Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Մաղաքիա 3. Տասանորդի վճարումը բացում է երկնքի պատուհանները

«Մաղաքիա 3. Տասանորդի վճարումը բացում է երկնքի պատուհանները», Հին Կտակարան․ Սեմինարիայի ուսուցչի ձեռնարկ (2026)

«Մաղաքիա 3. Տասանորդի վճարումը բացում է երկնքի պատուհանները», Հին Կտակարան․ Սեմինարիայի ուսուցչի ձեռնարկ

Մաղաքիա․ Դաս 158

Մաղաքիա 3

Տասանորդի վճարումը բացում է երկնքի պատուհանները

Հին ժամանակներից ի վեր Երկնային Հայրը օրհնել է Իր զավակներին՝ տասանորդի Իր օրենքին հնազանդվելու նրանց պատրաստակամության համար: Տիրոջ խոսքերը՝ տրված Մաղաքիա մարգարեի միջոցով, օգնում են մեզ սովորել, թե Նա ինչպես կօրհնի մեզ՝ Իր օրենքին հնազանդվելու համար: Այս դասը կօգնի ուսանողներին Տիրոջ տասանորդի օրենքին հնազանդվելու ցանկություն զգալ:

Ուսանողի նախապատրաստում. ուսանողներին առաջարկեք պատրաստված գալ՝ կիսվելու մի պատմությամբ, որտեղ մարդն օրհնվել է՝ հնազանդվելով տասանորդ վճարելու Տիրոջ պատվիրանին: Եթե օգտակար կլինի, ուսանողները կարող են դրա մասին հարցնել իրենց ծնողներին կամ Եկեղեցու ղեկավարներին կամ պատմություններ փնտրել Gospel Library հավելվածում:

Հնարավոր ուսումնական վարժություններ

Տասանորդի վճարումը

Դասի սկզբում կարող եք կիսվել հետևյալ պատմության մի մասով, որտեղ ներկայացված են հանգամանքներ, երբ կարող է դժվար լինել վճարել տասանորդը: Կարող եք կիսվել երեց Քորդոնի կամ ձեր անձնական փորձառությամբ:

Անհրաժեշտության դեպքում բացատրեք, որ տասանորդը «մեր եկամտի մեկ տասներորդը եկեղեցուն» նվիրաբերելն է (Քարոզիր Իմ ավետարանը. Հիսուս Քրիստոսի ավետարանով կիսվելու ուղեցույց [2023], 85, տես նաև Վարդապետություն և Ուխտեր 119.3–4):

Կարդացեք Յոթանասունից երեց Վալերի Վ. Քորդոնի հետևյալ փորձառության մասին՝ պարզելով, թե ինչու էր նրա ծնողների համար դժվար հնազանդվել Տիրոջ տասանորդի օրենքին:

12:28

Կենտրոնական Ամերիկայում տեղի ունեցող քաղաքացիական պատերազմի հետ կապված որոշ իրադարձությունների պատճառով հայրիկս սնանկացավ: Լրիվ դրույքով աշխատող նրա դերձակների թիվը 200-ից նվազեց հինգի, որոնք, անհրաժեշտության դեպքում, աշխատում էին մեր տան ավտոտնակում: Դժվար ժամանակներ էին, և մի օր ես լսեցի, թե ծնողներս ինչպես էին քննարկում՝ արդյոք պետք է տասանորդ վճարեն, թե սնունդ գնեն երեխաների համար: («Ավետարանի լեզուն», Լիահոնա, մայիս 2017, 56)

Ի՞նչ այլ հանգամանքների կարող ենք բախվել, երբ տասանորդ վճարելը կարող է դժվար լինել:

Հետևյալ գծապատկերը կարող է օգնել ուսանողներին ձևակերպել իրենց մտքերն այս դասի ընթացքում: Ուսանողներին առաջարկեք նկարել գծապատկերը կամ նմանատիպ որևէ բան իրենց ուսումնասիրության օրագրերի դատարկ էջի վրա: Կարող եք նմանատիպ որևէ բան նկարել նաև գրատախտակին:

Մատնանշեք «Իմ զգացմունքները» գրությամբ շրջանակը: Տեղեկացրեք ուսանողներին, որ դասի վերջում նրանք հնարավորություն կունենան գրելու, թե ինչ են մտածում տասանորդի մասին: Նրանք կարող են հիմա խորհել տասանորդ վճարելու հետ կապված ցանկացած մտահոգության կամ դժվարությունների շուրջ: Նրանք կարող են նաև խորհել, թե ինչ օգուտ կարող են ստանալ այն օրհնություններից, որոնք Տերը խոստացել է այն մարդկանց, որոնք տասանորդ են վճարում:

Տիրոջ տասանորդի օրենքն ուսումնասիրելիս Սուրբ Հոգին կարող է օգնել ձեզ հասկանալ այն օրհնությունները, որոնք հասանելի են ձեզ և ամրացնել այդ օրենքին հետևելու ձեր ցանկությունը:

Օրհնություններ հեղել

Որպեսզի օգնեք ուսանողներին հասկանալ Մաղաքիա 3 գլխի համատեքստը, ձեր խոսքերով ամփոփ ներկայացրեք Մաղաքիա 1–2 գլուխները։

Թեև Մաղաքիայի ժամանակներում մարդիկ շարունակում էին զոհեր մատուցել Տիրոջը, նրանք անարգում էին Նրան՝ «պիղծ հաց», կույր, կաղ և հիվանդ կենդանիներ զոհաբերելով (տես Մաղաքիա 1.7–8, 13), որոնք պետք է խորհրդանշեին Հիսուս Քրիստոսին։ Տերը հանդիմանեց Մաղաքիայի ժամանակների քահանաներին, որոնք «խոտորել էին [Տիրոջ] ճանապարհիցը» և «շատերին գայթակղեցրել» (Մաղաքիա 2.8) իրենց վատ օրինակներով։ Մաղաքիա 3 գլխում Տերը ուսուցանել է, թե մենք ինչպես կարող ենք պատրաստակամորեն զոհաբերություն անել Իրեն:

Մաղաքիա 3.8–10 հատվածները վարդապետության սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ եղանակով, որպեսզի կարողանան հեշտությամբ գտնել դրանք:

Կարդացեք Մաղաքիա 3.7–12 հատվածները՝ փնտրելով Տիրոջ խոստացված օրհնություններն այն մարդկանց, որոնք նվիրաբերում են Իրեն իրենց տասանորդը: Ձեր գծապատկերի «Տիրոջ օրհնությունները» գրության շուրջը գրեք ձեր գտած օրհնությունները:

Ուսանողների համար օգտակար կլինի իմանալ, որ «այժմ փորձիր ինձ դրանով» արտահայտությունը կարող է նշանակել, որ Տերը ասում է. «Սրանով ինձ փորձե՛ք»:

Մաղաքիա 3.7–12 հատվածներում ի՞նչ ճշմարտություններ եք սովորում Տիրոջ խոսքերից տասանորդի մասին։

Ուսանողներին հնարավորություն տվեք կիսվել իրենց բացահայտած ճշմարտություններով։ Ուսանողներին առաջարկեք իրենց սուրբ գրություններում այդ հատվածների կողքին գրել հետևյալ ճշմարտությունը՝ որպես նշում. երբ մենք հնազանդվենք Տիրոջ տասանորդի օրենքին, Նա առատորեն կօրհնի մեզ։

Որպեսզի օգնեք ուսանողներին հասկանալ այդ ճշմարտությունը, կարող եք դասարան բերել թավա, բաժակ և ջրով լի սափոր: Բաժակը դրեք թավայի մեջ։ Բացատրեք, որ ջուրը խորհրդանշում է այն օրհնությունները, որոնք Տերը կտա մեզ, եթե մենք վճարենք տասանորդը: Ուսանողներից մեկին առաջարկեք սափորի ջուրը լցնել բաժակի մեջ այնքան, մինչև որ ջուրը սկսի լցվել թավայի մեջ: Կապեք դա այն ամենի հետ, ինչ Տերը խոստացել է Մաղաքիա 3.10 հատվածում։

Տիրոջ տասանորդի օրենքը

Ի՞նչ կարող ենք սովորել Երկնային Հոր մասին, երբ Նա օրհնում է մեզ տասանորդ վճարելու համար:

Տասանորդ վճարելու օրհնությունները քննարկելուց հետո կարող եք նշել, որ այն մարդիկ, որոնք վճարում են տասանորդը, կարող են չստանալ իրենց ցանկացած օրհնությունները, անգամ կարող են ֆինանսական դժվարություններ ունենալ: Նրանք կարող են խորհել, թե ինչու պետք է շարունակեն վճարել իրենց տասանորդը: Կարող եք կարդալ Մաղաքիա 3.14, 16–17 հատվածները՝ փնտրելով, թե ինչ է Տերը խոստացել այն մարդկանց, որոնք հավատարմորեն շարունակում են հնազանդվել Իրեն:

Հնազանդվել Տիրոջ տասանորդի օրենքին

Ձեր գծապատկերի «Իմ զգացմունքները» գրության կողքին գրեք.

Ինչպես եք վերաբերվում Տիրոջ տասանորդի օրենքին հնազանդվելուն:
Այն ամենը, ինչ սովորել կամ զգացել եք այսօր, մեծացնում է տասանորդ վճարելու ձեր ցանկությունը: Այն կարող է ներառել Տիրոջ կողմից խոստացված օրհնությունները, որոնք ցանկանում եք ստանալ:

Պատրաստակամ ուսանողներից մի քանիսին առաջարկեք կիսվել Տիրոջ և Նրա տասանորդի օրենքի մասին իրենց մտքերով: Կարող եք նաև կիսվել այն օրհնություններով, որոնք ստացել եք՝ հնազանդվելով այդ օրենքին:

Մտապահել

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Մաղաքիա 3.8–10 հատվածների սուրբգրային հիմնական արտահայտությունն է՝ «Տասանորդ վճարելու օրհնությունները»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Ինչո՞ւ ես պետք է տասանորդի վճարումն այլ ծախսերից առաջնահերթ համարեմ:

Առաջին Նախագահությունից նախագահ Դալլին Հ. Օուքսն ասել է.

17:24

Երկրորդ համաշխարհային պատերազմի ժամանակ այրի մայրս իր երեք փոքր երեխաներին պահում էր դպրոցի ուսուցչի սուղ աշխատավարձով: Երբ ես հասկացա, որ մենք զրկված ենք որոշ ցանկալի բաներից, քանի որ բավականաչափ գումար չունեինք, ես մորս հարցրի, թե ինչու է նա իր աշխատավարձից այդքան շատ տասանորդ վճարել: Երբեք չեմ մոռանա նրա բացատրությունը․ «Դալլին, կան մարդիկ, որ կարող են ապրել առանց տասանորդ վճարելու, բայց մենք չենք կարող։ Տերը որոշեց վերցնել հորդ և ինձ թողնել երեխաներին մեծացնելու պարտականությունը։ Ես չեմ կարող դա անել առանց Տիրոջ օրհնությունների, իսկ դրանք ստանալու համար ես պետք է վճարեմ ազնիվ տասանորդ։ Երբ վճարում եմ իմ տասանորդը, Տերը խոստանում է, որ Նա կօրհնի մեզ, և մենք պետք է ունենանք այդ օրհնությունները, եթե ուզում ենք ապրել»: («Տասանորդ», Ensign, մայիս 1994, 33)

Յոթանասունից երեց Լին Գ. Ռոբբինսն ուսուցանել է․

9:30

Ճաշ մատուցելիս շատ ավելի հեշտ է ճաշի սկզբում մեկ ափսե ավել դնել, քան ճաշից ուշացողի համար սնունդ գտնել, երբ կերակուրն արդեն մատուցված է, և ճաշն ավարտված է։ Նույն կերպ, իրականում ավելի հեշտ չէ՞ արդյոք Տիրոջը տալ առաջնեկներին կամ առաջնապտուղները, քան հուսալ, որ Նրա համար բավարար քանակությամբ «մնացորդներ» կմնան: Որպես մեր սննդի մատակարար՝ արդյոք Նա չպե՞տք է լինի պատվավոր հյուրը՝ առաջինը, ում պետք է սպասարկել: («Tithing—a Commandment Even for the Destitute», Լիահոնա, մայիս 2005, 36)

Ինչպե՞ս են օգտագործվում տասանորդի միջոցները Հիսուս Քրիստոսի Վերջին Օրերի Սրբերի Եկեղեցում:

Տասներկու Առաքյալների Քվորումից երեց Դեյվիդ Ա. Բեդնարը կիսվել է․

16:59

Այս սրբազան դրամական միջոցներն օգտագործվում են արագ աճող եկեղեցում, որպեսզի հոգևոր առումով օրհնեն անհատներին և ընտանիքներին՝ կառուցելով և վերանորոգելով տաճարներ և երկրպագության տներ, աջակցելով միսիոներական աշխատանքին, թարգմանելով և հրատարակելով սուրբ գրություններ, օժանդակելով ընտանեկան պատմության ուսումնասիրությանը, ֆինանսավորելով ուսումնական հաստատություններ և կրոնական կրթությունը, և իրագործելով Եկեղեցու շատ այլ նպատակներ, ինչպես որ ուղղորդում են Տիրոջ կարգված ծառաները: («Երկնքի պատուհանները», Լիահոնա, նոյ․ 2013, 19)

Տես նաև «How the Church of Jesus Christ Uses Tithes and Donations» տեսանյութը (newsroom.ChurchofJesusChrist.org) և «Ո՞ւր է գնում տասանորդի գումարը» հոդվածը (Ensign, հոկտ. 2018, 10–11):

Լրացուցիչ ուսումնական վարժություններ

Տասանորդի վճարումը

Որոշ ուսանողներ կարող են հարցնել, թե ինչպես հաշվարկել, ինչպես նվիրաբերել, ում տալ իրենց տասանորդը կամ տասանորդ վճարելու այլ առանձնահատկությունների մասին: Որպեսզի օգնեք ուսանողներին, կարող եք կարդալ «Where Do Tithing and Fast Offerings Go?» հոդվածը։ (Երիտասարդներին զորացնելու համար, դեկտ․ 2023, 18–19)։ Ապա ուսանողները կարող են կիսվել իրենց սովորածով:

Փորձառություններ՝ կապված Տիրոջ տասանորդի օրենքի հետ

Տիրոջ տասանորդի օրենքը քննարկելիս ուսանողների համար օգտակար կլինի լսել այլ մարդկանց պատմություններն այն մասին, թե ինչպես է տասանորդի վճարումն օրհնել իրենց: Երբ ուսանողները քննարկեն Տիրոջ տասանորդի օրենքին հնազանդվելու հետ կապված փորձառությունները, կարող եք կիսվել հետևյալ պատմություններից մեկով.

Յոթանասունից երեց Յուն Հվան Չոյը պատմել է, թե ինչպես է վերջերս վերադարձած միսիոները զորացել տասանորդ վճարելով: Դիտեք «Ցանկանո՞ւմ եք երջանիկ լինել» տեսանյութը՝ 1:52-3:12։

10:21

Տասներկու Առաքյալների Քվորումից երեց Դեյվիդ Ա. Բեդնարը կիսվել է, թե քույր Բեդնարն ինչ է իմացել իր մորից տասանորդ վճարելու մասին: Դիտեք «Երկնքի պատուհանները» տեսանյութը՝ 0:39-2:21:

16:59

Տոշիկոն և Տոկիչի Յանագիդաներն օրհնություններ են ստացել տասանորդ վճարելուց: Նրանց պատմությունը գտնվում է Saints: The Story of the Church of Jesus Christ in the Latter Days գրքում, հ. 3, Boldly, Nobly, and Independent, 1893–1955 (2022), 543–45։

Մնալ արդար

Ուսանողներից մի քանիսը գուցե տեսել են, որ իրենց ընկերները կամ ընտանիքի անդամները չեն հնազանդվում Տիրոջ պատվիրաններին և չափանիշներին, սակայն նրանք երջանիկ են թվում և բարգավաճում են: Ուսանողները կարող են կարդալ Մաղաքիա 3.13–15 հատվածները՝ փնտրելով, թե ինչ էին զգում մարդիկ Մաղաքիայի ժամանակներում: Կարող եք համեմատել հատվածներ 13–15-ը Մաղաքիա 3.16–18 հատվածների հետ՝ փնտրելով, թե ինչ է Տերը խոստացել այն մարդկանց, որոնք արդար են մնում։

Որպեսզի օգնեք ուսանողներին ուսումնասիրել այդ հատվածները հավերժության հեռանկարից, կարող եք գրատախտակին գրել հետևյալ հարցերը.

Ի՞նչ սխալ ենթադրություններ եք տեսնում Մաղաքիա 3.13–15 հատվածներում:
Ի՞նչ եք տեսնում, որը կարող է օգնել մարդկանց, որոնք անմիջապես չեն տեսնում հավատարմության օրհնությունները:

Հարցերը քննարկելու համար կարող եք ուսանողներին բաժանել երկու խմբի: