Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 54: “Uban sa Dakong Kalooy Ako Mopundok Kaninyo”

“Isaias 54: ‘Uban sa Dakong Kalooy Ako Mopundok Kaninyo,’” Manwal sa Magtutudlo sa Seminary sa Daang Tugon (2026)

“Isaias 54: ‘Uban sa Dakong Kalooy Ako Mopundok Kaninyo,’” Manwal sa Magtutudlo sa Seminary sa Daang Tugon

Isaias 50–57: Leksiyon 125

Isaias 54

“Uban sa Dakong Kalooy Ako Mopundok Kaninyo”

May mga higayon nga ang mga tawo mahimong mobati nga gisalikway ug nag-inusara. Usahay, ang mga tawo maghunahuna nga wala nagpakabana ang Dios alang kanila. Tungod kay ang balay sa Israel miguba sa pakigsaad nga ilang gihimo uban ni Jehova, sila natibulaag. Sila tingali mibati nga gitalikdan sa Dios. Bisan paman, pinaagi ni propeta Isaias, ang Ginoo mipahinumdom sa Iyang katawhan sa pakigsaad, kaniadto ug karon, nga pundokon Niya sila uban sa dakong kaluoy ug hatagan silag kalinaw. Kini nga leksiyon makatabang sa mga estudyante nga mobati sa gugma sa Manluluwas ug pasalig ngadto kanila.

Pagpangandam sa estudyante: Dapita ang mga estudyante sa pagbasa sa Alma 54, nga mangita sa mga pulong ug mga hugpong sa mga pulong nga gusto nilang ipakigbahin sa usa ka tawo nga mibati nga nag-inusara o biniyaan.

Posibleng mga Kalihokan sa Pagkat-on

Pagbati nga gisalikway

Ikonsiderar nga sugdan ang klase gamit ang mosunod nga senaryo. Ang mga estudyante mahimong mopili og usa ka bersiyon sa senaryo nga tutokan sa indibidwal o usa alang sa tibuok klase. Makabaton ang mga estudyante og kahigayonan sa pagtubag ngadto sa senaryo nga ilang napili sa kataposan sa leksiyon.

Gibati ni Carlos nga nag-inusara ug gisalikway tungod kay …

Siya nakasala ug dili motuo nga ang Dios mopasaylo niya sa unsay iyang nahimo.
Bag-ohay lang siya nga mibalhin sa bag-ong lugar ug naglisod sa pagpangitag higala.
Siya mibati nga wala tubaga ang iyang mga pag-ampo.

Hunahunaa kon unsa kaha ang inyong isulti ni Carlos nga makatabang niya. Pamalangdongi kon unsa ang ganahan ninyo nga iyang masayran mahitungod ni Jesukristo.

Sa panahon sa kinabuhi ni Isaias, siya nakasaksi sa pagkatibulaag sa Amihanang Gingharian sa Israel tungod sa pagkadaotan niini (tan-awa sa 2 Mga Hari 17:6–23). Nanagna usab siya nga tungod sa pagkadaotan sa Habagatang Gingharian sa Juda, kini usab pagasakupon (tan-awa sa Isaias 39:5–7). Tungod niini, daghan sa balay sa Israel mahimong mibati nga gisalikway sa Dios.

Sa Isaias 54, si Isaias nanagna mahitungod kon unsa ang buhaton sa Ginoo sa Iyang katawhan sa pakigsaad. Sa ulahi ang Manluluwas migamit niini nga kapitulo sa pagtudlo sa mga Nephita sa unsang paagi Siya mopundok sa Israel sa kataposang mga adlaw (tan-awa sa 3 Nephi 22).

Samtang imong tun-an ang Isaias 54, paminaw sa mga pag-aghat sa Espiritu Santo nga motabang nimo nga masayod sa pagbati sa Langitnong Amahan ug ni Jesukristo mahitunod sa Ilang relasyon nganha kanimo.

Ang mga saad sa Ginoo ngadto sa Iyang katawhan

Mahimo nimong pahinumdoman ang mga estudyante nga si Isaias kasagaran mogamit sa paghanduraw sa iyang mga sinulat. Ang paghunong aron maghunahuna mahitungod sa nakat-onang mga leksiyon gikan sa paghanduraw nga iyang gilakip magdapit sa Espiritu Santo sa pagtudlo kanato sa mensahe sa Ginoo niini nga mga kasulatan. Diha sa Isaias 54, si Isaias migamit sa paghanduraw sa usa ka relasyon sa kaminyoon sa pagtudlo mahitungod sa relasyon sa pakigsaad sa Ginoo diha sa balay sa Israel. Ang bana nagrepresentar sa Manluluwas, ug ang asawa nagrepresentar sa balay sa Israel. Mahimo nimong bahinon ang pagbasa sa sunod nga hut-ong sa mga bersikulo ngadto sa mas gagmay nga mga linya, sama sa mga bersikulo 1–4, 5–8, 9–10, 13, 17. Aron matabangan ang mga estudyante nga mas makasabot sa ilang gibasa, mahimo kang mohunong human sa matag hut-ong sa mga bersikulo ug dapiton ang mga estudyante sa pagpangutana.

Makita nimo ang mga impormasyon sa usa ka piho nga mga pulong ug hugpong sa mga pulong niini nga mga bersikulo diha sa Dugang nga mga Kapanguhaan nga seksiyon.

Mainampingong magbasa sa Isaias 54:1–10, 13, 17, nga mangita sa gisaad ni Jesukristo sa Iyang katawhan sa pakigsaad.

Unsa ang gitudlo sa paghanduraw sa usa ka bana ug asawa mahitungod sa relasyon sa Ginoo diha sa balay sa Israel?
Unsa ang matudlo sa mga ngalan ug mga titulo sa Manluluwas diha sa bersikulo 5 mahitungod Kaniya?

Mahimo kang mohatag og oras aron ang mga estudyante makapagpakigbahin sa makahuloganon nga mga pulong ug hugpong sa mga pulong gikan niini nga mga bersikulo ug sa paghisgot unsa ang gitudlo niini mahitungod sa Ginoo. Mahimo kining buhaton nila isip usa ka klase o sa gagmay nga mga grupo.

Isulat ang Si Jesukristo atong Manunubos … diha sa pisara ug dapita ang mga estudyante sa pagkompleto sa pamahayag gamit kon unsa ang ilang makita sa Isaias 54:4–10, 13, 17.
Unsa ang pipila ka paagi nga inyong matapos ang pamahayag nga Si Jesukristo atong Manunubos …?
Mahimong taposon sa mga estudyante ang pamahayag sa daghang paagi, lakip ang:

Si Jesukristo atong Manunubos …
- mopundok sa Iyang katawhan sa kalooy.
- adunay mahangturon nga kamabination alang sa Iyang katawhan.
- motuman sa Iyang pakigsaad nga Iyang gihimo uban sa Iyang katawhan.
- misaad og kalinaw.
Kon makita sa mga estudyante ang mga kasulatan nga may kalabotan sa ilang mga kinabuhi, dako ang kalagmitan nga sila makasabot sa unsang paagi ang doktrina sa Manluluwas ilang personal nga magamit. Ang mosunod nga mga pangutana, o inyong laing mahunahunaan, mahimong makatabang nila sa paghisgot sa may kalabotan nga mga kamatuoran nga ilang giila.
Hain niini nga mga kamatuoran nga sa inyong hunahuna ang labing makatabang sa kabatan-onan karon? Ngano man?

Pamalandongi hain niini nga mga kamatuoran ang labing makahuluganon kaninyo sa personal nga paagi.

Sa imong hunahuna sa unsang paagi si Jesukristo motuman niini nga mga saad karon?

Si Presidente Jeffrey R. Holland sa Korum sa Napulog Duha ka Apostoles mipamatuod:

… Sa usa ka kalibotan nga “ginatugpo sa unos, ug wala paglipaya,” ingon nga gisulti sa Ginoo nga kini mao, unsaon nato sa pagkaplag sa unsay Iyang gitawag nga “ang pakigsaad sa … kalinaw”? Kita makakaplag niini pinaagi sa pagduol ngadto Kaniya kinsa miingon nga Siya maluoy kanato ug “uban sa walay kataposang pagkamabination” mohatag og kalinaw sa atong mga anak. (“Dili Sama sa Hinatagan sa Kalibotan,” Liahona, Mayo 2021, 36)

Unsa ang inyong nakat-onan mahitungod sa paagi nga ang Langitnong Amahan ug si Jesukristo mibati alang kaninyo?

Ipakita ang pagkat-on

Ang mosunod nga kalihokan gituyo sa pagtabang sa mga estudyante nga mapakita unsay ilang nakat-onan ug ang gibati mahitungod sa Langitnong Amahan ug ni Jesukristo gikan sa pagtuon sa Isaias 54. Pagpili og usa ka matang sa pagtubag nga mas mohaom sa mga panginahanglan sa imong klase. Ang pipila ka ehemplo kon unsa ang imong mahimo maglakip sa pagdapit sa mga estudyante sa pagdrama sa sitwasyon, mosulat og usa ka mensahe sa text, o maghimo og usa ka komiks sa usa ka pakighinabi ni Carlos.

Hinumdomi nganong si Carlos mibati nga gisalikway ug nag-inusara. Paghunahuna og unsay inyong ipakigbahin ngadto kaniya gikan sa unsay inyong nakat-onan sa Isaias 54. Aduna bay personal nga mga kasinatian nga tingali inyong ipakigbahin kaniya?

Unsa ang inyong gusto nga mahinumdoman mahitungod sa Manluluwas gikan sa inyong pagtuon sa Isaias 54?

Mahimo nimong ipakigbahin ang imong pagpamatuod sa Manluluwas ug sa imong mga hunahuna ug mga pagbati samtang nagtuon sa Isaias 54.

Dugang nga mga Kapanguhaan

Unsa ang kahulogan sa pipila ka pulong ug hugpong sa mga pulong sa Isaias 54?

Sa Isaias 54:3 gisultihan niya ang Israel nga sila “mosanay pag-ayo” ug nga “[mahimong] magpuyo sa siyudad nga biniyaan.” Kini nagrepresenta sa daghan kaayong katawhan nga pagapundokon, mao nga kinahanglan nga “padak-[an] ang imong tolda” (Isaias 54:2).

Sa Isaias 54:9, ang Ginoo mipahinumdom sa Israel sa Iyang saad nga dili tabunan ang yuta sa usa ka lunop pag-usab (tan-awa sa Genesis 9:15–17). Sa dihang natapos ang lunop ug ang Ginoo misaad nga dili na mopadala og lain, ang kasuko sa Ginoo sa Balay sa Israel sa ilang mga sala dili mahimong hangtod sa hangtod.

Sa Isaias 54:10, si Isaias migamit sa paghanduraw sa mga bukid ug mga bungtod, diin makita nga permanente. Ang Ginoo misaad nga ang Iyang kamabination ug “ang [Iyang] kasabotan sa pakigdait” mas permanente kaysa mga bukid ug mga bungtod.

Isaias 54:2. Unsay kalabotan mahitungod sa paghanduraw ni isaias sa tolda?

Ang Kinatibu-ang Tamdanan nga Basahon nagsaysay:

Si Isaias mihulagway sa Zion sa ulahing mga adlaw isip usa ka tolda o tabernakulo nga gipabarog sa mga istaka [stake] (tan-awa sa Isaias 33:20; 54:2). Karon ang Simbahan giorganisar ngadto sa mga stake. Ang matag stake gilangkoban og daghang ward ug gipangulohan sa usa ka presidente sa stake. Ang Ginoo miestablisar og mga stake alang sa “panagpundok” sa Iyang katawhan ug “alang sa usa ka panalipod, ug … usa ka dangpanan” gikan sa kalibotan (Doktrina ug mga Pakigsaad 115:6). Ang mga miyembro ug mga lider diha sa usa ka stake magtambayayong sa pag-apil sa buhat sa Dios sa kaluwasan ug kahimayaan (tan-awa sa 1.2). (Kinatibuk-ang Tamdanan nga Basahon: 6.1)

Unsa man ang gibati sa Manluluwas kabahin sa Iyang katawhan sa pakigsaad?

Si Presidente Jeffrey R. Holland sa Korum sa Napulog Duha ka Apostoles mipamatuod:

Bisan tuod aduna na dihay pagkawalay pulos ug usahay pagkadili-matinud-anon, ang bana si (Kristo) nagbawi ug nagtubos gihapon sa iyang pangasaw-unon ang (Israel). …

… Si Kristo, sa usa ka okasyon, nasuko sa masinupakon nga Israel, apan sa kanunay kana sa makadiyot ug temporaryo lang—”sa mubo nga panahon.” Ang kapuangod ug kaluoy kanunayng mobalik ug mopatigbabaw sa labing makapadasig nga paagi. Ang mga bukid ug ang mga kabungtoran mahimong mawala. Ang tubig sa dakong kadagatan mahimong maughan. Ang labing minos nga posibling mahitabo nga mga butang sa kalibotan mahimong mahitabo, apan ang kamabination ug kalinaw sa Ginoo dili gayod makuha gikan sa iyang mga katawhan sa pakigsaad. Siya mihimo og usa ka langitnong panumpa nga siya dili masuko kanila hangtod sa kahangtoran.” (Christ and the New Covenant[1997], 290)

Sa unsang paagi gipakita ni Jesukristo nga kita nahisakop ngadto Kaniya?

Si Elder D. Todd Christofferson sa Korum sa Napulog Duha ka Apostoles mipamatuod:

14:41

Isip nahiusa sa Amahan, sa Anak, ug sa Espiritu Santo nga walay pagduha-duha ang kataposan diha sa pagkasakop.

Busa, ang doktrina sa pagkasakop masumada sa ingon niini—matag usa kanato makapamatuod nga: si Jesukristo namatay alang kanako; Siya nagtuo nga ako mahimong takos sa Iyang dugo. Siya nahigugma kanako ug makahimo sa tanang kalainan sa akong kinabuhi. Kon ako maghinulsol, ang Iyang grasya mousab kanako. Ako nahiusa Kaniya diha sa pakigsaad sa ebanghelyo; ako nahisakop sa Iyang Simbahan ug gingharian; ug ako nahisakop sa Iyang kawsa sa pagdala og katubsanan ngadto sa tanang anak sa Dios. (“Ang Doktrina sa Pagkasakop,” Liahona, Nob. 2022, 56)

Dugang nga mga Kalihokan sa Pagkat-on

“Padakua ang dapit sa imong balong-balong … ug lig-una ang imong mga lagdok” (Isaias 54:2)

Kini nga kalihokan makatabang sa mga estudyante nga makasabot sa paghanduraw ni Isaias sa usa ka tolda ug ngano ang Simbahan giorganisa ngadto sa mga stake. Mahimo kang magdala og tolda ngadto sa klase ug dapita ang mga estudyante sa pagporma niini o magpakita og usa ka imahe. Hangyoa sila sa pagpasabot sa katuyoan sa usa ka tolda ug unsaon sa pagporma nga kini makasugakod sa hangin ug ulan.

Ikonsiderar ang pagpakita niini nga imahe sa usa ka tolda ug pagdapit sa mga estudyante sa pagsulat sa lainlain nga mga parte sa tolda gamit ang unsay ilang makita sa bersikulo 2.

Basaha ang Isaias 54:2, nga mangita unsa ang gitudlo ni Isaias mahitungod sa tolda. Ikonsiderar ang pagsukna sa mosunod nga mga pangutana aron matabangan ang mga estudyante nga makasabot sa unsang paagi kini nga mga bersikulo may kalabotan ngadto sa Simbahan sa Manluluwas sa atong panahon.

Ngano sa imong hunahuna nga ang Simbahan sa Manluluwas sama sa usa ka tolda?
Sa unsang paagi ang stake makasuporta sa tolda? Unsa ang matudlo niini ngari kanato mahitungod sa tahas sa mga stake sa Zion sa napahiuli nga Simbahan sa Manluluwas?
Sa unsa nga mga paagi nga imong nakita nga ang tolda nagkadako sa atong panahon?

Ikonsiderar ang pagpakigbahin sa pamahayag gikan sa Kinatibuk-ang Tamdanan nga Basahon mahitungod sa mga stake diha sa Dugang nga mga Kapanguhaan. Mahimo usab nimong basahon ang Doktrina ug mga Pakigsaad 115:6 ug hisgoti sa unsang paagi ang stake sa Zion naghatag og panagang ug kapahulayan gikan sa mga unos sa kinabuhi. Mahimo usab nimong basahon ang Moroni 10:31 o Doktrina ug mga Pakigsaad 82:14; 133:9 ug hisgoti unsa ang gipangayo sa Ginoo kanato nga buhaton isip mga miyembro sa Iyang Simbahan.

Ang Ginoo misaad nga mopakigsaad sa Israel

Kon magpaila sa pagbasa sa Isaias 54:1–10, 13, 17, mahimo nimong ipakigbahin ang mosunod nga imbitasyon gikan ni Presidente Russell M. Nelson.

Samtang magtuon kamo sa inyong mga kasulatan … , moawhag ako kaninyo sa paghimo og lista sa tanan nga gisaad sa Ginoo nga Iyang buhaton alang sa nakigsaad nga Israel. Nagtuo ko nga mahingangha kamo! Pamalandongi kini nga mga saad. Hisgoti kini uban sa inyong pamilya ug mga higala. Dayon sunda ug tan-awa kini nga mga saad nga matuman diha sa inyong kaugalingong kinabuhi. (“Ipatigbabaw ang Dios Labaw sa Tanan,” Liahona, Nob. 2020, 95)

Dapita ang mga estudyante sa paglista sa mga saad sa Ginoo nga makigsaad sa Israel diha sa Isaias 54. Mahimo nimong hisgotan unsa ang matudlo niini nga mga saad mahitungod sa Ginoo ug sa unsang paagi ang mga estudyante makakita nga natuman kini sa ilang mga kinabuhi. Mahimong dasigon nimo ang mga estudyante sa pagpadayon sa pagpangita sa mga saad sa Ginoo nga makigsaad sa Israel samtang tun-an nila ang mga kasulatan.