“Miqueas; Nahum; Habacuc; Sofonias: Kinatibuk-ang Pagpasabot,’” Manwal sa Magtutudlo sa Seminary sa Daang Tugon (2026)
“Miqueas; Nahum; Habacuc; Sofonias: Kinatibuk-ang Pagpasabot,’” Manwal sa Magtutudlo sa Seminary sa Daang Tugon
Miqueas; Nahum; Habacuc; Sofonias
Miqueas; Nahum; Habacuc; Sofonias
Kinatibuk-ang Pagpasabot
Gitudlo ni propeta Miqueas nga gitinguha sa Ginoo kanato ang “pagbuhat sa kaangayan, sa pagpakita sa makanunayong gugma, ug sa pagkinabuhi diha sa mapaubsanong pakig-uban” Kaniya (Miqueas 6:8). Dihang si propeta Habacuc naay mga pangutana bahin sa pagkadaotan sa iyang palibot, gitinguha niya ang mga tubag gikan sa Ginoo ug mipili nga magpabiling matinumanon samtang gihulat kini.
Pagpunting sa mga kamatuoran nga mosangpot ngadto sa pagkakabig ug paglig-on sa hugot nga pagtuo diha ni Jesukristo. Pagsuknag mga pangutana aron manukiduki ug follow-up nga mga pangutana aron tabangan ang mga estudyante nga mailhan ang makapakabig nga mga kamatuoran nga mopalig-on sa ilang hugot nga pagtuo ni Kristo ug sa ilang tinguha nga mosunod Kaniya. Usa ka ehemplo sa paghimo niini makita sa Leksiyon 152: “Miqueas.”
Aron makakat-on og dugang bahin sa kaimportante sa pagpunting sa makapakabig nga mga kamatuoran, tan-awa ang “Gitudlo sa Manluluwas ang mga Kamatuoran Nga Naggiya ngadto sa Pagkakabig ug Paglig-on sa Hugot nga Pagtuo” (Pagtudlo Sumala sa Pamaagi sa Manluluwas [2022], 22).
Pangandam sa pagtudlo
Ang mosunod nga impormasyon maghatag nimo og mga ideya kon unsa ang kinahanglan nimong andamon alang sa matag leksiyon.
Miqueas
Katuyoan sa leksiyon: Aron tabangan ang mga estudyante nga magplano sa pagbuhat sa kaangayan, pagpakita sa makanunayong gugma, ug pagkinabuhi sa mapaubsanong pakig-uban sa Langitnong Amahan ug ni Jesukristo.
-
Pagpangandam sa estudyante: Dapita ang mga estudyante nga maghunahuna og pipila ka sakop sa pamilya o higala, dayon maghunahuna og pihong mga butang nga ilang mahimo aron mapalipay ang kada usa sa maong mga tawo. Pwede nilang matikdan kon sa unsang paagi managlahi ang ilang himoon para sa matag tawo.
-
Handout: “Unsay Gipangayo sa Ginoo?”
-
Mga materyal: Mga sticky note o gagmayng piraso sa papel ug paagi aron mapilit kini diha sa pisara
-
Sulod nga ipakita: Mga instruksiyon ug pag-aghat aron maghimog plano sa kataposan sa leksiyon
Habacuc
Katuyoan sa leksiyon: Aron tabangan ang mga estudyante nga masabtan unsaon pagmentinar ang ilang hugot nga pagtuo ni Jesukristo dihang aduna silay mga pangutana nga morag wala matubag.
-
Pagpangandam sa estudyante: Dapita ang mga estudyante sa pagpangutana sa usa ka higala o sakop sa pamilya kon nakigbisog ba silay lisod nga pangutana nga morag wala matubag. Kon anaa, pwedeng pangutan-on sa estudyante kon unsay gihimo sa maong tawo aron makapabiling matinud-anon sa Ginoo samtang naghulat sa mga tubag.
-
Mga butang nga ipakita: Garapon nga naay label nga question mark; garapon nga naay label sa litrato ni Kristo
-
Bidyo: “Ang Hulagway diha sa Tubig” (44:24) gikan sa time code 38:18 hangtod 39:20; “Iyang Kaluoy: Pagpili nga Motuo sa Dios” (4:07)
-
Mga materyal: Pipila ka gagmayng piraso sa papel para sa kada estudyante
Pagbansay 10 sa Doktrinal nga Kahanas
Katuyoan sa leksiyon: Aron tabangan ang mga estudyante sa pagpakigbahin og mga tudling sa doktrinal nga kahanas nga makahuluganon sa ilang kinabuhi ug motabang nila nga makakat-on ug gamiton ang balaang mga baroganan sa pag-angkon og espirituhanong kahibalo.
-
Pagpangandam sa estudyante: Dapita ang mga estudyante nga rebyohon ang mga tudling sa doktrinal nga kahanas sa Daang Tugon nga ilang nakat-onan. Dasiga silang mosulod sa klase nga andam sa pagpakigbahin og usa nga nakapalalom sa ilang pamatuod, pagsabot sa ebanghelyo, o relasyon uban sa Langitnong Amahan ug ni Jesukristo. Makita ang listahan niini nga mga tudling diha sa kataposan sa Mahinungdanon nga Dokumento sa Doktrinal nga Kahanas (2022).
-
Mga materyal: Mga piraso sa papel para sa gagmayng grupo