Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Ezekiel 37: Bibla dhe Libri i Mormonit Dëshmojnë për Jezu Krishtin

“Ezekiel 37: Bibla dhe Libri i Mormonit Dëshmojnë për Jezu Krishtin”, Manuali i Mësuesit të Seminarit për Dhiatën e Vjetër (2026)

“Ezekiel 37: Bibla dhe Libri i Mormonit Dëshmojnë për Jezu Krishtin”, Manuali i Mësuesit të Seminarit për Dhiatën e Vjetër

Ezekiel 1–3; 33–34; 36–37; 47: Mësimi 140

Ezekiel 37

Bibla dhe Libri i Mormonit Dëshmojnë për Jezu Krishtin

2026 Old Testament Seminary Teacher Materials

Tek Ezekiel 37, Ezekieli pa një mbledhje dhe ribashkim të ardhshëm të të gjitha fiseve të Izraelit te Zoti (shih tek Ezekiel 37:20–28). Profetët bashkëkohorë kanë interpretuar edhe vegimin e Ezekielit si druri i Judës (Bibla) dhe druri i Jozefit (Libri i Mormonit) të bashkuar si dëshmi plotësuese për Jezu Krishtin dhe ungjillin e Tij të rivendosur (shih tek Ezekiel 37:15–17). Ky mësim mund t’i ndihmojë nxënësit të kuptojnë mënyrat se si Bibla dhe Libri i Mormonit bashkëpunojnë si dëshmitarë të Jezu Krishtit dhe ungjillit të Tij.

Përgatitja e nxënësve: Ftojini nxënësit të imagjinojnë sikur pyeten: “Përse ju nevojitet Libri i Mormonit nëse besoni te Bibla?” dhe të përgatiten për të treguar se si do të përgjigjeshin. Ata mund ta pyesin një shok ose pjesëtar të familjes se si do t’i përgjigjej pyetjes.

Veprimtari të Mundshme të të Mësuarit

Një dëshmi e dytë e sigurt

Imagjino sikur sheh një publikim në rrjetet sociale me pyetjen: “Përse të nevojitet Libri i Mormonit nëse beson te Bibla?”

Ju mund t’i ftoni nxënësit ta përsiatin këtë pyetje ndërkohë që e shkruani atë në tabelë. Më pas, ftojini nxënësit t’i bëjnë vetes pyetjen:

Sa i/e sigurt ndihesh në aftësinë tënde për t’iu përgjigjur kësaj pyetjeje?
Nëse një shok do të ta bënte këtë pyetje, çfarë do t’i thoshe?

Ndërsa lexon tek Ezekiel 37 sot, ftoje Shpirtin të të ndihmojë të dallosh mënyrat se si Bibla dhe Libri i Mormonit dëshmojnë për Jezu Krishtin dhe ungjillin e Tij. Në fund të mësimit, ti do të kesh një mundësi për të ushtruar dhënien e përgjigjes për këtë pyetje.

Druri i Judës dhe druri i Jozefit

Profeti Ezekiel u dërgua t’u predikonte pendimin izraelitëve që ishin të robëruar në Babiloni. Tek Ezekiel 37, profeti shënoi një vegim në të cilin Zoti dha mësimin se Shtëpia e Izraelit, e vdekur shpirtërisht për shkak të braktisjes, do të kthehej në jetë nëpërmjet Rivendosjes së ungjillit. Si pjesë e vegimit, Ezekieli pa dy drurë ose pllaka druri mbi të cilat do të shkruheshin mesazhe.

Ndërsa nxënësit e studiojnë paragrafin vijues, nëse dëshironi, mund të vini në dukje se “druri i Judës” i referohet Biblës. “Druri i Jozefit” i referohet Librit të Mormonit (shihni tek Udhëzuesi për Shkrimet e Shenjta, “Efraim”; “Juda”). Nxënësit mund ta përfshijnë këtë informacion si një shënim në shkrimet e tyre të shenjta pranë vargut 16.

Ezekiel 37:15–17 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo tek Ezekiel 37:15–20, duke kërkuar premtimin e Zotit rreth shkrimeve të shenjta në ditët e mëvonshme.

Çfarë mendon se mund të nënkuptojë fraza “të bëhen një gjë e vetme në dorën tënde” (vargu 17)?

Për të na ndihmuar të kuptojmë mënyrën se si Bibla dhe Libri i Mormonit do të bëheshin “një” dëshmi për Shpëtimtarin, Presidenti Rasëll M. Nelson dha mësim:

14:33

“Bibla dhe Libri i Mormonit janë që të dy dëshmi për Jezu Krishtin. Ata na mësojnë se Ai është Biri i Perëndisë, se Ai jetoi një jetë shembullore, se Ai shleu për gjithë njerëzimin, se Ai vdiq mbi kryq dhe u ngrit sërish si Zot i ringjallur. Ata na mësojnë se Ai është Shpëtimtari i botës.

Dëshmitë e shkrimeve të shenjta vërtetojnë njëra-tjetrën. Ky koncept u shpjegua shumë kohë më parë kur një profet shkroi se Libri i Mormonit ‘është shkruar me qëllim që ju të mund të besoni në [Bibël]; dhe në qoftë se besoni në [Bibël], ju do besoni [Librin e Mormonit] gjithashtu’ (Mormoni 7:9). Secili libër i referohet tjetrit. Secili libër qëndron si provë se Perëndia jeton dhe i flet fëmijëve të Tij me anë të zbulesave drejtuar profetëve të Tij. …

Sot, shenjtorët që jetojnë në shumë kombe të tokës e mbajnë me mirënjohje Biblën (bastun i Judës) dhe Librin e Mormonit (bastun i Efraimit) të lidhur si një gjë e vetme në duart e tyre.” (“Dëshmi Shkrimesh të Shenjta”, Liahona, nëntor 2007, f. 43, 44)

Si do ta përmblidhje atë që mësojmë nga vargjet tek Ezekiel 37:15–20 dhe Presidenti Nelson?

Megjithëse nxënësit mund të përdorin fjalë të ndryshme, ndihmojini ata të tregojnë një të vërtetë të tillë si Bibla dhe Libri i Mormonit dëshmojnë të dy për Jezu Krishtin.
Përse mendon se është e rëndësishme t’i kemi të dy, Biblën dhe Librin e Mormonit, që dëshmojnë për Jezu Krishtin?

Dëshmi plotësuese për Jezu Krishtin

Veprimtaria vijuese mund t’i ndihmojë nxënësit të rritin kuptueshmërinë për mënyrën se si Bibla dhe Libri i Mormonit dëshmojnë të dy për Jezu Krishtin dhe ungjillin e Tij.

Mund të jepni një pjesë ose të gjithë tabelën e mëposhtme. Nxënësit mund të përzgjedhin njërën ose më shumë tema për t’i studiuar individualisht, me një partner ose në një grup të vogël.

Tema e Ungjillit	Shkrime të shenjta plotësuese
Tema e Ungjillit Shlyerja e Jezu Krishtit	Shkrime të shenjta plotësuese Bibla: Isaia 53:3–5 Libri i Mormonit: Alma 7:11–13
Tema e Ungjillit Ringjallja e të gjithëve për shkak të Jezu Krishtit	Shkrime të shenjta plotësuese Bibla: 1 Korintasve 15:20–22 Libri i Mormonit: Alma 11:42–45
Tema e Ungjillit Shpëtimtari premton ta mbledhë dhe ta shëlbojë popullin e Tij	Shkrime të shenjta plotësuese Bibla: Ezekiel 37:21–23, 26–27 Libri i Mormonit: 1 Nefi 10:14
Tema e Ungjillit Cilësitë e Jezu Krishtit	Shkrime të shenjta plotësuese Bibla: Isaia 63:7 Libri i Mormonit: Mosia 4:11
Tema e Ungjillit Ordinanca e pagëzimit e Shpëtimtarit	Shkrime të shenjta plotësuese Bibla: Mateu 3:13–17 Libri i Mormonit: 2 Nefi 31:5–12
Tema e Ungjillit Ti zgjidh një temë	Shkrime të shenjta plotësuese Bibla: Libri i Mormonit:

Mendoni për një mënyrë për t’i ndihmuar nxënësit ta tregojnë atë që kanë mësuar. Një mënyrë për ta bërë këtë është të siguroni fletushkën shoqëruese që nxënësit ta përdorin për të krijuar një publikim në rrjetet sociale. Nëse nxënësit nuk kanë njohuri për rrjetet sociale, mund ta përshtatni këtë veprimtari për t’i vënë nxënësit të interpretojnë me role atë që do t’i tregonin dikujt. Veprimtaria i fton nxënësit t’i përgjigjen pyetjes së ngritur në fillim të mësimit.

Përzgjidh njërën nga temat që studiove dhe krijo një publikim në rrjetet sociale që mund të përdoret për t’iu përgjigjur pyetjes: “Përse të nevojitet Libri i Mormonit nëse beson te Bibla?” Përfshi vargjet që studiove nga Bibla dhe Libri i Mormonit. Shpjego vlerën që gjen dhe mënyrën se si të dy japin mësim rreth Jezu Krishtit dhe ungjillit të Tij.

Tregoje atë që ke mësuar

Ju mund t’i ngjitni publikimet ose afishet e nxënësve në mur rreth e qark klasës ose mund t’i vendosni mbi tavolina. Më pas, ftojini nxënësit të ecin nëpër klasë dhe të shqyrtojnë punën e shokëve të tyre të klasës. Siguroni letra të vogla ose pusulla ngjitëse që nxënësit t’i përdorin ndërsa kryejnë udhëzimet vijuese.

Shkruaj një “koment” për njërin ose më shumë prej publikimeve të tjera në rrjetet sociale. Në komentin tënd plotëso të paktën një nga mundësitë vijuese:

Shto një referencë tjetër të shkrimit të shenjtë nga Bibla ose Libri i Mormonit, që mund ta ndihmojnë dikë të kuptojë më shumë rreth Shpëtimtarit dhe kësaj teme. Përfshi disa mendime rreth vlerës së shkrimit të shenjtë që dhe.
Trego se si Bibla dhe Libri i Mormonit të kanë ndihmuar ta kuptosh Shpëtimtarin dhe këtë mësim.
Shkruaj një përvojë që ke pasur kur shkrimet e shenjta nga Bibla dhe Libri i Mormonit ndihmuan të rritej dëshmia jote për Shpëtimtarin dhe ungjillin e Tij.
Në vend që t’i shkruash mendimet e tua në një letër, ndaj diçka që ke mësuar sot rreth Shpëtimtarit dhe mësimeve nga ungjilli i Tij në llogarinë tënde personale në rrjetet sociale. Përfshi fragmente të shkrimit të shenjtë dhe mënyrën se si Bibla dhe Libri i Mormonit të kanë ndihmuar ta kuptosh më mirë ungjillin e Jezu Krishtit.

Mund ta përmbyllni orën mësimore duke i ftuar nxënësit të vazhdojnë ta përdorin Biblën dhe Librin e Mormonit për të rritur kuptueshmërinë e tyre për Jezu Krishtin dhe ungjillin e Tij.

Mësoni Përmendsh

Nëse doni, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargjet tek “Ezekiel 37:15–17” është: “Bibla dhe Libri i Mormonit do të bëhen një gjë e vetme në dorën tënde.” Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Përse është e rëndësishme t’i kesh të dyja, Biblën dhe Librin e Mormonit?

Ndërkohë që shërbente në Presidencën e Të Shtatëdhjetëve, Plaku Ted R. Kelister dha mësim:

10:15

“A e keni pyetur ndonjëherë veten pse ka kaq shumë fe të krishtera në botë sot kur ato e marrin doktrinën e tyre kryesisht nga e njëjta Bibël? Kjo ndodh sepse ato e interpretojnë Biblën në mënyra të ndryshme. Nëse ato do ta interpretonin njësoj, ato do të ishin e njëjta kishë. Kjo nuk është gjendja që Zoti dëshiron, pasi apostulli Pal shpalli se ‘është një Zot i vetëm, një besim i vetëm, një pagëzim i vetëm’ (Efesianëve 4:5). Për të ndihmuar që të ndodhë ky unitet, Zoti vendosi një ligj hyjnor dëshmitarësh. Pali dha mësim: ‘Çdo gjë do të qëndrojë me gojën e dy a tre dëshmitarëve’ (2 Korintasve 13:1).

Bibla është njëri dëshmitar i Jezu Krishtit; Libri i Mormonit është tjetri.” (“Libri i Mormonit – një Libër nga Perëndia”, Liahona, nëntor 2011, f. 75).

Plaku L. Tom Peri (1922–2015), i Kuorumit të Dymbëdhjetë Apostujve, tha:

14:28

“As Bibla as Libri i Mormonit të veçuara nuk janë të mjaftueshme. Të dyja janë të nevojshme për ne për të na dhënë mësim dhe për të na mësuar doktrinën e gjerë dhe të plotë të Krishtit. Nevoja për tjetrën nuk zvogëlon asnjërën prej tyre. Si Bibla edhe Libri i Mormonit janë të nevojshme për shpëtimin dhe ekzaltimin tonë. Sikurse Presidenti Ezra Taft Benson dha mësim kaq fuqishëm: ‘Kur përdoren së bashku, Bibla dhe Libri i Mormonit shkatërrojnë doktrinat e rreme’ (“A New Witness for Christ”, Ensign, nëntor 1984, f. 8).” (“Fuqia e Çlirimit”, Liahona, maj 2012, f. 96).

Veprimtari Plotësuese të të Mësuarit

Mesazhi i Librit të Mormonit

Në mësim, para se nxënësit të krijojnë një publikim për rrjetet sociale nga ajo që kanë studiuar, mund të jetë e dobishme të jepni një shembull të kohëve të fundit nga llogaria në rrjetet sociale e një udhëheqësi të Kishës. Përndryshe, mund të shfaqni materialin filmik “What Is the Book of Mormon?” [“Çfarë Është Libri i Mormonit?”] (0:57) nga ChurchofJesusChrist.org, që demonstron mënyrën se si Libri i Mormonit është një dëshmi shoqëruese për Biblën e Jezu Krishtit.

1:0

Bekimi i dy dëshmitarëve

Për të mësuar rëndësinë e të pasurit të një dëshmie të dytë për të vërtetat e rëndësishme mund të përdoret një mësim me sende. Në fillim të mësimit, vendosni një copë letër në tabelë me një magnet në qendër të saj. Ftojini nxënësit të mendojnë në sa mënyra të ndryshme mund ta rrotullojnë letrën me vetëm një magnet që e mban atë në vend. Më pas, vendosni një magnet të dytë mbi letër dhe ftojini nxënësit të tregojnë ndryshimet që shohin. Një mënyrë tjetër për ta demonstruar këtë është të vizatoni një pikë mbi tabelë dhe të pyesni se sa vija të drejta mund të vizatohen duke kaluar përmes pikës (pafund). Mund të vizatoni më pas dy pika në tabelë dhe t’i pyesni nxënësit se sa vija të drejta mund të vizatohen (një).

Fuqia e mbledhjes së drurëve të Judës dhe të Jozefit

Ndërsa nxënësit diskutojnë mbledhjen së bashku të “drurëve” të Judës dhe të Jozefit, ju mund t’i ftoni ata të bëjnë referencë-kryq ose të lidhin vargjet tek Ezekiel 37:15–17 me vargun te 2 Nefi 3:12. Në tabelë, mund të shkruani një të vërtetë të pjesshme, të tillë si: “Së bashku, Bibla dhe Libri i Mormonit …” Ftojini nxënësit të plotësojnë thënien nga 2 Nefi 3:12. Nxënësit mund të renditin shembuj të tillë si vijuesit:

Mohuan doktrinën e rreme.
Zgjidhin grindjen.
Vendosin paqen.
I ndihmojnë pasardhësit e Lehit të njohin etërit e tyre.
I ndihmojnë të gjithë njerëzit e Zotit të mësojnë rreth besëlidhjeve të Tij.

Nxënësit mund të tregojnë se si ata ose dikush që ata njohin e ka parë këtë bekim për shkak të Biblës dhe Librit të Mormonit.

“Një gjë e vetme në dorën tënde” (Ezekiel 37:17)

Për t’i ndihmuar nxënësit të kuptojnë mënyrën se si profecia e Ezekielit vazhdon të përmbushet në ditët tona, mund t’i ftoni nxënësit të shqyrtojnë disa nga veçoritë më të fundit të programit Gospel Library [Biblioteka e Ungjillit]. Nxënësit mund të kërkojnë disa nga mënyrat se si Bibla dhe Libri i Mormonit janë bërë një gjë e vetme në duart tona sot. Mund të tregoni materialet filmike dhe figurat në dispozicion. Ftojini nxënësit të shohin referencat-kryq për Biblën dhe Librin e Mormonit që tregojnë për “Jezu Krishtin” tek Udhëzuesi për Shkrimet e Shenjta.

Pasi nxënësit të kenë rishikuar mënyrën se si kjo profeci vijon të përmbushet, ju mund të tregoni një pjesë të historisë së vitit 1982 të shtypjes së Biblës dhe Librit të Mormonit. Ky botim përfshiu krijimin e poshtëshënimeve që i lidhën vargjet e Biblës me fragmentet përkatëse të Librit të Mormonit për herë të parë. Historia e shtypjes së kësaj vepre të ndërlikuar u tregua nga Presidenti Bojd K. Paker (1924–2015), i Kuorumit të Dymbëdhjetë Apostujve (“Scriptures”, Ensign, nëntor 1982). Mund të siguroni për nxënësit një lidhje të kodit QR që ta hapin këtë bisedë në pajisjen e tyre elektronike. Nxënësit mund të rishikojnë llogarinë dhe të diskutojnë sfidat e botimit të vitit 1982 dhe mrekullitë teknologjike që kanë çuar te Gospel Library [Biblioteka e Ungjillit] sot.

Mund të vini në dukje se referencat-kryq që shqyrtuan nën titullin “Jezu Krisht” nuk ishin në dispozicion deri në përfundimin e botimit të vitit 1982 të shkrimeve të shenjta.

Mund të shfaqni edhe materialin filmik të mesazhit të Presidentit Paker që e shpjegon këtë proces në materialin filmik “Scriptures” [“Shkrimet e Shenjta”] (kodi kohor 3:17–10:09).

18:30