Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 29: “O se Galuega Tele ma le Ofoofogia”

“Isaia 29: ‘O Se Galuega Tele ma le Ofoofogia,’” Tusi Lesona a le Faia’oga Seminare o le Feagaiga Tuai (2026)

“Isaia 29: ‘O Se Galuega Tele ma le Ofoofogia,’” Tusi Lesona a le Faia’oga Seminare o le Feagaiga Tuai

Isaia 13–14; 22; 24–30; 35: Lesona 118

Isaia 29

“O Se Galuega Tele ma le Ofoofogia”

E fa’apefea ona ofoofogia le talalelei a Iesu Keriso ma le Tusi a Mamona iā te oe?Na fa’amatala e Isaia le Toefuata’iga o le talalelei a Iesu Keriso, e aofia ai le o’o mai o le Tusi a Mamona, o se “galuega tele ma le ofoofogia” (Isaia 29:14).O lenei lesona e fesoasoani i tagata a’oga e lagona le loto fa’afetai mo le Toefuata’iga o le talalelei a Iesu Keriso ma le Tusi a Mamona.

Sauniuniga a le tagata a’oga: Vala’aulia tagata a’oga ia mafaufau pe fa’apefea ona latou fa’auigaina ia upu ofoofogia ma le matagofie.I le fa’aaogaina ai o la latou fa’auigaga, vala’aulia i latou e sue se fuaiupu po o se tala i le Tusi a Mamona e ofoofogia ma matagofie iā i latou.

Gaoioiga e Ono Mafai Ona Aoao Ai

Liliu ese

Ina ia iloa le mana’omia o le Toefuata’iga o le talalelei, e fesoasoani i tagata a’oga ona malamalama i le Liliu Ese Tele.

Ina ia faia lenei mea, fai atu i tagata a’oga o le a latou taumafai e mate se mea na tupu e fa’aaoga ai faaiteitega.Ona fa’aali auaua’i lea o fasifuaitau nei a o taumafai tagata a’oga e mate mai “le Liliu Ese Tele.”A o fa’ailoa mai e tagata a’oga, vala’aulia i latou e si’i o latou lima ae ’aua nei fa’asoa maia le tali.

Fa’aaoga fasifuaitau nei ia iloa ai le mea na tupu lea o lo o fa’amatalaina:

“e ufitia le lalolagi i le pouliuli” (Isaia 60:2)
“o le oge i le fa’alogologo i afioga a le Ali’i” (Amosa 8:11)
“e o’o mai iā te outou luko sauā” (Galuega 20:29)
“tete’a ese” (2 Tesalonia 2:3)

Faitau le Isaia 29:8–10, va’ava’ai mo fa’amatalaga o le Liliu Ese Tele.

E fa’apefea e le fuaitau ona fa’amatala tagata o e n lafoaiina pe latou te le’i mauaina lava foi le upumoni a le Ali’i ona o le Liliu Ese Tele?

O lo o tatou ola i se lalolagi o loo tumu iā i latou o lo o fia aai, tautevateva, po o momoe pea fa’aleagaga .Tatou te ono faia foi ni filifiliga e taumamao ai i tatou mai le Ali’i.Fa’aalu sina taimi e manatunatu loloto ai i auala e mafai ai e oe, po o isi e te alofa iai, ona i ai lagona faapea.

A o e suesue i lenei aso, saili le fesoasoani mai le Agaga Paia e talisapaia ai le mea ua tu’uina mai e le Tamā Fa’alelagi ma Iesu Keriso iā i tatou e manumalō ai i nei lu’itau ma liliu atu iā i Laua.

O se galuega tele ma le ofoofogia.

Faitau le Isaia 29:4 ia faailoa ai le mea na valoia e Isaia e fa’atatau i le auala e fa’amanuiaina ai i tatou e le Ali’i ia manumalō ai i a’afiaga o le Liliu Ese Tele.

Ina ia fesoasoani i tagata a’oga ia malamalama e faapea o le fuaiupu 4 o loo fa’asino atu i le Tusi a Mamona, e mafai ona e saunia nai mau fa’asino nei mo tagata a’oga:

2 Nifae 33:13
Mamona 8:23
O le parakalafa mulimuli o le “Molimau a le Perofeta o Iosefa Samita” e maua i itulau tomua o le Tusi a Mamona.

O se isi auala, e mafai ona e fa’aali atu mau fa’asino uma i luga o le laupapa ma vala’aulia tagata a’oga e fa’aaoga po o le a lava le tele e mana’omia, e faailoa ai mea ua fa’amanuiaina ai i tatou e le Alii.E mafai ona filifili e tagata a’oga se tasi pe sili atu o nei mau fa’asino ma fefaasinoa’i, pe fa’afeso’ota’i, atu i latou i le Isaia 29:4.E mafai ona fesoasoani lea iā i latou e manatua ai mea ua latou a’oa’oina.

Atonu e te vala’aulia tagata a’oga e faitau le Isaia 29:11–12 ma va’ava’ai mo isi fasifuaitau e mafai ona fa’asino atu i le o’o mai o le Tusi a Mamona.Atonu e fa’ailoga e tagata a’oga le, “avatua lea o le tusi i lē ua lē iloa faitau” (Isaia 29:12).O lenei fasifuaitau o loo fa’asino atu iā Iosefa Samita, o sē e itiiti lava ni a’oa’oga aloa’ia na ia maua.Afai e lē iloa e tagata a’oga, e mafai ona e fa’amatala atu o nei fuaiupu, e fa’asino atu i se mea na tupu i le tala fa’asolopito o le Ekalesia e maua i le Iosefa Samita—Tala Fa’asolopito 1:62–65.

O leIsaia 29:13–14 o se fuaitau o le atamai i a’oa’oga faavae.Mafaufau e vala’aulia tagata a’oga e fa’ailoga fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

Faitau le Isaia 29:13–14, va’ava’ai mo mea na fetalai mai le Ali’i o le a Ia faia ina ia faatoilalo ai aafiaga o le Liliu Ese Tele.

Na fa’amatala e Peresitene Russell M. Nelson le uiga o le galuega tele ma le ofoofogia:

O le galuega tele [ma le ofoofogia] e aofia ai le o’o mai o le Tusi a Mamona ma le Toefuata’iga o le talalelei.(“Molimau fa’ale-Tusi Paia,” Liahona, Nov. 2007, 46)

E fa’apefea ona e aotele mea e mafai ona tatou a’oa’oina mai le Isaia 29:13–14?

E mafai ona fa’asoa mai e tagata a’oga se mea e talitutusa ma le fa’amatalaga lenei: Ua toefuata’i e le Ali’i le talalelei a Iesu Keriso, e aofia ai le o’o mai o le Tusi a Mamona, ina ia manumalō ai i a’afiaga o le Liliu Ese Tele.

Ia fa’amatala atu o le Toefuata’iga o le Talalelei, “o le toe fa’atūina lea e le Atua o le upumoni ma sauniga o Lana tala lelei i tagata o le lalolagi” (“Toefuata’iga o le Talalelei,” Taiala i Tusitusiga Paia, Potutusi o le Talalelei).O se isi auala, e mafai ona e matamata i le “O le ā le Toefuata’iga?” mai le faailo taimi 2:09 i le 5:13.

5:1

Ina ia fesoasoani i tagata a’oga e iloilo lenei upumoni, mafaufau e faatulaga i latou i ni vaega e talanoaina fesili nei.
O le ā se mea ua mafai ona a’oa’o mai e lenei upumoni iā i tatou e uiga i le Tamā Fa’alelagi ma Iesu Keriso?
E fa’apefea e le Toefuata’iga o le talalelei a Iesu Keriso ma le Tusi a Mamona ona fesoasoani iā i tatou e manumalō ai i faigatā fa’aleagaga e mafua mai i le Liliu Ese Tele?

O fa’amanuiaga o le galuega tele ma le ofoofogia

E mafai ona fesoasoani le fa’amatalaga lenei i tagata a’oga e iloa ai pe fa’apefea e le Toefuata’iga o le talalelei ma le Tusi a Mamona ona fesoasoani iā i tatou ia manumalō i a’afiaga o le Liliu Ese Tele.

Tusi le fesili “E fa’apefea ona fa’amanuia i tatou e le Ali’i e ala mai i le Toefuata’iga ma le Tusi a Mamona?” i totonu o lau api tala’aga.Faitau le Isaia 29:18–19 ma tusi mea e te maua e tali ai le fesili.

Fa’amae’a se tasi o gaoioiga nei:

Gaoioiga 1

Faailoa mai se fuaiupu po o se tala mai le Tusi a Mamona e mafai ona e fa’alatalata atili atu ai i le Tamā Fa’alelagi ma Iesu Keriso.Afai e fesoasoani, e mafai ona e vaavaai i fuaitau o le atamai i a’oa’oga fa’avae i le Tusi a Mamona.

Fa’amatala pe aiseā e ofoofogia ai iā te oe.

Gaoioiga 2

Fa’ailoa mai se a’oa’oga fa’avae, sauniga, fa’amanuiaga, po o se isi itu o le Toefuata’iga o le talalelei a Iesu Keriso (perofeta o ona po nei, malumalu, perisitua ma isi mea fa’apena) e fesoasoani iā te oe e fa’alatalata atili atu ai i le Tamā Fa’alelagi ma Iesu Keriso.

Fa’amatala pe aiseā e ofoofogia ai iā te oe.

A mae’a se taimi talafeagai, vala’aulia tagata a’oga e faatasitasi i vaega toalaiti ma fefa’asoaa’i a latou fa’amalamalamaga.

Mafaufau e fa’ai’u le vasega i le vala’aulia o tagata a’oga ia manatunatu loloto pe aiseā latou te loto fa’afetai ai i le Tamā Fa’alelagi ma Iesu Keriso mo le Toefuata’iga ma le Tusi a Mamona.Mafaufau e fa’asoa atu ou lagona pe aiseā e te loto fa’afetai ai mo le Toefuata’iga ma le Tusi a Mamona.

Tauloto

E te ono mana’o e fesoasoani atu i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona ma toe iloilo i latou i lesona i le lumana’i.O le fasifuaitau autū o le mau mo le Isaia 29:13–14 o “Le Toefuata’iga o le talalelei ‘o se galuega tele ma le ofoofogia.’”O manatu mo gaoioiga o le taulotoina o loo i ai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

Pe ua mae’a le Toefuata’iga o le talalelei?

Sa a’oa’o mai e Peresitene Dieter F. Uchtdorf, o lē sa avea ma se tasi o le Au Peresitene Sili:

18:31

O nisi taimi tatou te mafaufau ai i le Toefuataiga o le talalelei o se mea ua mae’a, ma ua te’a atu ma tatou—sa faaliliuina e Iosefa Samita le Tusi a Mamona, na ia mauaina ki o le perisitua, na faatulagaina le Ekalesia.Ae o le mea moni, o le Toefuataiga o se faagasologa faifai pea; o loo tatou ola ai i le taimi nei.E aofia ai “mea uma na fa’aali mai e le Atua, mea uma ua Ia fa’aali mai nei,” ma le “tele o mea silisili ma le taua” lea “o le a Ia fa’aali mai” (Mataupu Faavae o le Fa’atuatua 1:9). …O atina’ega maofa o aso nei ua o se vaega o le vaitau o sauniuniga ua leva ona mua’i valoia mai lea o le a taualuga i le Afio Mai Fa’alua mamalu o lo tatou Fa’aola, o Iesu Keriso.”(“O E Moe i lenei Taimi o le Toefuata’iga?,” Liahona, Me 2014, 59)

Na fa’amatala mai e Peresitene Russell M. Nelson:

O le Toefuata’iga o se fa’agasologa, e lē o se mea [e fa’atasi ona] tupu, ma o le a fa’aauau pea se’ia o’o ina toe afio mai le Ali’i. …

O le Toefuata’iga faifai pea, e mana’omia ai fa’aaliga faifai pea.(“O Le Malumalu ma Lou Fa’avae Fa’aleagaga,” Liahona, Nov. 2021, 94)

E fa’apefea ona ou maua se molimau patino o le paia o le Toefuata’iga?

O Le Toefuata’iga o le Atoatoaga o le Talalelei a Iesu Keriso: O Se Folafolaga o le Fa’amanatuina o le Lua Selau Tausaga i le Lalolagi ua faapea mai:

Faatasi ai ma le migao ma le lotofaafetai, i le avea ai ma Ana Aposetolo, matou te vala’aulia ai tagata uma ia iloa—e pei ona matou iloa—o loo matala le lagi.Matou te faamautū atu o loo faailoa mai e le Atua Lona finagalo mo Ōna atalii ma afafine pele.Matou te molimau atu o i latou e su’esu’e ma le agaga tatalo i le sāvali o le Toefuata’iga ma galulue i le faatuatua o le a faamanuiaina e maua ā latou lava molimau e uiga i lona pa’ia ma lona faamoemoega, e pei ona folafolaina mai, e saunia le lalolagi mo le Afio Mai Faalua o lo tatou Alii ma le Faaola, o Iesu Keriso.(“O le Toefuata’ina o le Atoaga o le Tala Lelei a Iesū Keriso: O le Folafolaga o le Fa’amanatuina o le Lua Selau Tausaga i le Lalolagi,” Potutusi o le Talalelei)

Gaoioiga Fa’aopoopo e A’oa’o Ai

Valoaga o le Tusi a Mamona i le Isaia 29

Na aumaia e Isaia isi valoaga o le Tusi a Mamona i le Isaia 29.Afai e te lagona e ono fesoasoani, e mafai ona e fa’amatala atu nei valoaga, po o le faitau e tagata a’oga o mau nei ma faailoa mai pe fa’apefea ona latou feso’ota’i atu i le Tusi a Mamona:

Isaia 29:4—Na valoia e Isaia le o’o mai o papa tusi auro mai le eleele.
Isaia 29:11–12—Na valoia e Isaia e uiga ia Matini Harisi ma lona aveina atu o ni kopi o nisi o togitogiga o le Tusi a Mamona ia Polofesa Charles Anthon.

Ina ia fesoasoani i tagata a’oga ia iloa pe sa fa’apefea ona faataunuuina le valoaga a Isaia i le Isaia 29:11–12 , e mafai ona e tusi le siata lenei i luga o le laupapa:

O le autu o se tasi o valoaga a Isaia	O le valoaga a Isaia e uiga i mea o le a faia e se tagata po o tagata	O le fa’ataunu’uga o le valoaga
Isaia 29:11—“tagata”		Iosefa Samita—Tala Fa’asolopito 1:63–65
Isaia 29:11—“i lē ua iloa faitau”		Iosefa Samita—Tala Fa’asolopito 1:63–65
Isaia 29:12—“lē ua lē iloa faitau”		Iosefa Samita—Tala Fa’asolopito 1:59

E mafai ona e vaevae tagata a’oga i ni paga ma fai atu i paga ta’itasi e faitau fa’atasi mau fa’asino i le siata ma aotele valoaga a Isaia ma lo latou fa’ataunu’uga i aso e gata ai i le koluma ogatotonu.(E te ono mana’o e fa’amatala atu e faapea na fa’amauina fo’i e Nifae le tala a Isaia i le 2 Nifae 27:6–10, 15–20.O le tala a Nifae, o lo o sili atu ona auiliili nai lo o le tala a Isaia i le Tusi Paia.)

O se isi faiga e ese mai le gaoioiga i le siata, e mafai ona outou matamata i le “A Marvelous Work and Wonder” (3:57) pe o le faitauina e ni tagata a’oga naunautai o le tala ia Matini Harisi ma Charles Anthon i itulau 46–48 i le Au Paia, Vaega 1: O le Tulaga o le UpuMoni, 1815–1846.

3:57

O Le Tusi a Mamona: O se galuega tele ma se mea e ofo ai

E mafai ona e fa’aaoga vitiō nei ae le’i fa’amae’aina e tagata le gaoioiga 1 po o le 2 i lenei lesona.E mafai fo’i ona e fa’aali atu ina ia fesoasoani i tagata a’oga ia iloa pe mafai fa’apefea e le Tusi a Mamona ona aumaia le fa’amoemoe ma le olioli i o tatou olaga.

“Look to the Book, Look to the Lord” mai le faailo taimi 1:32 i le 3:22.Na fa’asoa mai e Elder Gary E. Stevenson o le Korama a le [Au Aposetolo e] To’asefululua a’afiaga o Mary Elizabeth Rollins i le faitauina o le Tusi a Mamona.

15:6

“O Le Mea Lea Ia Outou O Atu Ai” mai le faailo taimi 1:22 i le 3:05.Na fa’asoa mai e Sister Silvia H. Allred, sa avea muamua ma sui o le Au Peresitene Aoao o le Aualofa, ona a’afiaga i le aoaoina e uiga i le Tusi a Mamona.

10:24

Fa’atuatua i tulaga aao uma

O le fesoasoani ai i tagata a’oga e faailoa nisi o fa’amanuiaga o le Toefuata’iga, e mafai ona fesoasoani iā i latou e faatupulaia ai lo latou loto fa’afetai mo le “galuega tele ma e ofo ai” a le Ali’i.O se tasi o auala e fesoasoani ai i tagata a’oga ia faia lenei mea, o le usuina po o le fa’alogologo lea i le “Faith in Every Footstep.”E mafai ona mulimulita’i tagata a’oga i upu ma faailoa ai (1) auala e mafai ai ona tatou auai ai i le “galuega tele ma e ofo ai” a le Ali’i, ma (2) fa’amanuiaga e maua mai i Lana galuega maoae.Ona mafai lea ona latou fa’asoa mea na latou maua.

5:37