Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Jonas: “Ikaw Dios nga Maluluy-on, [ug] Mapailobon”

“Jonas: ‘Ikaw Dios nga Maluluy-on, [ug] Mapailobon,’” Manwal sa Magtutudlo sa Seminary sa Daang Tugon (2026)

“Jonas: ‘Ikaw Dios nga Maluluy-on, [ug] Mapailobon,’” Manwal sa Magtutudlo sa Seminary sa Daang Tugon

Amos; Abdias; Jonas: Leksiyon 151

Jonas

“Ikaw Dios nga Maluluy-on, [ug] Mapailobon”

The Old Testament prophet Jonah depicted lying on the beach at Nineveh after having survived being swallowed by a whale. The ocean and a whale are depicted in the background. The image depicts Jonah being returned to preach at Nineveh.

Ang Ginoo mipadangat sa iyang kaluoy ngadto kang Jonas ug sa mga tawo sa Ninibe, bisan pa sa dagkong mga sala nga ilang nahimo. Samtang atong giila nga kining sama nga gugma ug kaluoy gipadangat ngari kanato, kita usab makapahayag nga ang Ginoo maoy “Dios nga maluluy-on, mapailubon kanunay ug andam sa pag-usab sa imong laraw” (Jonas 4:2). Kini nga leksiyon makatabang sa mga estudyante nga mabati ang gugma ug kaluoy sa Ginoo para kanila ug sa uban.

Posibleng mga Kalihokan sa Pagkat-on

Ang atong panglantaw

Ikonsiderar ang pagsugod sa klase pinaagi sa paghimo og linya nga dunay (tulo ka pulong) sa usa nga tumoy ug (tulo ka pulong) sa laing tumoy diha sa pisara . Samtang imong pangutan-on ang mga estudyante kon unsay panglantaw sa uban bahin sa Langitnong Amahan ug ni Jesukristo, pwede kang magbutang og pipila ka lainlaing linya sa lainlaing mga dapit sa sukdanan aron irepresentar ang ilang mga tubag.

Hunahunaa nga kini nga sukdanan nagrepresentar kon sa unsang paagi ang usa ka tawo makakita sa Langitnong Amahan ug ni Jesukristo.

Nganong ang ubang mga tawo makakita Nila nga mahigugmaon, maluluy-on, ug buotan samtang ang uban dili?

Aron tabangan ang mga estudyante nga sukdon kon giunsa nila pag-ila ang Langitnong Amahan ug si Jesukristo, ikonsiderar ang pagdapit nila nga pamalandongan ang mosunod.

Pamalandonga kon asa diha sa linya nimo ibutang ang imong panglantaw sa Langitnong Amahan ug si Jesukristo. Ikonsiderar kon nganong gipili nimo kana nga dapit diha sa linya.

Karon, hunahunaa nga kini nga sukdanan nagrepresentar kon sa unsang paagi ka maghunahuna o motratar sa uban.

Unsay mga rason nga trataron nato ang pipila ka mga tawo sa usa ka paagi ug ang ubang mga tawo sa hingpit nga lahi nga paagi?

Samtang imong tun-an ang istorya ni Jonas, tinguhaa ang Espiritu Santo aron tabangan kang makita ang tinuod nga kinaiya sa Langitnong Amahan ug ni Jesukristo. Ikonsiderar kon sa unsang paagi ang imong nakat-onan bahin Kanila makaapekto sa paagi sa imong pagtan-aw, paghunahuna, o pagtratar sa uban.

Ang istorya ni Jonas

Basaha ang Jonas 1:1–3, nga pangitaon ang mga instruksiyon sa Ginoo ngadto kang Jonas ug kon giunsa pagsanong ni Jonas.

Para nimo, unsay gipakita nga tubag ni Jonas bahin sa kon unsay iyang gibati bahin sa mga instruksiyon sa Ginoo nga magsangyaw ngadto sa mga tawo sa Ninibe?

Human hatagi ang mga estudyante og panahon nga kompletohon ang kalihokan, dapita sila nga mangutana o ipakigbahin ang ilang mga panglantaw gikan sa pagtuon niini nga asoy.

Kon kinahanglan, ipasabot nga gipakita sa Jonas 4 nga bisan mapasalamaton si Jonas nga ang Ginoo maluluy-on ug mapasayloon ngadto kaniya, nasuko siya niini nga mga hiyas dihang gipakita kini sa Ginoo ngadto sa mga tawo sa Ninibe. Gitudloan sa Ginoo si Jonas nga bililhon kaayo para Niya ang mga tawo sa Ninibe, mas labaw pa kay sa usa ka tanom.

Ikonsiderar ang pagsulat diha sa pisara sa dili kompleto nga mga kamatuoran. Dapita ang mga estudyante sa pagkompleto sa mga kamatuoran gamit ang bag-o lang nilang nakat-onan gikan sa istorya ni Jonas.

Ang Ginoo mao ang …

Aron mahisama sa Ginoo, kita kinahanglang …

Ikonsiderar ang pagkompleto sa mga pahayag diha sa pisara gamit ang mga pulong o hugpong sa mga pulong nga gipakigbahin sa mga estudyante, sama sa:

Ang Ginoo maluluy-on, buotan, ug mapinasayloon.

Aron mahisama sa Ginoo, kita kinahanglang mahimong maluluy-on, buotan, ug mapinasayloon nga sama Niya.

Pwede nimong dapiton ang mga estudyante nga ipakigbahin ang piho nga mga pananglitan gikan sa asoy ni Jonas nga nagpakita niini nga mga kamatuoran. Pwede usab nilang ipakigbahin kon nganong gibati nila nga ang mga pulong o hugpong sa mga pulong nga ilang gipili importante nga ilang mahibaloan.

Nganong lisod usahay para nato ang paghigugma o pagkamanggiluy-on ngadto sa uban?
Sa unsang paagi ang pagkat-on bahin sa kaluoy ug gugma sa Ginoo makaapekto sa paagi sa atong pagtan-aw, paghunahuna, o pagtratar sa uban?

Pagkahimong sama sa Ginoo

Mailhan tingali sa mga estudyante ang uban pang kamatuoran gawas nianang gilista sa ibabaw. Kon mahimo nila, ikonsiderar ang mga paagi aron mapalalom ang pagsabot sa mga estudyante sa mga kamatuoran nga ilang nailhan. Ang mosunod nga mga kalihokan motabang sa mga estudyante nga mas masabtan ang duha sa mga kamatuoran sa ibabaw ug bation ang gugma sa Ginoo para nila ug sa uban.

Pwede nimong parespareson ang mga estudyante ug ipakompleto sa kada estudyante ang usa sa mga kalihokan nga tinagsa. Dayon, pwede nilang itudlo sa usag usa ang ilang nakaplagan. O pwedeng kompletohon sa managpares ang parehas nga kalihokan ug ipakigbahin sa usag usa ang ilang nakat-onan.

Pagpili og usa sa mosunod nga mga senaryo:

Senaryo A. Hunahunaa nga naa kay higala nga mibati nga bangis, dili maluluy-on, o dili mapinasayloon ang Langitnong Amahan ug si Jesukristo.

Senaryo B. Hunahunaa nga naa kay higala nga naglisod sa pagpakita og kaluoy, kabuotan, o kamapinasayloon ngadto sa uban.

Buhata ang mosunod:

Pangita og bersikulo gikan sa istorya ni Jonas nga imong ipakigbahin sa imong higala. (Pwede pod kang mangita og dugang mga tudling sa kasulatan nga tingali makatabang.)
Paghunahuna og kasinatian nga pwedeng makatabang. Para sa senaryo A: ikonsiderar kon kanus-a ang Ginoo mipakita og gugma o kaluoy nganha kanimo o sa usa ka tawo nga imong kaila. Para sa senaryo B: ikonsiderar kon kanus-a mitabang kanimo ang Ginoo o sa usa ka tawo nga imong kaila nga nagpakita og gugma o kaluoy ngadto sa uban.

Unsay imong nakat-onan?

Aron tabangan ang mga estudyante nga makita ug mabati ang gugma ug kaluoy sa Ginoo alang kanila ug alang sa uban, ikonsiderar ang pagdapit nila nga magdrowing diha sa ilang journal sa pagtuon og usa ka butang nga magpahinumdom nila sa istorya ni Jonas, sama sa balyena o dakong tanom. Dayon pwede nilang isulat ang ilang tubag sa usa sa mosunod nga mga pangutana sa ubos, sa sulod, o tupad sa ilang drowing.

Ikonsiderar ang pagtubag sa usa sa mosunod nga mga pangutana diha sa inyong journal sa pagtuon:

Unsay inyong nakat-onan karon nga nakatabang ninyong mobati nga ang Langitnong Amahan ug si Jesukristo maluluy-on, buotan, ug mapinasayloon?
Unsay inyong nasinati karon nga nakatabang ninyong mabati ang Ilang gugma alang niadtong tingali nalisdan ka sa paghigugma o pagpasaylo?

Dugang nga mga Kapanguhaan

Unsay makatabang nako nga masabtan ang tinuod nga kinaiya sa Langitnong Amahan ug ni Jesukristo?

Si Elder Robert M. Daines sa Seventy mipamatuod:

10:22

Sama sa gitudlo ni Presidente Nelson, “Kon magkat-on kamo og mas daghan mahitungod sa Manluluwas, mas sayon ang pagsalig sa Iyang kaluoy, sa Iyang walay kinutoban nga gugma.” Ug mas mosalig ug mahigugma kamo sa inyong Langitnong Amahan.

Si Elder Holland nagtudlo nato nga si Jesus mianhi aron ipakita “kanato kon kinsa ug unsa ang Dios nga atong Amahan sa Kahangtoran, kon unsa Siya ka mapahinungoron sa hingpit ngadto sa Iyang mga anak.”

Si Pablo nag-ingon nga ang Dios mao “ang Amahan sa [tanang] kaluoy, ug Dios sa tanang kahupayan.”

Kon lahi ang inyong nakita Kaniya, palihog padayon sa pagpaningkamot. (“Sir, Buot Kaming Makigkita kang Jesus,” Liahona, Nob. 2023, 14)

Unsay angay natong buhaton kon atong makita nga gipanalanginan sa Dios ang uban, ilabina kon mobati kita nga dili sila angayan niini?

Si Elder LeGrand R. Curtis Jr. sa Seventy mipasabot:

Ang gugma sa Langitnong Amahan para sa tanan Niyang mga anak walay kinutoban, ug dili kinahanglan nga masuko ang maong gugma kon makita kini diha sa kinabuhi sa uban. Adunay daghang gugma para nato, ug kita mas hingpit nga nakigbahin niana nga gugma samtang dili lang nato saulogon ang pagbalik sa mausikon apan usab tabangan kutob sa mahimo nga makabalik sa panon nga “maayog lawas” (Lucas 15:27). (“He Ran, and Fell on His Neck, and Kissed Him,” Ensign, Jan. 2015, 47)

Si Presidente Jeffrey R. Holland sa Korum sa Napulog Duha ka Apostoles mitudlo:

15:23

Adunay mga higayon sa atong kinabuhi diin ang usa ka tawo makadawat og wala damha nga panalangin o nakadawat og espesyal nga pag-ila. Mohangyo ko kaninyo ayaw og kahiubos—ug ayaw gayod og kasina—kon maayong mga butang ang mahitabo sa ubang tawo? Dili kita makuhaan kon ang uban mapanalanginan. Wala kita sa kontest kon si kinsa ang pinakadatu o ang pinakadaghan og talento o pinaka maanyag o gani ang pinakadaghan og panalangin. Ang kontest nga anaa gayud kita mao ang kontest batok sa sala, ug siguradong ang kasina usa niana. (“Mga Mamumuo sa Ubasan,” Liahona, Mayo 2012, 31)

Tungod kay maluluy-on ug mahigugmaon kaayo ang Dios, kinahanglan pa ba gyod kong maghinulsol?

Si Elder D. Todd Christofferson sa Korum sa Napulog Duha ka Apostoles mitudlo:

13:11

Tungod kay ang gugma sa Dios naglakip sa tanang butang, ang uban nagsulti kabahin niini isip “walay pili,” ug sa ilang hunahuna, tingali ilang gilantaw nga nagpasabot nga ang mga panalangin sa Dios “walay pili,” ug nga ang kaluwasan “walay kondisyon.” Apan dili kini [ang kaluwasan] walay pili. Ang ubang tawo makaingon sa kanunay nga, “Ang Manluluwas mohigugma kanako sa akong pagka-ako,” ug kana tinuod. Apan Siya dili makadala ni bisan kinsa kanato ngadto sa Iyang gingharian nga basta lang kon unsa kita, “kay walay mahugaw nga butang nga makapuyo didto, o makapuyo sa iyang atubangan” (tan-awa sa Moises 6:57). Ang atong mga sala kinahanglan unahon gayod sa pagsulbad. (“Ang Gugma sa Dios,” Liahona, Nob. 2021, 16)

Dugang nga mga Kalihokan sa Pagkat-on

Paghunahuna sa asoy ni Jonas

Kon makatabang sa imong mga estudyante, ikonsiderar ang pagpasalida sa “Jonah the Prophet” (2:30). Kini nga bidyo makatabang sa imong mga estudyante nga mahunahuna ang asoy ni Jonas sa dili pa o human nila makompleto ang handout.

2:30

Ang panig-ingnan ni Jonas sa modernong panahon

Imbes tan-awon ang bidyo sa seksiyon nga “Pagkahimong sama sa Ginoo,” pwede nimong ipakigbahin ang istorya gikan sa artikulo nga “Dili pa Kaayo Ulahi alang sa Ikaduhang Kahigayonan”. Kini nga artikulo naglakip sa asoy sa usa ka batan-ong babaye nga nawad-an sa tanang paglaom nga molampos sa pag-eskwela apan nakadawat og paghupay ug paglaom gikan sa iyang amahan. Human ipakigbahin ang istorya, pwede nimong hangyoon ang mga estudyante nga ipakigbahin kon sa unsang paagi ang amahan diha sa istorya parehas sa atong Langitnong Amahan. Dayon, pwede nilang ipakigbahin ang personal nga kasinatian dihang ilang gibati nga ang Langitnong Amahan mipakita og kaluoy o gugma diha sa ilang kinabuhi.

Pagpakita og gugma ug kaluoy ngadto sa uban

Imbes tan-awon ang bidyo sa seksiyon nga “Pagkahimong sama sa Ginoo,” ikonsiderar ang pagpasalida sa bidyo nga “President Uchtdorf: Forgiveness” (3:40). Pwedeng gamiton kini nga bidyo aron tabangan ang mga estudyante nga makita ang kaimportante sa pagkamaluluy-on ug pagkamapasayloon sama sa Ginoo samtang nag-uban kanato. Pwedeng tan-awon sa mga estudyante ang bidyo nga maghunahuna sa usa ka tawo nga dili kaayo nila ganahan o naglisod sila sa pagpasaylo.

3:40

Jonas 2. Pagsinati sa kaluoy sa Ginoo pinaagi sa paghinulsol

Kon para nimo makabenepisyo ang mga estudyante sa paggahin og dugang panahon sa paghisgot sa kaimportante sa paghinulsol, pwede nimong dapiton ang mga estudyante nga tun-an ang Jonas 2:1–10 nga magpares. Pwede silang mangita og hugpong sa mga pulong diha sa pag-ampo ni Jonas nga nagpakita sa sinsero nga tinguha ni Jonas nga maghinulsol.

Pwede nimong pangutan-on ang mga estudyante kon unsang ebidensiya gikan sa asoy ni Jonas ang nagpakita nga gipasaylo siya sa Ginoo kay naghinulsol siya. Dayon, pwede nimong tabangan ang mga estudyante nga ilhon ang ubang mga pananglitan gikan sa mga kasulatan diin nasinati sa mga indibidwal ang kaluoy sa Ginoo pinaagi sa sinsero nga paghinulsol.