Hakai

• O a ni mea e fa’aalu ai lou taimi i aso ta’itasi?

• O a ni mea e finagalo le Ali’i ia tatou fa’amuamua?

  Atonu e mafai ona tali mai tagata a’oga i le fesili lona lua i ni tali e pei o le su’esu’ega o tusitusiga pa’ia, tatalo, taimi ma le ’āiga, auaunaga, ma isi mea fa’apena.Mafaufau e tusi tali a tagata a’oga i luga o ma’a.

  Ina ia fesoasoani i tagata a’oga e iloa le aogā o le fa’amuamua, ia muamua ona fa’atumu le fagu i oneone.Ona taumafai lea e fa’aopoopo iai ma’a, ia ua lē ofi.Talanoaina pe fa’apefea ona fa’aofi uma oneone ma ma’a.Sasa’a ese ma le fagu ona toe taumafai lea.Tu’u muamua i totonu ma’a, soso’o ai ma oneone, lūlū le fagu ina ia goto uma i lalo ma fa’atumulia ai avanoa.

• O le a se mea e mafai ona tatou a’oa’oina mai lenei lesona fa’atino?

• Aisea e ono faigata ai ona faia se taimi mo le Ali’i ma mea o lo’o finagalo o Ia tatou te faia i aso ta’itasi?

A’o e su’esu’eina le Hakai, sa’ili mo le musumusuga mai i le Agaga Pa’ia e fa’atatau i auala e fa’amanuia ai le Ali’i i lou olaga a’o e faia se taimi mo Ia.

Ina ua toe fo’i tagata Iutaia i Ierusalema mai le mea na nofopologa ai i Papelonia, na latou tuuina atu se taumafaiga tele e toe fausiaina le malumalu, a’ai, fale, ma olaga (taga’i i le Esera 1:1–6).Ae ina ua mavae le tusa ma le 15 tausaga, na lē fiafia le Ali’i ona latou te le’i ave le fa’amuamua sili atu i le fausiaina o le malumalu (taga’i i le Esera 4:24; Hakai 1:3–4).Na Ia auina mai lana perofeta o Hakai e faatauanau tagata e fa’amuamua le fausiaina o le maota o le Ali’i.

Faitau le Hakai 1:2–4, vaavaai mo ni upu po’o ni fasifuaitau e fa’aali mai ai e lei taulai atu tagata Iutaia i le fausiaina o le malumalu.

• E ono fa’apefea ona feso’otai lea mea i le lesona fa’atino?

Faitau le Hakai 1:5–11, vaavaai mo ni taunu’uga na o’o iai tagata Iutaia ona na latou fa’amuamuaina isi mea nai lo le fausiaina o le malumalu.

• O ā ni taunu’uga e tatou te ono o’o iai pe ‘ā tatou lē fa’amuamuaina le Alii i o tatou olaga?

  E mafai ona e vala’aulia tagata a’oga e fa’asino mai pe fa’ailoga fo’i le fasifuaitau ua taua so’o i fuaiupu 5 ma le 7.

• O le ā sou manatu o le a le uiga [o le fetalaiga] a le Ali’i ina ua Ia vala’aulia tagata e “mafaufau i o [latou] ala”?Hakai 1:5, 7

Na usita’i tagata Iutaia ma ō latou ta’ita’i i le si’ufofoga o le Ali’i.Na ta’ita’i e Serupapelu (le kovana) ma Iosua (le ositaulaga sili) taumafaiga e toe fausia le malumalu (taga’i i le Hakai 1:12–14).Na fesoasoani fo’i le perofeta o Hakai (taga’i i le Esera 5:1–2).A’o latou galulue, na ofoina atu upu fa’amalosiau e le Ali’i.

Faitau se tasi pe sili atu o fuaitau nei, vaavaai mo se uunaiga mai i le Ali’i e mafai ona faamae’a ai le fuaiupu i luga o le laupapa:

Hakai 2:4–5

Hakai 2:6–9

Hakai 2:18–19

• O le fea o fa’amanuiaga a le Alii o lo’o i totonu o nei fuaiupu e sili ona e mana’o iai?Aisea?

Fesoasoani i tagata a’oga ia iloa ni auala e mafai ai ona latou fa’amuamua le Atua ina ia vala’aulia Ana fa’amanuiaga.Afai e te le’i faaaliina le vitio “The Soul’s Sincere Desire” (3:28) ina ua e a’oa’oina le Lesona 93: “Ne’emia,” ona e mafaufau lea e fa’aali atu iinei e amata mai i le faailo taimi o le 0:00 i le 2:01.E maua lenei vitio i le ChurchofJesusChrist.org.E mafai ona e vala’aulia tagata a’oga e va’ai ni auala e latou te tali atu ai i fesili nei.

3:29

I se isi faiga, e mafai ona e fa’asoa atu le ata fa’ata’ita’i lenei. Ona mafai lea e tagata a’oga ona tali atu i fesili o loo tuuina faatasi atu iinei i ni vaega ta’ito’alua, vaega toalaiti, po’o le vasega atoa fo’i.

Vaai faalemafaufau e iai sau uo e igoa iā Alex o ia lagona e le o iai sona taimi e fa’amuamua ai le Atua i lona olaga. E faaalu atoa ona aso i meaa’oga, uo, ma mea fa’afiafia, e uma ane ua matua’i lagona le vaivai o le tino ma lē maua ai se naunauta’iga mo mea fa’aleagaga. E na te iloa e mana’omia ona suia ae le o iloa pe fa’apefea ona fai.

• O le ā se fautuaga e mafai ona e avatu iā Alex e fesoasoani iā te ia e fa’amuamua ai le Atua?

• E ono fa’apefea ona fa’amanuia le Atua iā te ia i lona fa’amuamuaina o Ia?

  Ina ua mae’a se taimi fetaui, e mafai ona e fa’aalia loa le toega [o le vitio] “The Soul’s Sincere Desire” mai i le faailo taimi 2:02 i le 3:28, ma vala’aulia tagata a’oga e vaava’ai po’o a ni mea e faia e Alex e tatau ona suia ai.

  

  3:29

• O a nisi fautuaga e mafai ona e ave i se tagata o lo’o lagona e le o mafai ona latou fa’amuamuaina le Atua i o latou olaga ona o se isi lava mafua’aga?

• Ua fa’apefea ona fa’amanuiaina oe po o isi e le Atua mai i le fa’amuamuaina o Ia?

Faapatino ona manatunatu i le vala’aulia lenei a Elder David A. Bednar o le Korama a Aposetolo e To’asefululua.

13:57

Ou te toe fai atu le apoapoa’iga a le Alii i Ona tagata na auala atu i le perofeta o le Feagaiga Tuai o Hakai: “O lenei o lo’o fa’apea ona fetalai mai o le Alii o ‘au; Ia outou mafaufau i o outou ala” [Hakai 1:5].

E tatau ona ta’itasi i tatou ma iloilo a tatou fa’amuamua fa’aletino ma fa’aleagaga ma le lototatalo ia fa’ailoa mea i o tatou olaga e ono fa’alavelaveina ai le anoanoai o fa’amanuiaga ua naunau le Tamā Fa’alelagi ma le Fa’aola e fa’ae’e mai i o tatou luga.O le mea mautinoa lava o le a fesoasoani le Agaga Paia ia i tatou ia tatou vaai ai i o tatou tulaga moni lava.(“Ia Oofu I Lou Malosi, Siona e,” Liahona, Nov. 2022, 94)

Ia e galue e faatino le vala’aulia a le Alii e te “mafaufau ai i ou ala” (Hakai 1:5, 7) e ala i le manatunatu loloto ai i ou lava faamuamua.Mafaufau loloto pe iai ni mea e tatau ona e fa’amuamuaina pe ave’ese fo’i mai i lou olaga ina ia maua ai fa’amanuiaga o lo’o finagalo le Tamā Fa’alelagi ma le Fa’aola e tuuina atu mo oe.

I totonu o lau tusi tala’aga, tusi se ata o se fagu o lo’o iai ni ma’a, ma fa’ailoga ma’a i ni tuutooga e te ono fai e fa’amuamua ai le Atua.Tusi ata o oneone i fafo o le fagu, ma fa’ailoga i ni mea e te mana’o e lafoa’i.Filifili se ma’a [e tasi] pe lua fo’i ma fuafua po’o ā, afea, ma e fa’apefea fo’i ona e fa’ataunu’uina nei tuutooga.