“Sakaria 1–8: ‘Ia Outou Liliu Mai Ia Te A’u,’” Tusi Lesona a le Faiaoga Seminare o le Feagaiga Tuai (2026)
“Sakaria 1–8: ‘Ia Outou Liliu Mai Ia Te A’u,’” Tusi Lesona a le Faiaoga Seminare o le Feagaiga Tuai
Hakai 1–2; Sakaria 1–4; 10–14: Lesona 156
Sakaria 1–8
“Ia Outou Liliu Mai Ia Te A’u”
Ina ua mavae le 50 tausaga o le fa’atagataotauaina i Papelonia ma Peresia, o se toe vaega o le aiga o Isaraelu na toe foi atu fa’aletino i lo latou laueleele paia, ae i le fa’aleagaga sa latou mamao lava mai le Alii. E auala atu i le perofeta o Sakaria, na fa’afouina ai e le Fa’aola lana vala’aulia, “ia outou liliu mai ia te a’u” (Sakaria 1:3), ma le folafolaga o le a Ia “nofo i totonu o [Ona tagata]” (Sakaria 2:10).O lenei lesona e mafai ona fesoasoani i tagata aoga ia malamalama i auala e mafai ai ona latou liliu atu i le Alii.
Sauniuniga a le tagata a’oga: Vala’aulia tagata a’oga e mafaufau loloto i ni a latou upu e fai atu i se uo o loo lagona o lo’o mamao o ia mai le alofa o le Alii.E mafai ona sauni tagata aoga e fa’asoa mai a latou fautuaga ma le vasega.E ono mafai ona fesili atu tagata a’oga i se uo po’o se matua fo’i pe o le a se fautuaga latou te tuuina atu i ituaiga tulaga fa’apenei.
Gaoioiga e Ono Mafai Ona Aoaoina Ai
Aisea e liliu ese ai nisi tagata mai ia Iesu Keriso?
Mafaufau e amata le vasega i le fa’aali atuo se ata o le Fa’aola i autafa o se ata faafasilaau o se tagata ma se aū o lo’o fa’asino ese mai ia te ia.
O a nisi mafuaaga e ono liliu ese ai talavou mai i le Alii?
Faamanatu i tagata aoga o le Feagaiga Tuai atoa, na folafola atu e perofeta le vala’aulia a le Fa’aola e liliu atu pe toe foi atu ia te Ia e tusa lava po’o le a le mafuaaga na latou liliu ese ai (taga’i i le Teuteronome 4:30–31; Neemia 1:9).O nisi taimi tatou te liliu ese ai ma le lē iloa ua tatou faatafetafea.
Valaaulia tagata a’oga e mafaufau e uiga ia i latou po o ni tagata foi e pele ia i latou pe atonu o loo ua liliu ese mai le Alii.E mafai ona e valaaulia tagata a’oga e tomanatu i le iloiloga faaletagata lava ia lenei.
O le fea o fa’amatalaga nei e te lagona e moni e uiga ia te oe?
Ou te fia fesoasoani i tagata e pele ia te a’u o lo’o liliu ese mai le Alii.
Ou te le’i mafaufau tele e faatatau i lo’u tulaga vavalalata i le Alii.
Ou te lagonaina le fa’aosoosoina e liliu ese mai le Alii.
O lo’o o’u faia taumafaiga sili e mafuta vavalalata atu i le Alii ma faamoemoe e tumau lo’u faamalosi.
A’o e su’esu’eina le Sakaria, sa’ili se u’unaiga mai le Agaga Paia e fesoasoani ia te oe i ou lava tulaga patino.
O le liliu atu i le Alii
Ina ua mavae le 50 tausaga o le faatagataotauaina, e toʻatele tagata Isaraelu na i’u lava ina toe foʻi i Ierusalema ma nuu lata ane. Na latou toe fausiaina le aai ma amata ona toe fausiaina le malumalu o le Alii (taga’i i le Esera 5:1–2; 6:14).Peitaʻi e ui lava ua latou toe foʻi faaletino i Ierusalema, ae e toʻatele tagata sa mamao ese pea faaleagaga mai le Alii.Na Ia auina atu le perofeta o Sakaria e fesoasoani i tagata e liliu atu ia te Ia ina ia mafai ona Ia “nofo i totonu o i [latou[” (Sakaria 2:10).
Faitau le Sakaria 1:1–3, vaavaai i mea na vala’aulia e le Alii Ona tagata e fai.
Fatu ni koluma se fa i luga o le laupapa. Tusi pe tuu atu i se tagata aoga e tusi le upumoni le atoa lenei i luga o le laupapa i luga a’e o koluma e fa i luga o le laupapa: Matou te liliu atu i le Alii e ala i le …
E mafai ona e tusia fuaitau o mau nei mai tusitusiga paia i luga o le laupapa, ia tasi i totonu o koluma taitasi.Faatulaga tagata a’oga i ni vaega ta’ito’afa ma valaaulia sui ta’itasi o vaega e su’esu’e se fuaitau se tasi. Ona mafai lea e tagata a’oga ona fa’auma mai le faamatalaga o le upumoni e fa’aaoga ai la latou fuaitau.
Sakaria 1:4
Sakaria 3:7 (“Ou te avatu fo‘i iā te oe se mea e te savali ai i totonu o i latou nei o tutū mai e ala i le” e mafai ona fa’asino atu i le lagona mamā ma le agava’a i le afioaga a ‘avefe’au fa’alelagi; taga’i i le vaefa’amatalaga i.)
Sakaria 7:9–10
Sakaria 8:16–17 (maitau le fasifuaitau “filemu i totonu o ou faitoto’a”)
E mafai ona fa’asoa mai tagata a’oga i fa’aupuga eseese, ae fesoasoani iā i latou e fa’auma le upumoni o lo’o faamatateteleina i fa’amatalaga e pei o le:
… liliu ese ai mai le amioleaga (Sakaria 1:4).
… savali ai i ala o le Alii (Sakaria 3:7).
… taulimaina o isi i le alofa mutimutivale ma le agaalofa (Sakaria 7:9–10).
… faatinoina i le avea ai o ni e fa’atupu filemu (Sakaria 8:16–17).
Mafaufau e tusi fasifuaitau ta’itasi i luga o le laupapa i totonu o koluma talafeagai.
O le gaoioiga o loo i lalo e fesoasoani e fa’alolotoina le malamalama o tagata a’oga i upumoni na latou faailoaina mai i le Sakaria. Tu’u atu i vaega ta’itasi ni kopi o pepa e tufa atu “E Mafai ona Tatou Liliu Atu i le Alii e Ala i le …” Vala’aulia tagata a’oga e galulue ta’ito’alua po’o ni vaega toalaiti fo’i ina ia fa’auma le pepa e tufa atu.I se isi faiga, e mafai ona e atofaina atu ni ata fa’ata’ita’i eseese i vaega ta’ito’alua eseese ma tu’u fo’i iā i latou e sauni mai e fa’asoa i isi vaega ta’ito’alua sa galulue i isi ata fa’ata’ita’i.
Fa’asoa atu mea na e a’oa’oina
Vala’aulia vaega e fa’asoa mai mea na latou a’oa’oina.O se tasi auala e faia ai lenei mea o le vala’aulia lea o vaega ta’itasi e tusi a latou tali ina ia u’una’ia le 2 po’o le 3 o se tasi o ata fa’ata’ita’i i lalo o le koluma talafeagai i luga o le laupapa.
A mae’a ona fa’asoa tagata a’oga, fesoasoani iā i latou e toe tomanatu i mea na latou a’oa’oina e ala i le vala’aulia o i latou e faia mea nei.
I lau ‘api tala’aga o suesuega, tusi i lalo se tasi pe lua o ni mea e te lagona e fesoasoani iā te oe e liliu atu ai i le Alii.Vala’aulia lou Tamā Fa’alelagi ma le agaga tatalo e fesoasoani iā te oe i au taumafaiga.
Atonu e mafai ona e fa’ai’u i sau molimau e fa’atatau i le alofa o le Tamā Fa’alelagi ma Iesu Keriso mo i tatou ma la Laua vala’aulia alofa faifaipea ia tatou liliu atu iā i La’ua.