Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եզեկիել 1–3, 33. «Ես քեզ դետ կարգեցի»

«Եզեկիել 1–3, 33. «Ես քեզ դետ կարգեցի»», Հին Կտակարան․ Սեմինարիայի ուսուցչի ձեռնարկ (2026)

«Եզեկիել 1–3, 33. «Ես քեզ դետ կարգեցի»», Հին Կտակարան․ Սեմինարիայի ուսուցչի ձեռնարկ

Եզեկիել 1–3, 33–34, 36–37, 47․ Դաս 138

Եզեկիել 1–3, 33

«Ես քեզ դետ կարգեցի»

A man standing under the awning of a small stone tower, looking out over the surrounding landscape.

Ինչպե՞ս կարող ենք պաշտպանված լինել, երբ աշխարհում այդքան շատ հոգևոր վտանգներ կան: Տերը կանչում է մարգարեներին՝ ծառայելու որպես դետեր, որպեսզի նախազգուշացնեն և պաշտպանեն մեզ: Տերը կանչեց Եզեկիելին՝ ծառայելու որպես դետ իսրայելացիների համար, երբ նրանք բաբելոնյան գերության մեջ էին (տես Եզեկիել 3.16–17): Այս դասը կօգնի ուսանողներին Տիրոջ մարգարեների նախազգուշացումները լսելու ավելի մեծ ցանկություն զգալ:

Ուսանողի նախապատրաստում. ուսանողներին առաջարկեք կարդալ «Մարգարե» նյութը Սուրբ գրքերի ուղեցույցում կամ «Մարգարեներ» թեման Թեմաներ և հարցեր բաժնում Gospel Library հավելվածում։ Նրանք կարող են դիտարկել մարգարեների դերը և խորհել, թե ըստ իրենց, ինչպես են մարգարեները կատարում այդ դերը:

Հնարավոր ուսումնական վարժություններ

Զգացմունքներ Տիրոջ մարգարեի նկատմամբ

Ձեր օրագրում ավարտեք հետևյալ արտահայտությունը մեկ կամ մի քանի պատասխանով.

Երբ տեսնում եմ մարգարեին, լսում եմ նրան կամ կարդում եմ նրա խոսքերը, ես զգում եմ …

Ուսանողներից մի քանիսին առաջարկեք դասարանի հետ կիսվել իրենց գրածով: Կարող եք բացատրել, որ կիսվելիս և լսելիս Սուրբ Հոգին կարող է լուսավորել իրենց մտքերը և փափկացնել իրենց սրտերը, որպեսզի հետևեն Տիրոջ մարգարեին:

Տերը Եզեկիելին կանչում է որպես մարգարե

Եզեկիելը մյուս իսրայելացիների հետ գերևարվել և տարվել էր Բաբելոն։ Գերության ժամանակ նրան այցելեց Տերը և կանչեց՝ լինելու մարգարե (տես Եզեկիել 1–2): Երբ Եզեկիելը քարոզում էր ըմբոստ և կարծրասիրտ ժողովրդին, Տերը խոստացավ զորացնել նրան (տես Եզեկիել 3.7–9):

Եզեկիել 3․16–17հատվածները վարդապետության սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել դրանք:

Կարդացեք Եզեկիել 3․10–11, 16–17 հատվածները՝ փնտրելով, թե ինչ է Տերը ուսուցանել Եզեկիելին՝ որպես մարգարե իր դերի մասին:

Ի՞նչ գտաք:

Որպեսզի օգնեք ուսանողներին հասկանալ դետի պատկերը, ցուցադրեք այս դասում ներկայացված Կարկասոնի նկարը երեց Նիլ Լ. Անդերսենի այս ուղերձի հետ միասին:

Տասներկու Առաքյալների Քվորումից երեց Նիլ Լ․ Անդերսենը բացատրել է.

16:5

Կարկասոնը պարսպապատ մի նշանավոր քաղաք է Ֆրանսիայում, որը կանգուն է մնացել միջնադարյան ժամանակներից: Բարձր աշտարակները վեր են խոյանում պաշտպանված պատերից, որոնք կառուցվել են պահակախմբի համար, որոնք գիշեր թե ցերեկ կանգնում էին այդ աշտարակներին՝ իրենց ուշադրությունը սևեռելով թշնամու վրա: Երբ դետը տեսնում էր, որ թշնամին մոտենում է, նրա նախազգուշացնող ձայնը պաշտպանում էր Կարկասոնի բնակիչներին մոտեցող վտանգից, որը նրանք չէին տեսնում։

Մարգարեն աշտարակի պահապանն է, որը մեզ պաշտպանում է հոգևոր վտանգներից, որոնք մենք, հնարավոր է, չտեսնենք։ («Աստծո մարգարեն», Լիահոնա, մայիս 2018, 25)

Ինչպե՞ս կարող եք ամփոփ ներկայացնել այն, ինչ Եզեկիել 3.16–17 հատվածները և երեց Անդերսենն են ուսուցանում մարգարեների մասին:

Ուսանողներին օգնեք նշել, որ Տերը կանչում է մարգարեներին, որոնք ծառայում են որպես դետ՝ նախազգուշացնելու մեզ հոգևոր վտանգների մասին։ Բացատրեք, որ Առաջին նախագահությունը և Տասներկու Առաքյալների Քվորումն այսօր ծառայում են որպես Տիրոջ մարգարեներ: Եթե ուսանողները կատարել են ուսանողի նախապատրաստման վարժությունը, նրանք կարող են կիսվել իրենց սովորածով հաջորդ քննարկման ընթացքում:

Ինչո՞ւ է «դետեր» բառը լավ նկարագրում մարգարեների դերը:

Եզեկիել 33 գլխում Տերը կրկին ուսուցանել է Եզեկիելին իր պարտականությունը՝ ծառայել որպես դետ և կիսվել Աստծո ուղերձով Իսրայելի հետ (տես Եզեկիել 33.1–7):

Կարդացեք Եզեկիել 33․9–11 հատվածները՝ փնտրելով, թե ինչու է Տերը ցանկանում նախազգուշացնել Իր ժողովրդին:

Ի՞նչ կարող է հատված 11-ն ուսուցանել մեզ Երկնային Հոր և Հիսուս Քրիստոսի մասին:

Տասներկու Առաքյալների Քվորումից երեց Դ. Թոդ Քրիստոֆերսոնը կիսվել է, թե ինչպես են մարգարեական նախազգուշացումները վկայում Աստծո սիրո մասին.

15:15

Մեր Երկնային Հայրը և մեր Փրկիչը ոչ միայն չեն ձգտում դատապարտել մեզ, այլև ցանկանում են մեզ երջանկացնել և աղերսում են մեզ ապաշխարել՝ լավ իմանալով, որ «ամբարշտությունը երբեք երջանկություն չի եղել [և երբեք չի լինի]» [Ալմա 41.10]: Այսպիսով, Եզեկիելը և նրանից առաջ և հետո յուրաքանչյուր մարգարե, ասելով Աստծո խոսքն ամբողջ սրտով, զգուշացրել են բոլոր նրանց, ովքեր կամենում են հեռանալ սատանայից՝ իրենց հոգիների թշնամուց, և «ընտրել են ազատությունն ու հավերժական կյանքը՝ բոլոր մարդկանց մեծ Միջնորդի միջոցով» [2 Նեփի 2.27]: («Նախազգուշացնող ձայնը», Լիահոնա, մայիս 2017, 108)

Տիրոջ կողմից Իր մարգարեներին որպես դետ կանչելու մասին իմացությունն ինչպե՞ս կարող է ազդել նրանց հետևելու մեր ցանկության վրա:

Նախազգուշացումներ դետերի կողմից

Հետևյալ վարժության նպատակն է օգնել ուսանողներին տեսնել այն նախազգուշացումները, որոնք Տերը տվել է Իր մարգարեների միջոցով: Ուսանողներին առաջարկեք ընտրել ուսումնասիրության հետևյալ տարբերակներից մեկը.

Առաջին նախագահության կամ Տասներկու Առաքյալների Քվորումի անդամների վերջին ելույթները
Այս վարդապետության սերտման սուրբգրային հատվածները կամ այլ հատվածներ՝ ձեր ընտրությամբ. Եսայի 5.20, Ա Կորնթացիներին 6.19–20 (տես նաև հատված 18), 2 Նեփի 2.27, 2 Նեփի 32.8–9, Ալմա 41.10 և Վարդապետություն և Ուխտեր 64.9–11

Երբ ուսանողներն ընտրեն սովորելու տարբերակը, ցուցադրեք հետևյալ հրահանգները.

Ուսումնասիրեք Տիրոջ մարգարեների ուսմունքները և պատրաստվեք կիսվելու հետևյալով.

Նախազգուշացումներ, որոնք Տերը տվել է Իր մարգարեների միջոցով:
Օրհնություններ, որոնք մենք կարող ենք ստանալ կամ դժվարություններ, որոնցից կարող ենք խուսափել՝ ուշադրություն դարձնելով այս նախազգուշացումներին: Դրանք կարող են լինել ձեր ուսումնասիրություններից կամ ձեր մտքերից ու փորձառություններից:
Այն, թե ինչպես եք դուք ընկալում այս նախազգուշացումը, վկայում է մեր հանդեպ Աստծո սիրո կամ Նրա ցանկության մասին, որ մենք երջանիկ լինենք:

Յուրաքանչյուր ուսանողի առաջարկեք ընտրել մեկ մարգարեական նախազգուշացում, որը նրանք գտել են իրենց ուսումնասիրության 1-ին քայլի ընթացքում և գրել այն գրատախտակին: Որպես մեկ այլ տարբերակ, ուսանողները կարող են նախազգուշացումը գրել թղթի վրա և փակցնել դասասենյակում: Ուսանողներին առաջարկեք կարդալ այլ ուսանողների գրած նախազգուշացումները: Ապա դասարանը կարող է ընտրել դրանցից մի քանիսը՝ ավելի մանրամասն քննարկելու համար: Խնդրեք այն ուսանողներին, որոնք գրել են ընտրված նախազգուշացումները, կիսվել իրենց ուսումնասիրության 2-րդ կամ 3-րդ քայլերի ընթացքում տված պատասխաններով:

Երբ ուսանողները լսում են և մասնակցում են քննարկմանը, առաջարկեք նրանց խորհել իրենց անձնական հանգամանքների և կարիքների մասին: Խրախուսեք նրանց մտածել, թե արդյոք Տերը հատուկ նախազգուշացումներ կամ ուղերձներ ունի իրենց համար:

Հետևել մարգարեին

Մտածեք այն մտքերի և զգացմունքների մասին, որոնք Սուրբ Հոգին կարող էր փոխանցել ձեզ` Տիրոջ և Նրա մարգարեների մասին դասն ուսումնասիրելու ընթացքում: Ձեր օրագրում ավելացրեք հետևյալ արտահայտություններից մեկը կամ երկուսը և ավարտեք դրանք ձեր մտքերով կամ զգացմունքներով.

Այն, ինչ ես ուզում եմ հիշել Տիրոջ և Նրա մարգարեների մասին, հետևյալն է․ …

Ես ցանկանում եմ հետևել մարգարեին, քանի որ …

Եզրափակեք՝ խնդրելով մի քանի ուսանողի կիսվել իրենց գրածով: Կարող եք նաև կիսվել այն զգացումներով, որոնք ունեցել եք Տիրոջ և Նրա մարգարեների մասին, երբ պատրաստում և ուսուցանում էիք դասը:

Մտապահել

Օգնեք ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Եզեկիել 3․16–17 հատվածների սուրբգրային հիմնական արտահայտությունն է՝ «Մարգարեն «Իսրայելի տան դետն է»»։ Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Ի՞նչ կարող են տեսնել մարգարեները:

Նախագահ Ռասսել Մ. Նելսոնը բացատրել է․

Մարգարեները տեսնում են նախօրոք: Նրանք տեսնում են սոսկալի վտանգները, որոնք հակառակորդը դնում է կամ դեռ կդնի մեր ճանապարհին: Մարգարեները նաև կանխատեսում են մեծ հնարավորությունները և արտոնությունները, որոնք սպասվում են նրանց, ովքեր լսում են հնազանդվելու մտադրությամբ: («Կանգնեք որպես հազարամյակի ճշմարիտ սերունդ», Ensign, հոկտ. 2016, 31, Լիահոնա, հոկտ. 2016, 53)

Ի՞նչ օրհնություններ կարող եք ստանալ, եթե հետևեք Տիրոջ մարգարեներին։

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

16:5

Իմ կյանքում ես հասկացել եմ, որ երբ աղոթքով ուսումնասիրում եմ Աստծո մարգարեի խոսքերը և ուշադիր, համբերությամբ, հոգևորապես հավասարեցնում եմ իմ կամքը ոգեշնչված ուսմունքների հետ, իմ հավատքն առ Տեր Հիսուս Քրիստոսը միշտ աճում է: Եթե մենք, խորհուրդները մի կողմ դնելով, որոշենք, որ մենք ավելի լավ գիտենք, մեր հավատքը կտուժի, և մեր հավերժության հեռանկարը կխամրի: Ես ձեզ խոստանում եմ, որ երբ վճռականորեն հետևեք մարգարեին, ձեր հավատքն առ Փրկիչը կաճի: («Աստծո մարգարեն», Լիահոնա, մայիս 2018, 26–27)

Յոթանասունից երեց Ալլեն Դ. Հեյնին կիսվել է․

11:22

Աշխարհում ստեղծված իրավիճակը խուճապի է մատնել ոմանց։ Մենք՝ որպես Աստծո ուխտյալ զավակներ, չպետք է ընկնենք այս կամ այն բանի հետևից, որպեսզի իմանանք, թե ինչպես կողմնորոշվել այս անհանգիստ ժամանակներում: Մենք չպետք է վախենանք։ Այն վարդապետություններն ու սկզբունքները, որոնց մենք պետք է հետևենք՝ հոգևորապես գոյատևելու և ֆիզիկապես դիմանալու համար, գտնվում են ապրող մարգարեի խոսքերի մեջ: («Ապրող մարգարե վերջին օրերի համար», Լիահոնա, մայիս 2023, 26)

Լրացուցիչ ուսումնական վարժություններ

Ուսումնասիրել ավելի շատ համատեքստ

Կարող եք օգտագործել հետևյալը՝ օգնելու ուսանողներին ավելի շատ մանրամասներ իմանալ Եզեկիելի՝ մարգարե լինելու կոչի մասին.

Դասարանի մի կեսին առաջարկեք կարդալ Եզեկիել 2.3–5, 3․7 հատվածները՝ փնտրելով Տիրոջ կողմից Իսրայելի նկարագրությունը։
Դասարանի մյուս կեսին առաջարկեք կարդալ Եզեկիել 2.6–7, 3․4, 10–11 հատվածները՝ փնտրելով Եզեկիելին տրված Տիրոջ խորհուրդը։

Երբ ուսանողները կիսվեն իրենց գտածով, կարող եք քննարկել հետևյալը.

Ի՞նչ սովորեցիք Տիրոջ մասին։ Ի՞նչ սովորեցիք Նրա մարգարեների մասին։

Կիրառել այն, ինչ սովորել եք մարգարեների մասին

Դասի ավարտին, Տիրոջ մարգարեների վերաբերյալ իրենց հասկացողության և զգացմունքների մասին ուսանողներին խորհել օգնելու փոխարեն, կարող եք դասն ավարտել՝ օգնելով նրանց կիրառել իրենց սովորածը: Դա անելու եղանակներից մեկն է՝ ցուցադրել հետևյալ արտահայտությունը․

Տասներկու Առաքյալների Քվորումից երեց Նիլ Լ․ Անդերսենն ասել է.

16:5

Ապագայում, հետ նայելով մեր մահկանացու կյանքին, մենք կուրախանանք, որ երկիր ենք եկել կենդանի մարգարեի օրոք։ Ես աղոթում եմ, որ այդ օրը մենք կարողանանք ասել․

Մենք լսեցինք նրան:

Մենք հավատացինք նրան:

Համբերությամբ և հավատքով մենք սովորեցինք նրա խոսքերը։

Մենք աղոթեցինք նրա համար։

Մենք կանգնեցինք նրա կողքին։

Մնացինք բավականաչափ խոնարհ, որպեսզի հետևենք նրան։

Մենք սիրեցինք նրան: («Աստծո մարգարեն», Լիահոնա, մայիս 2018, 27)

Ուսանողներին առաջարկեք ընտրել արտահայտություններից մեկը կամ մի քանիսը, որոնք, ինչպես երեց Անդերսենը հույս ուներ, կկարողանանք ասել: Նրանց առաջարկեք իրենց օրագրերում գրել որոշակի մանրամասներ՝ նկարագրելով, թե իրենք ինչ պետք է անեն, որպեսզի այդ արտահայտությունները ճշմարիտ լինեն իրենց ողջ կյանքի ընթացքում:

Մարգարեների պատասխանատվությունը

Եզեկիել 3.16–17 հատվածները քննարկելուց հետո ուսանողներին առաջարկեք կարդալ Եզեկիել 3.18–19 հատվածները (տես նաև Եզեկիել 33.6–8)՝ փնտրելով, թե Տերը ինչ է ասել Եզեկիելին՝ ժողովրդին նախազգուշացնելու իր պատասխանատվության մասին:

Ըստ այդ հատվածների՝ ինչո՞ւ են մարգարեները մեզ հետ կիսվում Տիրոջ խոսքերով:

Նախագահ Ռասսել Մ. Նելսոնը կիսվել է իր որոշ զգացումներով՝ որպես Տիրոջ մարգարե Նրա առաջ պատասխանատու լինելու մասին.

61:34

Հենց հիմա ես պատրաստվում եմ այն օրվան, երբ ինձնից կպահանջվի հաշվետու լինել … Տիրոջը՝ այսօր երկրի վրա որպես Աստծո մարգարե իմ տնտեսության մասին: Ես չեմ ցանկանում, որ ինձ հարցնեն. «Եղբայր Նելսոն, ինչո՞ւ երիտասարդներին ավելի պարզ չեք բացատրել Իսրայելը հավաքելու գործում իրենց դերի մասին: Ինչո՞ւ ավելի համարձակ չեք եղել՝ հրավիրելով նրանց մասնակցելու»:

Այսպիսով, հիմա ես հրավիրում եմ Հիսուս Քրիստոսի Վերջին Օրերի Սրբերի Եկեղեցու 12-18 տարեկան յուրաքանչյուր երիտասարդ կնոջ և յուրաքանչյուր երիտասարդ տղամարդու ներգրավվել Տիրոջ երիտասարդների գումարտակում՝ օգնելու հավաքել Իսրայելը: («Իսրայելի հույսը» [համաշխարհային հոգևոր հավաք երիտասարդների համար, 3 հունիսի 2018], Gospel Library)

Կարող եք նաև ասել, որ այս պատասխանատվությունը բացատրում է, թե ինչու են մարգարեները կենտրոնանում այն ուղերձի վրա, որը Տերը ցանկանում է, որ իրենք փոխանցեն մարդկանց, այլ ոչ թե կիսվեն բաներով, որոնք կարող են իրենց հայտնի դարձնել:

Մեր մեղքերը չեն հիշատակվի

Որպեսզի օգնեք ուսանողներին ճանաչել օրհնությունները, որոնք գալիս են ապաշխարելու մասին մարգարեական նախազգուշացումներից, առաջարկեք նրանց կարդալ Եզեկիել 33.14–16 հատվածները:

Ի՞նչ ենք մենք սովորում ապաշխարության սկզբունքի մասին:

Ուսանողներին առաջարկեք Եզեկիել 33.16 հատվածը կապել կամ խաչաձեւ հղում կատարել Եսայի 1.18 և Վարդապետություն և Ուխտեր 58.42–43 վարդապետության սերտման հատվածներին։ Ուսանողներին օգնեք նշել, որ երբ մենք ապաշխարենք, Տերը լիովին կների մեր մեղքերը։

Այդ ճշմարտության մասին հասկացողությունն ինչպե՞ս կարող է ազդել Երկնային Հոր և Հիսուս Քրիստոսի հանդեպ ձեր զգացմունքների վրա: