Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esera: Sauniuni e Auai atu i le Maota o le Alii

“Esera: Sauniuni e Auai atu i le Maota o le Alii,” Tusi Lesona a le Faiaoga Seminare o le Feagaiga Tuai (2026)

“Esera: Sauniuni e Auai i le Maota o le Alii,” Tusi Lesona a le Faiaoga Seminare o le Feagaiga Tuai

Esera 1; 3–7; Ne’emia 2; 4–6; 8: Lesona 92

Esera

Sauniuni e Auai atu i le Maota o le Alii

O le tulaga o a tatou sauniuniga mo mea taua e tutupu i o tatou olaga e mafai ona matua aafia ai le aafiaga tatou te maua.E to’atele tagata Isaraelu sa mafai ona maua le olioli loloto i le mavae ai o le tele o tausaga o sauniuniga fa’aletino ma fa’aleagaga e toe fausia ma tapua’i i se malumalu o le Atua.Ua fa’amanuiaina foi i tatou e le Tamā Fa’alelagi ma le Fa’aola i avanoa e maua ai le olioli e ala i le tapua’i ai i le maota o le Alii.O a tatou taumafaiga e saunia ai mo lena faamanuiaga e mafai ona aafia ai o mea e tutupu ia i tatou.O lenei lesona e mafai ona fesoasoani i tagata a’oga ia lagona se naunautaiga sili atu e saunia ai e tapua’i atu i le Alii, i Lona malumalu pa’ia.

Sauniuniga a le tagata aoga: Vala’aulia tagata a’oga e fai se lisi o ni mea e latou te fa’atino mo se taimi pu’upu’u pe umi fo’i, e saunia ai e tapua’i i le Ali’i i le malumalu. Ona mafai lea ona latou mafaufau pe mafai faapefea e a latou sauniuniga ona aafia ai o latou aafiaga i le malumalu.

Gaoioiga e Ono Mafai Ona Aoao Ai

Tulimata’i atu i le Malumalu

E ono mafai ona e amata le vasega i le valaaulia ai o tagata a’oga, e tusi i luga o le laupapa ni mea e tututpu i le lumana’i, e latou te fia aafia ai.O faataitaiga e mafai ona aofia ai faauuga, faaipoipoga, ma matata faalegaluega.Ona filifili lea e tagata a’oga se tasi o nei mea mai le laupapa ma fa’asoa atu ai ma sana paga, se tasi pe lua o nei mea, e mafai ona faia e se tagata e sauniuni ai mo lenā fuafuaga.

Mafaufau e fa’aali atu le ata lenei o le malumalu o Sate Leki, ina ua lata ona saunia ina ia fa’apaiaina i le vaitaimi o le 1890.

Faitau le saunoaga lenei mai ia Peresitene Uilifoti Uitilafi (1807–98), ma vaavaai mo se mea sa ia saunia ai ma tulimatai atu i ai mo le tele o tausaga.

[I le fa’apaiaga o le malumalu o Sate Leki] sa tulai ai Peresitene Uilifoti Uitilafi e lauga atu i le Au Paia.“Sa ou tulimatai atu i lenei aso mo le limasefulu tausaga ua mavae atu o loʻu olaga,” o lana tala lea.(Au Paia: O le Tala i le Ekalesia a Iesū Keriso i Aso e Gata Ai, vol. 2, E Leai se Lima e Eleelea, 1846–1893 [2020], 663–64)

O le ā se mea e te iloaina e uiga i malumalu sa ono mafua ai ona tulimatai atu Uilifoti Uitilafi i le fa’amae’aina o le malumalu o Sate Leki?

Afai e le‘i ta‘ua le Atua i le tali mai a tagata aoga i le fesili muamua, e mafai ona e fesoasoani iā i latou e faia lena sootaga e ala i le fai atu o se fesili e pei o lenei, “O le ā le so‘otaga e te vaaia i le va o le auai atu i le malumalu ma le tatou faiā ma le Tamā Faalelagi ma Iesū Keriso?”

Valaaulia tagata aoga e tusi o latou manatu e uiga i fesili nei, i totonu o a latou api tala’aga mo suesuega.Atonu e te manao e faamatala atu o le faaaluina o se taimi e manatunatu ai i o tatou lagona ma aafiaga o i ai nei e mafai ona fesoasoani e saunia ai i tatou e aoao mai le Agaga Paia.
O ā ni o‘u faalogona a‘o o‘u tepa taula‘i atu i le auai ai i le malumalu i le lumanai?
O ā ni a’u gaoioiga o lo’o fa’atino e saunia ai a’u e tapua’i atu i le Alii i Lona maota?

Olioli i sauniga o le malumalu

E tusa o le 605 TLM, na faatoilaloina ai e Papelonia Ierusalema, ma amata ona toe faafoi tagata Iutaia faapagota i Papelonia.I le 587 TLM, na latou faatafunaina ai le malumalu, ma fa’ateteleina le toe faafoiina o [tagata Iutaia].Pe tusa ma le 50 tausaga mulimuli ane, na pulea ai e Peresia Papelonia i lalo o le taʻitaʻiga a le tupu o Kuresa.

Afai ae manatua e au tagata a’oga se malumalu na fa’alauiloa lata ane i le latou lotoifale, e te ono fa’amanatu ia i latou le a’afiaga o lena mea a o latou faitau i fuaiupu nei. Pe e mafai fo’i ona e fesili i tagata a’oga e taumafai e vaai faalemafaufau pe afai ae iai se malumalu i totonu lava o lo latou lotoifale.

Faitau le Esera 1:1–3, vaava’ai po’o le ā se mea sa musuia e le Atua le Tupu o Kuresa e fai.

O ā ni mafaufauga ma ni lagona e te manatu na ono iai i tagata Iutaia?Aiseā?

Mulimuli ane, pe tusa ma le 50,000 tagata Iutaia na toe foi atu i Ierusalema e toe fausia le malumalu i lalo o le taitaiga a Serupapelu (tagai Esera 2:1–2, 64–65).I le avea ai o se faataunuuga o valo’aga (taga’i Isaia 44:28; Ieremia 29:10), sa toe fausia le malumalu i le 70 tausaga i le mavae ai o lona faatafunaga.

Faitau le Esera 6:15–16, 22 ma faailoga lagona o tagata Iutaia ina ua i‘u ina faapaiaina le malumalu i le mavae ai o le tele o tausaga o galuega mamafa ma sauniuniga faaleagaga.

A’o fa’aauau ona su’esu’e tagata a’oga i le tala o tagata i le Esera, vala’aulia i latou e taga’i mo ni fa’amaoniga o lenei upumoni: A o tatou sauni e tapua’i i le Ali’i i totonu o le malumalu, o le a Ia fa’amanuia ia i tatou i le olioli Atonu e te mana’o e tusi lenei upumoni i luga o le laupapa.

Fesoasoani i tagata aoga ia malamalama pe faape‘ī ona vaaia lenei upumoni i le olaga o se tagata talavou.O se tasi auala e mafai ona fa’atino ai lenei tulaga o le vala’aulia lea o le vasega e fa’amatala otooto mai ni talavou se to’alua: o le tasi e tau lava o le auai atu i le malumalu ma le isi o lo’o sauni atu e tapua’i i le Alii i le malumalu.

A’o lei fai atu le fesili lenei, e te ono valaaulia le vasega ia mafaufau loloto i ni aafiaga na oo ia i latou a’o sauni atu, pe auai atu, i le malumalu.

E mafai faapefea e le tapuai atu i le Alii i le malumalu ona aumaia le olioli ia i tatou?

Ina ia avatu ni fa’ata’ita’iga i le vasega pe fa’apefea e le tapua’i atu i le Ali’i i le malumalu ona maua ai le olioli, mafaufau e matamata i le aafiaga o Elder Kevin R. Duncan o le Fitugafulu i le “Loto, Alofa, ma le Malumalu,” e maua i le byui.edu/devotionals amata i le faailo taimi 21:46 aga’i le 24:05.

A mae’a le vitiō, e mafai ona e valaaulia le vasega e faasoa mai pe fa’apefea ona fa’amalosia la tatou sootaga ma le Tamā Fa’alelagi ma Iesū Keriso e ala i tapuai i le malumalu.

Sauni e auai atu i le malumalu

O le faamatalaga lenei e mafai ona fesoasoani i tagata aoga e suia mai le aoao e uiga i le fausiaina e tagata Iutaia o le malumalu i Ierusalema i a latou lava sauniuniga e tapuai i le malumalu.E mafai e le vasega ona tusi pe faafesootai le fa’amatalaga i totonu o a latou tusitusiga pa’ia i tafatafa ane o le Esera 6:15–16.

Na a’oa’o mai Peresitene Russell M. Nelson:

I nisi o tulaga, e faigofie atu le fausiaina o se malumalu nai lo le fausiaina o se nu’u ia saunia mo se malumalu.(“Faamatalaga Faaiu,” Liahona, Nov. 2019, 122–23)

Vala’aulia le vasega e fa’asoa mai ni mafua’aga e ala ai ona ono faigofie atu le fausia o se malumalu nai lo le saunia e tapua’i i le Alii i le malumalu.

E mafai ona tatou aoao e uiga i le saunia e tapuai i le Alii i le malumalu e ala i le suesueina o aafiaga o tagata Iutaia i le toe fausiaina o le malumalu i Ierusalema.

2026 Old Testament Seminary Teacher Materials

Pe a uma ona faatumu e le vasega le pepa e tufaina atu, fa’amautinoa ia maua se taimi e talanoaina ai ni malamalamaaga na tulaga ese iā i latou.

Mafaufau e fa’aali atu fesili nei.Fai ni koluma se tolu i luga o le laupapa ua faaulutalaina “1,” “2,” ma le “3”.Valaaulia tagata aoga e tusi o latou igoa i le koluma i lalo o le numera o fesili o le a latou naunau e tali.Vala’aulia nisi e tauofo mai nei koluma taitasi e fa’asoa a latou tali ma le vasega.

O le a sou manatu e mafai faapefea e le saunia e auai i le maota o le Alii ona fesoasoani ia i tatou ia maua le olioli a o tatou auai atu i le malumalu?
Sa faapefea ona faamanuiaina oe e le Alii i le olioli a o e auai atu i le malumalu?
O le ā se mea e te iloa e uiga i le Tamā Fa’alelagi ma Iesū Keriso e ono fa’aosofia ai oe e sauni e auai atu i lo Laua maota pa’ia?

Mafaufau e faasoa atu lau molimau i le olioli tatou te maua mai le Alii pe a tatou saunia i tatou lava e tapuai ia te Ia i le malumalu.

O Puna’oa Fa’aopoopo

Aisea e manaomia ai ona ou saunia au lava e auai atu i le malumalu?

Na fa’amatala mai e Peresitene Russell M. Nelson:

Ua tusiaina i malumalu ta’itasi o upu “e paia i le Alii.”O lenā fa’amatalaga ua ta’utino ai, o le malumalu ma ona fa’amoemoega e pa’ia. O i latou e ulu atu i le malumalu latou te mauaina foi uiga o le fa’apaiaina.Ao tapenaina malumalu mo tagata, e manaomia e tagata ona tapena i latou lava mo le malumalu.(“Tapena mo Fa’amanuiaga o le Malumalu,” Liahona, Oke. 2010, 41)

Aisea e aoga ai le faia o osigataulaga ina ia auai atu i le malumalu?

Na a’oa’o mai Peresitene Thomas S. Monson (1927–2018):

21:24

O ni nai fuataga o le osigataulaga e masani pea lava ona o faatasi ma le fausiaina o malumalu faapea foi le auai ai i le malumalu.E le mafaitaulia i latou o e sa galulue ma tauivi ina ia mafai ona mauaina mo i latou lava ma mo o latou aiga ia faamanuiaga o loo maua i malumalu o le Atua.

Aisea ua toatele naua ai ua naunau e tuuina atu le anoanoai o mea ina ia maua ai faamanuiaga o le malumalu?O i latou o ē malamalama i faamanuiaga e faavavau e maua mai i le malumalu, ua latou iloa e leai se taulaga e telē naua, leai se tau ua matua mamafatu, leai se tauiviga ua faigata naua ina ia maua ai na faamanuiaga.E leai se mamao e le mafai ona laasia, leai ni mea faalavefau e le mafai ona foia, e leai foi ni faigata e le mafai ona onosaia.Latou te malamalama o sauniga fa’aola e maua i le malumalu e mafai ai i se aso ona tatou toe fo’i atu i lo tatou Tamā Fa’alelagi i se mafutaga fa’aleaiga e fa’avavau, ma fa’ae’eina ai [ia i latou] o fa’amanuiaga ma le mana mai luga, e matua’i aoga ai lava a tatou taulaga ma taumafaiga taitasi uma.(“O le Malumalu Paia—O se Fa’ailoilo i le Lalolagi,” Liahona, Mē 2011, 92)

Gaoioiga Fa’aopoopo e A’oa’o Ai

O mea faalavefau i le fausiaina o malumalu i aso nei

Atonu o se mea aoga i tagata a’oga le va’aia o ni fa’aa’oa’oga o fa’afitauli fa’aonaponei sa feagai ma le Au Pa’ia i le fausiaina o malumalu.Ina ia amataina, e te ono matamata i aafiaga o Elder Kevin R. Duncan o le Fitugafulu i le “O se Leo o le Fa’afiafiaina,” mai le faailo taimi 5:42 i le 6:39.Valaaulia tagata aoga e faailoa mai pe aisea ua saili ai Satani e taofia le fausiaina o malumalu.

9:46

Ona mafai lea ona e faasoa atu se tasi pe sili atu foi o faataitaiga nei e faaopoopo atu i mea sa aoaoina e tagata aoga i le Esera 4:4–5, 24.

Faitau “O se Mauga o se Luitau” ina ia iloa ai pe na fa’apefea e le Au Pa’ia i Amerika Samoa ona faatali i le silia ma le 40 tausaga, le vaaia o le fausiaina o se malumalu i Pago Pago ina ua mae’a ona fa’ailoa mai fuafuaga o le a fausiaina se malumalu iina i le 1977.

Matamata “O le’a Fa’aaoga Oe e le Atua, O le’a Fa’amanuia Oe e le Atua” mai le faailo taimi 5:14 i le 12:41.Na faasoa mai e Epikopo Dean M. Davies, o le sa avea ma se tasi o le Au Epikopo Pulefaamalumalu, le ala na faatoilaloina ai faafitauli i le fausiaina o le Malumalu o Philadelphia Penesilevania.

E mafai loa ona e talanoaina pe fa’apefea e le olioli o lo’o maua i le maota o le Ali’i ona ono fa’agae’etia ai le Au Pa’ia i a latou taumafaiga e fausia le malumalu.

Vaai ia i tatou lava i totonu o le malumalu

O se tasi o auala e mafai ai ona tatou saunia i tatou lava e auai i le malumalu o le vaai lea ia i tatou lava i totonu o le malumalu.Ina ia fesoasoani i tagata a’oga ia malamalama i le uiga o lena mea, e mafai ona e fa’aali atu “Vaaia ia te Oe lava i le Malumalu” mai iā Elder Quentin L. Cook o le Korama a le Au Aposetolo e To’asefululua, mai le faailo taimi 3:04 i le 3:48.

16:23

Ona mafai lea ona e taita’ia se talanoaga po’o le ā le fa’auigaina o le vaai ia i tatou lava i totonu o le malumalu.O le a ono mafai e tagata a’oga ona faailoa auala e mafai ona latou faia ai lenei mea.O le a ono mafai loa ona latou filifilia se mea se tasi e latou te mananao e fa’aleleia ia vaai ai ia i latou lava i totonu o le malumalu.

Esera 8: O le mana o le anapogi ma le tatalo

E ono manuia tagata a’oga mai le a’oa’oina e uiga i fa’amanuiaga o le anapogi ma le tatalo mai le tusi a Esera.Ina ia fesoasoani iā i latou e faia lenei mea, mafaufau e fa’amatala atu le [tala] lenei:

E silia ma le 60 tausaga talu ona mae’a le fausiaina o le malumalu i Ierusalema, na auina atu e le Tupu o Aretaseta o Peresia se tusiupu Iutaia e igoa iā Esera i Ierusalema, ia tofia ni ta’ita’i o le malo (taga’i Esera 7:25) ma faia se taulaga e fa’amatagofieina ai le malumalu.I le sailia ai o le taitaiga ma le puipuiga a le Alii, na filifili ai Esera e tatau ia te ia ma lona nuu ona anapopogi ma tatalo.

E mafai loa ona faitau e tagata a’oga Esera 8:21, 23, 31, vaava’ai mo mea e mafai ona latou aoaoina e uiga i faamanuiaga o le anapogi ma le tatalo.

O ā ni auala e mafai ona fa’amanuia mai ai le Ali’i ia i tatou ao tatou anapopogi ma tatalo?

Mo ni fa’amanuiaga fa’aopopo o le anapogi, fa’asino tagata a’oga i le fuaitau o le atamai i aoaoga faavae o loo i le Isaia 58:6–7.E mafai foi ona e fesoasoani i tagata aoga ia malamalama i mea e mafai ona latou faia e anapogi ma tatalo ai.Mafaufau e fa’aaogaina le vaega “Anapogi ma Taulaga o le Anapogi” i Matāupu ma Fesili i le Potutusi o le Talalelei.

O ā ni aafiaga na e oo i ai i le anapogi ma le tatalo?O ā ni fa’amanuiaga na e maua mai le Ali’i?