiga.Aisea e tuu ai lou [aiga] i se tulaga lamatia?Aua le avea [oe] ma sooga vaivai i lenei sootaga matagofie o le faatuatua na e amataina, pe na e mauaina, o se tofituufaasolo.Ia avea oe ma [sooga] malosi.O lou taimi lea e fai ai, ma e mafai e le Alii ona fesoasoani ia te oe.

Mai le taele o lo’u loto, ou te valaaulia outou ia mafaufau i ai, ia tepa i luma ma iloilo “po o fea o le a tau atu i ai lenei mea” ma, afai e tatau ai, ia lava le lototoa e toe fuatai ai lou ala mo le manuia o au fanau.(“Mo le Manuia o Lau Fanau,” Liahona, Nov. 2023, 18)

Gaoioiga Fa’aopoopo e A’oa’o Ai

Mauaina o le puipuiga a le Ali’i

Pe a mae’a ona faitau le Malaki 4:1, e mafai e tagata a’oga ona manuia mai i le faitauina o fuaiupu nei, o lo’o aofia ai folafolaga a le Ali’i i le au amiotonu i le taimi o Lona Afio Mai Fa’alua.

Faitau le Malaki 4:2–3, vaavaai mo mea na folafolaina e le Ali’i mo tagata e matata’u (pe fa’aaloalo) ia te Ia.

O a ni mea tatou te a’oa’oina e uiga i le Fa’aola mai i le fa’afaatusa o nei fuaiupu?

Pe a mana’omia, fa’amatala le fuaitau o “tama’i povi mai le fale povi” (fuaiupu 2) o lo’o fa’asino atu i le malupuipuia, lelei o le fafagaina, ma le tausia lelei o tama’i povi. Na folafola mai e le Ali’i e fa’apea, o le a fa’apena fo’i ona Ia puipuia ma tausia o tagata e “matata’u [i Lona] suafa” (fuaiupu 2).O le fasifuaitau “fa’amalologa i ona apa’au” (fuaiupu 2) e fa’asino atu i le mana fa’amalolo ma le puipuiga a le Ali’i, e aofia ai Lana Togiola. O le fasifuaitau “tou te solia i lalo o e amioleaga” (fuaiupu 3) o lona uiga o le a fesoasoani le Ali’i i e amiotonu e fa’ato’ilalo le leaga e ala i le fa’aumatia o e amioleaga i le taimi o Lona Afio Mai Fa’alua.

Fa’ata o le malumalu

Ae le’i fa’aumaina gaoioiga e tagata a’oga o loo i le vaega i lalo “Liliuina o o tatou loto,” e mafai ona e fa’aali atu se ata o fāata i totonu o se potu o fa’amauga o le malumalu.E te maua se fa’ata’ita’iga i le amataga o le lesona. Vala’aulia tagata a’oga e fa’asoa mea latou te iloa e uiga i le fa’atusa o fāata i totonu o potu mo fa’amauga.

I se isi faiga, e mafai ona e aumaia ni fa’ata se lua i le vasega. Vala’aulia ni tagata a’oga se to’alua e taofi fāata ma fa’asaga le isi i le isi.E mafai ona e vala’aulia se tagata a’oga lona tolu e tu i le ogatotonu ma va’ai i se tasi o fāata.Fesili ia i latou e faasoa ane pe fia ni fa’aataataga o lo’o latou iloa atu.Fa’amatala atu e faapea o fāata o le malumalu e fa’atusa mai ai augatupulaga o aso ua mavae ma le lumana’i o lo’o ua fa’amau fa’atasi o se aiga e fa’avavau.

Toefuata’iina o ki o le peresitua

E ono mafai ona e fesoasoani i tagata e vaai faalemafaufau i le toefuataiina mai o ki o fa’amauga iā Iosefa Samita e ala i le matamataina o le “Priesthood Keys Restored in Kirtland Temple” (2:12).Vala’aulia tagata a’oga e va’ai pe na fa’apefea ona tosinaina le Au Paia o Aso e Gata Ai i popo fou [o le Ekalesia] i ki o fa’amauga.

2:12

Fa’amanuiaga o galuega o le malumalu ma talafa’asolopito o ‘āiga

Nai lo le faia o gaoioiga i le vaega o le lesona “Liliuina o o tatou loto” e mafai ona e matamata i le “The Promised Blessings of Temple and Family History Work 2” (4:04).Vala’aulia tagata a’oga e lisi fa’amanuiaga o lo’o ta’ua i le vitio.Fesili i ni nai tagata a’oga e fa’asoa po’o a fa’amanuiaga na latou maua po’o le fea foi fa’amanuiaga latou te manana’o e maua.

Tu’u i tagata a’oga se taimi e fai ai se galuega mo talafa’asolopito o ‘āiga ma saunia ni igoa mo le malumalu. E mafai ona e fa’aali i tagata a’oga pe fa’apefea ona fa’aaoga le FamilySearch.org po o le polokalama o le FamilySearch, pe vala’aulia foi tagata a’oga o lo’o masani i auala fa’atekonolosi e a’oa’o ai le vasega i lo latou fa’aaogaina.

4:13