Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Malakia 3: Pagimi i së Dhjetës Hap Pragjet e Qiellit

“Malakia 3: Pagimi i së Dhjetës Hap Pragjet e Qiellit”, Manuali i Mësuesit të Seminarit për Dhiatën e Vjetër (2026)

“Malakia 3: Pagimi i së Dhjetës Hap Pragjet e Qiellit”, Manuali i Mësuesit të Seminarit për Dhiatën e Vjetër

Malakia: Mësimi 158

Malakia 3

Pagimi i së Dhjetës Hap Pragjet e Qiellit

Që në kohët e lashta, Ati Qiellor i ka bekuar fëmijët e Tij për gatishmërinë e tyre për t’iu bindur ligjit të Tij të së dhjetës. Fjalët e Zotit nëpërmjet profetit Malakia na ndihmojnë të mësojmë se si Ai do të na bekojë për shkak të bindjes sonë ndaj ligjit të Tij. Ky mësim mund t’i ndihmojë nxënësit të ndiejnë një dëshirë për t’iu bindur ligjit të Zotit për të dhjetën.

Përgatitja e nxënësve: Ftojini nxënësit të përgatiten për të treguar një histori ku dikush u bekua duke iu bindur urdhërimit të Zotit për të paguar të dhjetën. Nëse është e dobishme, nxënësit mund të pyesin prindërit e tyre ose udhëheqësit e Kishës ose të kërkojnë histori te Gospel Library [Biblioteka e Ungjillit].

Veprimtari të Mundshme të të Mësuarit

Pagimi i së dhjetës

Për ta filluar mësimin, nëse doni, mund të tregoni një pjesë të historisë që ilustron rrethanat kur mund të jetë e vështirë të paguash të dhjetën. Mund të tregoni përvojën e Plakut Kordon ose një përvojë tuajën.

Nëse është e nevojshme, shpjegoni se të paguajmë të dhjetën do të thotë të dhurojmë “një të dhjetën e të ardhurave tona në kishë” (Predikoni Ungjillin Tim: Një Udhëzues për Shpërndarjen e Ungjillit të Jezu Krishtit [2023], f. 82; shihni edhe te Doktrina e Besëlidhje 119:3–4).

Lexoje përvojën vijuese nga Plaku Valeri V. Kordon, i Të Shtatëdhjetëve, duke kërkuar arsyen përse mund të ketë qenë e vështirë për prindërit e tij që t’i bindeshin ligjit të Zotit për të dhjetën.

12:28

“Pas disa ngjarjeve lidhur me një luftë civile në Amerikën Qendrore, biznesi i babait tim falimentoi. Nga rreth 200 të punësuar me kohë të plotë ai mbeti me më pak se pesë rrobaqepës, të cilët kur nevojite[j] punonin në garazhin e shtëpisë sonë. Një ditë gjatë atyre kohërave të vështira, i dëgjova prindërit e mi të diskutonin nëse duhet ta paguanin të dhjetën apo të blinin ushqim për fëmijët.” (“Gjuha e Ungjillit”, Liahona, maj 2017, f. 56)

Çfarë rrethanash të tjera mund të hasim ku pagimi i së dhjetës mund të jetë sfidues?

Grafiku vijues mund t’i ndihmojë nxënësit t’i organizojnë mendimet e tyre gjatë gjithë këtij mësimi. Ftojini nxënësit ta vizatojnë grafikun, ose diçka të ngjashme, në një faqe bosh në ditarët e tyre të studimit. Mund të vizatoni gjithashtu diçka të ngjashme në tabelë.

Tregojeni me gisht rrethin “Ndjenjat e Mia”. Informojini nxënësit se në fund të mësimit, ata do të kenë një mundësi për të shkruar se si ndihen në lidhje me të dhjetën. Ata mund të duan të përsiatin tani çdo shqetësim ose sfidë me të cilën përballen ndaj pagimit të së dhjetës. Ata mund të përsiatin edhe mënyrën se si mund të kenë dobi nga përcaktimi i bekimeve që Zoti ua ka premtuar njerëzve që e paguajnë të dhjetën.

Ndërsa e studion ligjin e Zotit për të dhjetën, Fryma e Shenjtë mund të të ndihmojë të kuptosh bekimet në dispozicionin tënd dhe të forcosh dëshirën tënde për ta ndjekur këtë ligj.

Derdhja e bekimeve

Për t’i ndihmuar nxënësit të kuptojnë kontekstin e kapitullit te Malakia 3, thuajeni me fjalët tuaja përmbledhjen vijuese të kapitujve te Malakia 1–2.

Megjithëse njerëzit në kohën e Malakias vazhduan t’i ofronin sakrifica Zotit, ata e çnderuan Atë duke ofruar “ushqime të ndotura” dhe kafshë të verbra, të çala dhe të sëmura (shih te Malakia 1:7–8, 13) si sakrifica që mendohej të simbolizonin Jezu Krishtin. Zoti i qortoi priftërinjtë që “[ishin] larguar nga rruga [e Zotit]” dhe “k[ishin] bërë që shumë njerëz të pengohe[shi]n” (Malakia 2:8) për shkak të shembujve të tyre të këqij. Te Malakia 3, Zoti dha mësim një mënyrë se si mund të bëjmë një sakrificë vullnetare për Të.

Malakia 3:8–10 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo te Malakia 3:7–12, duke kërkuar bekimet e premtuara të Zotit për njerëzit që i ofrojnë Atij të dhjetën e tyre. Shkruaji bekimet që gjen përreth titullit “Bekimet e Zotit” në grafikun tënd.

Mund t’i ndihmojë nxënësit të dinë se fraza “më vini në provë” mund të nënkuptojë se Zoti po thotë: “Më provoni për këtë”.

Çfarë të vërtetash mëson rreth së dhjetës nga fjalët e Zotit te Malakia 3:7–12?

Lejojini nxënësit t’i tregojnë të vërtetat që përcaktuan. Ftojini nxënësit të shkruajnë një të vërtetë si Ndërsa i bindemi ligjit të Zotit për të dhjetën, Ai do të na bekojë bujarisht, si një shënim në shkrimet e tyre të shenjta pranë këtyre vargjeve.

Për t’i ndihmuar nxënësit ta kuptojnë këtë të vërtetë, merreni parasysh të sillni një tigan, një filxhan dhe një kanë uji në klasë. Vendoseni filxhanin në një tigan. Shpjegoni se uji përfaqëson bekimet që do të na japë Zoti ndërsa paguajmë të dhjetën. Ftojeni një nxënës ta derdhë ujin nga kana në filxhan derisa uji të derdhet në tigan. Lidheni këtë me atë që premtoi Zoti te Malakia 3:10.

Ligji i Zotit për të dhjetën

Çfarë mund të mësojmë rreth Atit Qiellor ndërsa Ai na bekon për pagimin e të dhjetës?

Pasi të diskutoni bekimet e pagimit të së dhjetës, nëse dëshironi mund të vini në dukje se disa njerëz që e paguajnë të dhjetën mund të mos i marrin bekimet që shpresojnë dhe mund të kenë ende vështirësi financiare. Ata mund të pyesin veten se përse duhet të vazhdojnë ta paguajnë të dhjetën. Mund të lexoni te Malakia 3:14, 16–17, duke kërkuar atë që Zoti u premtoi njerëzve që vazhdojnë me besnikëri në bindjen e tyre ndaj Tij.

Bindja ndaj ligjit të Zotit për të dhjetën

Afër rrethit “Ndjenjat e Mia” në grafikun tënd, shkruaj:

Se si ndihesh në lidhje me bindjen ndaj ligjit të Zotit për të dhjetën.
Për gjithçka që studiove ose ndjeve sot që e shton dëshirën tënde për të paguar të dhjetën. Kjo mund të përfshijë bekimet e premtuara nga Zoti që ti dëshiron t’i marrësh.

Ftojini disa nxënës të gatshëm të shprehin ndjenjat e tyre në lidhje me Zotin dhe ligjin e Tij për të dhjetën. Mund të tregoni edhe bekimet që keni marrë duke iu bindur këtij ligji.

Mësojini Përmendsh

Nëse dëshironi, mund t’i ndihmoni nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargun te Malakia 3:8–10 është “bekimet e pagimit të së dhjetës”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Përse duhet t’i jap përparësi pagimit të së dhjetës time para shpenzimeve të tjera?

Presidenti Dallin H. Ouks, i Presidencës së Parë, tregoi:

17:24

“Gjatë Luftës II Botërore, nëna ime e ve i mbajti tre fëmijët e saj të vegjël me një rrogë mësueseje që ishte [e pakët]. Kur u bëra i vetëdijshëm se jetonim pa disa gjëra të dëshirueshme për shkak se nuk kishim mjaftueshëm para, e pyeta nënën përse ajo paguante kaq shumë nga rroga e saj si të dhjetë. Nuk e kam harruar kurrë shpjegimin e saj: ‘Dallin, mund të ketë disa njerëz që mund t’ia dalin mbanë pa e paguar të dhjetën, por ne nuk mundemi. Zoti ka zgjedhur që ta marrë babanë tënd dhe të më lërë mua që t’ju rrit ju fëmijët. Nuk mund ta bëj dot këtë gjë pa bekimet e Zotit dhe unë i marr ato bekime duke paguar një të dhjetë të ndershme. Kur e paguaj të dhjetën time, unë kam premtimin e Zotit se Ai do të na bekojë dhe ne duhet t’i kemi ato bekime që t’ia dalim mbanë.” (“Tithing”, Ensign, maj 1994, f. 33)

Plaku Lin G. Robins, i Të Shtatëdhjetëve, dha mësim:

9:30

“Kur shtrojmë për të ngrënë, është shumë më e lehtë të ndajmë që në fillim një pjatë më tepër për dikë që mund të vijë më vonë, sesa kur tryeza të jetë ngritur dhe ushqimi të ketë mbaruar. Po në të njëjtën mënyrë, a nuk është në fakt më e lehtë t’i japim Zotit prodhimin e parë të frutave të tokës, se sa të shpresojmë që të na mbeten ‘teprica’ të mjaftueshme për të? Si themelues i gostisë sonë, a nuk duhet të jetë Ai i ftuari i nderit, [Ai] që i shërbehet të parit?” (“E Dhjeta – Një Urdhërim edhe për të Varfrin”, Liahona, maj 2005, f. 36; Konferenca e Përgjithshme, prill 2005, f. 40–43.)

Si përdoren fondet e të dhjetës në Kishën e Jezu Krishtit të Shenjtorëve të Ditëve të Mëvonshme?

Plaku Dejvid A. Bednar, i Kuorumit të Dymbëdhjetë Apostujve, tregoi:

16:56

“Këto fonde të shenjta përdoren në një kishë me rritje të shpejtë për t’i bekuar shpirtërisht individët dhe familjet duke ndërtuar e mirëmbajtur tempuj dhe shtëpi adhurimi, duke mbështetur punën misionare, duke përkthyer e botuar shkrime të shenjta, duke nxitur kërkimin e historisë familjare, duke financuar shkolla dhe arsimim fetar, dhe duke përmbushur shumë qëllime të tjera të Kishës siç drejtohen nga shërbëtorët e shuguruar të Zotit.” (“Pragjet e Qiellit”, Liahona, nëntor 2013, f. 19)

Shih edhe “How the Church of Jesus Christ Uses Tithes and Donations” (newsroom.ChurchofJesusChrist.org) dhe “Ku Shkojnë Paratë e të Dhjetave” (Liahona, tetor 2018, f. 10–11).

Veprimtari Plotësuese të të Mësuarit

Pagimi i së dhjetës

Disa nxënës mund të kenë pyetje rreth mënyrës se si ta llogaritin të dhjetën, se si ta dhurojnë të dhjetën e tyre, kujt t’ia japin të dhjetën e tyre ose specifika të tjera rreth pagimit të së dhjetës. Për të ndihmuar, mund të lexoni artikullin “Where Do Tithing and Fast Offerings Go?” (For the Strength of Youth, dhjetor 2023, f. 18–19). Më pas nxënësit mund ta tregojnë atë që mësuan.

Përvojat me ligjin e Zotit për të dhjetën

Ndërsa e diskutoni ligjin e Zotit për të dhjetën, nxënësit mund të kenë dobi po të dëgjojnë histori nga njerëzit e tjerë rreth mënyrës se si i bekoi ata pagimi i së dhjetës. Ndërsa nxënësit diskutojnë përvojat që kanë pasur me bindjen ndaj ligjit të Zotit për të dhjetën, mund të tregoni një nga historitë vijuese:

Plaku Jun Huan Çoi, i Të Shtatëdhjetëve, tregoi se si një misionar i kthyer kohët e fundit u forcua nga pagimi i të dhjetës. Shihni “Do You Want to Be Happy?” [“A Dëshironi të Jeni të Lumtur?”] nga kodi kohor 1:52 deri në 3:12.

10:21

Plaku Dejvid A. Bednar, i Kuorumit të Dymbëdhjetë Apostujve, tregoi atë që mësoi Motra Bednar nga nëna e saj rreth pagimit të së dhjetës. Shihni “The Windows of Heaven” [“Pragjet e Qiellit”] nga kodi kohor 0:39 deri në 2:21.

16:56

Toshiko dhe Tokiçi Janagida përjetuan bekime nga pagimi i së dhjetës. Historia e tyre gjendet te Saints: The Story of the Church of Jesus Christ in the Latter Days [Shenjtorët: Historia e Kishës së Jezu Krishtit e Shenjtorëve të Ditëve të Mëvonshme], vëll. 3, Boldly, Nobly, and Independent, 1893–1955 (2022), f. 543–545.

Të qëndruarit të drejtë

Disa nxënës mund të kenë parë shokë ose pjesëtarë të familjes të mos u binden urdhërimeve dhe standardeve të Zotit, megjithatë duket të jenë të lumtur dhe të begatuar. Nxënësit mund të lexojnë te Malakia 3:13–15, duke kërkuar mënyrën se si u ndien disa njerëz në kohën e Malakias. Ju mund të krahasoni vargjet 13–15 me vargjet te Malakia 3:16–18, duke kërkuar atë që Zoti ua premtoi njerëzve që qëndrojnë të drejtë.

Për t’i ndihmuar nxënësit t’i studiojnë këto vargje nga një këndvështrim i përjetshëm, merreni parasysh t’i shkruani pyetjet vijuese në tabelë:

Çfarë supozimesh të pasakta shihni te Malakia 3:13–15?
Çfarë shihni që mund t’i ndihmojë njerëzit që mund të mos i shohin bekimet e menjëhershme të besnikërisë?

Mund t’i organizoni nxënësit në dy grupe për t’i diskutuar pyetjet.