Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Amos 8: Pagbuntog sa Espirituwal nga Kagutom

“Amos 8: Pagbuntog sa Espirituwal nga Kagutom,” Manwal sa Magtutudlo sa Seminary sa Daang Tugon (2026)

“Amos 8: Pagbuntog sa Espirituwal nga Kagutom,” Manwal sa Magtutudlo sa Seminary sa Daang Tugon

Amos; Abdias; Jonas: Leksiyon 150

Amos 8

Pagbuntog sa Espirituwal nga Kagutom

191st Semiannual General Conference: Russell M. Nelson

Kitang tanan mibati og kagutom. Hunahunaa kon unsa kaha ang bation nga mag-antos sa espirituwal nga kagutom. Gitudloan sa Ginoo ang mga Israelinhon pinaagi ni Amos gamit kini nga ilustrasyon. Nanagna si Amos nga dili na hatagan sa mga pagtulun-an ni Jesukristo ang iyang katawhan tungod kay ila kining gisalikway. Ang pagkawala sa pulong sa Ginoo moresulta og espirituwal nga kagutom. Kini nga leksiyon makatabang sa mga estudyante nga molambo ang ilang pagsalig nga ang Langitnong Amahan ug si Jesukristo makatagbaw sa ilang espirituwal nga kagutom pinaagi sa Pagpahiuli sa ebanghelyo.

Pagpangandam sa estudyante: Dapita ang mga estudyante nga pamalandongan kon unsa kaha ka lahi ang ilang kinabuhi kon wala silay mga kasulatan o mga pulong sa mga propeta. Pwedeng mosulod sa klase ang mga estudyante nga andam nga mopakigbahin sa ilang gihunahuna.

Posibleng mga Kalihokan sa Pagkat-on

Espirituwal nga kagutom

Ikonsiderar ang pagsugod sa klase pinaagi sa pagpakita og hulagway sa pagkaon o sa pagdala og simpleng pagkaon ug sa pagpangutana sa mosunod.

Kanus-a ka mibati nga hilabihang kagutom?
Unsa kahay atong buhaton kon gutomon ta?

Ang mga tubag maglakip sa pagkairitable, magluya, o kaonon ang kon unsay naa nga pagkaon.

Isulat sa pisara ang hugpong sa mga pulong nga Espirituwal nga Kagutom.
Unsa kaha ang espirituwal nga kagutom sa mga tawo ug naglisod sa pagpangita?

Ikonsiderar ang pagsulat sa mga tubag sa estudyante diha sa pisara. Mahimong isulti sa mga estudyante ang mga butang nga sama sa gugma sa Dios, katuyoan sa ilang kinabuhi, pagkahibalo sa kamatuoran, direksyon sa lisod nga mga desisyon, ubp.

Paggahin og panahon sa pagsulat diha sa imong journal sa pagtuon sa mga paagi diin ikaw o ang imong kaila mibati tingali karon og espirituwal nga kagutom.

Dapita ang mga estudyante sa pagtinguha sa Espiritu Santo karon samtang ilang ikonsiderar ang ilang mahimo aron madawat ang espituwal nga pag-amuma nga gitanyag ni Jesukristo.

Usa ka kagutom sa pagpaminaw sa mga pulong sa Ginoo

Gitagna ni propeta Amos ang espirituwal nga kagutom. Iyang gipadayag ang mga pulong sa Ginoo ngadto sa katawhan sa Israel, apan dili sila gustong maminaw niini (tan-awa sa Amos 2:12; 7:11–16).

Kon para nimo makatabang, dapita ang mga estudyante sa pagbasa sa Amos 7:12–13 aron masabtan kon sa unsang paagi mitubag ang mga Israelinhon sa mga pulong sa Ginoo pinaagi ni Amos.

Basaha ang Amos 8:11–12 nga pangitaon ang mga sangpotanan sa katawhan nga misalikway sa pulong sa Ginoo.

Kon kinahanglan, ipasabot nga ang kagutom mao ang grabeng kakulang sa pagkaon.

Unsa ang mga sangpotanan ang imong nakita?

Kon dili hisgotan sa mga estudyante, ipakigbahin ang mga kamatuoran nga sama sa mosunod: Kon isalikway sa katawhan ang mga propeta sa Ginoo, mawala kanila ang mga panalangin sa pulong sa Ginoo. Kon wala ang pulong sa Dios, gutomon ta sa espirituwal nga paagi.
Sa imong hunahuna, nganong ang kagutom usa ka maayo nga pagtandi sa pagkinabuhi nga wala ang pulong sa Dios?
Sa unsang mga paagi natuman ang panagna ni Amos?

Kon kinahanglan, ipakigbahin sa mga estudyante nga kini nga mga bersikulo nagtumong sa yugto sa panahon nga nailhan nga apostasiya. Mahitabo ang apostasiya dihang isalikway sa mga indibidwal o mga grupo sa mga tawo ang mga baroganan sa ebanghelyo ug ang Ginoo dili na mopadala og mga propeta ngadto kanila. Usa sa mga katumanan sa panagna ni Amos nahitabo human mamatay ang mga apostoles ni Kristo ug nailhan nga ang Dakong Apostasiya. Ang Dakong Apostasiya milungtad hangtod nga gipahiuli sa Ginoo ang Iyang ebanghelyo pinaagi ni propeta Joseph Smith.

Pagtagbaw sa espirituwal nga kagutom

Sa mahigugmaong kaayo sa Ginoo, Iyang giklaro sa Iyang katawhan pinaagi sa Iyang mga propeta nga luwason Niya ang Iyang katawhan gikan sa mga epekto sa apostasiya ug panalanginan ang Iyang katawhan. Ang Ginoo nanagna pinaagi ni Amos nga pundokon Niya pag-usab ang Iyang katawhan sa umaabot ug panalanginan Niya sila sa daghang paagi (tan-awa sa Amos 9:14–15).

Basaha ang mosunod nga mga bersikulo nga pangitaon kon unsa pay gipadayag sa Ginoo pinaagi sa Iyang mga propeta nga himoon Niya sa kataposang dispensasyon sa dili pa ang Iyang Ikaduhang Pag-anhi:

Daniel 2:44–45

Mga Buhat 3:19–21

Mga Taga-Efeso 1:3, 10

Doktrina ug mga Pakigsaad 27:13; 112:30; 128:18

Dapita ang mga estudyante sa pagpakigbahin sa ilang nakat-onan ug sa ilang mga pangutana bahin niini nga mga bersikulo. Alang sa dugang tabang, pwede nimo silang tultolan sa “Pagpahiuli sa Ebanghelyo,” diha sa Mga Hilisgotan ug mga Pangutana.

Unsa nga mga panalangin ang gitagana sa Langitnong Amahan ug ni Jesukristo para sa kalibotan nga gigutom sa espirituwal nga paagi pinaagi sa Pagpahiuli?

Pwedeng ilista sa mga estudyante ang mga yawe ug awtoridad sa pagkapari, mga propeta, mga pagpadayag, mga kasulatan, mga organisasyon sa Simbahan, mga ordinansa, ug ang gasa sa Espiritu Santo.

Hunahunaa kon unsaon nimo pagtabang ang mga estudyante nga masabtan kon sa unsang paagi mahatag niini nga mga panalangin ang ilang mga panginahanglan ug niadtong mga tawo nga ilang gimahal. Ang mosunod maoy usa ka paagi nga mahimo nimo kini.

Dapita ang mga estudyante sa paghimo og senaryo sa usa ka indibidwal nga gigutom sa usa sa mga hilisgotan nga gilista diha sa pisara ubos sa Espirituwal nga Kagutom. Pwede nimong padugangan sa mga estudyante og mga detalye ang senaryo aron mas haom kini kanila. Pwede nimong ipakigbahin ang mosunod bahin kang Marta isip usa ka pananglitan. Dayon, ang mga estudyante pwedeng magtinabangay, mag-inusara, o isip gagmayng mga grupo sa pagtubag sa senaryo.

Senaryo: Si Marta 15 anyos ug sinserong nagtinguha sa pagpangita sa katuyoan sa iyang kinabuhi. Wala siyay kompyansa sa kaugalingon, ug dili siya segurado kon unsang direksyon ang angayng subayon.

Unsay imong ipakigbahin nga gihimo sa Langitnong Amahan ug ni Jesukristo isip kabahin sa Pagpahiuli sa ebanghelyo aron matabangan si Marta nga matagbaw sa espirituwal nga kagutom?

Isip kabahin sa imong pagtubag, seguroa nga iapil ang mga kasulatan; kinutlo gikan sa mga lider sa Simbahan; ug, kon posible, kaugalingon nimong personal nga kasinatian.

Kon naglisod og tubag ang mga estudyante, mahimo nimong ipapangita nila sa Giya Alang sa Kalig-on sa mga Kabatan-onan o pipila sa mga tudling sa doktrinal nga kahanas.

Kon motubag ang mga estudyante sa senaryo ni Marta, pwede nimo silang tultolan sa ulohan sa seksiyon nga “Paghimo og dinasig nga mga pagpili” sa Giya Alang sa Kalig-on sa mga Kabatan-onan o sa Moises 1:39: “Kini ang akong buhat ug ang akong himaya—ang pagpahinabo sa pagka-imortal ug sa kinabuhi nga dayon sa tawo.” Pwedeng pamalandongan sa mga estudyante kon sa unsang paagi ang pagkahibalo nga ang Ginoo nagpakabana nila ug aktibong naningkamot aron mabalik sila sa Iyang presensiya tingali mopuno sa espirituwal nga kagutom alang sa gugma sa Dios o mobati og katuyoan sa ilang kinabuhi.

Kon naay igong panahon ang mga estudyante, dapita sila nga ipakigbahin ang ilang giandam. Pwede pod nilang ipakigbahin ang ilang nakat-onan gikan sa kasinatian.

Personal nga pagpamalandong

Sa pagtapos, ikonsiderar ang pagdapit sa mga estudyante nga tubagon ang mosunod nga mga pangutana diha sa ilang journal.

Unsay imong nakat-onan karon nga nagpadako sa imong pagsalig nga ang Langitnong Amahan ug si Jesukristo makatagbaw sa imong espirituwal nga kagutom?
Unsa ang usa ka paagi nga gusto nimong buhaton ang imong nakat-onan o gibati?

Dugang nga mga Kapanguhaan

Nganong importante kaayo ang regular nga pagtuon sa mga kasulatan?

Si Elder Michael John U. Teh sa Seventy mitudlo:

Nagtuo ko nga ang kanunayng pagbaliwala sa pagtuon sa kasulatan usa ka paagi sa pagpatig-a sa atong kasingkasing. Nahadlok ko nga kon ato ning ipadayon, kita hatagan sa mas gamayng bahin sa pulong ug sa kataposan walay masayran sa misteryo sa Dios. Ang pagtuon sa kasulatan kada adlaw, sa laing bahin, makatabang nato sa pagpalambo og espirituhanong kalig-on ug kahibalo, makadiskobre sa pagpangilad sa yawa, ug makapadiskobre sa mga lit-ag nga iyang giandam para nato. (“Ang Gahum sa Pulong sa Dios,” Liahona, Mar. 2013, 23)

Unsay tinuod nga makatagbaw sa atong espirituwal nga kagutom?

Si Presidente Jeffrey R. Holland mitudlo:

Nag-ampo ko karong buntaga nga ang tanang gigutom ug giuhaw, ug usahay naglatagaw, makadungog niini nga pagdapit gikan Kaniya nga mao ang Pan sa Kinabuhi, ang Tinubdan sa Buhi nga Tubig, ang Maayong Magbalantay natong tanan, ang Anak sa Dios: “Duol kamo kanako, kamong tanan nga gikapuyan ug gibug-atan, … ug makapahulay ang inyong mga kalag” [Mateo 11:28–29]. Sa pagkatinuod “gibusog niya sa mga maayong butang ang mga gigutom” [Lucas 1:53], sumala sa gipamatuod sa kaugalingon niyang inahan nga si Maria. (“He Hath Filled the Hungry with Good Things,” Ensign, Nob. 1997, 66)

Unsa kaha kon mobati ko nga wala koy panahon sa pagtuon sa mga kasulatan?

Si Elder Richard G. Scott (1928–2015) sa Korum sa Napulog Duha ka Apostoles mihatag niini nga tambag:

Ayaw patuo sa bakak ni Satanas nga kamo walay panahon sa pagtuon sa kasulatan. Pilia nga makagahin og panahon sa pagtuon niini. Ang pagbusog sa pulong sa Dios matag adlaw mas importante kay sa katulog, eskwelahan, trabaho, salida sa telebisyon, mga video game, o social media. Tingali kinahanglan ninyong i-organisar og usab ang inyong mga prayoridad aron makagahin og panahon sa pagtuon sa pulong sa Dios. Kon mao, buhata kini! (“Himoa ang Paggamit sa Pagtuo nga Inyong Unang Prayoridad,” Liahona, Nob. 2014, 93)

Sa unsang paagi natapos ang espirituwal nga kagutom sa dakong apostasiya?

Si Presidente Spencer W. Kimball mipakigbahin:

Human sa mga siglo sa espirituhanong kangitngit, … ligdong namong ipahibalo sa tibuok kalibotan nga ang espirituhanong kagutom natapos na, ang espirituhanong hulaw nahuman na, ang pulong sa Ginoo sa kaputli ug kakompleto niini anaa na alang sa tanang mga tawo. Dili na kinahanglang magsuroysuroy sa tibuok kadagatan ni gikan sa amihanan ngadto sa silangan, sa pagpangita sa tinuod nga ebanghelyo sama sa gipanagna ni Amos, tungod kay ang walay kataposang kamatuoran anaa na.” (sa Conference Report, Apr. 1964, 93–94; tan-awa usab sa Old Testament Student Manual, 3rd ed. [2003], 94)

Dugang nga mga Kalihokan sa Pagkat-on

Pagtagbaw sa espirituwal nga kagutom

Kon gusto, aron tabangan ang mga estudyante nga mas masabtan kon sa unsang paagi ang pulong sa Dios makatagbaw sa espirituwal nga kagutom, pwede nimong ipasalida ang video nga “Daily Bread: Pattern” ug dapita ang mga estudyante nga mangita og dugang mga kamatuoran bahin sa pagsanong sa espirituwal nga kagutom.

2:52

Apostasiya sa Daang Tugon

Ang laing kamatuoran nga makat-onan gikan sa Amos 8:11–12 mao nga ang apostasiya moresulta gikan sa pagsalikway sa pulong sa Ginoo. Pwede nimong hangyoon ang mga estudyante nga hisgotan nga sa ilang hunahuna ang kalainan ug pagkaparehas tali sa mosunod:

Indibidwal nga apostasiya

Grupo nga apostasiya

Kinatibuk-ang apostasiya

Dapita ang mga estudyane nga ikonsiderar kon sa unsang paagi ang pagpahiuli sa ebanghelyo ni Jesukristo makatabang sa pag-uli sa mga kahimtang sa kada matang sa apostasiya.

Ang bidyo nga “The Great Apostasy” nagpakita kon sa unsang paagi ang pagpangita sa tinuod nga Simbahan ni Wilford Woodruff nakatabang niya nga masabtan ang Apostasiya ug ang panginahanglan para sa Pagpahiuli sa simbahan ni Jesukristo.

16:36

Mga propeta nagtumong ngadto kang Kristo

Aron tabangan ang mga estudyante nga mas masabtan ang kaimportante sa mga pulong sa mga propeta, ikonsiderar ang pagbasa sa Amos 7:11–16 ug Amos 8:11–12, nga pangitaon kon sa unsang paagi ang usa mitultol sa lain. Dapita ang mga estudyante nga pamalandongan kon unsa kaha ka lahi ang ilang kinabuhi kon wala pa madungog ang mga pulong sa Ginoo pinaagi sa mga propeta. Pwede nimong ipasalida ang bidyo nga “Why Do We Have Prophets?” aron ipakita kon sa unsang paagi ang pulong sa Ginoo pinaagi sa mga propeta nagtudlo kanato nga moduol ngadto Kaniya. Pwede nimong dapiton ang mga estudyante nga pangitaon ang papel sa mga propeta samtang nagtan-aw sila.

1:38

Unsay pangunang papel sa mga propeta?

Pwede nimong ipakigbahin ang mosunod gikan ni Elder Neil L. Andersen sa Korum sa Napulog Duha ka Apostoles:

Ang labing importante nga tahas sa propeta sa Ginoo mao ang pagtudlo kanato sa Manluluwas ug paggiya kanato ngadto Kaniya. …

Ang propeta dili tigpataliwala ninyo ug sa Manluluwas. Hinoon, mobarog siya tupad kaninyo ug motudlo sa dalan paingon sa Manluluwas. (“Ang Propeta sa Dios,” Liahona, Mayo 2018, 25, 27)

Sa unsang paagi makatabang ang pagsunod sa mga propeta aron matagbaw ang espirituwal nga kagutom?

Ang panalangin sa kasulatan

Dili parehas sa kagutom sa pulong sa Dios (tan-awa sa Amos 8:11–12), sa atong panahon naa kitay daghang pulong sa Dios diha sa kasulatan. Kon mapuslanon sa mga estudyante nga mas masabtan ang panalangin sa pagbaton sa mga kasulatan, pwede nimong ipasalida ang bidyo nga “The Blessing of Scripture” ug dapita ang mga estudyante nga mangita og lainlaing rason nga ang mga tawo mahimong walay pulong sa Dios diha sa ilang kinabuhi.

3:4

Pwedeng pangutan-on ang mga estudyante kon unsay ilang nakat-onan gikan sa bidyo bahin sa mga sangpotanan kon wala ang pulong sa Dios sa ilang kinabuhi o ang mga rason nga ang ubang mga tawo mas gihatagan og bili ang mga kasulatan kay sa uban.