“Mika: ‘Se a Foi se Mea e Finagalo ai le Ali’i ia te Oe?,’” Tusi Lesona a le Faia’oga Seminare o le Feagaiga Tuai (2026)
“Mika: ‘Se a Foi se Mea e Finagalo ai le Ali’i ia te Oe?,’” Tusi Lesona a le Faia’oga Seminare o le Feagaiga Tuai
Mika; Nauma; Sapakuka; Sefanaia: Lesona 152
Mika
“Se a Foi se Mea e Finagalo ai le Ali’i ia te Oe?”
O le to’atele o i tatou o lo o taumate po’o fa’afiafiaina moni lo tatou Tamā Fa’alelagi ma Iesu Keriso ia tatou taumafaiga fa’amaoni.Sa taumate le perofeta o Mika i se auala e mafai ai ona ia fa’afiafia i le Ali’i.Na a’oa’oina Mika ina ia “fai le amiotonu, ma naunau i le alofa mutimutivale, ma savali ma le loto fa’amaualalo” ma Ia (Mika 6:8).O lenei lesona e mafai ona fesoasoani i tagata a’oga e faia se fuafuaga e fai le amiotonu, naunau i le alofa mutimutivale, ma savali ma loto fa’amaualalo ma le Tamā Fa’alelagi ma Iesu Keriso.
Sauniuniga a le tagata a’oga: Vala’aulia tagata a’oga e mafaufau i ni nai tagata o o latou aiga po’o ni uo foi, ona mafaufau lea i ni mea patino e mafai ona latou faia e fa’afiafia ai na tagata ta’ito’atasi.E mafai ona latou fa’amauina pe fa’apefea ona latou faia ni mea eseese mo tagata ta’ito’atasi.
Gaoioiga e Ono Mafai Ona Aoaoina Ai
Fa’afiafiaina o tagata eseese
Ae le’i amataina le vasega, atonu e te mana’o e tusi le fesili e le mae’a lenei i luga o le laupapa.
Mafaufau e amata le vasega e ala i le valaaulia o tagata a’oga e faatele ona tali atu i le fesili, ma fa’atumu le avanoa i tagata eseese i taimi ta’itasi (tinā, tamā, faia’oga, epikopo, uo).E mafai foi ona fefaasoaa’i tagata a’oga i ni paga ta’ito’alua po o ni vaega toalaiti.Ona valaaulia lea o nisi e tauofo mai e fa’asoa atu i le vasega.
A mana’omia mo se fa’ata’ita’iga, atonu e mafai ona e fa’asoa ni au lava tali e fa’aaoga ai tagata eseese i totonu o lou olaga.
-
Afai e te mana’o e fa’amalie lau _____________, o le a se mea e te faia?
-
Aisea e tatou te ono fa’aalia ai ni uiga ese e faavae i luga o i latou o lo’o tatou taumafai e fa’afiafia?
A mae’a ona fa’asoa mai e tagata a’oga ni nai a latou tali i fesili na faatoa mae’a atu tusi Tamā Fa’alelagi ma Iesu Keriso i le avanoa o i luga o le laupapa.
Mafaufau loloto i mea e te lagona e fa’afiafia ai le Tamā Fa’alelagi ma Iesu Keriso.Mafaufau i mea e mafai ona e faia i le taimi nei e fa’afiafia ai i La’ua ma mea e te ono faia i nisi auala e ese.I le i’uga o le lesona, o le a vala’aulia oe e fai se fuafuaga e mulimuli ai i uunaiga e te maua.
O a ni mea e mafai ona tatou faia e fa’afiafia ai le Ali’i?
I le saunoa atu i tagata o Isaraelu ma Iuta, na vavalo atu Mika e fa’atatau i fa’amasinoga o le a o’o mai ona o lo latou amioleaga.Na aioi atu Mika i tagata Isaraelu e manatua fa’amanuiaga tetele na latou maua mai i le Alii ma vala’aulia ai i latou e salamō ma toe faapotopoto atu ia te Ia (taga’i i le Mika 2–5).
Faitau le Mika 6:4, ma vaavaai mo ni auala na fa’aalia ai e le Ali’i Lona alofa mo Isaraelu.
Ona faitau lea o le Mika 7:7–8, 18–20, ma vaavaai mo mea na fai mai Mika o le a faia e le Ali’i mo Ona tagata o le feagaiga.
-
O le a se mea na e mauaina?
-
Ua fa’apefea ona faia e le Tamā Fa’alelagi ma Iesu Keriso nei mea mo oe?
E mafai ona e vala’aulia tagata a’oga e tali le fesili sa muamua atu i totonu o a latou api tala’aga mo suesuega ma fa’asoa ma se paga po’o le vasega mea na latou tusia.
A mae’a ona fefa’asoaa’i tagata a’oga, e mafai ona e fa’asino atu e faapea, a tatou iloa mea tetele ua faia e le Alii mo i tatou, ua o se mea masani le taumanatu pe faapefea ona tatou auauna atu ma faafiafia o Ia. Fa’amatala atu e faapea o le perofeta o Mika na fa’afaigata ia te ia le fesili lea po’o a ni mea tatou te mafai ona faia e fa’afiafia ai le Ali’i.
O le valaaulia e faitau ma le fesili o lo’o i lalo e vala’aulia ai tagata a’oga e fa’ailoa mai se upumoni mai totonu o le savali a Mika.O le fesoasoani ai i tagata a’oga e fa’ailoa upumoni mai i fuaitau o mau e mafai ona fesoasoani lea iā i latou e fai a latou su’esu’ega faaletusitusiga pa’ia ia anoa atili.O suesuega faale-tusitusiga pa’ia o se vaega tāua lea o le fausiaina o le fa’atuatua ma le liua atu iā Iesu Keriso.(Mo a’oa’oga fa’aopoopo i le faia o fesili ia e fesoasoani i tagata a’oga e fa’ailoa ma ta’u mai upumoni e liua ai, taga’i i le “Taula’i atu i upu moni e ta’ita’i atu ai i le liua ma atia’e le fa’atuatua ia Iesu Keriso” i le Tomai mo le Atia’eina o Faia’oga.)
O nisi taimi e sese ai manatu o tagata e fa’atatau i mea latou te faia e fa’afiafia ai le Alii.E fesoasoani le perofeta o Mika ia tatou malamalama lelei atili i le alofa o le Ali’i.
I le Mika 6:6–7, o loo fa’aaoga ai e le perofeta ni fa’ataitaiga ogaoga e fa’aata mai ai e lē mafai e soo se aofaiga o ’oa faale-lalolagi ona fa’afiafia le Ali’i.
Faitau le Mika 6:8, vaavaai mo mea e mafai ona tatou faia e fa’afiafia ai le Alii.
-
E faapefea ona e aoteleina mea ua e a’oa’oina e uiga i le fa’afiafiaina o le Ali’i?
E ono mafai e tagata a’oga ona fa’aaoga a latou lava upu e fa’amatala ai le mea moni e faapea, e fiafia le Alii pe a tatou finau e fai le amiotonu, naunau i le alofa, ma feoa’i ma le loto fa’amaualalo ma Ia.
O lea a se mea e finagalo iai le Ali’i?
I le fa’aiuga o le lesona, o le a e vala’aulia tagata a’oga e faia se fuafuaga e fa’aleleia a latou taumafaiga e fa’afiafia le Tamā Fa’alelagi ma Iesu Keriso i auala o lo’o faailoa mai i le fuaiupu 8.
Ina ia saunia tagata a’oga e faia lenei fuafuaga, e mafai ona fa’aaoga le pepa e tufa atu “O le a se Mea e Finagalo iai le Ali’i?”
A mae’a ona suesue e tagata a’oga se vaega se tasi pe tele fo’i o le pepa e tufa atu ma nisi o le vaega, e mafai ona e vala’aulia i latou e fausia se siata e vaevae i ni koluma se tolu ma fa’aigoa koluma ta’itasi i le Fai le Amiotonu, Naunau i le Alofa Mutimutivale, ma Savali ma le Loto Fa’amaualalo.A mae’a ona su’esu’e i le pepa e tufa atu, e mafai e tagata a’oga ona tusi ni auala e mafai ai e se talavou ona fa’afiafia le Ali’i i luga o ni fasipepa ma fa’apipi’i i luga o le laupapa i lalo ifo o le koluma e fetaui iai.I le fa’ai’uga o le gaoioiga, e mafai e tagata a’oga ona faitauina pepa uma.Atonu e mafai ona fesoasoani lea ia i latou e filifili se mea e latou te fiafia e galulue ai.
Fa’aali atu le loto fa’afetai i le Ali’i
A mae’a ona toeiloiloina e tagata a’oga fautuaga a isi tagata o le latou vasega, ona fa’aali lea o fa’atonuga ma u’una’iga o lo o i lalo.
Atonu na musuia se manatu e le Agaga Pa’ia i lou mafaufau po’o se lagona i lou loto e fa’atatau i se mea e fesoasoani ia te oe e fai le amiotonu, naunau i le alofa mutimutivale, ma savali ma le loto fa’amaualalo ma le Ali’i.Fai se fuafuaga e te faatino ai mea ua e a’oa’oina ma e lagonaina e ala i le faamae’aina o u’una’iga o lo’o ta’ua i lalo i totonu o lau ’api tala’aga mo suesuega.
-
Ina ia fa’afiafiaina lelei atili le Tamā Fa’alelagi ma Iesu Keriso, o le a ou manao e taulai atu i le fasifuaitau “” mai i le Mika 6:8.
-
O le tasi pe lua fo’i o ni mea faapitoa oute fia mana’o e fai o le: .
E mafai ona e fa’amautinoa atu i tagata a’oga e faapea, e fiafia le Tamā Fa’alelagi ia tatou taumafaiga fa’amaoni e fa’afiafia o Ia. O nei taumafaiga e fesoasoani ia avea ai i tatou ia pei o Iesu Keriso i aso taitasi. E mafai ona e faasoa atu lau molimau e faapea, a fa’aauau pea ona tatou taumafai ia lelei atu mea tatou te faia ma avea o ē e sili atu ona lelei, o le a faatupulaia e le Fa’aola a tatou taumafaiga fa’amaoni.