Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 25: Fa’atalitali Ai i le Ali’i

“Isaia 25: Fa’atalitali Ai i le Ali’i,” Tusi Lesona a le Faia’oga Seminare o le Feagaiga Tuai (2026)

“Isaia 25: Fa’atalitali Ai i le Ali’i,” Tusi Lesona a le Faia’oga Seminare o le Feagaiga Tuai

Isaia 13–14; 22; 24–30; 35: Lesona 117

Isaia 25

Fa’atalitali Ai i le Ali’i

A young woman kneels at her bedside and looks out the window as if she is pondering or waiting for an answer to her prayer.

E fa’apefea ona e tali atu pe a foliga mai e lē o talia mai au tatalo fa’atauanau?I totonu o tusitusiga paia, o lo o fa’amamafa mai ai e le Ali’i ma Ana perofeta le mana’omia ona tatou fa’atalitali ai i le Ali’i (taga’i Isaia 25:9), ma le onosa’i i le sailia ai o fa’amanuiaga ma tali.O lenei lesona e mafai ona fesoasoani i tagata a’oga ia malamalama i le taua o le fa’atalitali ai i le Ali’i.

Sauniuniga a le tagata a’oga: Vala’aulia tagata a’oga e toe manatunatu i se taimi na latou po o se isi latou te iloa na faatalitali ai ma le onosa’i mo se tali po o se fa’amanuiaga mai le Tamā Fa’alelagi.E mafai ona latou sauni e fa’asoa mai po o le a se mea e faigofie pe faafaigata ai mo i latou le aafiaga o le faatalitali.

Gaoioiga e Ono Mafai Ona Aoaoina Ai

Atina’eina o le onosa’i e ala i le fa’ataitai

Ina ia tofotofoina le gafatia o tamaiti e fa’atalitali ai ma le onosa’i, sa tu’uina atu e nisi o le ’au suesue se masimelo telē i luma o ni tamaiti ta’i fa tausaga le matutua.Na fa’atonuina tamaiti e mafai ona latou aia le masimelo i le taimi lava lena.Peita’i, a mafai ona latou fa’atali mo se 15 minute, o le a tu’uina atu ni isi a latou masimelo e lua.Sa na o le 30 pasene o tamaiti sa mafai ona fa’atalitali.

O le ā se mea e te manatu atonu na fai ma eseesega i le va o tamaiti o e na mafai ona faatali, ma i latou e le’i mafai ona fa’atali?
O anafea na fa’afaigata ai ona e fa’atalitali mo se mea?O le ā se mea sa faafaigata iā te oe?

I nisi o taimi, e ono fetalai mai le Tamā Fa’alelagi iā i tatou e fa’atali mo se tali mo’omia po o se fa’amanuiaga. O nisi taimi, atonu e lē saunia e Ia le tali mo’omia po o se fa’amanuiaga i se auala po o se taimi tatou te manana’o ai.

O ā nisi o fa’ataitaiga o fa’amanuiaga po o tali mai le Ali’i tatou te ono mana’omia ona fa’atalitali iai ma le onosa’i?

Atonu e ta’u mai e tagata a’oga le fa’atalitali mo se fa’amaoniga o le Tusi a Mamona e moni, sailia ai o faamanuiaga o fōfō mo se ma’i o se tasi e pele, po o le ole atu i le Tamā Fa’alelagi mo tali i ā latou fesili o le talalelei.

Ina ia fesoasoani i tagata a’oga ia faailoa pe faapefea ona fa’aaoga lenei lesona i o latou mana’oga ta’ito’atasi, saunia se avanoa mo i latou e manatunatu loloto ai i fesili nei mo le iloiloga faale-tagata lava ia.
O ā fa’amanuiaga po o tali mai i le Tamā Fa’alelagi o lo o e fa’atalitali iai ia maua?O le ā se mea atonu e fetalai mai o Ia e te fa’atalitali iai i le lumana’i.
O le a se mea e faigofie pe faafaigata ai ia te oe le faatalitali mo se mea mai le Tamā Fa’alelagi?

A o e suesue i lenei aso, saili mo le fesoasoani a le Agaga Paia e fa’ateleina ai lou malamalama i le taua o le fa’atalitali i le finagalo ma le taimi a le Tamā Fa’alelagi ma Iesu Keriso.E mafai ona e vala’aulia le Tamā Fa’alelagi i le agaga tatalo ia fa’amalosia lou gafatia e fa’atalitali ai ma le onosa’i.

Fa’atalitali ai i le Ali’i ma le onosa’i

Atonu e fesoasoani le fa’asoa atu i tagata a’oga e faapea na auina atu e le Ali’i le perofeta o Isaia i le malo o Iuta i se taimi vevesi o le lē mautonu i fa’aupufai o le malo ma le va masani o tagata lautele.O le Isaia 25 ua fa’amanatu atu ai i le aiga o Isaraelu e uiga i fa’amanuiaga silisili ua latou maua ma o le a mauaina mai le Ali’i.

Faitau le Isaia 25:1–4, 6–9, va’ava’ai mo mea ua mae’a ona faia e le Ali’i mo Isaraelu ma mea o le a na Ia faia mo i latou i le lumana’i.

O ā fa’amanuiaga e tulaga ese iā te oe?
E tusa ai ma le fuaiupu 9, o ā mea e finagalo le Ali’i tatou te faia ina ia maua ai Ana fa’amanuiaga?

Fesoasoani i tagata a’oga ia faailoa se upumoni e pei o le pe afai tatou te fa’atalitali i le Ali’i, o le a tatou fiafia ma olioli i Lana fa’aolataga.E mafai ona e tusia le fasifuaitau “fa’atali i le Ali’i” i luga o le laupapa.

Vala’aulia tagata a’oga e vaai faalemafaufau i se uo na fesili atu ia i latou e faamalamalama le uiga o lenei fasifuaitau.Fesoasoani i tagata a’oga e fatu se fa’amalamalamaga o lenei fasifuaitau.A mana’omia e tagata a’oga se fesoasoani fa’aopoopo i le uiga o le fa’atalitali ai mo le Ali’i, e mafai ona e fa’asoa atu le fa’amatalaga lenei.

Na a’oa’o mai Elder Robert D. Hales (1932–2017) o le Korama a le Au Aposetolo e To’asefululua:

I totonu o tusitusiga paia, o le upu fa’atalitali o lona uiga ia fa’amoemoe, ia taula’i atu, ma ia fa’atuatua.O le fa’amoemoe ma le fa’atuatua i le Ali’i e mana’omia ai le fa’atuatua, onosa’i, loto maualalo, agamalū, tali-tiga, tausia o poloa’iga, ma le tumau ai seia o’o i le i’uga.(“Faatalitali i le Alii: Ia Faia Lou Finagalo,” Liahona, Nov. 2011, 71)

Pe iai se mea e te ono fa’aopoopo e fesoasoani ai i se tasi ia malamalama i le uiga o le fa’atalitali ai i le Ali’i?
Aiseā e te manatu ai e matua’i taua lava i le Ali’i lo tatou a’oa’o ia fa’atalitali mo Ia?E fa’apefea ona fesoasoani lena mea iā i tatou ia avea ai fa’apei o Ia?

Ua folafola mai fa’amanuiaga silisili mo i latou e fa’atalitali atu i le Ali’i

Ina ia fesoasoani i tagata a’oga ia iloa isi fa’amanuiaga na folafolaina mai e le Ali’i mo i latou e fa’atalitali atu mo Ia, e mafai ona e fa’aaoga le gaoioiga lenei o le tomai e suesue ai mau.O lenei gaoioiga e fesoasoani i tagata a’oga e fa’ataitai le fa’afeso’otaiga po o le fefaasinoa’iga o fuaiupu e fesoasoani ia faatupulaia lo latou malamalama i le mataupu fa’avae.

Filifili se tasi pe sili atu o fuaiupu nei e suesueina: Salamo 27:14; Isaia 40:31; Mataupu Fa’avae ma Feagaiga 133:45.Saili fa’amanuiaga fa’aopoopo ua folafolaina mai e le Ali’i mo i latou e fa’atalitali atu mo Ia.

Faamata e fa’ape’ī fa’amanuiaga o le fa’atalitali atu ai i le Ali’i i aso nei?

E ono fefa’asoaa’i e tagata a’oga fa’amanuiaga e pei o le filemū, olioli, po o le malosi a o fa’atalitali atu mo le Ali’i.

I le avea ai o se fa’ataitaiga o fa’amanuiaga e o’o mai pe a uma ona fa’atalitali i le Ali’i, e mafai ona e fa’aali atu le tala a Peresitene Uchtdorf i le vitiō “Fa’aauau i le Onosa’i,” mai le ChurchofJesusChrist.org, faailo taimi 1:07–2:41.Vala’aulia tagata a’oga e saili po o le ā se mea na faia e Peresitene Uchtdorf, a’o avea o se tasi o le Au Peresitene Sili, e faatino ai i le faatuatua a’o ia fa’atalitali mo fa’amanuiaga na folafolaina mai o le mulimuli ai i le Upu o le Poto.

2:46

A mae’a ona fa’aali atu fesili nei, atonu e te fa’asoa atu se aafiaga pu’upu’u o se mea na tupu iā te oe a o mafaufau tagata aoga pe faapefea ona latou tali atu.
O anafea na e mauaina ai se aafiaga o le fa’atalitali atu ai mo se tali po o se fa’amanuiaga?
O le ā se mea sa e faia na fesoasoani iā te oe e fa’atalitali atu ai mo le Ali’i?

E ao ona ia tatou fa’atalitali ma le lē musuā i le Ali’i

O le saunia o se avanoa mo tagata a’oga e fa’asoa ai mea ua latou suesueina e mafai ona fa’afaigofie ai ona latou iloa lo latou a’otauina ma le tuputupu a’e.O se tasi o auala e faia ai lenei mea, o le faia lea o le gaoioiga o lo o i lalo.Afai e aoga, vala’aulia tagata a’oga ia mafaufau i fa’amatalaga fa’aopoopo e fa’aopoopo atu i le ata fa’ataitai ina ia talafeagai ia i latou.

Vaai faalemafaufau na fa’atonuina oe e te avatu se fautuaga i se tasi o lo o tauivi a o fa’atalitali ai mo se fa’amanuiaga po o se tali i a latou tatalo.I totonu o lau api tala’aga o suesuega:

Lisi se mea ua e a’oa’oina i lenei aso, lea sa fesoasoani iā te oe e malamalama ai i le taua o le fa’atalitali ai i le Ali’i.Atonu e te fa’asoa atu se mea ua e iloa e uiga i le Ali’i lea sa mafai ona fesoasoani iā te oe.
Tusi i lalo se fuaitau mai le Isaia 25 po o se isi mau e ono mafai ona fesoasoani mo se tasi o fa’atalitali malosi i le Ali’i.
Tusi i lalo se mea ua e lagona e mafai ona fesoasoani ai mo se tasi na te faia a o fa’atalitali i le Alii mo ni tali ma fa’amanuiaga.E mafai ona e fa’aaofia ai se mea na tupu iā te oe, po o se tasi e te iloa sa mauaina fa’amanuiaga a le Ali’i.

Mafaufau e fa’amae’a le vasega e ala i le fa’asoaina atu pe fa’apefea ona e iloa e mafai ona e fa’atuatua i le Ali’i a o loo e faatalitali atu iā te Ia.

O Puna’oa Fa’aopoopo

Ae fa’apefea pe afai o lo o o’u tauivi e fa’atalitali atu i le Ali’i?

Sa faasoa mai Sister Amy A. Wright, Fesoasoani Muamua i le Au Peresitene Aoao o le Peraimeri:

10:39

O le tele o taimi tatou te “faatali[tali] ai i le Alii … ma le onosa’i—po o nisi taimi ma le lē onosa’i.”Faatalitali ai ina ia faamaloloina faaletino pe faalelagona. Faatalitali ai mo tali e ulufia ai le vaega aupito loloto o o tatou loto.Faatalitali ai mo se vavega.

O le faatalitali ai i le Ali’i, e mafai ona avea o se nofoaga paia—se nofoaga o le fa’aleleia ma le fa’aatoatoaina, lea e mafai ai ona tatou iloa le Fa’aola i se auala e matua’i loloto patino lava.Fa’atalitali ai i le Ali’i e mafai foi ona avea o se nofoaga e mafai ai ona tatou maua i tatou lava o fesili, “Le Atua e, o fea ea oe?”—o se nofoaga o loo manaomia ai e le tutumau faaleagaga i tatou e faatino le fa’atuatua iā Keriso e ala i le filifilia pea lava pea o Ia ma le loto iai.Ou te iloa lenei nofoaga, ma ua ou malamalama i lea ituaiga o fa’atalitali.

… Sa ou a’oa’oina i se ala maoa’e e fa’apea, o le lavea’iina mai o tatou tofotofoga e eseese mo i tatou ta’ito’atasi, ma o lea e ao ai ona itiiti la tatou taula’iga i le ala e lavea’iina ai i tatou, ae ia tele atu e uiga i le Lavea’i lava Ia.O la tatou fa’amamafa e tatau lava ona iā Iesu Keriso i taimi uma!

O le faatinoina ai o le faatuatua ia Keriso o lona uiga o le faalagolago lea e le gata i le finagalo o le Atua ae faapea foi i Lana taimi.Ona ua Ia silafia tonu le mea tatou te manaomia ma le taimi tonu tatou te manaomia ai.Pe a tatou faamatuu atu i le finagalo o le Alii, o le a le pine ona tatou mauaina mea e tele atu nai lo mea sa tatou mananao ai.(“E Fa’amalōlōina e Keriso Mea ua Gauia,” Liahona, Me 2022, 83–84)

Na faamalamalama mai e Peresitene Jeffrey R. Holland o le Korama a le Au Aposetolo e Toasefululua:

14:19

O le a iai taimi i o tatou olaga e oo lava i a tatou taumafaiga sili fa’aleagaga ma tatalo fa’atauanau ma le faaoleole ua le fua mai lava se manumalo e pei ona tatou faananau iai, pe i ni mea tetele faalauaitele po o ni mea laiti patino.O lea la, a o tatou galulue ma faatalitali faatasi ai mo ni tali i nisi o a tatou tatalo, ou te ofoina atu ia te outou la’u folafolaga faaaposetolo e faapea o loo faafofogaina ma taliina, e ui atonu e le o le taimi tonu po o le ala tonu na tatou mananao i ai.Ae e tali mai lava tatalo e le aunoa i le taimi ma i le ala e tatau ai ese mātua ua silafia aoao mea uma ma le agaalofa e faavavau ona tali mai ai na tatalo.O’u uso e ma tuafafine pele, faamolemole ia malamalama o Ia e le moe pe e lē tautulemoe lava e popole mo le fiafia ma le faaeaga tupito o Ana fanau e sili atu i lo mea uma e ao ona faia e se tagata paia.O Ia o le alofa mama, ua faamamaluina patino, ma o Lona suafa o Tamā Alofa Mutimutivale.(“Faatalitali Ai i le Alii,” Liahona, Nov. 2020, 115–116)

Gaoioiga Fa’aopoopo e A’oa’o Ai

Isaia 25:8—“Soloiesea loimata mai mata uma lava”

E ono aoga i tagata a’oga le talanoaina pe fa’apefea e le Tamā Fa’alelagi ma Iesu Keriso ona fa’amafanafana i tatou a o tatou fa’atali mo se mapusaga mai fa’alogona fa’anoanoa.Afai e talafeagai, atonu e te vala’aulia tagata a’oga e fa’asoa mai ni aafiaga ia e maua e talavou e mafua ai ona latou lagona le fa’anoanoa.Ona vala’aulia lea o tagata a’oga e faitau le Isaia 25:8, va’ava’ai mo mea ua folafola mai e le Ali’i o le a faia mo i latou uma e lagona le fa’anoanoa i lenei olaga.

O anafea na e maua ai le mafanafana mai le Tamā Fa’alelagi ma Iesu Keriso a o e lagona ai le fa’anoanoa?
O ā nisi o auala e mafai ai ona tatou taumafai ia fa’apei o i La’ua ma fesoasoani atu i se tasi o lo o lagona le fa’anoanoa?

E mafai ona e fa’aali atu le vitiō “He’ll Be There” (2:43).E ala mai i pese, ua fa’asoa mai e se ali’i talavou lana molimau e faapea o le a fa’amafanafanaina i tatou e Keriso i o tatou fa’anoanoaga.

2:42

Isaia 26:19—O ē ua oti e fa’atalitali mo le Toetū

Ina ia fesoasoani i tagata a’oga ia malamalama pe fa’apefea ona tatou auauna atu i o tatou tua’a o lo o fa’atalitali mo le fa’ataunu’uina o a latou galuega fa’alemalumalu, mafaufau e fa’aali atu se ata o se potu fa’atalitali po o se fa’ailoga o lo o fa’apea mai, “Potu Fa’atalitali.”Vala’aulia tagata o le vasega e talanoaina le fesili lenei.

Mai mea ua iloaina e uiga i le ata o le fa’aolataga, ua fa’apefea ona pei le lalolagi o agaga o se potu fa’atalitali mo o tatou tua’a?
O le ā se uiga iā i latou o le “fa’atalitali mo le Ali’i”?

E mafai e tagata a’oga ona faitau le Isaia 26:19, va’ava’ai mo le folafolaga mo fanau uma lava a le Tamā Fa’alelagi.

E fa’apefea e lenei fuaiupu ona fesoasoani i se tagata ua maliu se pele iā te ia?

Vala’aulia tagata a’oga e fa’asoa mai pe fa’apefea e nei agaga ona “fa’atalitali mo le Ali’i.”Mafaufau e fai atu i tagata a’oga ia talanoaina pe fa’apefea e a tatou taumafaiga e fa’apotopoto Isaraelu ona fesoasoani i nei agaga o lo o fa’atalitali mo le Ali’i i le lalolagi o agaga.