Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հովել. «Իմ հոգին պիտի թափեմ»

«Հովել. «Իմ հոգին պիտի թափեմ»», Հին Կտակարան․ Սեմինարիայի ուսուցչի ձեռնարկ (2026)

«Հովել. «Իմ հոգին պիտի թափեմ»», Հին Կտակարան․ Սեմինարիայի ուսուցչի ձեռնարկ

Ովսեե 1–6, 10–14, Հովել․ Դաս 147

Հովել

«Իմ հոգին պիտի թափեմ»

Սա Երկրի վրա ապրելու համար հրաշալի ժամանակ է: Տիրոջ մարգարեություններից և խոստումներից շատերը կատարվում են: Դրանց թվում է Տիրոջ` «Իմ հոգին պիտի թափեմ ամեն մարմնի վրա» խոստումը (Հովել 2.28, տես նաև Ջոզեֆ Սմիթ—Պատմություն 1.41): Մտածեք դրա մասին. աշխարհի Արարիչը ցանկանում է օրհնել ձեզ Իր Հոգով: Այս դասը կօգնի ուսանողներին մեծացնել Սուրբ Հոգու միջոցով Տիրոջից անձնական հայտնություն ստանալու իրենց կարողությունը:

Ուսանողի նախապատրաստում. ուսանողներին տվեք «Ի՞նչ կարող եմ անել, որ ավելի շատ անձնական հայտնություն ստանամ իմ կյանքում» հարցը Առաջարկեք նրանց մտածել տարբեր եղանակների մասին, որոնցով կարող են պատասխանել հարցին: Հարցի պատասխանները ստանալու համար նրանք կարող են նաև դիտարկել Սուրբ գրությունները կամ Եկեղեցու ղեկավարների ուսմունքները կամ հարցնել մարդկանց, որոնց վստահում են:

Հնարավոր ուսումնական վարժություններ

Անձնական հայտնություն ստանալու մեր կարողությունը

Կարող եք դասարան բերել տարբեր չափերի տարաներ կամ նկարել դրանք գրատախտակին: Օրինակ` կարող եք բերել (կամ նկարել գրատախտակին) մի փոքր բաժակ, սափոր և մեծ դույլ: Ուսանողներին խնդրեք կիսվել, թե որ տարան կընտրեն իրենք՝ ջուր, գումար կամ այլ իրեր տեղադրելու համար և խնդրեք բացատրել, թե ինչու են ընտրել հատկապես այդ տարան:

Ցուցադրեք հետևյալ խոսքերը և ուսանողներին առաջարկեք քննարկել ուղեկցող հարցը զուգընկերոջ կամ փոքր խմբով: Անհրաժեշտության դեպքում բացատրեք, որ կարողություն բառը կարող է նշանակել այն առավելագույն քանակությունը, որն ինչ-որ բան կարող է պարունակել իր մեջ:

Նախագահ Ռասսել Մ. Նելսոնն արել է հետևյալ հրավերը․

Իմ սիրելի՛ եղբայրներ և քույրեր, աղերսում եմ ձեզ մեծացնել հայտնություն ստանալու ձեր հոգևոր կարողությունը: ․․․ Ընտրեք կատարել պահանջվող հոգևոր աշխատանքը՝ վայելելով Սուրբ Հոգու պարգևը և ավելի հաճախ ու ավելի հստակ լսելով Հոգու ձայնը: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 96)

Ինչպե՞ս կարող եք օգտագործել տարբեր տարաները՝ բացատրելու մարդուն, թե ինչ է նշանակում «մեծացնել հայտնություն ստանալու [մեր] հոգևոր կարողությունը»:

Նախագահ Նելսոնի հրավերը քննարկելուց հետո կարող եք ցույց տալ տարաները և առաջարկել ուսանողներին հանգիստ խորհել հայտնություն ստանալու իրենց անձնական հոգևոր կարողության շուրջ: Նրանք կարող են հետևյալ հարցերի իրենց պատասխանները գրել իրենց օրագրերում:
Ըստ ձեզ, ո՞ր տարան է լավագույնս ներկայացնում անձնական հայտնություն ստանալու ձեր ներկայիս կարողությունը: Ինչո՞ւ։
Ձեր կյանքի ո՞ր փորձառությունները կարող են օգտակար լինել՝ Աստծուց ավելի շատ անձնական հայտնություն ստանալու համար:

Կարող եք բացատրել, որ սեմինարիան հնարավորություններ է տալիս «կատարելու պահանջվող հոգևոր աշխատանքը»՝ անձնական հայտնություն ստանալու համար: Խրախուսեք ուսանողներին գործադրել հետևյալ ջանքերը․ լուռ աղոթել, մեկնաբանություններ անել, նշել սուրբ գրությունները կամ գրել իրենց մտքերն իրենց օրագրերում: Երբ նրանք այս կերպ ներգրավվեն և մասնակցեն գործընթացին, Սուրբ Հոգին կարող է ուսուցանել նրանց, թե ինչպես կարող են մեծացնել անձնական հայտնություն ստանալու իրենց կարողությունը:

Աստված Իր հոգին պիտի թափի

Հովելը մարգարեացել է սարսափելի իրադարձությունների մասին, որոնք պետք է նախորդեն Հիսուս Քրիստոսի երկրորդ գալուստին (տես Հովել 2.1–11): Հովելը նաև մարգարեացել է մեծ խոստումների մասին, որոնք Տերը կկատարի՝ Իր ժողովրդին վերջին օրերում օգնելու համար:

Կարդացեք Հովել 2.21 հատվածը և հատվածներ 22 և 23-ի առաջին տողերը: Նշեք այն խորհուրդը, որը Տերը տվել է Իր արարչագործություններին վերջին օրերում:

Ի՞նչ «մեծ բաներ» են արել Երկնային Հայրը և Հիսուս Քրիստոսը, որոնք կարող են օգնել ձեզ «չվախենալ» և «ուրախանալ»:

Կարդացեք Հովել 2․27–29 հատվածները՝ փնտրելով այն մեծ բաները, որոնք Տերը խոստացել է անել վերջին օրերում:

Ի՞նչ նկատեցիք այս հատվածներում, որը կարելի է համարել «մեծ»:

Ուսանողները կարող են արտահայտել բազմաթիվ ճշմարտություններ, ներառյալ այն, որ Տերը կթափի Իր Հոգին բոլոր մարդկանց վրա վերջին օրերում։ Կարող եք կիսվել, որ Մորոնի հրեշտակը կրկնեց այդ մարգարեությունը, երբ այցելեց Ջոզեֆ Սմիթին (տես Ջոզեֆ Սմիթ – Պատմություն 1.41):
Ինչպիսի՞ եղանակներով Տերը կարող է թափել Իր Հոգին:

Այս մարգարեությունը կարող է ունենալ մի քանի նշանակություն և իրականացում։ Եղանակներից մեկը, որով Տերը Իր հոգին թափում է մեզ վրա՝ մեզ անձնական հայտնություն տալն է:

Եթե դուք տարաներ եք բերել դասարան, կարող եք ցույց տալ, թե ինչ տարբերություն կա տարայի մեջ ջուրը լցնելու, կաթեցնելու և ցողելու միջև: Քննարկեք Տիրոջ՝ Իր հոգին մեզ վրա թափելու խոստման կարևորությունը։
Ինչպե՞ս կարող ենք ճանաչել այն հայտնությունը, որը Տերը թափում է մեզ վրա:

Եթե ուսանողները նախորդ հարցին պատասխանելու համար օգնության կարիք ունենան, կարող եք դասարանի մի կեսին առաջարկել կարդալ Գաղատացիներին 5.22–23 հատվածները, իսկ մյուս կեսին՝ Վարդապետություն և Ուխտեր 11.12–13 հատվածները, ապա կիսվել իրենց գտածով: Ուսանողների համար օգտակար կլինի նաև քննարկել ամեն մարմին արտահայտության նշանակությունը Հովել 2.28 հատվածում և դրա հետագա բացատրությունը հատված 29-ում։ Օգնեք նրանց հասկանալ, որ այս խոստումը վերաբերում է Երկնային Հոր բոլոր զավակներին՝ կանանց և տղամարդկանց:
Ի՞նչ է դա ուսուցանում ձեզ համար ունեցած Երկնային Հոր ցանկությունների մասին:

Մեծացնել մեր կարողությունները

Երբ ուսանողները կատարեն աշխատաթերթի առաջադրանքները, առաջարկեք նրանց ընտրել մեկ կամ երկու առաջարկ, որոնք, ըստ իրենց, առավել օգտակար կլինեն դեռահասներին՝ անձնական հայտնություն ստանալու համար: Առաջարկեք նրանց գրել այդ առաջարկներն առանձին թղթի վրա և տեղադրել դրանք ամենամեծ տարայի մեջ, որը բերել եք դասարան: Կարող եք ասել, որ ամենամեծ տարան կարող է խորհրդանշել հայտնություն ստանալու մեր կարողությունը մեծացնելու կարիքը:

Կարող եք գրատախտակին գրել հետևյալ հրահանգները։

Կիսվեք հետևյալ արտահատություններով, որոնք կապված են առաջարկի հետ.

Անձնական փորձառություն
Որոշ խորհուրդներ
Սուրբ գրություն կամ արտահայտություն
Հարց

Ուսանողներից մի քանիսին առաջարկեք հաջորդաբար թուղթ հանել տարայից: Նրանք կարող են դասարանի համար կարդալ իրենց հանած առաջարկը, ապա գրատախտակից ընտրել մի բան, որով կցանկանային կիսվել, կամ կարող են խնդրել դասարանին կիսվել դրանով:

Հաշվի առեք դասին հատկացված ձեր ժամանակը և ձեր ուսանողների ներգրավվածության մակարդակը, երբ որոշեք, թե քանի առաջարկ պետք է քննարկել: Համոզվեք, որ բավականաչափ ժամանակ եք տրամադրել ուսանողներին՝ կիրառելու իրենց սովորածը:

Կիրառեք ձեր սովորածը

Կրկին մտածեք, թե ձեր կյանքի որ փորձառությունները կարող են օգտակար լինել՝ Աստծուց ավելի շատ անձնական հայտնություն ստանալու համար:
Ձեր օրագրում նկարեք մի տարա, որի մեջ ինչ-որ բան է լցվում:
Գրեք ձեր տարայի վրա մեկ կամ երկու բան, որը կանեք՝ մեծացնելու ձեր կարողությունը, որպեսզի ստանաք այն հայտնությունը, որը Տերը թափում է ձեզ վրա: Կարող եք ավելացնել որոշակի մանրամասներ այն մասին, թե ինչպես կարող եք փորձել արդյունավետ կերպով անել այդ բաները:

Պատրաստակամ ուսանողներին խնդրեք կիսվել իրենց գրածով:

Օժանդակ նյութեր

Ուրիշ ինչպե՞ս է իրականացվել Հովելի մարգարեությունը։

Gospel Library հավելվածի Թեմաներ և հարցեր բաժնում մենք կարդում ենք․

Հիշեք, որ ամեն բարի բան գալիս է Աստծուց։ Երբ Մորոնի հրեշտակը հայտնվեց Ջոզեֆ Սմիթին, նա մեջբերեց Հովել մարգարեի խոսքերը, որ Տերը կթափի Իր Հոգին ամեն մարմնի վրա վերջին օրերում [տես Հովել 2․28–32]։ Թեև աշխարհում շատ չարիք կա, այն նաև լցված է բարությամբ և ճշմարտությամբ: Դա վերաբերում է նաև գիտության և բժշկության ոլորտում հաջողություններին և մարդու հանդեպ հարգանքը մեծացնելու ջանքերին: Եկեղեցու ղեկավարներն ուսուցանել են, որ Աստված խոսում է յուրաքանչյուր մշակույթի մարդկանց հետ: («Ընդունեք հայտնությունը որպես գործընթաց», Թեմաներ և հարցեր, Gospel Library հավելված)

Ինչպե՞ս կարող եմ ճանաչել Երկնային Հոր և Հիսուս Քրիստոսի հայտնությունը:

Նախագահ Ռասսել Մ. Նելսոնը բացատրել է․

24:24

Մենք … ավելի հստակ ենք լսում Նրան, երբ բարելավում ենք Սուրբ Հոգու շշուկները ճանաչելու մեր ունակությունը։ Երբեք այնքան հրատապ չի եղել իմանալ, թե ինչպես է Հոգին խոսում ձեզ հետ, որքան հիմա: Աստվածագլխում Սուրբ Հոգին է սուրհանդակը: Նա կհուշի այնպիսի մտքեր, որոնք Հայրը և Որդին ցանկանում են, որ դուք ստանաք։ Նա Մխիթարիչն է: Նա խաղաղության զգացողություն կբերի ձեր սրտին: Նա վկայում է ճշմարտության մասին և կհաստատի ճշմարտությունը, երբ լսեք և կարդաք Տիրոջ խոսքը: («Լսի՛ր Նրան», Լիահոնա, մայիս 2020, 90)

Լրացուցիչ ուսումնական վարժություններ

Մորոնին ուսուցանում է Ջոզեֆ Սմիթին

Երբ ուսանողները քննարկեն Հովել 2.21–23 հատվածները, ցուցադրեք Մորոնի հրեշտակի նկարը, որը հայտնվել էր Ջոզեֆ Սմիթին: Բացատրեք, որ Մորոնին կիսվել է մեծ բաներով, որը Տերը արել է և դեռ կանի: Ուսանողներին առաջարկեք կիսվել զուգընկերոջ հետ, թե ինչ գիտեն այդ պատմության մանրամասների մասին:

Կարդացեք Ջոզեֆ Սմիթ – Պատմություն 1.41 հատվածը՝ փնտրելով սուրբգրային հատվածներից մեկը, որը Մորոնին մեջբերել է Ջոզեֆ Սմիթին:

Ի՞նչ գտաք:

Երբ այս դասի ընթացքում ավելին իմանաք Հովելի մարգարեության մասին, փնտրեք, թե այս մարգարեությունն ինչու կարող էր նշանակալից լինել Ջոզեֆ Սմիթի համար, և այն ինչու կարող է կարևոր լինել ձեզ համար:

Ո՞վ կարող է դիմանալ դրան։

Հովել 2 գլխի առաջին մասն ամփոփելու փոխարեն, ուսանողներին առաջարկեք կարդալ Հովել 2.1–10 հատվածները՝ փնտրելով որոշ իրադարձություններ, որոնց մասին մարգարեացել էր Հովելը, որ պետք է իրականանան Փրկչի Երկրորդ Գալուստից առաջ:

Ըստ ձեզ, այս բաներից որո՞նք են տեղի ունենում մեր օրերում:

Կարդացեք Հովել 2.11 հատվածը՝ փնտրելով այն հարցը, որը տվել է Հովելը՝ վերջին օրերի իրադարձությունները նկարագրելուց հետո:

Ինչպե՞ս կվերաձևակերպեք հարցը ձեր բառերով։ Ինչպե՞ս կարող եք դրան պատասխանել:

Նախագահ Ռասսել Մ. Նելսոնն ուսուցանել է․

Գալիք օրերում հնարավոր չի լինի հոգևորապես գոյատևել՝ առանց Սուրբ Հոգու առաջնորդության, ուղղորդման, մխիթարող և մշտական ազդեցության: («Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 96)

Ըստ ձեզ, Սուրբ Հոգին ինչպե՞ս կարող է օգնել մեզ գոյատևել Հովելի կողմից մարգարեացված իրադարձությունների ժամանակ:

Մտապահել սուրբ գրությունները

Երբ ուսանողները կարդան Հովել 2.21–23 հատվածները, ժամանակ տրամադրեք նրանց՝ մտապահելու հատված 21-ը։ Նրանք կարող են «O land» բառը փոխարինել իրենց անունով՝ հատվածի համապատասխանությունը մեծացնելու համար: Կարող եք նաև առաջարկել ուսանողներին խաչաձև հղում կատարել կամ կապել Հովել 2.21 հատվածը Վարդապետություն և Ուխտեր 6.36 վարդապետության սերտման հատվածի հետ:

Ժամանակակից օրինակ

Ուսանողների համար կարող է հետաքրքիր լինել տեսնել Հովելի մարգարեությունների որոշ օրինակները։ Կարող եք դիտել «Սրբերի ուրախությունը» տեսանյութը՝ 4:24-5:19։ Այդ պատմության մեջ Տասներկու Առաքյալների Քվորումից երեց Դ. Թոդ Քրիստոֆերսոնը պատմում է, թե Աստված ինչպես է առաջնորդել մի երիտասարդ կնոջ՝ երազի միջոցով գտնելու Իր վերականգնված ավետարանը:

14:32