Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Akoako Fakataukei Fakatokāteline 10: Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié

“Akoako Fakataukei Fakatokāteline 10: Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí (2026)

“Akoako Fakataukei Fakatokāteline 10: Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié,” Fuakava Motuʻá – Tohi Lēsoni ʻa e Faiako Seminelí

Maika; Nēhumi; Hapakuki; Sefanaia: Lēsoni 154

Akoako Fakataukei Fakatokāteline 10

Fakaʻaongaʻi e Ngaahi Tefitoʻi Moʻoni ki Hono Maʻu ʻo e ʻIlo Fakalaumālié

ʻE lava ke tokoni ʻa e fakataukei fakatokāteliné ki he kau akó ke langa ʻenau moʻuí ʻi he fakavaʻe ʻo Sīsū Kalaisí mo ʻEne ongoongoleleí. ʻE lava ke tokoni ʻa e lēsoni ko ʻení ke vahevahe ʻe he kau akó ha ngaahi potufolofola fakataukei fakatokāteline ʻoku ʻuhingamālie ʻi heʻenau moʻuí pea tokoniʻi kinautolu ke nau ako mo fakaʻaongaʻi e ngaahi tefitoʻi moʻoni fakalangi ki hono maʻu ʻo e ʻilo fakalaumālié.

Teuteu ʻa e tokotaha akó: Fakaafeʻi e kau akó ke toe vakaiʻi e ngaahi potufolofola fakataukei fakatokāteline ʻo e Fuakava Motuʻá kuo nau akó. Poupouʻi kinautolu ke omi mateuteu ki he kalasí ke vahevahe ha potufolofola kuó ne fakaloloto ʻenau fakamoʻoní, mahino ki he ongoongoleleí, pe vā fetuʻutaki mo e Tamai Hēvaní mo Sīsū Kalaisí. ʻOku maʻu ha lisi ʻo e ngaahi potufolofola ko ʻení ʻi he fakaʻosinga ʻo e Fakamatala ki he ʻElito ʻo e Fakataukei Fakatokāteliné (2022).

Ngaahi ʻEkitivitī Ako ʻOku Ala Fakahokó

Toe vakaiʻi ʻo e fakataukei fakatokāteliné: Vahevahé

Ke teuteuʻi e kau akó ke vahevahe ha ngaahi potufolofola fakataukei fakatokāteline kuó ne tākiekina kinautolu ʻi he taʻú ni, fakakaukau ke fakaafeʻi e kau akó ke nau tali vave ʻa e fehuʻi ko ʻení mo hanau hoa ki he ngaahi tūkunga takitaha ʻoku lisi maí.

Ko e hā ʻa e meʻakai ʻokú ke saiʻia taha ai ʻi he ngaahi tūkunga takitaha ko ʻení?

Ko e ʻuluaki meʻa ʻi he pongipongí
Ko ha kiʻi fakaneifua ʻi he fuoloa ʻa e poʻulí
ʻI ho ʻaho fāʻeleʻí
ʻI ha hoʻatā vela
ʻI ha efiafi momoko

Hangē ko e liliu hoʻo meʻakai ʻoku fiemaʻú ʻo makatuʻunga ʻi he ngaahi tūkunga kehekehé, ʻe lava foki ke liliu mo e ngaahi potufolofola ʻokú ke saiʻia taha aí ʻo makatuʻunga ʻi he ngaahi fiemaʻu mo e ngaahi tūkunga kehekehe.

Fakakaukau ke fakaafeʻi e kau akó ke fakalaulauloto ki heʻenau ngaahi tali ki he fehuʻi ko ʻení ki he ngaahi tūkunga takitaha ʻoku fakamatalaʻi atu ʻi laló. Te ke lava ʻo kiʻi taʻofi hili hono vahevahe ʻo e tūkunga takitaha koeʻuhí ke lava ʻa e kau akó ʻo toe vakaiʻi ʻa e lisi ʻo e ngaahi potufolofola fakataukei fakatokāteline ʻo e Fuakava Motuʻá ʻi he fakaʻosinga ʻo e Fakamatala ki he ʻElito ʻo e Fakataukei Fakatokāteliné (2023). Fakaafeʻi leva ʻa e kau akó ke vahevahe ʻa e ngaahi potufolofola naʻa nau filí pea mo e ʻuhingá mo ha hoa pe kulupu tokosiʻi.

Fakapapauʻi ke tuku ha taimi kalasi feʻunga ki he konga “Ako mo fakaʻaongaʻi ʻa e ngaahi tefitoʻi moʻoni ʻo hono maʻu ʻo e ʻilo fakalaumālié.”

Ko e hā ʻa e potufolofola fakataukei fakatokāteline ʻi he Fuakava Motuʻá ʻokú ke saiʻia taha ai ki he ngaahi meʻá ni takitaha? Ko e hā hono ʻuhingá?

Ke ako fekauʻaki mo Sīsū Kalaisi mo Hono misioná
Ke fakamatalaʻi ʻetau fiemaʻu ha kau palōfitá
Ke mahino ʻa e palani ʻo e fakamoʻuí

Ako mo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié

ʻI he ʻekitivitī ko ʻení, ʻe ala tokoni ke vahevahe ʻa e kau akó ki ha ngaahi kulupu tautau toko tolu, pea nofotaha ʻa e mēmipa takitaha ʻo e kulupú ʻi ha tefitoʻi moʻoni kehe ki hono maʻu ʻo e ʻilo fakalaumālié. ʻOange ha taimi ki he kau akó ke nau toe vakaiʻi nounou ʻa e ngaahi palakalafi ʻi he Fakamatala ki he ʻElito ʻo e Fakataukei Fakatokāteliné ʻoku fekauʻaki mo ʻenau tefitoʻi moʻoní. (ʻOku fakakau e ngaahi fakakaukau ki he ngaahi ʻekitivitī fakamanatú ʻi he “Ngaahi ʻEkitivitī Fakamanatu ʻo e Fakataukei Fakatokāteliné” ʻi he fakamatala fakalahi ʻo e tohi lēsoni ko ʻení.)

ʻI he ʻosi hono toe vakaiʻi ʻe he kau akó, ʻoange ki he kulupu takitaha ha laʻipepa. Fakaafeʻi kinautolu ke fakaʻaongaʻi e sitepu ʻe tolu ʻi laló ke hiki ha tūkunga moʻoni ʻe mahuʻinga ai hono fakaʻaongaʻi e ngaahi tefitoʻi moʻoni ki hono maʻu ʻo e ʻilo fakalaumālié. Kapau ʻoku fiemaʻu ʻe he ngaahi kulupú ha fakahinohino lahi ange, te ke lava ʻo fakahinohinoʻi kinautolu ke faʻu ʻenau ngaahi tūkungá ʻo makatuʻunga ʻi ha toʻu tupu ʻoku ʻi ai haʻane ngaahi fehuʻi pe hohaʻa fekauʻaki mo ha taha ʻo e ngaahi tefito ko ʻení:

Ko e moʻoni ʻo e Tohi ʻa Molomoná
Ko e fiemaʻu ko ia ke ʻi māmani ha Siasi ʻo Sīsū Kalaisi kuo fakafoki maí
Faleʻi kimuí ni mai mei he palōfitá

Kapau ʻe tokoni, ʻoku fokotuʻu atu ha ngaahi tūkunga ʻi he konga “ʻEkitivitī Fakalahi ki he Akó” ʻo e lēsoni ko ʻení ʻoku maʻu ʻi he ChurchofJesusChrist.org.

Fakaʻaongaʻi ʻa e ngaahi sitepu ko ʻení ke faʻu mo aleaʻi ha tūkunga moʻoni ʻe lava ke fakaʻaongaʻi ai ʻe ha toʻu tupu ʻa e ngaahi tefitoʻi moʻoni ki hono maʻu ʻo e ʻilo fakalaumālié ke tokoni ʻi he ngaahi fehuʻí pe ngaahi hohaʻá.

Hiki e hingoa mo e taʻu motuʻa ʻo e tokotahá pea mo ha pole moʻoni ʻo e tuí ʻoku nau fehangahangai mo iá.
Hiki ha fehuʻi ʻe taha pe ua pe ngaahi hohaʻa ʻoku nau maʻu tupu mei heʻenau faingataʻaʻiá.
Aleaʻi ʻa e fehuʻi ko ʻení mo hoʻo kulupú, kae ʻoua naʻa hiki hoʻo ngaahi talí ʻi hoʻo laʻipepá. Fakapapauʻi ʻoku maʻu ʻe he mēmipa takitaha ʻo e kulupú ha faingamālie ke vahevahe ʻenau ngaahi fakakaukaú.
ʻE tokoni fēfē ʻa e tefitoʻi moʻoni takitaha ki hono maʻu ʻo e ʻilo fakalaumālié ki he tokotaha ko ʻení ʻi honau tūkungá?

ʻOange ha taimi lahi ki he ngaahi kulupú ke aleaʻi ʻa e fehuʻi kimuʻá. Mahalo te ke fie lue takai ʻi he lokí pea kau ki ha ngaahi kulupu kehekehe ke ako mei he meʻa ʻoku nau fevahevaheʻakí.

Kapau ʻokú ke ongoʻi ʻe tokoni ke ʻoange ki he ngaahi kulupú ha ngaahi fehuʻi pau ange ke aleaʻi, te ke lava ʻo ʻoange ha niʻihi pe kotoa ʻo e ngaahi meʻa ko ʻení.
Ko e hā ʻokú ke ʻilo fekauʻaki mo e Tamai Hēvaní mo ʻEne palani maʻa ʻEne fānaú ʻe lava ʻo tokoni ki he tokotaha ko ʻení ke ne maʻu ha fakakaukau ʻoku taʻengatá?
ʻE uesia fēfē ʻe heʻenau ngaahi fili ko ia ʻi he tūkunga ko ʻení honau vā fetuʻutaki taimi lōloa mo e Tamai Hēvaní mo Sīsū Kalaisí?
Ko e hā ha ngaahi potufolofola pe fakamatala mei he kau taki ʻo e Siasí te ke fokotuʻu ange ke nau ako?

Ka toe lahi e taimí, ʻi he ʻosi ʻa e fevahevaheʻaki ʻa e ngaahi kulupú, fakaafeʻi kinautolu ke fakafetongi ʻenau tūkungá mo ha kulupu ʻe taha pea aleaʻi ʻa e fehuʻí (pe ngaahi fehuʻí) ʻo fakaʻaongaʻi e tūkunga ʻa e kulupu ʻe tahá.

Fakaʻaongaʻi fakatāutahá

Ko e lēsoni akoako fakataukei fakatokāteline fakaʻosi ʻeni ʻo e taʻu ʻo e Fuakava Motuʻá. ʻI hono ʻiloʻi iá, ʻe ala tokoni ki he kau akó ke nau fakalaulauloto mo tohi ʻi heʻenau tohinoa akó fekauʻaki mo ha tūkunga ʻi heʻenau moʻuí te nau lava ai ʻo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié. Te ke lava ʻo vahevahe ha sīpinga nounou mei hoʻo moʻuí ʻa ia naʻe tāpuekina ai koe ʻe he ngaahi tefitoʻi moʻoni ki hono maʻu ʻo e ʻilo fakalaumālié.

Te ke lava ʻo fakaʻosi e kalasí ʻaki hano fakaafeʻi e kau akó ke fakakakato ha fakamatala ʻe taha pe lahi ange mei he ngaahi fakamatala ko ʻení fekauʻaki mo e tūkunga ne nau tohi fekauʻaki mo ia ʻi heʻenau tohinoa akó. Poupouʻi kinautolu ke nau fekumi ki ha ngaahi ueʻi mei he Laumālie Māʻoniʻoní ʻe lava ʻo tokoni ke nau fakaʻaongaʻi ʻa e ngaahi tefitoʻi moʻoni ko ʻení ʻi heʻenau moʻuí.

Ko e founga ʻe taha te u lava ai ʻo ngāue ʻi he tui kia Sīsū Kalaisí ko e …
Ko e ngaahi moʻoni te u lava ʻo manatuʻi fekauʻaki mo e Tamai Hēvaní, Sīsū Kalaisi, mo ʻEna palaní ʻa ia ʻe lava ʻo tokoni mai kiate aú ko e …
Ko e ngaahi maʻuʻanga tokoni te u lava ʻo tafoki ki ai te ne fakamālohia ʻeku tui ki he Fakamoʻuí mo ʻEne ngaahi akonakí ko e …

Poupouʻi e kau akó ke nau fakaʻaongaʻi fakamātoato ʻa e ngaahi tefitoʻi moʻoni ko ʻení ʻi heʻenau moʻuí pea ngāueʻi e ngaahi ongo ʻoku nau maʻú.

Ngaahi ‘Ekitivitī Fakalahi ki he Akó

Ngaahi tūkunga ʻoku fokotuʻu atú

Te ke lava ʻo fakaʻaongaʻi ʻa e ngaahi tūkunga ko ʻení ʻo ka fiemaʻu ʻi he konga “Ako mo fakaʻaongaʻi ʻa e ngaahi tefitoʻi moʻoni ki hono maʻu ʻo e ʻilo fakalaumālié.” Liliu kinautolu fakatatau mo e fiemaʻú ke feau lelei ange e ngaahi fiemaʻu hoʻo kau akó.

Kuo tali maʻu pē ʻe Samu ʻoku moʻoni ʻa e Tohi ʻa Molomoná. Ka ʻi he taimi naʻá ne ʻoange ai ha tatau ʻo e Tohi ʻa Molomoná ki hano kaungāmeʻá, naʻá ne fakafoki ange ia ʻi he ʻaho hono hokó peá ne vahevahe ange ha ngaahi meʻa naʻe talaange ʻe heʻene ongomātuʻá fekauʻaki mo e tohí. Naʻe hoko ʻa e ngaahi meʻa naʻá ne vahevahé ke fifili ai ʻa Samu pe ʻoku moʻoni ʻa e Tohi ʻa Molomoná pe ko ha meʻa pē ia naʻe akoʻi ange ʻe hono fāmilí ke tui ki ai.
ʻOku tokolahi e ngaahi kaungāmeʻa ʻo Sesimani ʻa ia ʻoku ʻikai mēmipa ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Ko ha kakai lelei kinautolu ʻoku nau ʻulungaanga lelei, pea ʻokú ne fakaʻapaʻapaʻi kinautolu ʻi ha ngaahi meʻa lahi. ʻOku kamata ke ne fifili pe naʻe fiemaʻu nai ke fakafoki mai ʻa e Siasí kapau ʻokú te lava pē kita ʻo hoko ko ha tokotaha lelei kae ʻikai maʻu ia.
Hili ha konifelenisi lahi kimuí ni mai, ʻoku fanongo ʻa Sela ki ha kakai tokolahi mei he uōtí ʻoku nau fehuʻia ha tokāteline mo ha faleʻi pau mei he palōfitá. ʻOku ʻikai ʻuhingamālie foki kiate ia ʻa e niʻihi ʻo e ngaahi meʻa naʻe akoʻi ʻe he palōfitá.