Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Ne’emia: “O lo’o Faia e A’u le Galuega Tele, Ou te Le Mafai ai Ona Alu Ifo [i Lalo]”

“Ne’emia: ’O lo’o Faia e A’u le Galuega Tele, Ou te Le Mafai ai Ona Alu Ifo [i Lalo],’” Tusi Lesona a le Faiaoga Seminare o le Feagaiga Tuai (2026)

“Neemia: ‘O lo‘o Faia e A’u le Galuega Tele, Ou te Le Mafai ai Ona Alu Ifo [i Lalo],’” Tusi Lesona a le Faiaoga Seminare o le Feagaiga Tuai

Esera 1; 3–7; Ne’emia 2; 4–6; 8: Lesona 93

Neemia

“O lo’o Faia e A’u le Galuega Tele, Ou te Le Mafai ai Ona Alu Ifo [i Lalo]”

Nehemiah (Old Testament) inspecting the deteriorating walls of Jerusalem.

Na musuia e le Atua Ne’emia, ia puipuia lona nu’u e ala i le toe fausiaina o pa o Ierusalema.Sa ao ina faatoilaloina e le nuu o Neemia o taufaamatau faifaipea ma mea faataumaoi ina ia faataunuuina ai lenei galuega.Ua tuuina mai foʻi iā i tatou le galuega tāua mai i le Atua, ma e ono feagai foʻi i tatou ma faigatā i lona faataunuuina.O lenei lesona ua fuafuaina e uunaia ai tagata aoga ia tumau ona taulai atu i le galuega ua tuuina atu e le Tama Faalelagi ia i latou e fai.

Sauniuniga a le tagata a’oga: Vala’aulia tagata a’oga e o mai i le vasega ma se lisi o ni mea se tolu, latou te lagona e finagalo le Tamā Fa’alelagi latou te taula’i iai: tasi mo le vaiaso lenei, tasi mo ni nai tausaga o i luma, ma le tasi mo se isi taimi o lumana’i atu i le olaga. E te ono fautua atu i tagata a’oga ua mae’a ona maua fa’amanuiaga fa’apetiriaka, e toe faitau iai ae le’i fatuina a latou lisi.

Gaoioiga e Ono Mafai Ona Aoaoina Ai

Fa’ataumaoi

I le tele o tausaga ua tuana’i, a o sauni ni pailate e fa’atū lau’ele’ele se va’alele, sa le mumū se tasi o tamai molī [fa’ailoilo] i totonu o le nofoaga o avevaalele.Sa taula’i uma atu le au va’a i le matāuila, ae latou lē iloa ai ua agai ifo lemū le vaalele i se faataufusi.Na paʻu le vaalele, ma maliliu ai le silia ma le 100 tagata.

Sa a’oa’o mai e Peresitene Dieter F. Uchtdorf, a o avea i lena taimi o se tasi o le Au Peresitene Sili, se lesona taua mai lenei fa’alavelave:

Sa matuā lelei atoatoa le tulaga tau i masini o le vaalele. Sa galulue lelei totoga uma—mea uma lava sei vagana ai se mea se tasi: o se tamai matauila ua pe. O lena tamai matauila—pe na o le 20 sene lona tau—na amataina laasaga auauai o mea na tutupu ma iu ai i le oti matautia o le silia ma le 100 tagata.

O le mea moni, o le matauila pā e lei mafua ai le faalavelave; na tupu ona ua tuu e le auvaa lana taulaiga i se mea sa foliga mai e tāua i lena lava taimi ae galo ai le mea e aupito sili atu ona tāua.

O le lilifa atu e taulai i mea e lē tāua a o faatuatuanai mea e aupito sili ona tāua, e lē na o pailate e tutupu ai ae o tagata uma lava. E lamatia uma lava i tatou.(“O lo’o Tatou Faia se Galuega Sili ma e Lē Mafai ona Tatou To’ilalo,” Liahona, Mē 2009, 59)

Vala’aulia tagata aoga e fa’asoa mai o latou manatu pe fa’apefea ona fa’atatau le feau mai ia Peresiteine Uchtdorf iā i tatou, i le avea ai o ni so’o o Iesu Keriso.

Ona e ono mafai lea ona fa’aali le fa’amatalga lenei ma fa’atonu tagata a’oga e faitau lē leoa.Uunaia i latou e ole atu i le Tamā Fa’alelagi e taitai i latou e ala mai i le Agaga Pa’ia, ina ia malamalama ai i le auala e fa’atatau ai lenei feau iā i latou patino lava.E mafai ona latou tusifaamaumau o latou manatu iā latou api tala’aga o su’esu’ega.

Na fa’aauau mai e Peresiteine Uchtdorf e fa’apea:

Taofi mo sina taimi puupuu, ma siaki po o fea le mea o i ai lou lava loto ma manatu.O e taulai atu i mea sili ona taua?O le ala e te faaaoga ai ou taimi paganoa atonu e mafai ona maua ai se taufaailo taua.O fea e taulai i ai ou mafaufauga pe a tuanai le taufaamalosi mai ona o ni mea ua tatau ona faamaea ona fai?Pe o taula’i ea ou mafaufauga ma lou loto i mea faale-tumau ua na’o sina taimi e tāua ai, po o i mea e aupito sili ona tāua?(“O lo’o Tatou Faia se Galuega Sili ma e Lē Mafai ona Tatou To’ilalo,” Liahona, Mē 2009, 60)

galuega a Neemia

Faamatala i tagata aoga e faapea o se tagata Isaraelu e igoa ia Neemia sa o se auauna a Aretaseta, le tupu o Peresia.E toʻatele tagata Isaraelu na toe foʻi i Ierusalema i tausaga na muamua atu e toe fausia le malumalu.Na iloa e Ne’emia ua lamatia i latou i ni osofa’iga ona ua osofaia i lalo pā puipui ma faitoto’a tetele sa si’omia ai Ierusalema.

Mafaufau e vala’aulia tagata a’oga e faamaea le gaoioiga lenei i ni vaega toalaiti.Uunaia vaega ia ’aua le fa’anatinati le fa’asologa o laasaga, ae ia faasoasoa lelei le taimi latou te a’oa’o mai ai i mea na tutupu ia Ne’emia.Ina ia fesoasoani i vaega e tumau i le fa’asologa lava e tasi, atonu e te manao e fa’aali atu tau lava na o le tasi le laasaga o fa’atonuga i le taimi e tasi.Tu’u atu i vaega ia lava se taimi e fa’amae’a ai lena laasaga ae le’i fa’aalia atu le laasaga taulau.

Faitau le Neemia 1:1–4; 2:1–6, 11–12, 17–18.Sa’ili ma talanoaina ni fa’amaoniga e faapea o manaoga o Neemia e toe fausia pa o Ierusalema na musuia e le Atua.
Tusi i se laupepa avanoa ni mea se tolu ua faatonuina e le Atua le au talavou o le Au Paia o Aso e Gata Ai, e taulai atu iai e ala mai i Ana perofeta.O se tasi o auala e faia ai lenei mea o le toe iloilo lea o lauga mai le konafesi na se’i fa’atoa mae’a atu.

Ona fesuiai lea o pepa ma se isi vaega ma talanoaina ma lau vaega mea na latou tusia.(Manatua: Taofi le pepa a le isi vaega.I le laasaga lona fā o lenei gaoioiga, o le’a e fa’aopoopo atu iai nisi o mea.)
Faitau le Ne’emia 2:19; 4:1, 7–8, vaavaai pe sa fa’apefea e fili o tagata Iutaia ona latou tali mai i le galuega sa tu’uina atu e le Atua ia i latou.Ia talanoaina auala o loo faaaogā ai e Satani faatogafiti talitutusa i aso nei e faapogai ai lo tatou lē taulaʻi atu i mea o loo poloaʻia i tatou e le Atua e fai.
I autafa ane o mea e tolu ua lisiina i le pepa a le isi vaega, tusi i lalo se fa’alavefau po o se faafitauli e ono faigatā ai mo se tupulaga talavou ona taulai atu i le galuega ua tu’uina atu iā i latou, e ala mai i Ana perofeta.
Faitau le Neemia 4:9, 14–20 ma talanoaina mea ua e aoaoina mai le nuu o Neemia e uiga i le faatoilaloina o mea faalavefau ma faigata i le faataunuuina o le galuega ua tuuina mai e le Tama Faalelagi ia i tatou.
Toe fa’afo’i le pepa i le uluai vaega.Faitau ma talanoaina mea faalavefau ma faigata na faaopoopo e le isi vaega i la outou pepa.Talanoaina ni manatu pe mafai faapefea e se tasi ona fa’ato’ilaloina i latou ma taula’i atu i le galuega ua tu’uina mai e le Atua i talavou e ala mai i Ana perofeta.
Aotele i se fuaiupu se tasi ni mea na e aoaoina pe lagonaina e uiga i le fa’atinoina o le galuega ua tu’uina mai e le Tamā Fa’alelagi ia i tatou.Tusi lenei upumoni i luga o le laupapa.

A uma le gaoioiga, uunaia volenitia e faasoa mai mea sa latou aoaoina pe lagonaina ma le vasega.E te ono vala’aulia tagata aoga ia fa’ailoa mai se upumoni o loo i luga o le laupapa sa tusiaina e le isi vaega, ma fa’asoa mai se mea ua latou a’oa’oina mai ai.A o fa’asoa e tagata aoga ia upumoni, fesoasoani iā i latou ia taula’i atu ia Iesu Keriso e ala i le faia o fesili e pei o le, “O ā ni a’oa’oga po’o ni fa’ata’ita’iga mai le soifuaga o le Fa’aola e fesoasoani iā i tatou ia atili malamalama lelei ai e uiga i lenei upumoni?”

O ni fa’ata’ita’iga o ni mea moni sa ono tusi i lalo e vaega:

E ala i le tatalo, e mafai ai ona tatou maua le puipuiga ma le malosi mai le Atua e faataunuu ai Lana galuega.(Ne’emia 1:4; 4:9)

O le a fesoasoani le Atua i Ana auauna e faatoilalo mea fa’ataute’e i le faatinoina o Lana galuega.(Ne’emia 4:20)

E mafai faapefea e mea na e aoaoina i lenei gaoioiga ona fesoasoani ia te oe e tumau ai le taulai atu i le galuega ua tuuina atu e le Atua ia te oe e fai?

Fa’aaogaina patino

Fa’amatala i tagata a’oga o Ne’emia sa lamatia toatasi e ona fili.Na latou taumafai i le tele o togafiti e taofia ai o ia mai le faia o le galuega a le Atua o le toe fausia o pā o Ierusalema.O se tasi o togafiti sa latou faia o le taumafai lea e tata’i ese mai o ia mai le aai ma avatu i se nofoaga e mafai ai ona latou fasia ai o ia.

Vala’aulia tagata a’oga latou te fa’amae’a lē leoa vaega nei.Atonu e te mana’o ia tele se taimi e tu’u atu ia i latou ma uunaia i latou ia tomanatu pe o le ā le finagalo o le Atua i le auala latou te faamae’a ai nei fa’amatalaga.

Faitau le Neemia 6:1–4, 15–16 ma mafaufau loloto i mea ua e aoaoina mai le tali atu a Neemia i taumafaiga a ona fili e toso ese o ia mai le galuega a le Atua.(Atonu e te manao e faailoga ma mafaufau loloto pe mata o le a le uiga o le fuaiupu 3 i lou olaga.)

Faamae’a faamatalaga nei e faavae i luga o lou olaga.Tusifaamaumau ou manatu i lau api tala’aga o suesuega po o le pito avanoa o au tusitusiga paia i autafa o le fuai’upu 3.

Ou te talitonu e finagalo le Tama Faalelagi ou te taulai atu i .

O ni fa’alavefau ma ni faigatā foufou mai e ono feagai ma a’u o .

O nisi o auala e mafai ona ou tumau ai i le taulai atu i le galuega a le Tama Faalelagi o .

O Puna’oa Fa’aopoopo

O a ni auala e oo lava i tagata lelei ona ono tosina ese ai?

Na a’oa’o mai Elder Richard G. Scott (1928–2015) o le Korama a le Au Aposetolo e To’asefululua:

16:37

Pe o i ai ea le tele naua o mea mananaia, ma fiafia e fai po o tele foi ni luitau o loo fetaomi mai i ou luga, lea ua faigata ai ona taulai atu i mea e taua?A oo ina fetaomi mai mea o le lalolagi, e masani lava o mea sese ua ave i ai le faamuamua aupito maualuga.Ona faigofie lea ona galo le faamoemoega autu o le olaga.Ua ia Satani se meafaigaluega mamana e faaaoga faasaga i tagata lelei.O le faatauma’oi lea.O le a ia tuu atu i tagata lelei e faatumu le olaga i “mea lelei” ina ia leai se avanoa mo mea taua.Pe ua e lavea e aunoa ma lou iloaina i lena mailei?(“Fa’amuamua mea e Tatau ona Fa’amuamua,” Ensign, Mē 2001, 7)

E fa’apefea ona tatou faaaoga le fa’ata’ita’iga a Ne’emia i o tatou olaga?

Sa a’oa’o mai Peresitene Dieter F. Uchtdorf, o lē sa avea ma se tasi o le Au Peresitene Sili:

Mafaufau i le malosi’aga tatou te ono maua o ni tagata taitoatasi … pe afai, i le tali atu ai i fa’aosoosoga taitasi uma ia le amanaia pe fa’amaualaloina ai o tatou tulaga faatonuina—o tulaga faatonuina a le Atua, tatou te tali atu ai, “O lo’o O’u Faia se Galuega Sili ma e Lē Mafai ona Ou Toilalo.”

… [O le Ali’i] e na te sa’ili e tofia o agaga e le faavaivai o e ma’elegā e fa’atino le galuega o le fausiaina o le malo a le Atua—o i latou, a feagai ma fa’ataute’ega ma fa’aosoosoga, e fai ifo i o latou loto, “O lo’o o’u faia se galuega sili ma e lē mafai ona ou toilalo.”

Afai e feagai ma tofotofoga ma tiga, latou te tali atu, “O lo o ou faia se galuega tele ma ua le mafai ai ona ou alu ifo i lalo.”

Afai e feagai ma tauemuga ma le inosia, latou te folafola atu, “O lo o ou faia se galuega tele ma ua le mafai ai ona ou alu ifo i lalo.”

E saili e lo tatou Tama Faalelagi i latou o e le talia mea faatauvaa e fai ma faalavelave i lo latou taumafai mo le faavavau.Ua Ia saili i latou o e le talia faatosinaga o mea faigofie po o mailei a le tiapolo e faalavelave i ai i latou mai le galuega ua Ia tuuina atu latou te fai.Ua Ia saili i latou o e ō gatusa a latou faatinoga ma a latou upu—i latou e fa’apea mai ma le mautinoa, “O lo’o O’u Faia se Galuega Sili ma e Lē Mafai ona Ou Toilalo.” …

O la’u tatalo faanaunau e fa’apea e ui lava i fa’aosoosoga, o le a le fa’amauālaloina lava o tatou tulaga faatonuina; e ui lava i mea e fa’alavelave mai, po’o fea lava e o mai ai, o le’a le punitia lo tatou taula’i atu i mea e matua sili ona taua; ma o le a tatou tulai tutumau ma autasi, so’oso’o tau’au, a’o tatou tau’ave ma le lototoa le tagāvai o le Ali’i o Iesū Keriso.

Ou te tatalo ia tatou … faaea o tatou ulu ma le leo mausali ma folafola atu i le lalolagi, “O lo’o tatou faia se galuega sili ma e lē mafai ona tatou to’ilalo.”(“O lo’o Tatou Faia se Galuega Sili ma e Lē Mafai ona Tatou To’ilalo,” Liahona, Mē 2009, 59)

Gaoioiga Fa’aopoopo e A’oa’o Ai

Vaaiga aoao o le tusi a Neemia

A e le’i amatalia le gaoioiga a vaega i le “galuega a Ne’emia”, o se vaega o le lesona, e ono fesoasoani i tagata a’oga ia latou iloa le va’aiga aoao puupuu o le talafaasolo.O se tasi o vitio nei e lua e mafai ona faaaoga mo lenei vaega.

“O Loo Tatou Faia se Galuega Tele ma e le Mafai Ona o Ifo i Lalo” mai le faailo taimi 8:36 i le 11:54.Na tu’uina mai e Peresitene Dieter F. Uchtdorf, i lena taimi a o avea o se tasi o le Au Peresitene Sili, se va’aiga aoao ia Neemia.

18:37

“Neemia” (1:38) i O Tala o le Feagaiga Tuai mo Tamaiti.

1:38

O tulaga faatonuina a le Atua

E ono fesoasoani i tagata aoga ia iloa pe fa’apefea e le fa’ata’ita’iga a Neemia ona feso’ota’i ma poloa’iga patino ma tulaga faatonuina a le Atua ia ua musuia ai ta’ita’i o le Ekalesia e tuuina mai ia i tatou.Atonu e te fesili atu i tagata aoga ia lisi nisi o poloa’iga ma tulaga faatonuina ua tuuina mai e le Atua ia i tatou.Ona fai atu lea i tagata aoga e faasoa mai ni auala eseese e ono faaosoosoina ai i tatou e tuutuu faasolosolo taitasi ifo i lalo na tulaga faatonuina.Vala’aulia tagata aoga e fa’atatau le tali atu a Ne’emia i le fa’aosoosoga a Sanepalata ma Gesemu (taga’i Ne’emia 6:3–4) i tulaga fa’aonaponei pe a ono fa’aosoosoina i latou ia “o ifo i lalo” mai poloa’iga ma tulaga faatonuina a le Atua.

Atonu e te vala’aulia tagata aoga e fa’atusatusa le mausali o Ne’emia e te’ena le alu ifo i lalo i le tala ia Leoneti i le Alema 47:1–18.Sa mausali foi Leoneti e teena le augani atu a Amalekia ia sau i lalo mai le saogalemū mo ni nai uluai taimi.Ae e le pei o Neemia, sa iu ina gauai atu Leoneti i le faaosoosoga e alu ifo i lalo ma na i’u ina fasiotia ai.

Ne’emia 6:3.“O loo ou faia se galuega tele ou te le mafai ai ona ou alu ifo [i lalo]”

A mae’a ona faitau e tagata a’oga le Ne’emia 6:1–4, 15–16, a o latou te le’i faamae’aina fa’amatalaga i le vaega o le lesona i le “Auala e fa’atatau ai e le tagata lava ia”, mafaufau e fa’aali atu le fa’amatalaga a Peresitene Uchtdorf mai i le “Puna’oa Fa’aopoopo”.E ono mafai ona maua ai e tamaiti a’oga ni manatu i auala e mafai ai e fa’ata’ita’iga ma upu a Neemia, ona fa’atatau i o latou olaga.