« អេម៉ុស ៣; ៧ ៖ ព្រះអម្ចាស់បង្ហាញសេចក្តីពិតតាមរយៈពួកព្យាការីរបស់ទ្រង់ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេម៉ុស ៣; ៧ ៖ ព្រះអម្ចាស់បង្ហាញសេចក្តីពិតតាមរយៈពួកព្យាការីរបស់ទ្រង់ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេម៉ុស; អូបាឌា; យ៉ូណាស ៖ មេរៀនទី ១៤៩
អេម៉ុស ៣; ៧
ព្រះអម្ចាស់បង្ហាញសេចក្តីពិតតាមរយៈពួកព្យាការីរបស់ទ្រង់
នៅក្នុងពិភពលោកដែលមានសំឡេងបញ្ចុះបញ្ចូលជាច្រើន វាអាចពិបាកក្នុងការដឹងថាសំឡេងណាដែលត្រូវទុកចិត្ត ។ ជាសំណាងល្អ ព្រះវរបិតាដែលពេញដោយក្តីស្រឡាញ់របស់យើងនៅឯស្ថានសួគ៌ និងព្រះអង្គសង្គ្រោះ គឺព្រះយេស៊ូវគ្រីស្ទ បើកសម្ដែងផែនការរបស់ទ្រង់ទាំងទ្វេដល់យើងតាមរយៈពួកព្យាការីដែលមានជីវិតរស់នៅរបស់ទ្រង់ទាំងទ្វេ ។ មេរៀននេះមានគោលបំណងដើម្បីជួយសិស្សយល់ថា ព្រះវរបិតាសួគ៌ និងព្រះយេស៊ូវគ្រីស្ទបើកសម្តែងដំបូន្មាន និងសេចក្តីពិតតាមរយៈពួកព្យាការីរបស់ទ្រង់ទាំងទ្វេ ។
សកម្មភាពរៀនសូត្រដែលអាចមាន
ការឆ្លើយតបទៅនឹងឱវាទរបស់ព្យាការី
សកម្មភាពខាងក្រោមត្រូវបានបង្កើតឡើងដើម្បីជួយសិស្សឲ្យពិចារណាអំពីអាកប្បកិរិយារបស់ពួកគេចំពោះពួកព្យាការី ។ វាអាចមានប្រយោជន៍ក្នុងការសរសេរការឆ្លើយតបចំនួនបីនៅលើប្រព័ន្ធផ្សព្វផ្សាយសង្គមនៅលើក្ដារខៀន ។
ជាជម្រើសមួយសម្រាប់សកម្មភាពខាងក្រោម អ្នកអាចអញ្ជើញសិស្សឲ្យស្រមៃថា ការឆ្លើយតបត្រូវបានចែកចាយដោយមិត្តភក្តិរបស់ពួកគេ បន្ទាប់ពីបានស្តាប់ព្យាការីមានប្រសាសន៍នៅឯសន្និសីទទូទៅ ឬការប្រជុំធម្មនិដ្ឋានសម្រាប់យុវវ័យ ។ បន្ទាប់មក អ្នកអាចរំលងសំណួរដែលភ្ជាប់មកជាមួយ ។
សូមស្រមៃពីការមើលឃើញការឆ្លើយតបខាងក្រោមជាការឆ្លើយតបទៅនឹងចុះផ្សាយតាមប្រព័ន្ធផ្សព្វផ្សាយសង្គម ៖
« គាត់អត់មានរឿងអ្វីត្រូវនិយាយអំពីការណ៍នេះទេ ។ គាត់មិនយល់ទេ » ។
« គាត់មិនយល់ពីអ្វីដែលកំពុងកើតឡើងនោះទេ » ។
« ជាមួយនឹងអ្វីៗផ្សេងទៀតដែលខ្ញុំត្រូវធ្វើ ខ្ញុំមិនមើលឃើញពីរបៀបដែលខ្ញុំអាចអនុវត្តការប្រឹក្សានេះចំពោះជីវិតដ៏មមាញឹករបស់ខ្ញុំនោះទេ » ។
-
តើការឆ្លើយតបទាំងនេះអាចសំដៅទៅលើនរណា ?
អ្នកអាចបង្ហាញរូបភាពរបស់ព្យាការីដែលមានជីវិត ហើយអញ្ជើញសិស្សឲ្យស្រមៃថា មតិយោបល់ទាំងនេះជាការឆ្លើយតបទៅនឹងអ្វីដែលព្យាការីបានមានប្រសាសន៍ ។ សិស្សអាចចែកចាយពីមូលហេតុដែលនរណាម្នាក់អាចមានអាកប្បកិរិយាខាងលើ ។
សូមពិចារណាអំពីការបង្ហាញសំណួរខាងក្រោមនេះ ដើម្បីជួយសិស្សវាយតម្លៃពីអារម្មណ៍របស់ពួកគេអំពីការធ្វើតាមឱវាទរបស់ព្យាការី ។
សូមចំណាយពេលបន្តិច ដើម្បីគិតពិចារណាពីទស្សនៈរបស់អ្នកចំពោះព្យាការីរបស់ព្រះអម្ចាស់នៅលើផែនដីសព្វថ្ងៃនេះ ។ អ្នកអាចពិចារណាពីចម្លើយរបស់អ្នកចំពោះសំណួរខាងក្រោម ៖
-
តើខ្ញុំមានអារម្មណ៍យ៉ាងណាអំពីឱវាទរបស់ព្យាការី ? តើអារម្មណ៍របស់ខ្ញុំប្រែប្រួលអាស្រ័យលើឱវាទដែលលោកផ្ដល់ឲ្យឬ ?
-
តើខ្ញុំអាចផ្តល់ហេតុផលអ្វីខ្លះសម្រាប់ការធ្វើតាមឱវាទដ៏ព្យាករ ? តើមានរបៀបណាខ្លះដែលខ្ញុំពុះពារដើម្បីធ្វើតាមឱវាទរបស់ព្យាការីបាន ?
នៅពេលយើងសិក្សានៅក្នុងគម្ពីរអេម៉ុសនៅថ្ងៃនេះ ព្រះវិញ្ញាណបរិសុទ្ធអាចជួយអ្នករៀនបន្ថែមទៀតអំពីសារៈសំខាន់នៃព្រះបន្ទូលរបស់ព្រះ ដែលបានប្រទានដល់យើងតាមរយៈពួកព្យាការីរបស់ទ្រង់ ។ អ្នកប្រហែលជាចង់សរសេរការយល់ដឹង ឬសំណួរដែលអ្នកមាន ពេលអ្នកសិក្សានៅថ្ងៃនេះ ។
ព្រះអម្ចាស់បើកសម្តែងផែនការរបស់ទ្រង់តាមរយៈពួកព្យាការីរបស់ទ្រង់
នៅពេលការងារបម្រើរបស់ព្យាការីអេម៉ុសទៅកាន់នគរអ៊ីស្រាអែលភាគខាងជើង នោះរាស្ដ្រនៃសេចក្ដីសញ្ញារបស់ព្រះជាច្រើនបានបោះបង់ចោលទ្រង់ និងពួកព្យាការីរបស់ទ្រង់ ហើយបានដើរតាមផ្លូវដ៏ទុច្ចរិតនៃប្រជាជាតិជិតខាង ( សូមមើល អេម៉ុស ២:៦–១២ ) ។ ព្រះអម្ចាស់បានជ្រើសរើសអេម៉ុស ឲ្យហៅពួកគេឲ្យប្រែចិត្ត ។ អេម៉ុសបានព្យាករអំពីការបំផ្លិចបំផ្លាញ និងជាប់ជាឈ្លើយរបស់ស្តេចយេរ៉ូបោមទី ២ និងរាស្ដ្ររបស់ទ្រង់ ( សូមមើល អេម៉ុស ៧:៨–៩; ១១, ១៧ ) ។
សូមអាន អេម៉ុស ៧:១០–១៥ ដោយរកមើលពីរបៀបដែលអ័ម៉ាស៊ីយ៉ាដែលជាសង្ឃរបស់ស្តេចយេរ៉ូបោមទី ២ ឆ្លើយតបទៅនឹងឱវាទរបស់ព្យាករីអេម៉ុស ។
-
តើអ្នកបានរកឃើញអ្វីខ្លះ ?
-
អ្នកគិតថាហេតុអ្វីប្រជាជនគិតថាពួកគេមិនអាច « ទ្រាំនៅចំពោះពាក្យ[ របស់អេម៉ុស ]ទាំងប៉ុន្មានទេ » ( អេម៉ុស ៧:១០ ) ហើយចង់ឲ្យលោកទៅព្យាករនៅកន្លែងផ្សេងទៀត ( សូមមើល អេម៉ុស ៧:១២ ) ?
-
អ្នកគិតថា ហេតុអ្វីព្យាការីរបស់ព្រះនៅតែបន្តបង្រៀន សូម្បីតែនៅពេលដែលមនុស្សមួយចំនួនមើលឃើញថាពួកលោកជាមនុស្សមិនពេញនិយម មិនយល់ ឬមិនត្រូវការក៏ដោយ ?
ប្រសិនបើសិស្សមិនលើកឡើងទេ អ្នកអាចសួរអំពីអ្វីដែលអេម៉ុសបានធ្វើមុនពេលត្រូវបានហៅឲ្យធ្វើជាព្យាការី ( សូមមើល អេម៉ុស ៧:១៤ ) ហើយនិងអ្វីដែលព្រះអម្ចាស់បានធ្វើនៅក្នុង ខទី ១៥ ដើម្បីហៅអេម៉ុសឲ្យធ្វើជាព្យាការី ។ សូមពន្យល់ថា ដូចជា យ៉ូសែប ស្ម៊ីធ និងអ្នកដទៃទៀតដែរ ព្រះអម្ចាស់មិនតម្រូវឲ្យព្យាការីរបស់ទ្រង់មានឋានៈខ្ពង់ខ្ពស់ ឬសមិទ្ធផលនានាមុនពេលទ្រង់ហៅពួកលោកឲ្យធ្វើជាព្យាការីឡើយ ។ ប្រសិនបើសិស្សត្រូវការជំនួយក្នុងការឆ្លើយសំណួរនេះ អ្នកប្រហែលជាចង់ចែកចាយសេចក្ដីថ្លែងការណ៍មកពីប្រធាន ណិលសុន នៅក្នុង « ធនធានបន្ថែមទាំងឡាយ » នៃមេរៀននេះនៅក្នុងបណ្ណាល័យដំណឹងល្អ ។
នៅជំពូកពីរបីមុននេះ ព្រះអម្ចាស់បានបើកសម្ដែងសេចក្ដីពិតដ៏មានឥទ្ធិពលអំពីទ្រង់ផ្ទាល់ និងពួកព្យាការីរបស់ទ្រង់តាមរយៈអេម៉ុស ។
អេម៉ុស ៣:៧ គឺជាវគ្គចំណេះចំណានខាងគោលលទ្ធិមួយ ។ សូមពិចារណាអញ្ជើញសិស្សឲ្យគូសចំណាំវគ្គបទគម្ពីរចំណេះចំណានខាងគោលលទ្ធិតាមរបៀបដែលងាយចំណាំ ដើម្បីឲ្យពួកគេអាចងាយរកវាឃើញ ។
សូមអាន អេម៉ុស ៣:៧–៨ ដោយរកមើលអ្វីដែលព្រះអម្ចាស់នឹងធ្វើជានិច្ចតាមរយៈពួកព្យាការីរបស់ទ្រង់ ។
វាអាចមានប្រយោជន៍សម្រាប់សិស្សដើម្បីដឹងថា ពាក្យផ្សេងទៀតសម្រាប់ពាក្យ លាក់កំបាំង រួមមាន ដំបូន្មាន ឬ ផែនការ ។
-
តើយើងអាចរៀនអ្វីខ្លះចេញមកពីខគម្ពីរទាំងនេះអំពីព្រះអម្ចាស់ ?
សិស្សអាចប្រើពាក្យពេចន៍ខុសគ្នាដើម្បីស្វែងរកថា ព្រះអម្ចាស់បើកសម្តែងផែនការរបស់ទ្រង់តាមរយៈពួកព្យាការីរបស់ទ្រង់ ។ អ្នកអាចនឹងចែកចាយ ជាឧទាហរណ៍នៃសេចក្ដីពិតនេះថា មុននឹងយូដា និងអ៊ីស្រាអែលត្រូវបានបំផ្លាញនៅទីបំផុត ដោយសារតែអំពើទុច្ចរិតរបស់ប្រជាជន ព្រះអម្ចាស់បានបើកសម្ដែងនូវអ្វីដែលនឹងកើតឡើង ប្រសិនបើប្រជាជនមិនប្រែចិត្តនោះទេ ( សូមមើល អេម៉ុស ២:៤–៦, ៨:១១–១២ ) ។
នៅពេលមេរៀននេះបន្ត សូមរកមើលរបៀបដើម្បីបញ្ជាក់ថាព្រះអម្ចាស់ស្រឡាញ់យើង ហើយចង់ដឹកនាំយើង ។
-
តើសេចក្ដីពិតនេះអាចបង្រៀនអ្នកអ្វីខ្លះអំពីមូលហេតុដែលវាសំខាន់សម្រាប់អ្នកក្នុងការស្តាប់តាមព្យាការី ដោយមិនគិតពីរបៀបដែលអ្នកដទៃឆ្លើយតបនឹងប្រសាសន៍របស់លោកនោះ ?
ការធ្វើតាមពួកព្យាការីរបស់ព្រះអម្ចាស់
សកម្មភាពខាងក្រោមគឺជារបៀបមួយដើម្បីជួយសិស្សឲ្យពង្រឹងការយល់ដឹងរបស់ពួកគេថា ព្រះវរបិតាសួគ៌ និងព្រះយេស៊ូវគ្រីស្ទ បើកសម្តែងសេចក្តីពិតតាមរយៈពួកព្យាការីរបស់ទ្រង់ទាំងទ្វេ ។ សូមពិចារណារៀបចំសិស្សជាក្រុមតូចៗ ហើយបង្ហាញជំហាននៃសកម្មភាពម្តងមួយៗ ។
រំឭកឡើងវិញនូវមតិយោបល់នៅលើប្រព័ន្ធផ្សព្វផ្សាយសង្គមនៅដើមមេរៀននេះ ហើយជ្រើសរើសមួយ ។ សកម្មភាពខាងក្រោមអាចជួយអ្នករៀបចំខ្លួនដើម្បីសរសេរការឆ្លើយតបមួយ ។
-
សូមអានឡើងវិញ អេម៉ុស ៣:៧ ហើយពិចារណាពីរបៀបដែលវាអាចជួយបុគ្គលម្នាក់ដែលបានបញ្ចេញមតិយោបល់នោះ ។ សូមអានផងដែរនូវវគ្គបទគម្ពីរចំណេះចំណានខាងគោលលទ្ធិខាងក្រោម ដោយរកមើលពីរបៀបដែលវាអាចជួយបាន ។ ( ពិចារណាធ្វើការភ្ជាប់ ឬសេចក្តីយោងបទគម្ពីរទាំងនេះជាមួយ ម៉ូសាយ ៣:៧ ) ។
-
អេសេគាល ៣:១៦–១៧
-
-
សូមបញ្ចូលយ៉ាងហោចណាស់ពរជ័យពីរដែលអាចកើតមាននៅពេលអ្នកស្តាប់តាមព្យាការីរបស់ព្រះ ។ អ្នកអាចស្វែងរកឧទាហរណ៍នៅក្នុងព្រះគម្ពីរ ដំណើររឿងចេញមកពីប្រវត្តិសាសនាចក្រ ឬការបង្រៀនមកពីព្យាការីសព្វថ្ងៃនេះ ។ សូមព្យាយាមចែកចាយឧទាហរណ៍មួយដែលពាក្យសម្តីរបស់ព្យាការីបានធ្វើឲ្យមានភាពខុសគ្នាជាវិជ្ជមាននៅក្នុងជីវិតរបស់អ្នក ។
អ្នកអាចចែកចាយឧទាហរណ៍មួយចំនួនខាងក្រោមជាមួយសិស្ស តាមតម្រូវការ ៖
-
តាមរយៈព្យាការីណូអេរបស់ទ្រង់ ព្រះអម្ចាស់បានព្រមានប្រជាជនថា ប្រសិនបើពួកគេមិនប្រែចិត្តទេ នោះពួកគេនឹងត្រូវបំផ្លាញដោយទឹកជំនន់ ( សូមមើល ម៉ូសេ ៨:២២–៣០; លោកុប្បត្តិ ៧:១៧–២៤ ) ។
-
ព្យាការីអេសាយបានព្យាករអំពីអ្វីដែលព្រះអង្គសង្គ្រោះនឹងទទួលបទពិសោធន៍តាមរយៈដង្វាយធួនរបស់ទ្រង់ ( សូមមើល អេសាយ ៥៣:៣–៥ ) ។
-
ព្រះវិហារដែលផ្ដោតលើគេហដ្ឋាន និងដែលគាំទ្រពីសាសនាចក្រ « រៀបចំយើង … ពីមុនមានតម្រុយណាមួយនៃជំងឺរាតត្បាត ដែលអាចធ្វើឲ្យយើងស៊ូទ្រាំនឹងបញ្ហាប្រឈមដែលកើតមាន » ( ហ្គែរី អ៊ី ស្ទីវ៉ែនសុន « Highly Favored of the Lord » Liahona ខែវិច្ឆិកា ឆ្នាំ២០២០ ទំព័រ ១០៣ ) ។
ការឆ្លើយតបរបស់ខ្ញុំ
ដោយប្រើអ្វីដែលអ្នកបានរៀន និងមានអារម្មណ៍នៅថ្ងៃនេះ សូមសរសេរការឆ្លើយតបដ៏មានប្រយោជន៍ចំពោះមតិអវិជ្ជមានមួយនៅដើមមេរៀន ។ សូមប្រាកដថាត្រូវរួមបញ្ចូលយ៉ាងហោចណាស់ខគម្ពីរមួយ និងឧទាហរណ៍មួយដែលអាចជាបទពិសោធន៍ផ្ទាល់ខ្លួន ។
សូមអញ្ជើញសិស្សស្ម័គ្រចិត្តពីរបីនាក់ឲ្យចែកចាយចម្លើយរបស់ពួកគេ ។ សូមពិចារណាចែកចាយនូវអ្វីដែលព្រះវិញ្ញាណបរិសុទ្ធបានបង្រៀនអ្នកអំពីសេចក្តីស្រឡាញ់ និងការដឹកនាំរបស់ព្រះតាមរយៈពួកព្យាការីរបស់ទ្រង់ ។
ទន្ទេញ
អ្នកអាចចង់ជួយសិស្សឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះអំឡុងមេរៀននេះ ហើយរំឭកវាក្នុងមេរៀនក្រោយៗទៀត ។ ឃ្លាបទគម្ពីរគន្លឹះសម្រាប់ អេម៉ុស ៣:៧ គឺ « ព្រះយេហូវ៉ាទ្រង់ …សម្តែងឲ្យពួកហោរា ជាអ្នកបម្រើទ្រង់ឃើញគំនិតលាក់កំបាំងរបស់ទ្រង់ផង » ។ គំនិតសម្រាប់សកម្មភាពទន្ទេញ មាននៅក្នុងឯកសារឧបសម្ព័ន្ធដែលនៅក្រោម « សកម្មភាពរំឭកចំណេះចំណានខាងគោលលទ្ធិឡើងវិញ » ។