Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Maika: “Ko e Hā ʻOku ʻAmanaki ʻe [he ʻEikí Meiate] Koé?”

“Maika: ‘Ko e Hā ʻOku ʻAmanaki ʻe [he ʻEikí Meiate] Koé?,’” Fuakava Motuʻá – Tohi Lēsoni ʻa e Faiako Seminelí (2026)

“Maika: ‘Ko e Hā ʻOku ʻAmanaki ʻe [he ʻEikí Meiate] Koé?,’” Fuakava Motuʻá – Tohi Lēsoni ʻa e Faiako Seminelí

Maika; Nēhumi; Hapakuki; Sefanaia: Lēsoni 152

Maika

“Ko e Hā ʻOku ʻAmanaki ʻe [he ʻEikí Meiate] Koé?”

Jesus Christ hugging a child in the Americas.

ʻOku fifili ha tokolahi ʻo kitautolu pe ʻoku fakahōifua moʻoni nai ki he Tamai Hēvaní mo Sīsū Kalaisi ʻetau ngaahi feinga fakamātoató. Naʻe fifili ʻa e palōfita ko Maiká pe ko e hā te ne lava ʻo fai ke fakahōifua ki he ʻEikí. Naʻe akoʻi ʻa Maika ke “faitotonu, mo [ne] loto ki he ʻofá, mo [ne] ʻaʻeva mo [hono] ʻOtuá ʻi he angavaivai” (Maika 6:8). ʻE lava ke tokoni ʻa e lēsoni ko ʻení ke faʻu ʻe he kau akó ha palani ke faitotonu, manako ke manavaʻofa, pea ʻaʻeva ʻi he loto-fakatōkilalo mo e Tamai Hēvaní mo Sīsū Kalaisi.

Teuteu ʻa e tokotaha akó: Fakaafeʻi e kau akó ke fakakaukau ki ha niʻihi ʻo e kau mēmipa ʻo e fāmilí pe kaungāmeʻá, pea fakakaukau leva ki ha ngaahi meʻa pau te nau fai ke fakafiemālie ki he niʻihi takitaha ko iá. ʻE lava ke nau talaatu e founga te nau fakahoko ai ha ngaahi meʻa kehekehe maʻá e tokotaha takitaha.

Ngaahi ʻEkitivitī Ako ʻOku Ala Fakahokó

Fakafiefiaʻi ha kakai kehekehe

Kimuʻa he kalasí, te ke lava ʻo hiki ʻi he palakipoé ʻa e fehuʻi taʻekakato ko ʻení.

Fakakaukau ke kamata e kalasí ʻaki hano fakaafeʻi e kau akó ke nau toutou tali tuʻo lahi ʻa e fehuʻí, ʻo fakafonu ʻa e konga ʻoku ʻataá ʻaki ha kakai kehekehe ʻi he taimi kotoa pē (faʻē, tamai, faiako, pīsope, kaungāmeʻa). ʻE lava ke vahevahe ʻa e kau akó ʻi ha ngaahi hoa pe fanga kiʻi kulupu iiki. Hili iá te ke lava ʻo fakaafeʻi ha niʻihi tokosiʻi ʻe loto-fiemālie ke vahevahe mo e kalasí.

Kapau ʻe fiemaʻu ko ha sīpinga, te ke lava ʻo vahevahe ha niʻihi ʻo hoʻo ngaahi talí ʻo fakaʻaongaʻi ha kakai kehekehe ʻi hoʻo moʻuí.

Kapau naʻá ke fie fakafiefiaʻi hoʻo ______________, ko e hā te ke faí?
Ko e hā ka kehe ai ʻetau tōʻongá ʻo makatuʻunga ʻi he tokotaha ʻoku tau feinga ke fakafiefiaʻí?

Hili hono vahevahe ʻe he kau akó ha tali ki he ngaahi fehuʻi kimuʻá, hiki ʻa e Tamai Hēvaní mo Sīsū Kalaisi ʻi he feituʻu ʻoku fakaʻatā atu ʻi he palakipoé.

Fakalaulauloto ki he meʻa ʻokú ke ongoʻi ʻoku fakahōifua ki he Tamai Hēvaní mo Sīsū Kalaisí. Fakakaukau ki ha ngaahi meʻa ʻokú ke lolotonga fai ʻe ala fakahōifua kiate Kinaua mo e ngaahi meʻa ʻe ala kehe hoʻo fakahokó. ʻI he fakaʻosinga ʻo e lēsoní, ʻe fakaafeʻi koe ke ke faʻu ha palani ke muimuiʻi ʻa e ngaahi ongo ʻokú ke maʻú.

Ko e hā te tau lava ʻo fai ke fakahōifua ki he ʻEikí?

ʻI he lea ʻa Maika ki he kakai ʻo ʻIsileli mo Siutá, naʻá ne kikiteʻi ʻa e ngaahi tautea ʻe hoko kiate kinautolu koeʻuhí ko ʻenau faiangahalá. Naʻe tautapa ʻa Maika ki ʻIsileli ke nau manatuʻi ʻa e ngaahi tāpuaki maʻongoʻonga kuo nau maʻu mei he ʻEikí pea fakaafeʻi kinautolu ke nau fakatomala pea tānaki fakataha kinautolu kiate Ia (vakai, Maika 2–5).

Lau ʻa e Maika 6:4, ʻo kumi ha niʻihi ʻo e ngaahi founga kuo fakahā ai ʻe he ʻEikí ʻEne ʻofa ki ʻIsilelí.

Hili iá pea lau ʻa e Maika 7:7–8, 18–20, ʻo kumi e meʻa naʻe pehē ʻe Maika ʻe fai ʻe he ʻEikí maʻa Hono kakai ʻo e fuakavá.

Ko e hā e meʻa naʻá ke ʻiló?
Kuo fakahoko fēfē ʻe he Tamai Hēvaní mo Sīsū Kalaisi ʻa e ngaahi meʻá ni maʻaú?

Taimi ʻe niʻihi ʻoku maʻu ʻe he kakaí ha ngaahi fakakaukau hala fekauʻaki mo e meʻa te nau lava ʻo fai ke fakahōifua ki he ʻEikí. ʻOku tokoni ʻa e palōfita ko Maiká ke mahino lelei ange kiate kitautolu ʻa e ʻofa ʻa e ʻEikí.

ʻI he Maika 6:6–7, ʻoku fakaʻaongaʻi ʻe he palōfitá ha ngaahi sīpinga loloto ke fakatātaaʻi ʻaki ʻa e ʻikai ha koloa fakamāmani ʻe fakahōifua ki he ʻEikí.

Lau ʻa e Maika 6:8, ʻo kumi e meʻa te tau lava ʻo fai ke fakahōifua ki he ʻEikí.

Te ke fakamatalaʻi fakanounou fēfē nai ʻa e meʻa naʻá ke ako fekauʻaki mo e fakahōifua ki he ʻEikí?

Mahalo ʻe fakaʻaongaʻi ʻe he kau akó ha lea pē ʻanautolu ke fakahaaʻi ʻa e foʻi moʻoni ʻoku hōifua ʻa e ʻEikí ʻi he taimi ʻoku tau feinga ai ke faitotonu, manako ki he manavaʻofá, pea ʻaʻeva mo Ia ʻi he loto-fakatōkilaló.

Ko e hā ʻoku fiemaʻu ʻe he ʻEikí?

Ko hono fakahaaʻi e loto houngaʻiá ki he ʻEikí

Hili hono toe vakaiʻi ʻe he kau akó e ngaahi fokotuʻu ʻa honau kaungāakó, fakaʻaliʻali e ngaahi fakahinohino mo e ongo sētesi kamata ko ʻení.

Mahalo naʻe ʻoatu ʻe he Laumālie Māʻoniʻoní he ʻahó ni ha fakakaukau ki ho ʻatamaí pe ongo ki ho lotó fekauʻaki mo ha meʻa ʻe lava ʻo tokoni atu ke ke faitotonu, manako ke manavaʻofa, pe ʻaʻeva ʻi he loto-fakatōkilalo mo e ʻEikí. Faʻu ha palani ke ngāueʻi ʻa e meʻa kuó ke ako mo ongoʻi ʻi hoʻo fakakakato ʻa e ngaahi ueʻi ko ʻení ʻi hoʻo tohinoa akó.

Ke fakahōifua ange ki he Tamai Hēvaní mo Sīsū Kalaisí, ʻoku ou fie tokanga taha ki he kupuʻi lea “” mei he Maika 6:8.
Ko ha meʻa pau ʻe taha pe ua ʻoku ou fie fakahokó ko e: .

Te ke lava ʻo fakapapauʻi ki he kau akó ʻoku ʻofeina ʻe he Tamai Hēvaní ʻetau feinga fakamātoato ke fakahōifua kiate Iá. ʻOku tokoniʻi kitautolu ʻe he ngaahi feinga ko ʻení ke tau hoko ʻo hangē ange ko Sīsū Kalaisi ʻi he ʻaho kotoa pē. Te ke lava ʻo vahevahe hoʻo fakamoʻoní ko e taimi ʻoku tau feinga maʻu ai pē ke fai lelei ange pea hoko ʻo lelei angé, ʻe faitokonia ʻe he Fakamoʻuí ʻetau ngaahi feinga fakamātoató.

Ngaahi Maʻuʻanga Tokoni Kehé

Ko e hā ha ngaahi founga te tau lava ai ʻo fakahaaʻi ʻetau ʻofa ki he ʻOtuá?

Naʻe fakamatala ʻa ʻEletā Lainolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

Te ke lava foki mo koe ʻo fai ʻa e tukupā he taimí ni ke ʻofa ki he ʻEiki ko ho ʻOtuá. Ko e ʻuluaki fekau lahí ia, pea kuo teʻeki ke liliu ia ʻi he ngaahi kuonga fakakosipeli kotoa pē. …

Fakakaukauʻi mo au ʻa e founga ʻe fā ko ʻeni te ke lava ai ʻo fakahaaʻi hoʻo ʻofa ki he ʻOtuá. …

ʻUluakí, ʻaʻeva ʻi Heʻene ngaahi foungá kotoa ʻi he taimi ʻokú ke fakahaaʻi ai hoʻo loto-fakatōkilaló, falalá, tuí, faʻa kātakí, mo e loto-toʻá. …

Uá, fakahaaʻi hoʻo ʻofa ki he ʻOtuá ʻaki hono tauhi ʻEne ngaahi fekaú. …

Tolú, pīkitai kiate Ia. Ko e pīkitaí ko ha foʻi lea fakatohitapu ia. ʻOku ʻikai lahi ʻetau fakaʻaongaʻí, ka ʻoku ʻi ai hono ʻuhinga maʻongoʻonga. Ko e pīkitaí ke nofo ofi ʻaupito [“Cleave,” Merriam-Webster Dictionary]. Ko ia, ʻi he taimi ʻokú ke pīkitai ai ki he ʻOtuá ʻokú ke ofi kiate Ia, ʻokú ke Fanongo kiate Ia, pea ʻokú ke fanongo ki ha fakahā maʻau pē. ʻI hoʻo fakafanongo ki Heʻene ngaahi folofolá, ʻokú ke mateuteu ai ke fehangahangai mo ha meʻa pē ʻe hoko mai. …

Ko e konga hono fā mo e fakaʻosí … ke “tauhi ia ʻaki homou lotó kotoa pea mo homou laumālié kotoa” [Sōsiua 22:5]. (“What’s Not to Love” [fakataha lotu ʻa e ʻUnivēsiti Pilikihami ʻIongi—ʻAitahoó, 13 Fēpueli 2022] byui.edu)

Maika 5:2. Ko e hā naʻe mahuʻinga ai ke ʻaloʻi ʻa Sīsū Kalaisi ʻi Pētelihemá?

Naʻe akonaki ʻa Palesiteni Lāsolo M. Nalesoni ʻo pehē:

ʻI he fatongia fakalangi ʻo e ʻEikí, naʻe mei lava pē ke Ne fili ha konga pē ʻo e palanite mahuʻinga ko ʻení ke fakahoko Hono misioná. Naʻá Ne mei lava pē ʻo fili ʻa e ngaahi motu fakaʻofoʻofa ʻo e tahí mo honau ʻuluʻakau maʻuiʻuí mo e fakatupu fakaʻofoʻofá. Naʻe mei lava pē ke Ne fili ʻa e fakaʻofoʻofa ʻo Suisalaní pe Sikenitinēviá, pe naʻá Ne mei saiʻia ange ke ʻaʻeva ʻi he funga fonua ʻo ʻAfiliká pe ʻAositelēliá.

Ka, naʻá Ne fili ha fonua ʻoku lala mo mōmoa hono ngaahi feituʻú, ko ha fonua ʻo e kau fehīkitakí, ʻoku nau nofo ʻi ha ngaahi tēniti pea nau hē fano ʻo hangē ko e fanga sipi mo e fanga kosi ʻoku nau tauhí. Naʻá Ne fakaʻaongaʻi lelei ʻa e feituʻú ke faiako ʻaki ha ngaahi fakatātā fakasiokālafi, pea mo fakahoko ʻa e folofolá.

Naʻá Ne fili ke ʻaloʻi Ia ʻi Pētelihema, ʻo ofi ki Selusalema. Ko e hā e ʻuhinga naʻá Ne fili ai ʻa Pētelihemá? ʻOku ʻi ai nai ha fakataipe mahuʻinga ʻi he ʻuhinga ʻo e hingoa Pētelihemá ʻa ia ʻoku ʻuhinga ʻi he lea faka-Hepeluú ko e “fale ʻo e maá”? Naʻe fakahā ʻe he Tokotaha Maʻongoʻongá ko Ia ʻa e “mā ʻo e moʻuí.” (Vakai, Sione 6:48.) He toki taau moʻoni mo Ia, ko e “mā ʻo e moʻuí,” ke haʻu mei he “fale ʻo e maá.” (“In This Holy Land,” Liahona, Feb. 1991, 11)

Ngaahi ʻEkitivitī Fakalahi ki he Akó

Maika 5:2. Pētelihema, ko hono fakahoko ha kikite ʻa Maika

Kapau ʻe ʻaonga ki he kau akó hano aleaʻi e kikite ʻa Maika ko Pētelihema ʻa e feituʻu ʻe ʻaloʻi ai ʻa e Mīsaiá, fakakaukau ke fakaʻaliʻali ha fakatātā ʻo e Kau Tangata Potó. Pe ko hoʻo huluʻi ʻa e foʻi vitiō “The Christ Child” mei he taimi 11:30 ki he 17:15.

17:57

Fakaafeʻi e kau akó ke lau ʻa e Maika 5:2, ʻo kumi e meʻa naʻe mei ʻilo ʻe he Kau Tangata Potó, kau taulaʻeikí, mo e kau tangata tohí fekauʻaki mo e ʻaloʻi ʻo e Fakamoʻuí koeʻuhí ko e kikite ko ʻení. Te ke lava ʻo fakamahinoʻi ange ko e fatongia ia ʻo e kau taulaʻeikí mo e kau tangata tohí ke feangai mo e kikite ʻi he kuonga muʻá. Fakaafeʻi e kau akó ke fakafekauʻaki pe fakafehokotaki e Maika 5:2 mo e Mātiu 2:4–6.

Te ke lava ʻo tokoni ki he kau akó ke nau ʻai e talanoa ʻo e Kau Tangata Potó ke mahuʻingamālie ʻaki hano aleaʻi e ngaahi fehuʻi hangē ko ʻení:

Ko e hā ha ngaahi “fakaʻilonga” ʻokú ne tataki kitautolu ki he Fakamoʻuí he ʻahó ni?
Ko e hā ʻe lava ke fai ʻe ha taha taʻu hongofulu tupu ke muimui ki he maama fakahinohino ʻa e Fakamoʻuí he ʻaho ní?

ʻE ala tokoni ke vahevahe ʻa e fakamatala meia Palesiteni Nalesoni ʻi he Ngaahi Maʻuʻanga Tokoni Kehé.

Naʻe akonaki ʻa Sīsū mei he tohi ʻa Maiká

ʻE ala tokoni ke vakai e kau akó ki ha niʻihi ʻo e ngaahi potufolofola meia Maika naʻe folofola ʻaki ʻe Sīsū lolotonga ʻEne ngāue fakafaifekaú pea ki he kau Nīfaí. Te ke lava ʻo fakaʻaliʻali e ngaahi potufolofola ko ʻení pea fakaafeʻi e kau akó ke fili ha potufolofola ʻe taha ke nau ako. ʻE lava ke aleaʻi ʻe he kau akó ʻa e meʻa te tau lava ʻo ako mei he Fakamoʻuí ʻi hono fakamamafaʻi ʻo e ngaahi potufolofola ko ʻení.

Maika 4:11–13 mo e 3 Nīfai 20:18–20. Naʻe fakafehoanaki ʻe he ʻEikí ʻa e tānaki fakataha ʻi he ʻaho kimui ní ki ha tā ʻo e uité (vakai foki, ʻAlamā 26:5–7; Tokāteline mo e Ngaahi Fuakava 11:3–4).

Maika 5:8–15 mo e 3 Nīfai 21:12–21.

ʻE lava fēfē ke mahuʻinga ʻa e pōpoaki ʻa Maika ʻi he ngaahi veesi ko ʻení he ʻahó ni?