Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Malakia 4: Fuqia Vulosëse

“Malakia 4: Fuqia Vulosëse”, Manuali i Mësuesit të Seminarit për Dhiatën e Vjetër (2026)

“Malakia 4: Fuqia Vulosëse”, Manuali i Mësuesit të Seminarit për Dhiatën e Vjetër

Malakia: Mësimi 159

Malakia 4

Fuqia Vulosëse

Në tempujt e shenjtë, Shpëtimtari i bashkon familjet për përjetësinë nëpërmjet çelësave vulosës. Malakia profetizoi se Shpëtimtari do t’i rivendoste këta çelësa për të “bë[r]ë që zemra e etërve t’u kthehet bijve dhe zemra e bijve etërve” (Malakia 4:6). Ky mësim mund t’i ndihmojë nxënësit ta kthejnë zemrën te prindërit e tyre, paraardhësit dhe pasardhësit.

Përgatitja e nxënësve: Ftojini nxënësit të shpenzojnë disa minuta duke eksploruar FamilySearch.org ose programin FamilySearch Tree. Për shembull, ata mund të klikojnë te disa të afërm në pemën e tyre familjare për të mësuar më shumë rreth tyre. Ose ata mund të plotësojnë disa nga veprimtaritë për historinë familjare që gjenden në faqen e internetit ose te menuja “More” [“Më Shumë”] në program. Nëse nxënësit nuk kanë qasje në këto burime, ata mund të flasin me një prind ose pjesëtar të familjes për të mësuar diçka të re rreth një paraardhësi.

Veprimtari të Mundshme të të Mësuarit

Rrënjët dhe degët

Merreni parasysh t’i ftoni nxënësit të vizatojnë një pemë me rrënjë dhe degë në ditarët e tyre të studimit. Ju gjithashtu mund të vizatoni një pemë në tabelë.

Set of line art depicting a growing tree from a seedling to a full grown tree with roots, sunlight.

Përse janë si rrënjët edhe degët thelbësore për shëndetin e një peme?

Ftojini nxënësit ta shkruajnë emrin e tyre në trungun e pemës që kanë vizatuar.
Nëse trungu i një peme të përfaqëson ty, kë mund të përfaqësojnë rrënjët dhe degët?

Nëse është e nevojshme, shpjegoni se në shkrimet e shenjta Zoti shpesh përdor metaforën e një peme me rrënjë dhe degë për të dhënë mësim rreth familjes. Mund të shihni edhe materialin filmik “By the Hand of Elijah the Prophet” [“Nga Dora e Elija Profetit”] (3:32) nga kodi kohor 0:00 deri në 0:35, në dispozicion në ChurchofJesusChrist.org.

3:32

Ftojini nxënësit t’i emërtojnë rrënjët paraardhësit dhe degët pasardhësit. Jepni udhëzimet e mëposhtme:
Pranë rrënjëve në vizatimin tënd shkruaj një përshkrim të shkurtër të mënyrës se si ndihesh në lidhje me paraardhësit e tu (prindërit, gjyshërit e kështu me radhë).
Pranë degëve në vizatimin tënd shkruaj atë që shpreson për pasardhësit e tu të mundshëm ose atë që përfytyron ndërsa mendon rreth tyre (fëmijët, stërnipërit e stërmbesat e kështu me radhë).

Ndërsa studion te Malakia 4, merr parasysh atë që ka bërë Shpëtimtari për të forcuar dhe ruajtur rrënjët dhe degët e pemës sate familjare. Ti mund të bësh një lutje të heshtur, duke i kërkuar Atit Qiellor të të ndihmojë të kuptosh atë që mund të bësh për të forcuar familjen tënde të përjetshme.

Për shkak se nxënësit vijnë nga situata familjare të ndryshme, është e rëndësishme të flisni rreth doktrinës së familjeve të përjetshme me ndjeshmëri dhe mirëkuptim. Kujtojuni nxënësve se Shpëtimtari është plotësisht i vetëdijshëm për rrethanat e tyre dhe mund të ofrojë shpresën dhe shërimin e nevojshëm për familjet e tyre të kaluara, të tashme dhe të ardhshme nëpërmjet Shlyerjes së Tij.

Profecitë e Malakias

Lexo te Malakia 4:1, duke kërkuar atë që dha mësim Zoti rreth rrënjëve dhe degëve në këtë profeci të Ardhjes së tij të Dytë.

Bazuar në atë që ke mësuar rreth rrënjëve dhe degëve, çfarë mendon se po jep mësim Shpëtimtari?

Plaku D. Tod Kristoferson, i Kuorumit të Dymbëdhjetë Apostujve, shpjegoi sa vijon:

“Pa vulosjet që krijojnë familje të përjetshme dhe i lidhin brezat këtu dhe më pas, ne do të lihemi në përjetësi pa rrënjë dhe pa degë, domethënë, pa paraardhës dhe pa pasardhës.” (“Fuqia Vulosëse”, Liahona, nëntor 2023, f. 21)

Përsiat se si do të ndiheshe po të mos mund të vuloseshe, ose të bashkoheshe përgjithmonë me familjen që do.

Malakia 4:5–6 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo te Malakia 4:5–6, duke kërkuar atë që premtoi Shpëtimtari të bënte në mënyrë që familjet të mund të vuloseshin së bashku. Poshtëshënimet mund të ndihmojnë ndërsa lexon.

Çfarë kupton rreth kësaj profecie? Çfarë pyetjesh ke?

Nëse nxënësit kanë nevojë për ndihmë për ta kuptuar këtë profeci, merreni parasysh t’i ftoni ata të lidhin ose të bëjnë referencë-kryq të vargjeve te Malakia 4:5–6 me vargjet te Doktrina e Besëlidhje 110:13–16; 138:47–48. Nxënësit mund t’i lexojnë këto fragmente, duke kërkuar pikëpamje shtesë rreth profecisë së Malakias.

Ndihmojini nxënësit të përcaktojnë se Shpëtimtari e dërgoi Elijan për të rivendosur çelësat vulosës dhe për t’i kthyer zemrat e familjeve te njëra-tjetra. Ky premtim u përmbush më 3 prill 1836 kur Elija iu shfaq Jozef Smithit dhe Oliver Kaudërit në Tempullin e Kirtlandit. Çelësat vulosës që ai i rivendosi i bëjnë ordinancat e shenjta të vlefshme mbi tokë dhe në qiell. Kjo përfshin ordinancat e kryera në tempujt e shenjtë.

Merreni parasysh të paraqitni një figurë të një tempulli dhe thënien vijuese.

Oakland California Temple Exterior image. This image features the temple and temple grounds. You see trees, the fountain, and the entrance of the temple.

Lexoje thënien vijuese nga Plaku Kristoferson, duke kërkuar mënyrën se si na bekon Shpëtimtari me fuqinë e Tij vulosëse në tempujt e shenjtë:

“[Në tempullin e Zotit] ne shohim madhështinë dhe shenjtërinë e fuqisë vulosëse – ajo e vë shpëtimin e individit dhe ekzaltimin e familjes në dispozicion të fëmijëve të Perëndisë në mënyrë universale, kudo dhe kurdoherë që ata mund të kenë jetuar në tokë. Asnjë teologji, filozofi apo autoritet tjetër nuk mund t’i bëjë një ofertë të barabartë një mundësie të tillë gjithëpërfshirëse. Kjo fuqi vulosëse është një shfaqje e përsosur e drejtësisë, mëshirës dhe dashurisë së Perëndisë. …

Shfaqja më e lartë dhe më e shenjtë e fuqisë vulosëse është në bashkimin e përjetshëm të një burri dhe një gruaje në martesë dhe lidhjen e njerëzimit përmes të gjithë brezave të tyre.” (“Fuqia Vulosëse”, Liahona, nëntor 2023, f. 20, 21)

Çfarë të bën përshtypje nga kjo thënie?
Si të ka ndihmuar puna në tempull të ndiesh një lidhje ose ta kthesh zemrën tënde te pjesëtarët e kaluar, të tanishëm ose të ardhshëm të familjes?

Kthimi i zemrës sonë

Veprimtaritë vijuese mund t’i ndihmojnë nxënësit t’i forcojnë marrëdhëniet e tyre me paraardhësit e tyre dhe të marrin vendime që do t’i bekojnë pasardhësit e tyre. Në varësi të kohës në dispozicion, mund t’i ftoni nxënësit të plotësojnë njërën ose të dyja këto veprimtari. Merreni parasysh t’i përshtatni udhëzimet për të plotësuar nevojat e nxënësve tuaj. Për shembull, mund t’i hiqni ose t’i ndryshoni udhëzimet që kërkojnë përdorimin e teknologjisë nëse nuk është në dispozicion për nxënësit tuaj.

Veprimtaria A: Ktheje zemrën te paraardhësit e tu.

Plotëso një ose më shumë prej detyrave vijuese. Ndërsa studion, reflekto mbi mënyrën se si Shpëtimtari dhe fuqia e Tij vulosëse i forcojnë paraardhësit dhe marrëdhënien tënde me ta. Shënoje atë që mëson pranë “rrënjëve” të vizatimit në ditarin tënd të studimit.

Shkruaj një kujtim pozitiv që ke rreth një prindi ose gjyshi/gjysheje ose lexo rreth një paraardhësi në pjesën “Kujtimet” te FamilySearch.org ose te programi FamilySearch Tree [Pema Familjare në FamilySearch]. Mendo se përse mund të dojë Shpëtimtari që ti të lidhesh me këtë paraardhës.
Studio vargjet te Doktrina e Besëlidhje 128:16–18, duke kërkuar përse bërja e pagëzimeve për të vdekurit dhe e punës tjetër në tempull për paraardhësit e tu është një pjesë e rëndësishme e planit të Perëndisë.
Kërko “historia familjare” nën Tema te pjesa Konferenca e Përgjithshme e Gospel Library [Biblioteka e Ungjillit]. Zgjidh një nga bisedat dhe studio një pjesë ose të gjithën.
Kërko te pema jote familjare paraardhësit që kanë nevojë për ordinancën e pagëzimit. Nëse është e mundur, shko te temples.ChurchofJesusChrist.org dhe lër një takim për të përfunduar pagëzimet.

Veprimtaria B: Ktheje zemrën te pasardhësit e tu.

Plotëso një ose më shumë prej detyrave vijuese. Ndërsa studion, reflekto mbi mënyrën se si Shpëtimtari dhe fuqia e Tij vulosëse të ndihmojnë të forcosh pasardhësit e tu. Shënoje atë që mëson pranë “degëve” të vizatimit në ditarin e studimit.

Shqyrtoji pyetjet e bëra në intervistën për rekomandimin e tempullit dhe reflekto mbi mënyrën se si përgjigjet e tua mund ta bekojnë familjen tënde të tanishme dhe familjen tënde të ardhshme. Këto pyetje mund të gjenden në shtojcën e materialit Për Forcën e Rinisë: Një Udhëzues për Bërjen e Zgjedhjeve.
Kërko hyrjen Tema e Të Rejave ose Tema e Kuorumit të Priftërisë Aarone, duke kërkuar frazat që mund të të përgatitin ty të bekosh bashkëshortin/en dhe fëmijët e tu të ardhshëm.
Studio te Doktrina e Besëlidhje 49:15–17; 68:25–28, duke kërkuar atë që jep mësim Zoti rreth martesës dhe rritjes së fëmijëve. Mendo për mënyrën se si zgjedhjet që ti bën tani mund të ndikojnë në martesën tënde të ardhshme dhe në mënyrën se si do t’i rritësh fëmijët e tu.
Shkruaj një letër për bashkëshortin/en ose fëmijët e tu të ardhshëm duke shpjeguar atë që po bën tani për të qenë i denjë për tempullin dhe për t’u përgatitur për një familje të përjetshme.

Kur të kenë mbaruar, merreni parasysh t’i ftoni nxënësit e gatshëm ta tregojnë atë që mësuan ose ndien nga kjo veprimtari. Kjo mund të përfshijë gjërat që ata i shkruan pranë rrënjëve ose degëve në ditarët e tyre të studimit. Nxënësit mund të shprehin edhe ndjenjat e tyre rreth Shpëtimtarit dhe rolit të Tij në ndihmesën ndaj nesh për t’i marrë bekimet e një familjeje të përjetshme.

Mësojini Përmendsh

Nëse dëshironi, mund t’i ndihmoni nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargjet te Malakia 4:5–6 është “Elija ‘do të bëjë që zemra e … bijve [t’u kthehet] etërve’”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Po nëse dikush në familjen time po bën zgjedhje që mund të na pengojnë të jemi së bashku përgjithmonë?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Ju që keni përjetuar pikëllimin e një divorci në familjen tuaj apo keni ndier ankthin e një mirëbesimi të dhunuar, ju lutem mbajeni mend [se modeli i Perëndisë për familjet] fillon sërish me ju! Një lidhje në zinxhirin e brezave tuaj mund të jetë thyer, por lidhjet e tjera të drejta dhe ajo që mbetet nga zinxhiri, janë gjithsesi përjetësisht të rëndësishme. Ju mund t’i shtoni forcë zinxhirit tuaj e ndoshta edhe të ndihmoni për t’i rivendosur lidhjet e thyera. Ajo punë do të kryhet një e nga një.” (“Një Lidhje Bashkëngjitëse” [takim shpirtëror mbarëbotëror për të rinjtë në moshë madhore, 10 shtator 2017], Gospel Library [Biblioteka e Ungjillit])

Si ndihet Zoti në lidhje me njerëzit që bëjnë punë në tempull dhe për historinë familjare?

Presidenti Henri B. Ajring, i Presidencës së Parë, shpjegoi:

“Mendoni për mirënjohjen që [Shpëtimtari] ka për ata që e [paguajnë çmimin] me punë dhe besim për të gjetur emrat e paraardhësve të tyre dhe që i duan ata dhe Atë, aq sa t’u ofrojë jetën e përjetshme në familje, më e madhja nga të gjitha dhuratat e Perëndisë. Ai u ofroi atyre një flijim të përjetshëm. Ai do t’i dojë dhe vlerësojë të gjithë ata që bënë gjithçka që mundën për t’u bërë të mundur paraardhësve të tyre të zgjedhin ofertën e Tij – jetën e përjetshme.” (“Me Zemra të Bashkuara”, Liahona, maj 2005, f. 79; Konferenca e Përgjithshme, prill 2005, f. 89)

Si mund të ndikojnë zgjedhjet e mia tani te pasardhësit e mi?

Plaku Karlos A. Godoi, i Të Shtatëdhjetëve, u shpreh:

“Ju e dini se ka një plan për ne në këtë jetë. Ju e dini se familjet mund të jenë të përjetshme. Përse t’i vini në rrezik familjet tuaja? Mos jini hallka e dobët në këtë zinxhir të bukur besimi që ju e filluat, ose e morët si trashëgimi. Jini hallka e fortë. Është radha juaj për ta bërë atë dhe Zoti mund t’ju ndihmojë.

Nga thellësia e zemrës sime ju ftoj të mendoni për këtë gjë, të hidhni vështrimin përpara dhe të vlerësoni se ‘ku do të çojë kjo gjë’ dhe, nëse është e nevojshme, të jeni të guximshëm aq sa t’i jepni formë sërish shtegut tuaj për hir të pasardhësve tuaj.” (“Për Hir të Pasardhësve Tuaj”, Liahona, nëntor 2023, f. 18)

Veprimtari Plotësuese të të Mësuarit

Përjetimi i mbrojtjes së Zotit

Pasi të lexojnë te Malakia 4:1, nxënësit mund të kenë dobi nga leximi i vargjeve vijuese, që përmbajnë premtimet e Zotit për të drejtët në Ardhjen e Tij të Dytë.

Lexoni te Malakia 4:2–3, duke kërkuar atë që u premtoi Zoti njerëzve që kanë frikë prej Tij (ose nderim për Të).

Çfarë mund të mësojmë rreth Shpëtimtarit nga simbolika e këtyre vargjeve?

Sipas nevojës, shpjegoni se fraza “viçat që dalin nga stalla” (vargu 2) u referohet viçave që janë të sigurt, të ushqyer mirë dhe që kanë marrë përkujdesje. Zoti premton se Ai do të mbrojë dhe do të kujdeset në të njëjtën mënyrë për njerëzit që “k[anë] frikë nga emri [i Tij]” (vargu 2). Fraza “shërimin në krahët e tij” (vargu 2) i referohet shërimit dhe fuqisë mbrojtëse të Zotit, duke përfshirë Shlyerjen e Tij. Fraza “do t’i shkelni me këmbë të pabesët” (vargu 3) do të thotë se Zoti do t’i ndihmojë të drejtët ta mposhtin ligësinë duke i shkatërruar të ligjtë në Ardhjen e Tij të Dytë.

Pasqyrat e tempullit

Para se nxënësit t’i plotësojnë veprimtaritë nën pjesën “Kthimi i zemrës sonë”, mund të paraqitni një figurë të pasqyrave në një dhomë vulosëse të tempullit. Ju mund të gjeni një shembull në fillim të këtij mësimi. Ftojini nxënësit ta tregojnë atë që dinë rreth simbolikës së pasqyrave në dhomat vulosëse.

Përndryshe, mund të sillni dy pasqyra në klasë. Ftojini dy nxënës të mbajnë secili një pasqyrë dhe të qëndrojnë përballë njëri-tjetrit. Ju mund ta ftoni një nxënës të tretë të qëndrojë në mes dhe të shihet në njërën nga pasqyrat. Kërkojini atij të tregojë se sa pasqyrime shikon. Shpjegoni se pasqyrat e tempullit simbolizojnë brezat e kaluar dhe të ardhshëm të vulosur së bashku si një familje e përjetshme.

Rivendosen çelësat e priftërisë

Ju mund t’i ndihmoni nxënësit të përfytyrojnë çelësat vulosës që iu rivendosën Jozef Smithit duke parë “Priesthood Keys Restored in Kirtland Temple” [“Çelësat e Priftërisë të Rivendosura në Tempullin e Kirtlandit”] (2:12). Ftojini nxënësit të kërkojnë mënyrat se si çelësat vulosës ndikuan te Shenjtorët e Ditëve të Mëvonshme.

2:12

Bekimet e punës në tempull dhe për historinë familjare

Në vend që të bëni veprimtaritë te pjesa “Kthimi i zemrës sonë” e mësimit, mund të shihni “The Promised Blessings of Temple and Family History Work 2” [“Bekimet e Premtuara për Punën në Tempull dhe për Historinë Familjare 2”] (4:04). Ftojini nxënësit të renditin bekimet e përmendura në materialin filmik. Kërkojuni disa nxënësve të tregojnë se cilat bekime i kanë marrë ose cilat bekime do të donin t’i merrnin.

Jepuni nxënësve kohë për të bërë pak punë për historinë familjare dhe për të përgatitur emrat për tempullin. Ju mund t’u tregoni nxënësve se si të përdorin faqen FamilySearch.org ose programin FamilySearch Tree [Pema Familjare në FamilySearch], ose mund t’i ftoni nxënësit që kanë njohuri për këto teknologji t’ia mësojnë klasës se si t’i përdorin ato.

4:5