Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Միքիա․ «Ի՞նչ է պահանջում Տերը քեզնից»

«Միքիա. «Ի՞նչ է պահանջում Տերը քեզնից»», Հին Կտակարան․ Սեմինարիայի ուսուցչի ձեռնարկ (2026)

«Միքիա. «Ի՞նչ է պահանջում Տերը քեզնից»», Հին Կտակարան․ Սեմինարիայի ուսուցչի ձեռնարկ

Միքիա, Նաում, Ամբակում, Սոփոնիա․ Դաս 152

Միքիա

«Ի՞նչ է պահանջում Տերը քեզնից»

Jesus Christ hugging a child in the Americas.

Մեզանից շատերը մտածում են, թե արդյոք մեր անկեղծ ջանքերն իսկապես գոհացնում են Երկնային Հորը և Հիսուս Քրիստոսին: Միքիա մարգարեն մտածում էր, թե ինչ կարող է անել Տիրոջը գոհացնելու համար: Միքիային ուսուցանվել էր «իրավունքը պահել, ողորմություն սիրել և խոնարհությամբ ընթանալ» Նրա հետ (Միքիա 6.8)։ Այս դասը կօգնի ուսանողներին իրավունքը պահել, ողորմություն սիրել և խոնարհությամբ ընթանալ Երկնային Հոր և Հիսուս Քրիստոսի հետ:

Ուսանողի նախապատրաստում․ առաջարկեք ուսանողներին մտածել ընտանիքի մի քանի անդամների կամ ընկերների մասին, ապա մտածել որոշակի բաների մասին, որ իրենք կանեին՝ այդ մարդկանցից յուրաքանչյուրին գոհացնելու համար: Նրանք կարող են նշել, թե ինչպես կարող են տարբեր բաներ անել յուրաքանչյուր մարդու համար:

Հնարավոր ուսումնական վարժություններ

Գոհացնել տարբեր մարդկանց

Դասից առաջ կարող եք գրատախտակին գրել ստորև ներկայացված անավարտ հարցը։

Կարող եք սկսել դասը՝ առաջարկելով ուսանողներին պատասխանել հարցին մի քանի անգամ՝ ամեն անգամ բաց թողնված տեղում դնելով տարբեր մարդկանց (մայրիկ, հայրիկ, ուսուցիչ, եպիսկոպոս, ընկեր): Ուսանողները կարող են կիսվել զույգերում կամ փոքր խմբերում: Այնուհետև մի քանի ուսանողի առաջարկեք կիսվել դասարանի հետ:

Եթե անհրաժեշտ է, որպես օրինակ կարող եք կիսվել ձեր պատասխաններից մի քանիսով՝ ձեր կյանքի տարբեր մարդկանց վերաբերյալ:

Եթե ցանկանայիք գոհացնել ձեր ______________-ին, ի՞նչ կանեիք:
Ինչո՞ւ մենք կարող ենք տարբեր կերպ գործել՝ կախված նրանից, թե ում ենք փորձում գոհացնել:

Երբ ուսանողները կիսվեն վերը նշված հարցերի մի քանի պատասխաններով, գրատախտակի վրա բաց թողնված տեղերում գրեք Երկնային Հորը և Հիսուս Քրիստոսին։

Խորհեք, թե ձեր կարծիքով ինչն է գոհացնում Երկնային Հորը և Հիսուս Քրիստոսին: Մտածեք այն բաների մասին, որոնք դուք այժմ անում եք, և որոնք կարող են գոհացնող լինել նրանց համար, ինչպես նաև այն մասին, ինչ դուք կարող եք այլ կերպ անել: Դասի վերջում ձեզ կառաջարկվի կազմել ծրագիր՝ հետևելու ձեր ստացած տպավորություններին:

Ի՞նչ կարող ենք անել Տիրոջը գոհացնելու համար

Խոսելով Իսրայելի և Հուդայի ժողովրդի հետ՝ Միքիան մարգարեացավ այն դատաստանների մասին, որոնց առաջ նրանք կկանգնեն իրենց ամբարշտության պատճառով։ Միքիան խնդրեց Իսրայելին հիշել այն մեծ օրհնությունները, որ նրանք ստացել են Տիրոջից և առաջարկեց նրանց ապաշխարել և հավաքվել Նրա շուրջը (տես Միքիա 2–5):

Կարդացեք Միքիա 6․4 հատվածը՝ փնտրելով այն եղանակները, որոնցով Տերը ցույց տվեց Իր սերն Իսրայելի հանդեպ:

Այնուհետև կարդացեք Միքիա 7․7–8, 18–20 հատվածները՝ փնտրելով, թե ինչ ասաց Միքիան, որ Տերը անելու է Իր ուխտի ժողովրդի համար:

Ի՞նչ բացահայտեցիք:
Ինչպե՞ս են Երկնային Հայրը և Հիսուս Քրիստոսը արել այդ բաները ձեզ համար:

Երբեմն մարդիկ սխալ պատկերացումներ ունեն այն մասին, թե ինչ կարող են անել Տիրոջը գոհացնելու համար: Միքիա մարգարեն օգնում է մեզ ավելի լավ հասկանալ Տիրոջ սերը:

Միքիա 6․6–7 հատվածներում մարգարեն օգտագործում է ծայրահեղ օրինակներ՝ ցույց տալու համար, թե ինչու ոչ մի աշխարհիկ հարստություն չի կարող գոհացնել Տիրոջը:

Կարդացեք Միքիա 6․8 հատվածը՝ փնտրելով, թե ինչ կարող ենք անել Տիրոջը գոհացնելու համար:

Ինչպե՞ս կամփոփեք Տիրոջը գոհացնելու մասին ձեր սովորածը։

Ուսանողները կարող են իրենց բառերով արտահայտել այն ճշմարտությունը, որ Տերը գոհանում է, երբ մենք ձգտում ենք իրավունքը պահել, ողորմություն սիրել և խոնարհությամբ ընթանալ Իր հետ:

Ի՞նչ է պահանջում Տերը

Երախտագիտություն ցուցաբերել Տիրոջ հանդեպ

Երբ ուսանողները կարդան իրենց դասընկերների առաջարկները, ցուցադրեք հետևյալ հրահանգներն ու հուշումները:

Այսօր Սուրբ Հոգին կարող էր մի միտք առաջացնել ձեր ուղեղում կամ մի զգացում՝ ձեր սրտում այն բանի մասին, որը կարող է օգնել ձեզ իրավունքը պահել, ողորմություն սիրել և խոնարհությամբ ընթանալ Տիրոջ հետ: Ձեր սովորածի և զգացածի հիման վրա գործելու պլան կազմեք՝ ձեր ուսումնասիրության օրագրում ավարտելով հետևյալ հուշումները:

Երկնային Հորը և Հիսուս Քրիստոսին ավելի լավ գոհացնելու համար ես կցանկանայի կենտրոնանալ «» արտահայտության վրա՝ Միքիա 6.8 հատվածից։
Մեկ կամ երկու որոշակի բան, որ ես կցանկանայի անել, հետևյալն են. ։

Կարող եք հավաստիացնել ուսանողներին, որ Երկնային Հորը դուր են գալիս Իրեն գոհացնելու մեր անկեղծ ջանքերը: Այս ջանքերն օգնում են մեզ օրեցօր ավելի նմանվել Հիսուս Քրիստոսին: Կարող եք կիսվել ձեր վկայությամբ այն մասին, որ երբ մենք շարունակաբար փորձում ենք ավելի լավ գործել և ավելի լավը լինել, Փրկիչը բազմապատկում է մեր անկեղծ ջանքերը:

Օժանդակ նյութեր

Որո՞նք են Աստծո հանդեպ մեր սերն արտահայտելու եղանակները:

Տասներկու Առաքյալների Քվորումից երեց Ռոնալդ Ա․ Ռասբանդը բացատրել է.

Դուք նույնպես կարող եք հիմա հանձնառություն ստանձնել՝ սիրել ձեր Տեր Աստծուն: Դա առաջին մեծ պատվիրանն է, և այն չի փոխվել բոլոր տնտեսությունների ընթացքում: …

Մտածեք ինձ հետ հետևյալ չորս եղանակների շուրջ, որոնցով կարող եք սեր արտահայտել Աստծո հանդեպ։ …

Առաջինը, դուք քայլում եք Նրա բոլոր ճանապարհներով, երբ դրսևորում եք խոնարհություն, վստահություն, հավատք, համբերություն և քաջություն: …

Երկրորդը, դուք Աստծո հանդեպ սեր եք դրսևորում՝ պահելով Նրա պատվիրանները: …

Երրորդը, հարում եք Նրան։ Հարել բառը աստվածաշնչյան բառ է։ Մենք այն շատ չենք օգտագործում, բայց այն մեծ նշանակություն ունի։ Հարել նշանակում է շատ մոտ լինել [«Cleave», Merriam-Webster Dictionary]: Այսպիսով, երբ դուք հարում եք Աստծուն, դուք մոտ եք լինում Նրան, լսում եք Նրան և լսում եք հայտնություն հենց ձեզ համար: Լսելով Նրա խոսքերը՝ դուք պատրաստ եք լինում դիմակայելու այն ամենին, ինչը գալիս է: …

Չորրորդ և վերջին կետը՝ … «պաշտեք նրան ձեր ամբողջ սրտով և ձեր ամբողջ հոգով» [Հեսու 22․5]։ («Complete Honesty, Unselfish Humility» [Բրիգամ Յանգի համալսարան–Այդահո հոգևոր հավաք, փետրվարի 13, 2022], byui.edu)

Միքիա 5․2։ Ինչո՞ւ էր կարևոր, որ Հիսուս Քրիստոսը ծնվի Բեթղեհեմում:

Նախագահ Ռասսել Մ. Նելսոնն ուսուցանել է․

Իր աստվածային դերում Տերը կարող էր ընտրել այս գեղեցիկ մոլորակի ցանկացած հատված՝ Իր առաքելությունը կատարելու համար: Նա կարող էր ընտրել ծովի գեղատեսիլ կղզիները՝ իրենց փարթամ բուսականությամբ և շլացնող գեղեցկությամբ։ Նա կարող էր ընտրել Շվեյցարիայի կամ Սկանդինավիայի բնապատկերները կամ նախընտրել Աֆրիկայի կամ Ավստրալիայի տարածքները:

Փոխարենը՝ նա ընտրեց մի երկիր, որն ունի խիստ և չորային կլիմա, մի երկիր, որտեղ բնակվում են քոչվոր ցեղեր, որոնք ապրում են վրաններում և տեղից տեղ են քոչում՝ իրենց արածացրած ոչխարների ու այծերի համար արոտավայրեր գտնելու համար։ Նա օգտագործեց այդ վայրը՝ ուսուցանելու աշխարհագրական իրազննական պիտույքների միջոցով և իրագործելու սուրբ գրությունները:

Նա նախընտրեց ծնվել Երուսաղեմի մոտ գտնվող Բեթլեհեմում։ Ինչո՞ւ Բեթլեհեմում։ Արդյո՞ք խորհրդանշական նշանակություն ունի Բեթլեհեմ անվան իմաստը, որը եբրայերեն նշանակում է «հացի տուն»։ Մեծ Մատակարարն իրեն անվանեց «կյանքի հաց»: (Տես Հովհաննես 6․48։) Որքան տրամաբանական է, որ Նա՝ «կյանքի հացը», «հացի տնից» պիտի գար։ («In This Holy Land», Լիահոնա, փետրվար 1991, 11)

Լրացուցիչ ուսումնական վարժություններ

Միքիա 5․2։ Բեթղեհեմ՝ իրագործելով Միքիայի մարգարեությունը

Եթե ուսանողների համար օգտակար լինի Բեթղեհեմի՝ որպես Մեսիայի ծննդավայրի մասին Միքիայի մարգարեության քննարկումը, կարող եք ցուցադրել մոգերի նկարը։ Որպես այլընտրանք, կարող եք ցուցադրել «The Christ Child» տեսանյութը՝ 11:30-17:15։

17:57

Առաջարկեք ուսանողներին կարդալ Միքիա 5․2 հատվածը՝ փնտրելով, թե ինչ կարող էին իմանալ մոգերը, քահանաները և դպիրները Փրկչի ծննդյան մասին այս մարգարեության շնորհիվ: Կարող եք նշել, որ քահանաները և դպիրները պարտադիր պետք է ծանոթ լինեին հին մարգարեություններին: Ուսանողներին առաջարկեք խաչաձև հղում կատարել կամ կապել Միքիա 5․2 հատվածը Մատթեոս 2․4–6 հատվածների հետ։

Կարող եք օգնել ուսանողներին ժամանակակից կյանքի հետ կապել իմաստունների պատմությունը ՝ քննարկելով հետևյալ հարցերը.

Ո՞ր «նշաններն» են մեզ ուղղորդում դեպի Փրկիչն այսօր:
Ի՞նչ կարող է անել դեռահասը, որպեսզի հետևի Փրկչի առաջնորդող լույսին այսօր:

Օգտակար կլինի կիսվել նախագահ Նելսոնի ուղերձով «Օժանդակ նյութեր» բաժնից:

Հիսուսը ուսուցանում էր Միքիայի գրքից

Դա կարող է օգնել ուսանողներին ուսումնասիրել Միքիայի գրքի հատվածներից մի քանիսը, որոնք Հիսուսը մեջբերել է Իր ծառայության ընթացքում և նեփիացիներին դիմելիս: Կարող եք ցուցադրել սուրբգրային հատվածների հետևյալ զույգերը և առաջարկել ուսանողներին ընտրել դրանցից մեկը՝ ուսումնասիրելու համար: Ուսանողները կարող են քննարկել, թե ինչ կարող ենք սովորել Փրկչից՝ նշելով այս հատվածները:

Միքիա 4․11–13 և 3 Նեփի 20․18–20։ Վերջին օրերի հավաքումը Տերը համեմատել է ցորենի հունձքի հետ (տես Ալմա 26․5–7, Վարդապետություն և Ուխտեր 11․3–4)։

Միքիա 5․8–15 և 3 Նեփի 21․12–21։

Ինչո՞ւ է Միքիայի պատգամն այս հատվածներում կարևոր այսօր։