« មីកា, ណាហ៊ុម, ហាបាគុក, សេផានា ៖ ទិដ្ឋភាពទូទៅ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« មីកា, ណាហ៊ុម, ហាបាគុក, សេផានា ៖ ទិដ្ឋភាពទូទៅ › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
មីកា, ណាហ៊ុម, ហាបាគុក, សេផានា
មីកា, ណាហ៊ុម, ហាបាគុក, សេផានា
ទិដ្ឋភាពទូទៅ
ព្យាការីមីកាបានបង្រៀនថាព្រះអម្ចាស់ចង់ឲ្យយើង « ប្រព្រឹត្តដោយសុចរិត ឲ្យស្រឡាញ់សេចក្តីសប្បុរស ហើយឲ្យដើរជាមួយនឹងព្រះនៃខ្លួន ដោយសុភាពរាបទាប » ជាមួយនឹងទ្រង់ ( មីកា ៦:៨ ) ។ នៅពេលដែលព្យាការី ហាបាគុក មានសំណួរពីអំពើទុច្ចរិតនៅជុំវិញលោក លោកបានស្វែងរកចម្លើយពីព្រះអម្ចាស់ ហើយបានជ្រើសរើសរក្សាសេចក្តីជំនឿរបស់លោក ខណៈពេលដែលលោករង់ចាំចម្លើយ ។
ផ្តោតលើសេចក្តីពិតដែលដឹកនាំទៅរកការប្រែចិត្តជឿ និងស្ថាបនាជំនឿទៅលើព្រះយេស៊ូវគ្រីស្ទ ។ ការសួរសំណួរស្វែងរក និងសំណួរតាមដានដែលជួយសិស្សស្វែងរកសេចក្តីពិតដែលប្រែចិត្តជឿអាចកសាងសេចក្តីជំនឿរបស់ពួកគេលើព្រះគ្រីស្ទ និងបំណងប្រាថ្នារបស់ពួកគេដើម្បីគោរពតាមទ្រង់ ។ ឧទាហរណ៍មួយនៃរបៀបធ្វើបែបនេះ អាចរកបាននៅក្នុងមេរៀនទី ១៥២ ៖ « មីកា » ។
ដើម្បីរៀនបន្ថែមទៀតអំពីសារៈសំខាន់នៃការផ្ដោតលើសេចក្តីពិតដែលប្រែចិត្តជឿ សូមមើល « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្តីជំនឿ » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ២២ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ដល់អ្នកនូវគំនិតខ្លះៗអំពីអ្វីដែលអ្នកអាចរៀបចំខ្លួនសម្រាប់មេរៀននីមួយៗ ។
មីកា
គោលបំណងមេរៀន ៖ ដើម្បីជួយសិស្សឲ្យដាក់ផែនការ ដើម្បីប្រព្រឹត្តដោយសុចរិត ឲ្យស្រឡាញ់សេចក្តីសប្បុរស ហើយឲ្យដើជាមួយព្រះវរបិតាសួគ៌ និងព្រះយេស៊ូវគ្រីស្ទ ។
-
ការរៀបចំសិស្ស ៖ អញ្ជើញសិស្សឲ្យគិតអំពីសមាជិកគ្រួសារ ឬមិត្តភក្តិពីរបីនាក់ បន្ទាប់មកគិតអំពីអ្វីជាក់លាក់ដែលពួកគេនឹងធ្វើ ដើម្បីផ្គាប់ចិត្តបុគ្គលម្នាក់ៗនោះ ។ ពួកគេអាចកត់ចំណាំពីរបៀបដែលពួកគេអាចធ្វើអ្វីផ្សេងៗគ្នាសម្រាប់បុគ្គលម្នាក់ៗ ។
-
សំណៅមេរៀន ៖ « តើព្រះអម្ចាស់ទាមទារអ្វីខ្លះ ? »
-
សម្ភារ ៖ កូនក្រដាសកត់ចំណាំបកបិទបាន ឬសន្លឹកក្រដាសតូចៗ និងវិធីបិទវានៅលើក្ដារខៀន
-
មាតិកាដែលត្រូវបង្ហាញ ៖ សេចក្តីណែនាំ និងការជំរុញដើម្បីដាក់ផែនការនៅចុងបញ្ចប់មេរៀននេះ
ហាបាគុក
គោលបំណងមេរៀន ៖ ដើម្បីជួយសិស្សឲ្យយល់ពីរបៀបរក្សាជំនឿរបស់ពួកគេនៅលើព្រះយេស៊ូវគ្រីស្ទ នៅពេលដែលពួកគេមានសំណួរដែលហាក់ដូចជាគ្មានចម្លើយ ។
-
ការរៀបចំសិស្ស ៖ អញ្ជើញសិស្សឲ្យសួរមិត្តភក្តិ ឬសមាជិកគ្រួសារ ប្រសិនបើពួកគេធ្លាប់ពុះពារនឹងសំណួរពិបាកៗដែលហាក់ដូចជាគ្មានចម្លើយ ។ បើដូច្នេះ សិស្សអាចសួរថាតើបុគ្គលរូបនេះបានធ្វើអ្វីខ្លះដើម្បីរក្សាភាពស្មោះត្រង់ចំពោះព្រះអម្ចាស់ ខណៈដែលពួកគេរង់ចាំចម្លើយ ។
-
សម្ភារដែលត្រូវបង្ហាញ ៖ ក្រឡដែលបានដាក់ស្លាកសញ្ញាសួរ ក្រឡដែលបានដាក់ស្លាករូបភាពព្រះគ្រីស្ទ
-
វីដេអូ ៖ « The Reflection in the Water » ( ៤៤:២៤ ) ចាប់ពីនាទីទី ៣៨:១៨ ដល់ ៣៩:២០; « His Grace: Choosing to Believe in God » ( ៤:០៧ )
-
សម្ភារ ៖ ក្រដាសតូចៗច្រើនសន្លឹកសម្រាប់សិស្សម្នាក់ៗ
ការអនុវត្តចំណេះចំណានខាងគោលលទ្ធិទី ១០
គោលបំណងមេរៀន ៖ ដើម្បីជួយសិស្សឲ្យចែកចាយវគ្គបទគម្ពីរចំណេះចំណានខាងគោលលទ្ធិ ដែលមានអត្ថន័យនៅក្នុងជីវិតរបស់ពួកគេ ហើយជួយពួកគេរៀន និងអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
-
ការរៀបចំសិស្ស ៖ សូមអញ្ជើញសិស្សឲ្យពិនិត្យមើលវគ្គបទគម្ពីរចំណេះចំណានខាងគោលលទ្ធិក្នុងព្រះគម្ពីរសញ្ញាចាស់ ដែលពួកគេបានរៀន ។ លើកទឹកចិត្តពួកគេឲ្យមករៀនដោយរៀបចំខ្លួនដើម្បីចែកចាយវគ្គបទគម្ពីរមួយដែលពង្រឹងទីបន្ទាល់របស់ពួកគេ ការយល់ដឹងអំពីដំណឹងល្អ ឬទំនាក់ទំនងជាមួយព្រះវរបិតាសួគ៌ និងព្រះយេស៊ូវគ្រីស្ទ ។ បញ្ជីនៃវគ្គបទគម្ពីរមាននៅចុងបញ្ចប់នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ២០២២ ) ។
-
សម្ភារ ៖ ក្រដាសតូចៗសម្រាប់ក្រុមតូចៗ