Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Ezekiel 1–3; 33: “Të Kam Caktuar si Roje”

“Ezekiel 1–3; 33: ‘Të Kam Caktuar si Roje’”, Manuali i Mësuesit të Seminarit për Dhiatën e Vjetër (2026)

“Ezekiel 1–3; 33: ‘Të Kam Caktuar si Roje’”, Manuali i Mësuesit të Seminarit për Dhiatën e Vjetër

Ezekiel 1–3; 33–34; 36–37; 47: Mësimi 138

Ezekiel 1–3; 33

“Të Kam Caktuar si Roje”

A man standing under the awning of a small stone tower, looking out over the surrounding landscape.

Si mund të qëndrojmë të sigurt me kaq shumë rreziqe shpirtërore në botë? Zoti thërret profetë që të shërbejnë si roje për të na paralajmëruar dhe për të na mbrojtur. Zoti e thirri Ezekielin që të shërbente si një roje për izraelitët gjatë robërisë në Babiloni (shih tek Ezekiel 3:16–17). Ky mësim mund t’i ndihmojë nxënësit të ndiejnë një dëshirë më të madhe për t’ua vënë veshin paralajmërimeve të profetëve të Zotit.

Përgatitja e nxënësve: Ftojini nxënësit të lexojnë shënimin “Profet” tek Udhëzuesi për Shkrimet e Shenjta ose “Prophets” [“Profetë”] tek Tema dhe Pyetje në Gospel Library [Biblioteka e Ungjillit]. Ata mund të kërkojnë rolin e profetëve dhe të reflektojnë mbi mënyrën se si i shohin profetët ta përmbushin këtë rol.

Veprimtari të Mundshme të të Mësuarit

Ndjenjat rreth profetit të Zotit

Në ditarin tënd të studimit, plotësoje thënien vijuese me një ose më shumë përgjigje:

Kur shoh profetin, e dëgjoj atë të flasë ose i lexoj fjalët e tij, unë ndiej …

Ftojini nxënësit e gatshëm që t’i tregojnë klasës për atë që shkruan. Mund të shpjegoni se, ndërsa ata flasin dhe dëgjojnë, Fryma e Shenjtë mund ta ndriçojë mendjen e tyre dhe të zbusë zemrën e tyre për të ndjekur profetin e Zotit.

Zoti e thërret Ezekielin si një profet

Ezekielin e kishin kapur dhe çuar në Babiloni së bashku me izraelitë të tjerë. Gjatë qëndrimit në robëri, ai u vizitua nga Zoti dhe mori thirrjen për të qenë profet (shih tek Ezekiel 1–2). Zoti premtoi ta forconte Ezekielin ndërsa i predikonte një populli rebel dhe me zemër të ngurtësuar (shih tek Ezekiel 3:7–9).

Ezekiel 3:16–17 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo tek Ezekiel 3:10–11, 16–17, duke kërkuar atë që Zoti i mësoi Ezekielit rreth rolit të tij si profet.

Çfarë gjete?

Për t’i ndihmuar nxënësit të kuptojnë gjuhën figurative të një rojeje, merreni parasysh të paraqitni figurën e Karkasonit të përfshirë në këtë mësim, së bashku me deklaratën nga Plaku Nil. L. Andersen.

Plaku Nil L. Andersen, i Kuorumit të Dymbëdhjetë Apostujve, shpjegoi:

16:4

“Karkasoni është një qytet mbresëlënës në Francë, i rrethuar me mure, i cili ka ekzistuar që nga kohët mesjetare. Kulla të larta ngrihen prej mureve të tij të mbrojtura, të ndërtuara për rojat të cilët qëndronin në ato kulla ditë e natë, duke e mbajtur vëmendjen e tyre të gozhduar në largësi për armikun. Kur roja shihte të afrohej një armik, zëri i tij paralajmërues i mbronte njerëzit e Karkasonit nga rreziku i afërt që nuk mund ta shihnin.

Një profet është si një rojë mbi kullën, duke na mbrojtur nga rreziqe shpirtërore që nuk mund t’i shohim.” (“Profeti i Perëndisë”, Liahona, maj 2018, f. 25)

Si mund ta përmblidhje atë që na mësojnë vargjet tek Ezekiel 3:16–17 dhe Plaku Andersen rreth profetëve?

Ndihmojini nxënësit të përcaktojnë se Zoti thërret profetë që shërbejnë si roje për të na paralajmëruar për rreziqet shpirtërore. Shpjegoni se Presidenca e Parë dhe Kuorumi i Dymbëdhjetë Apostujve shërbejnë si profetët e Zotit sot. Nëse nxënësit e plotësuan veprimtarinë e përgatitjes së tyre, ata mund ta tregojnë atë që mësuan si pjesë të diskutimit vijues.

Përse është “roja” një mënyrë e mirë për të përshkruar rolin e profetit?

Tek Ezekiel 33, Zoti i mësoi sërish Ezekielit përgjegjësinë e Tij për të shërbyer si një roje dhe për t’i dhënë mesazhin e Perëndisë Izraelit (shih tek Ezekiel 33:1–7).

Lexo tek Ezekiel 33:9–11, duke kërkuar arsyen përse Zoti dëshiron ta paralajmërojë popullin e Tij.

Çfarë mund të na mësojë vargu 11 rreth Atit Qiellor dhe Jezu Krishtit?

Plaku D. Tod Kristoferson, i Kuorumit të Dymbëdhjetë Apostujve, tregoi mënyrën se si paralajmërimet profetike janë provë e dashurisë së Perëndisë:

15:15

“Pa qenë aspak të gatshëm për të ndëshkuar, Ati ynë Qiellor dhe Shpëtimtari ynë kërkojnë lumturinë tonë dhe na përgjërohen që të pendohemi, duke e ditur fare mirë se ‘ligësia kurrë nuk ka qenë [dhe kurrë nuk do të jetë] lumturi’ [Alma 41:10]. Kështu Ezekieli dhe çdo profet përpara tij dhe që nga ai deri më sot, duke folur fjalën e Perëndisë drejtpërsëdrejti nga zemra, i kanë paralajmëruar të gjithë ata që dëshirojnë, që të largohen prej Satanit, armikut të shpirtrave të tyre, dhe ‘të zgjedhin lirinë dhe jetën e përjetshme, nëpërmjet Ndërmjetësit të madh të të gjithë njerëzve’ [2 Nefi 2:27].” (“Zëri i Paralajmërimit”, Liahona, maj 2017, f. 108)

Si mund të ndikojë kuptueshmëria e arsyes përse Zoti i thërret profetët e Tij të jenë roje në dëshirat tona për t’i ndjekur ata?

Paralajmërime nga rojat

Veprimtaria vijuese ka për qëllim t’i ndihmojë nxënësit të shohin shembuj të paralajmërimeve që ka dhënë Zoti nëpërmjet profetëve të Tij. Merreni parasysh t’i ftoni nxënësit të zgjedhin njërën nga mundësitë vijuese për ta studiuar:

Bisedat më të fundit nga anëtarët e Presidencës së Parë ose Kuorumit të Dymbëdhjetë Apostujve
Këto fragmente të shkrimit të shenjtë për zotërimin doktrinor ose fragmente të tjera të zgjedhura prej jush: Isaia 5:20; 1 Korintasve 6:19–20 (shihni edhe vargun 18); 2 Nefi 2:27; 2 Nefi 32:8–9; Alma 41:10; dhe Doktrina e Besëlidhje 64:9–11

Pasi nxënësit të kenë zgjedhur një mundësi për ta studiuar, paraqitini udhëzimet vijuese:

Studioji mësimet nga profetët e Zotit dhe përgatitu të shprehesh për sa vijon:

Paralajmërimet që ka dhënë Zoti nëpërmjet profetëve të Tij.
Bekimet që mund të marrim ose sfidat që mund të shmangim duke ua vënë veshin këtyre paralajmërimeve. Këto mund të jenë nga ato që studiove ose nga mendimet dhe përvojat e tua.
Mënyrën se si e ndien se ky paralajmërim është provë e dashurisë së Perëndisë ose dëshirës së Tij që ne të jemi të lumtur.

Mund ta ftoni secilin nxënës të përzgjedhë një paralajmërim profetik që gjeti në hapin 1 të studimit të tij dhe ta shkruajë atë në tabelë. Si një mundësi tjetër, nxënësit mund ta shkruajnë paralajmërimin në një copë letër dhe ta afishojnë atë nëpër klasë. Ftojini nxënësit të lexojnë paralajmërimet që kanë shkruar të tjerët. Klasa mund të përzgjedhë më pas disa për t’i diskutuar me më shumë hollësi. Ju mund t’u kërkoni nxënësve që shkruan paralajmërimet e përzgjedhura të japin përgjigjet e tyre për hapat 2 ose 3 nga studimi i tyre.

Ndërsa nxënësit dëgjojnë dhe marrin pjesë në diskutim, ftojini ata të reflektojnë mbi rrethanat dhe nevojat e tyre vetjake. Inkurajojini ata të marrin parasysh nëse Zoti ka paralajmërime ose mesazhe të veçanta për ta.

Ndjekja e profetit

Reflekto mbi mendimet dhe ndjenjat që mund të të ketë komunikuar Fryma e Shenjtë gjatë gjithë mësimit rreth Zotit dhe profetëve të Tij. Shtoje njërin ose të dy rreshtat vijues në ditarin e studimit dhe plotësojini ata me mendimet ose ndjenjat e tua:

Diçka që dua të kujtoj rreth Zotit dhe profetëve të Tij është …

Unë dua ta ndjek profetin e Zotit për shkak se …

Mund ta përmbyllni duke u kërkuar disa nxënësve ta tregojnë atë që shkruan. Mund të tregoni edhe ndjenjat që keni pasur rreth Zotit dhe profetëve të Tij ndërsa e përgatitët dhe e dhatë mësimin.

Mësoni Përmendsh

Nëse doni, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargjet tek Ezekiel 3:16–17 është “Profeti është ‘një roje për shtëpinë e Izraelit’”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

Çfarë mund të shohin profetët?

Presidenti Rasëll M. Nelson shpjegoi:

“Profetët shohin përpara. Ata i shohin rreziqet sfilitëse që kundërshtari ka vendosur ose do t’i vendosë më vonë në shtegun tonë. Profetët i parashikojnë edhe mundësitë dhe privilegjet e mëdha që i presin ata të cilët dëgjojnë me qëllim që të binden.” (“Qëndroni si Mijëvjeçaristë të Vërtetë”, Ensign, tetor 2016, f. 31; Liahona, tetor 2016, f. 53)

Çfarë bekimesh mund të marrim duke ndjekur profetët e Zotit?

Plaku Nil L. Andersen, i Kuorumit të Dymbëdhjetë Apostujve, dha mësim:

16:4

“Në jetën time vetjake, kam zbuluar se kur i studioj plot lutje fjalët e profetit të Perëndisë dhe e përputh shpirtërisht me kujdes, me durim, vullnetin tim me mësimet e tij të frymëzuara, besimi im në Zotin Jezu Krisht gjithmonë rritet. Nëse zgjedhim ta vëmë mënjanë këshillën e tij dhe vendosim se ne e dimë më mirë se ai, besimi ynë vuan dhe këndvështrimi ynë i përjetshëm errësohet. Ju premtoj se, teksa qëndroni të vendosur në ndjekjen e profetit, do të rritet besimi juaj në Shpëtimtarin.” (“Profeti i Perëndisë”, Liahona, maj 2018, f. 27)

Plaku Alen D. Hejni, i Të Shtatëdhjetëve, tregoi:

11:22

“Rrethanat e tanishme në botë u kanë shkaktuar disave të bien në panik. Si fëmijë besëlidhës të Perëndisë, nuk kemi përse të rendim pas kësaj ose asaj për të ditur se si t’i japim drejtim jetës përmes këtyre kohëve të trazuara. Nuk ka përse të kemi frikë. Doktrina dhe parimet që duhet të ndjekim për të mbijetuar shpirtërisht dhe për të duruar fizikisht, gjenden në fjalët e një profeti të gjallë.” (“Një Profet i Gjallë për Ditët e Mëvonshme”, Liahona, maj 2023, f. 26)

Veprimtari Plotësuese të të Mësuarit

Studimi i më tepër konteksti

Mund të përdorni sa vijon për t’i ndihmuar nxënësit të mësojnë më shumë hollësi rreth thirrjes së Ezekielit për të qenë një profet:

Ftojeni gjysmën e klasës të lexojë tek Ezekiel 2:3–5; 3:7, duke kërkuar përshkrimin e Zotit për Izraelin.
Ftojeni gjysmën tjetër të lexojë tek Ezekiel 2:6–7; 3:4, 10–11, duke kërkuar këshillën e Zotit për Ezekielin.

Pasi nxënësit ta tregojnë atë që gjetën, ju mund të diskutoni sa vijon:

Çfarë mësuat rreth Zotit? Rreth profetëve të Tij?

Zbatimi i asaj që mësoni rreth profetëve

Në vend që ta përmbyllni mësimin duke i ndihmuar nxënësit të reflektojnë mbi kuptueshmërinë dhe ndjenjat e tyre për profetët e Zotit, mund ta përmbyllni në një mënyrë që i ndihmon ata ta zbatojnë atë që mësuan. Një mënyrë për ta bërë këtë mund të jetë të paraqitni thënien vijuese:

Plaku Nil L. Andersen, i Kuorumit të Dymbëdhjetë Apostujve, shprehu:

16:4

“Në një ditë të ardhshme, duke e hedhur vështrimin pas në vdekshmërinë tonë, ne do të ngazëllehemi që ecëm në tokë në kohën e një profeti të gjallë. Në atë ditë, lutem që ne do të jemi të aftë të themi:

E dëgjuam atë.

E besuam atë.

I studiuam fjalët e tij me durim e besim.

U lutëm për të.

Qëndruam krah tij.

Ishim mjaft të përulur sa ta ndiqnim atë.

E deshëm atë.” (“Profeti i Perëndisë”, Liahona, maj 2018, f. 27)

Ftojini nxënësit të zgjedhin një ose më shumë nga thëniet që Plaku Andersen shpresonte se do të mund t’i thoshim. Në ditarët e studimit, ftojini ata të shkruajnë hollësi të veçanta që përshkruajnë atë që do të bëjnë në mënyrë që ato thënie të jenë të vërteta për ta gjatë gjithë jetës së tyre.

Përgjegjësia e profetëve

Pasi të diskutoni vargjet tek Ezekiel 3:16–17, ftojini nxënësit të lexojnë tek Ezekiel 3:18–19 (shihni edhe Ezekiel 33:6–8), duke kërkuar atë që Zoti i tha Ezekielit rreth përgjegjësisë së tij për t’i paralajmëruar njerëzit.

Sipas këtyre vargjeve, përse na i japin profetët fjalët e Zotit?

Presidenti Rasëll M. Nelson tregoi disa nga ndjenjat e tij rreth të qenit përgjegjës ndaj Zotit si profeti i Tij:

61:34

“Tani unë po përgatitem për ditën kur do të më kërkohet t’i jap llogari … Zotit – rreth kujdestarisë sime si profet i Perëndisë në tokë sot. Nuk dua që të më pyesin: ‘Vëllai Nelson, pse nuk ishe më i qartë me të rinjtë e të rejat rreth pjesës së tyre në mbledhjen e Izraelit? Pse nuk ua the më troç që të rekrutoheshin për të marrë pjesë?’

Prandaj, unë tani e ftoj çdo të re dhe çdo të ri nga mosha 12 deri 18 vjeç në Kishën e Jezu Krishtit të Shenjtorëve të Ditëve të Mëvonshme që të rekrutohet në batalionin e rinisë së Zotit për të ndihmuar që Izraeli të mblidhet.” (“Shpresa e Izraelit”, [takim shpirtëror mbarëbotëror për rininë, 3 qershor 2018], Gospel Library [Biblioteka e Ungjillit])

Mund të thoni gjithashtu se kjo përgjegjësi mund të shpjegojë arsyen përse profetët përqendrohen te mesazhi që Zoti dëshiron t’u japë atyre në vend që të thonë gjëra që mund t’i bëjnë ata të pëlqyer.

Mëkatet tona nuk do të përmenden

Për t’i ndihmuar nxënësit të dallojnë bekimet e dëgjimit të paralajmërimeve profetike për t’u penduar, ftojini ata të lexojnë tek Ezekiel 33:14–16.

Çfarë mësojmë rreth parimit të pendimit?

Ju mund t’i ftoni nxënësit të lidhin ose të bëjnë referencë-kryq të vargut tek Ezekiel 33:16 me fragmentet e zotërimit doktrinor tek Isaia 1:18 dhe Doktrina e Besëlidhje 58:42–43. Ndihmojini nxënësit të përcaktojnë se kur pendohemi, Zoti do të na falë plotësisht për mëkatet tona.

Si ndikon kuptueshmëria e kësaj të vërtete në ndjenjat tuaja ndaj Atit Qiellor dhe Jezu Krishtit?