Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 51–52: “Pamati Kanako”

“Isaias 51–52: ‘Pamati Kanako,’” Manwal sa Magtutudlo sa Seminary sa Daang Tugon (2026)

“Isaias 51–52: ‘Pamati Kanako,’” Manwal sa Magtutudlo sa Seminary sa Daang Tugon

Isaias 50–57: Leksiyon 123

Isaias 51–52

“Pamati Kanako”

Jesus Christ reaching out his hand near water outdoors, closeup

Pinaagi ni Isaias, ang Ginoo namulong ngadto sa Iyang katawhan sa pakigsaad, sa karaan ug karon. Siya mihatag og talagsaong mga saad ngadto kanila kon sila mopili nga maminaw sa Iyang mahigugmaong mga pagdapit. Isip Iyang katawhan sa pakigsaad, ang Ginoo mihatag niining sama nga mga saad ug mga pagdapit ngari kanato. Kini nga leksiyon makatabang sa mga estudyante nga mamati sa mga pagdapit sa Manluluwas.

Pagpangandam sa estudyante: Dapita ang mga estudyante sa pagpamalandong dihang sila o usa ka tawo nga ilang kaila mituman sa usa sa mga pagdapit o mga sugo sa Ginoo ug napanalingan. Kini nga leksiyon maghatag og oportunidad alang sa mga estudyante nga andam nga mopakigbahin.

Posibleng mga Kalihokan sa Pagkat-on

Kinsay inyong paminawon?

Ikonsiderar ang paglista diha sa pisara sa mga indibidwal nga gihisgotan sa ubos o sa uban nga imong gibati nga makaimpluwensiya sa mga tin-edyer.

Ginikanan, Higala, Magtutudlo, Coach, Social Media Influencer, Celebrity

Kinsa sa inyong hunahuna lagmit maminaw ang mga tin-edyer ug mosunod sa ilang tambag? Ngano man?
Nganong importante man kon kinsa ang atong paminawon ug sundon?

Samtang basahon sa mga estudyante ang mosunod nga mga bersikulo, mahimo nimong ipasabot nga ang mga manunulat sa mga kasulatan kasagaran mibalik-balik sa mahinungdanong mga pulong ug mga ideya aron mahatagan og gibug-aton ang importante nga mga ideya. Ang imong mga estudyante makapraktis sa pagpangita sa gibalik-balik nga mahinungdanong mga pulong ug mga hugpong sa mga pulong uban ang mosunod nga mga bersikulo.

Basaha ang Isaias 51:1, 4, 7, nga mangita kon kinsa ang gitambag sa Ginoo nga paminawon ug sundon sa katawhan sa pakigsaad. Mahimo nimong markahan ang unsay imong makit-an.

Dapita ang mga estudyante sa pagpakigbahin sa unsay ilang nakaplagan. Kon ang mga estudyante nagkinahanglan og pagsabot sa pulong nga pamati, ikonsiderar ang pagpasabot nga si Presidente Russell M. Nelson mitudlo nga ang pagpaminaw nagpasabot “sa pagpaminaw uban sa tumong sa pagsunod” (“Paminaw Kaniya,” Liahona, Mayo 2020, 89).

Ngano kaha nga ang usa ka tawo gusto nga maminaw ug mosunod sa tambag sa Manluluwas kay ni bisan kinsa?

Pamalandongi ang bisan unsang mga hagit, mga kabalaka, o mga pangutana sa inyong kinabuhi karon. Ikonsiderar ang mga paagi nga kamo makabenepisyo tungod sa pagpaminaw sa tambag ug mga pagdapit sa Manluluwas samtang kamo magtuon sa Isaias 51–52.

“Pamati kanako”

Basaha ang Isaias 51:1–2, nga mangita sa mga hulagway ug mga simbolo nga gigamit ni Isaias sa paghulagway og pagdapit gikan sa Ginoo.

Dapita ang mga estudyante sa pagpakigbahin sa unsay ilang nakit-an ug unsay ilang gibati nga gipasabot niini nga mga hulagway.

Ipasabot nga ang mga hugpong sa mga pulong nga “tan-aw sa bato diin didto kamo sapsapa” ug motan-aw ngadto nila ni Abraham ug Sara (Isaias 51:1–2) nagpasabot sa pagdapit sa Ginoo sa paghinumdom nila ni Abraham ug Sara, diin ang Dios mihimo sa Iyang pakigsaad (gitawag usab nga ang pakigsaad ni Abraham). Kini nagpasabot nga kita kinahanglan nga mahinumdom sa pagtuman niining sama nga pakigsaad ngadto sa Dios.

Mahimo nimong dapiton ang mga estudyante sa pagsulat sa mosunod nga dili kompleto nga pamahayag diha sa ilang journal sa pagtuon: Samtang kita motuman sa atong mga pakigsaad uban sa Ginoo, Siya …

Unsay ipasabot alang ninyo nga motuman sa atong mga pakigsaad uban sa Ginoo?

Basaha ang Isaias 51:3, nga mangita sa mga panalangin nga gisaad sa Manluluwas kon kita maminaw ngadto Kaniya sa pagtuman sa atong mga pakigsaad.

Unsay imong nakaplagan?

Ang mga estudyante mahimong modugang og … mopanalangin nato uban ang kahupayan, hingpit nga kalipay, ug kamaya ngadto sa dili kompleto nga pamahayag.
Sa unsang paagi kaha nga ang pagtuman sa atong mga pakigsaad uban ang Ginoo makatabang nato nga makadawat sa Iyang kahupayan, hingpit nga kalipay, o kamaya?

Mga pagdapit ug mga panalangin

Paghimo o pagpakita sa mosunod nga tsart diha sa pisara. Mahimo usab nga kopyahon kini sa mga estudyante sa ilang mga journal sa pagtuon. Isip usa ka modelo, mahimo nimong idugang ang unsay nadiskobrehan sa mga estudyante sa Isaias 51:1–3. Pananglitan, mahimong idugang nimo ang “motuman sa atong mga pakigsaad uban ang Ginoo” sa wala nga kolum ug “mopanalangin kanato og kahupayan, hingpit nga kalipay, ug kamaya” sa tuo nga kolum.

Si Isaias nakarekord og daghang pagdapit ug mga saad gikan sa Ginoo sa Isaias 51–52. Irekord ang mga pagdapit ug mga saad nga inyong makit-an diha sa inyong journal samtang magtuon kamo niining mga kapitulo.

Ang mga Pagdapit sa Ginoo ngadto sa Iyang katawhan sa pakigsaad	Ang mga Saad sa Ginoo ngadto sa Iyang katawhan sa pakigsaad
Ang mga Pagdapit sa Ginoo ngadto sa Iyang katawhan sa pakigsaad	Ang mga Saad sa Ginoo ngadto sa Iyang katawhan sa pakigsaad

Unsa ang natudlo niining mga pagdapit kaninyo mahitungod sa unsay ipasabot sa pagtuman sa inyong mga pakigsaad?
Hain sa mga panalangin sa Ginoo ang gusto gayod ninyo? Ngano man?
Hain sa mga pagdapit sa Ginoo sa inyong hunahuna ang makatabang ninyo nga madawat ang panalangin nga inyong gitinguha?

Pagpamati sa Ginoo

Dapita ang mga estudyante sa paghunahuna mahitungod sa unsay ilang nakat-onan gikan sa ilang Amahan sa Langit pinaagi sa Espiritu Santo atol sa leksiyon. Ang mosunod maoy usa ka paagi nga mahimo nimo kini.

Pamalandongi ang unsay inyong nakat-onan karon ug bisan unsang mga pagdapit o tambag nga inyong gibati nga gihatag sa Langitnong Amahan ug ni Jesukristo nganha kaninyo pinaagi sa Espiritu Santo. Sa inyong journal sa pagtuon, ikonsiderar ang pagtubag sa mosunod nga pangutana:

Unsa ang inyong gibati nga ang Ginoo nagdapit ninyo nga buhaton aron makadawat sa Iyang tabang taliwala sa inyong mga hagit, mga kabalaka, o mga pangutana?

Isaias 51:3, 12. Unsa ang mga paagi nga ang Manluluwas makahupay kanato?

Si Elder Ulisses Soares sa Korum sa Napulog Duha ka Apostoles mitudlo:

11:10

Dugang pa niining halangdong gasa sa kaluwasan, ang Manluluwas mitanyag usab nato og tabang ug kahupayan samtang atubangon nato ang atong mga kasakit, mga tentasyon, ug mga kahuyang sa mortal nga kinabuhi. … Ako mopaniguro kaninyo nga si Kristo nakahibalo kanunay sa mga kalisod nga atong nasinati dinhi sa pagka-mortal. Siya nakasabot sa tanan nga kapait, paghingutas, ug pisikal nga kasakit ingon man usab sa emosyonal ug espirituwal nga mga hagit nga atong giatubang. Ang kasingkasing sa Manluluwas napuno sa kaluoy, ug Siya andam kanunay sa pagtabang kanato. Posible kini tungod kay Siya personal nga nakasinati ug midala sa Iyang Kaugalingon diha sa unod sa kasakit sa atong mga kahuyang ug mga kakulangan. (“Jesukristo: Ang Tig-atiman sa Atong Kalag,” Liahona, Mayo 2021, 83)

Isaias 52:7. Kinsa ang gipasabot sa mga pulong nga “pagkatahom sa ibabaw sa kabukiran sa mga tiil niadtong nanagdala sa mga maayong balita, nga nanagmantala sa pakigdait”?

Si Presidente Jeffrey R. Holland sa Korum sa Napulog Duha ka Apostoles mipasabot:

Sa kataposan si Kristo mao ang matahom sa ibabaw sa kabukiran. Ug ang Iyang maloloy-on nga saad sa “kalinaw niini nga kalibotan,” Iyang maayong balita sa “kinabuhi nga dayon diha sa kalibotan nga umaabot” [D&P 59:23] makapatumba kanato sa Iyang tiilan ug motawag sa Iyang ngalan nga bulahan ug magpasalamat alang sa pagpahiuli sa Iyang tinuod ug buhi nga Simbahan. (“Peaceable Things of the Kingdom,” Ensign, Nov. 1996, 82)

Dugang nga mga Kalihokan sa Pagkat-on

Dugang nga kalihokan alang sa handout

Kon ganahan ka nga magdugang og laing kalihokan ngadto sa handout, ikonsiderar ang paglakip sa mosunod:

Basaha ang Isaias 51:15–16, nga mangita sa mga panalangin nga gisaad sa Ginoo sa Iyang katawhan.

Aron tabangan ka nga makasabot sa hugpong sa mga pulong nga “gibutang ko ang akong mga pulong diha sa inyong baba” (Isaias 51:16), basaha ang Doktrina ug mga Pakigsaad 100:5–8, nga mangita sa susama nga saad nga gihatag sa Ginoo kang Joseph Smith ug Sidney Rigdon.

Aron tabangan ka nga makasabot sa hugpong sa mga pulong nga “gitagoan ko kamo diha sa landong sa akong kamot” (Isaias 51:16), pamalandongi kon unsa nga anino ug landong ang makapanalipod kanato.

Unsa nga mga saad ang inyong nakit-an?
Unsa ang gitudlo niini nga mga saad kaninyo mahitungod sa Ginoo ug unsa ang Iyang nabuhat alang sa Iyang katawhan nga mituman sa ilang mga pakigsaad uban Kaniya?

“Pagmata, pagmata” (Isaias 51:9, 17; 52:1)

Aron tabangan ang mga estudyante sa pagtuon niini nga mga bersikulo, ikonsiderar ang pagpakita og alarm clock ug pagpangutana sa mga estudyante kon naggamit ba sila og alarm aron makamata. Kon mao, pangutan-a sila kon unsa ka malamposon ang ilang alarm sa pagpukaw kanila.

Unsa sa inyong hunahuna ang gipasabot sa pagkatulog sa espirituhanong paagi?

Ipasabot nga sa Isaias 51:9–10, si Isaias misulat nga ang mga Israelita mibati nga ang Ginoo wala magpakabana sa ilang mga problema ug mga pagsulay. Nangamuyo sila nga Siya mopukaw ug motabang kanila sama sa Iyang gibuhat kaniadto. Pwede nimong pangutan-on ang mga estudyante kon mibati ba sila og susama sa mga Israelita.

Dayon, ikonsiderar ang pagdapit sa mga estudyante sa pagbasa sa Isaias 51:11–16, nga mangita sa tubag sa Ginoo sa pangamuyo sa mga Israelita.

Unsa ang gisulti sa Ginoo aron mahinumdom sila kon si kinsa Siya ug unsa ang Iyang mahimo?

Mahimong basahon dayon sa mga estudyante ang Isaias 51:17, nga mangita kon kinsa ang giingon sa Ginoo nga natulog sa espirtuhanong paagi. Mahimo dayon nilang tun-an ang Isaias 52, nga mangita sa mga pagdapit nga gihatag sa Ginoo sa pagtabang kanato nga makamata sa espirituhanong paagi.

“Magmaya, ug ihangad ang inyong mga ulo sa kahangtoran” (2 Nephi 9:3)

Mahimo ninyong pilion ang pagtutok kon nganong gipili ni Jacob ang paglakip niini nga mga kapitulo sa iyang wali ngadto sa mga Nephita diha sa Basahon ni Mormon (tan-awa sa 2 Nephi 8). Dapita ang mga estudyante sa pagbasa sa 2 Nephi 9:3, nga mangita og usa sa mga rason nga gihatag ni Jacob. Dapita ang mga estudyante sa pagtuon sa Isaias 51–52, nga mangita sa hugpong sa mga pulong nga mahimong makatabang sa tawo nga mohangad sa ilang ulo ug magmaya.

Kon ang mga panalangin daw dili moabot

Aron tabangan ang mga estudyante nga mopili sa pagpadayon sa pagpaminaw sa mga pagdapit sa Ginoo kon wala nila makita ang Iyang mga panalangin, ikonsiderar ang pagpasalida sa bidyo nga “No Blessings Denied the Faithful” (3:01). Pagkahuman, mahimong ipakigbahin sa mga estudyante ang unsay ilang nakat-onan o gibati.

3:2