« អេសាយ ២៩ ៖ ‹ ការណ៍អស្ចារ្យ ហើយចម្លែក › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេសាយ ២៩ ៖ ‹ ការណ៍អស្ចារ្យ ហើយចម្លែក › » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេសាយ ១៣–១៤; ២២; ២៤–៣០; ៣៥ ៖ មេរៀនទី ១១៨
អេសាយ ២៩
« ការណ៍អស្ចារ្យ ហើយចម្លែក »
តើដំណឹងល្អនៃព្រះយេស៊ូវគ្រីស្ទ និងព្រះគម្ពីរមរមនអស្ចារ្យយ៉ាងណាចំពោះអ្នក ? អេសាយបានពិពណ៌នាអំពីការស្ដារឡើងវិញនៃដំណឹងល្អនៃព្រះយេស៊ូវគ្រីស្ទ រួមទាំងការចេញមកនៃព្រះគម្ពីរមរមន ដូចជា « ការណ៍អស្ចារ្យ ហើយចម្លែក » ( អេសាយ ២៩:១៤ ) ។ មេរៀននេះមានគោលបំណងជួយសិស្សឲ្យទទួលអារម្មណ៍មានអំណរគុណចំពោះការស្ដារឡើងវិញនៃដំណឹងល្អនៃព្រះយេស៊ូវគ្រីស្ទ និងព្រះគម្ពីរមរមន ។
ការរៀបចំសិស្ស ៖ សូមអញ្ជើញសិស្សឲ្យគិតពីរបៀបដែលពួកគេអាចឲ្យនិយមន័យពាក្យស្ញប់ស្ញែង និងអស្ចារ្យ ។ ដោយប្រើនិយមន័យរបស់ពួកគេ សូមអញ្ជើញពួកគេឲ្យស្វែងរកខគម្ពីរ ឬដំណើររឿងមួយនៅក្នុងព្រះគម្ពីរមរមនដែលស្ញប់ស្ញែង ឬអស្ចារ្យសម្រាប់ពួកគេ។
សកម្មភាពរៀនសូត្រដែលអាចមាន
ការក្បត់សាសនា
ការមើលឃើញពីតម្រូវការសម្រាប់ការស្ដារឡើងវិញនៃដំណឹងល្អ វាមានប្រយោជន៍សម្រាប់សិស្សក្នុងការយល់ពីការក្បត់សាសនាដ៏ធំ ។
ដើម្បីធ្វើដូច្នេះ សូមប្រាប់សិស្សថាពួកគេនឹងព្យាយាមទស្សន៍ទាយពីព្រឹត្តិការណ៍មួយដោយផ្អែកលើតម្រុយនានា ។ បន្ទាប់មកបង្ហាញឃ្លាខាងក្រោមម្តងមួយៗ នៅពេលសិស្សព្យាយាមទស្សន៍ទាយ « ការក្បត់សាសនាដ៏ធំ » ។ នៅពេលសិស្សកំណត់វាហើយ សូមអញ្ជើញពួកគេឲ្យលើកដៃរបស់ពួកគេឡើង ប៉ុន្តែមិនទាន់ចែកចាយចម្លើយនៅឡើយទេ ។
ប្រើឃ្លាខាងក្រោមនេះដើម្បីកំណត់ថាព្រឹត្តិការណ៍អ្វីត្រូវបានពិពណ៌នា ៖
-
« សេចក្ដីងងឹតនឹងគ្របលើផែនដី » ( អេសាយ ៦០:២ )
-
« អំណត់ខាងឯការឮព្រះបន្ទូលនៃព្រះយេហូវ៉ាវិញ » ( អេម៉ុស ៨:១១ )
-
« ឆ្កែព្រៃដ៏សាហាវនឹងចូលមកក្នុងពួកអ្នករាល់គ្នា » ( កិច្ចការ ២០:២៩ )
-
« សេចក្តីក្បត់សាសនា » ( ថែស្សាឡូនីច ទី២ ២:៣ )
សូមអញ្ជើញសិស្សឲ្យចែកចាយអ្វីដែលពួកគេយល់អំពីការក្បត់សាសនាដ៏ធំ ។
បើចាំបាច់ អ្នកអាចចែកចាយថា ការក្បត់សាសនាដ៏ធំសំដៅទៅលើ « មាននូវការរីករាលដាលនៃការធ្លាក់ចុះចេញពីដំណឹងល្អ និងសាសនាចក្ររបស់ព្រះអម្ចាស់ » ដែលបានកើតឡើងបន្ទាប់ពីការសុគតរបស់ព្រះអង្គសង្រ្គោះ និងពួកសិស្សរបស់ទ្រង់ ( ប្រកាសដំណឹងល្អរបស់យើង ៖ មគ្គុទេសក៍ចែកចាយដំណឹងល្អនៃព្រះយេស៊ូវគ្រីស្ទ ទំព័រ ៣៧ ) ។
ជម្រើសមួយផ្សេងទៀត អ្នកអាចមើល « What Is the Restoration? » ដែលមាននៅឯគេហទំព័រ ChurchofJesusChrist.org ចាប់ពីនាទីទី ០:៣២ ដល់ ២:០៩ ។
វាអាចជាប្រយោជន៍ក្នុងការពន្យល់ដល់សិស្សថា ការព្យាកររបស់អេសាយជាច្រើនបានសំដៅទៅលើរយៈពេលខុសៗគ្នា ហើយមានការបំពេញជាច្រើន ។ ឧទាហរណ៍ អេសាយ ២៩ គឺជាការព្យាករមួយសម្រាប់ប្រជាជនរបស់អេសាយថា ក្រុងយេរូសាឡិមនឹងត្រូវបំផ្លាញឆាប់ៗនេះ ។ ទោះជាយ៉ាងណា ការព្យាកររបស់លោកនៅក្នុង អេសាយ ២៩ ក៏អាចយោងទៅការក្បត់សាសនាដ៏ធំ ( សូមមើល នីហ្វៃទី២ ២៧ ) ។
សូមអាន អេសាយ ២៩:៨–១០ ដោយរកមើលការពិពណ៌នាអំពីការក្បត់សាសនាដ៏ធំ ។
-
តើវគ្គបទគម្ពីរនេះពិពណ៌នាអំពីមនុស្សដែលបានបោះបង់ ឬមិនដែលបានចូលទៅរកសេចក្ដីពិតរបស់ព្រះអម្ចាស់ដោយសារការក្បត់សាសនាដ៏ធំយ៉ាងដូចម្ដេច ?
យើងរស់នៅក្នុងពិភពលោកមួយដែលមនុស្សជាច្រើននៅតែស្រេកឃ្លាន ភ្ញាក់ផ្អើល ឬដេកលក់ខាងវិញ្ញាណ ។ យើងក៏អាចធ្វើការជ្រើសរើសដែលឃ្លាតឆ្ងាយពីព្រះអម្ចាស់ដែរ ។ សូមចំណាយពេលបន្តិចដើម្បីពិចារណាពីរបៀបដែលអ្នក ឬអ្នកដែលអ្នកស្រឡាញ់អាចមានអារម្មណ៍បែបនេះ ។
នៅពេលអ្នកសិក្សានៅថ្ងៃនេះ សូមស្វែងរកជំនួយពីព្រះវិញ្ញាណបរិសុទ្ធដើម្បីដឹងគុណចំពោះអ្វីដែលព្រះវរបិតាសួគ៌ និងព្រះយេស៊ូវគ្រីស្ទបានប្រទានដល់យើង ដើម្បីយកឈ្នះលើឧបសគ្គទាំងនេះ ហើយងាកមករកទ្រង់ទាំងទ្វេ ។
ការណ៍អស្ចារ្យ ហើយចម្លែក
សូមអាន អេសាយ ២៩:៤ ដើម្បីកំណត់នូវអ្វីដែលអេសាយបានព្យាករ ព្រះអម្ចាស់នឹងប្រទានពរដល់យើង ដើម្បីយកឈ្នះលើឥទ្ធិពលនៃការក្បត់សាសនាដ៏ធំ ។
ដើម្បីជួយសិស្សយល់ថា ខទី ៤ គឺសំដៅទៅលើព្រះគម្ពីរមរមន នោះអ្នកអាចផ្តល់ដល់សិស្សនូវឯកសារយោងខគម្ពីរមួយចំនួនដូចខាងក្រោម ៖
-
កថាខណ្ឌចុងក្រោយ « ទីបន្ទាល់របស់ព្យាការី យ៉ូសែប ស្ម៊ីធ » ចេញពីទំព័របុព្វកថានៃព្រះគម្ពីរមរមន ។
ជម្រើសមួយផ្សេងទៀត អ្នកអាចបង្ហាញឯកសារយោងទាំងអស់នៅលើក្ដារខៀន ហើយអញ្ជើញសិស្សឲ្យប្រើវាឲ្យបានច្រើនតាមដែលពួកគេត្រូវការ ដើម្បីកំណត់នូវអ្វីដែលព្រះអម្ចាស់បានប្រទានពរដល់យើង ។ សិស្សអាចជ្រើសរើសឯកសារយោងទាំងនេះមួយ ឬច្រើន និងឯកសារយោងឆ្លង ឬភ្ជាប់វាទៅ អេសាយ ២៩:៤ ។ ការណ៍នេះអាចជួយពួកគេឲ្យចងចាំនូវអ្វីដែលពួកគេកំពុងរៀនសូត្រ ។
អ្នកអាចអញ្ជើញសិស្សឲ្យអាន អេសាយ ២៩:១១–១២ ហើយស្វែងរកឃ្លាផ្សេងទៀតដែលអាចយោងទៅការចេញមកនៃព្រះគម្ពីរមរមន ។ សិស្សអាចគូសចំណាំ « បញ្ជូនឲ្យដល់ម្នាក់ដែលគ្មានចំណេះ … សៀវភៅនេះ » ( អេសាយ ២៩:១២ ) ។ ឃ្លានេះសំដៅទៅលើ យ៉ូសែប ស្ម៊ីធ ដែលបានទទួលការសិក្សាត្រឹមត្រូវបានតិចតួចបំផុត ។ ប្រសិនបើសិស្សមិនដឹង អ្នកអាចពន្យល់ថា ខគម្ពីរទាំងនេះសំដៅទៅលើព្រឹត្តិការណ៍មួយនៅក្នុងប្រវត្តិសាស្ត្រសាសនាចក្រដែលមាននៅក្នុង យ៉ូសែប ស្ម៊ីធ—ប្រវត្តិ ១:៦២–៦៥ ។
អេសាយ ២៩:១៣–១៤ គឺជាវគ្គចំណេះចំណានខាងគោលលទ្ធិ ។ សូមពិចារណាអញ្ជើញសិស្សឲ្យគូសចំណាំវគ្គបទគម្ពីរចំណេះចំណានខាងគោលលទ្ធិតាមរបៀបដែលងាយចំណាំ ដើម្បីពួកគេអាចងាយរកវាឃើញ ។
សូមអាន អេសាយ ២៩:១៣–១៤ ដោយរកមើលអ្វីដែលព្រះអម្ចាស់បានមានបន្ទូលថា ទ្រង់នឹងធ្វើដើម្បីយកឈ្នះលើការក្បត់សាសនាដ៏ធំ ។
ប្រធាន រ័សុល អិម ណិលសុន បានពន្យល់ពីអ្វីជាការណ៍អស្ចារ្យ ហើយចម្លែក ៖
ការណ៍អស្ចារ្យ [ ហើយចម្លែក ] នោះនឹងរួមបញ្ចូលការចេញមកនៃព្រះគម្ពីរមរមន និងការស្ដារឡើងវិញនៃដំណឹងល្អ ។ ( « Scriptural Witnesses »Liahona ខែវិច្ឆិកា ឆ្នាំ២០០៧ ទំព័រ ៤៦ )
-
តើអ្នកនឹងសង្ខេបអ្វីដែលយើងអាចរៀនបានដោយរបៀបណា អេសាយ ២៩:១៣–១៤ ?
សិស្សអាចចែកចាយអ្វីមួយស្រដៀងទៅនឹងខាងក្រោម ៖ ព្រះអម្ចាស់បានស្ដារឡើងវិញនូវដំណឹងល្អនៃព្រះយេស៊ូវគ្រីស្ទ រួមទាំងការចេញមកនៃព្រះគម្ពីរមរមន ដើម្បីយកឈ្នះលើឥទ្ធិពលនៃការក្បត់សាសនាដ៏ធំ ។
សូមពន្យល់ថា ការស្ដារឡើងវិញនៃដំណឹងល្អគឺជា « ជាការតាំងឡើងវិញរបស់ព្រះនូវសេចក្ដីពិត និងពិធីបរិសុទ្ធទាំងឡាយនៃដំណឹងល្អនៅក្នុងចំណោមមនុស្សលោកនៅលើផែនដី » ( « ការសាងឡើងវិញនៃដំណឹងល្អ » សេចក្ដីណែនាំដល់បទគម្ពីរទាំងឡាយ នៅក្នុងបណ្ណាល័យដំណឹងល្អ ) ។ ជម្រើសមួយផ្សេងទៀត អ្នកអាចមើលវីដេអូ « What Is the Restoration? » ចាប់ពីនាទីទី ២:០៩ ដល់នាទីទី ៥:១៣ ។
5:13ដើម្បីជួយសិស្សវិភាគពីសេចក្តីពិតនេះ សូមពិចារណាដាក់ពួកគេជាក្រុម ដើម្បីពិភាក្សាសំណួរដូចខាងក្រោម ។
-
តើសេចក្តីពិតនេះអាចបង្រៀនយើងអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
-
តើការស្ដារឡើងវិញនៃដំណឹងល្អនៃព្រះយេស៊ូវគ្រីស្ទ និងព្រះគម្ពីរមរមនអាចជួយយើងយកឈ្នះលើការលំបាកខាងវិញ្ញាណដែលបណ្តាលមកពីការក្បត់សាសនាដ៏ធំដោយរបៀបណា ?
ពរជ័យនៃការណ៍អស្ចារ្យ ហើយចម្លែក
ខាងក្រោមនេះអាចជួយសិស្សមើលឃើញពីរបៀបដែលការស្ដារឡើងវិញ និងព្រះគម្ពីរមរមនអាចជួយយើងឲ្យយកឈ្នះលើឥទ្ធិពលនៃការក្បត់សាសនាដ៏ធំ ។
សរសេរសំណួរ « តើព្រះអម្ចាស់អាចប្រទានពរដល់ខ្ញុំតាមរយៈការស្ដារឡើងវិញ និងព្រះគម្ពីរមរមនដោយរបៀបណា ? » នៅក្នុងសៀវភៅកំណត់ហេតុរបស់អ្នក ។ សូមអាន អេសាយ ២៩:១៨–១៩ ហើយសរសេរអ្វីដែលអ្នករកឃើញដែលឆ្លើយសំណួរនោះ ។
សូមអញ្ជើញសិស្សឲ្យបន្តបន្ថែមចម្លើយ និងគំនិតទៅក្នុងសៀវភៅកំណត់ហេតុការសិក្សារបស់ពួកគេ នៅពេលពួកគេបន្តរៀនសូត្រ ។
ដើម្បីជួយសិស្សឲ្យមើលឃើញពីរបៀបដែលការណ៍អស្ចារ្យ និងចម្លែកនៃព្រះគម្ពីរមរមនអាចប្រទានពរដល់យើង នោះអ្នកអាចចែកចាយការបង្រៀនរបស់ប្រធាន រ័សុល អិម ណិលសុន នៅក្នុងវីដេអូខាងក្រោមដែលមាននៅលើគេហទំព័រ ChurchofJesusChrist.org ។
« ព្រះគម្ពីរមរមន ៖ តើជីវិតរបស់អ្នកទៅជាយ៉ាងណា បើគ្មានគម្ពីរនេះ ? » ចាប់ពីនាទីទី ៥:៣៨ ដល់ ៨:៤៤ ។
សកម្មភាពខាងក្រោមអាចជួយសិស្សឆ្លុះបញ្ចាំងពីរបៀបដែលព្រះគម្ពីរមរមន ឬការស្ដារឡើងវិញគឺអស្ចារ្យចំពោះពួកគេ ។ ត្រូវប្រាកដថាសិស្សមានពេលគ្រប់គ្រាន់ដើម្បីបំពេញសកម្មភាពដោយជោគជ័យ ។
អ្នកអាចដាក់បង្ហាញការណែនាំសម្រាប់សកម្មភាពនីមួយៗនៅលើក្ដារខៀន ។
សូមបំពេញសកម្មភាពមួយក្នុងចំណោមសកម្មភាពខាងក្រោមនេះ ៖
សកម្មភាពទី ១
កំណត់ខគម្ពីរមួយ ឬដំណើររឿងមួយចេញពីព្រះគម្ពីរមរមន ដែលនាំអ្នកឲ្យខិតទៅជិតព្រះវរបិតាសួគ៌ និងព្រះយេស៊ូវគ្រីស្ទ ។ ប្រសិនបើមានប្រយោជន៍ អ្នកអាចមើលវគ្គចំណេះចំណានខាងគោលលទ្ធិនៃព្រះគម្ពីរមរមន ។
ពន្យល់ពីមូលហេតុដែលវាអស្ចារ្យចំពោះអ្នក ។
សកម្មភាពទី ២
ស្វែងរកគោលលទ្ធិ ពិធីបរិសុទ្ធ ពរជ័យ ឬទិដ្ឋភាពផ្សេងទៀតនៃការស្ដារឡើងវិញនៃដំណឹងល្អនៃព្រះយេស៊ូវគ្រីស្ទ ( ពួកព្យាការីសម័យទំនើប ព្រះវិហារបរិសុទ្ធ បព្វជិតភាព ជាដើម ) ដែលជួយអ្នកឲ្យខិតទៅជិតព្រះវរបិតាសួគ៌ និងព្រះយេស៊ូវគ្រីស្ទ ។
ពន្យល់ពីមូលហេតុដែលវាអស្ចារ្យចំពោះអ្នក ។
បន្ទាប់ពីមានពេលគ្រប់គ្រាន់ហើយ សូមអញ្ជើញសិស្សឲ្យបង្កើតជាក្រុមតូចៗ ហើយចែកចាយការពន្យល់របស់ពួកគេ ។
សូមពិចារណាអំពីការបញ្ចប់ថ្នាក់ដោយអញ្ជើញសិស្សឲ្យជញ្ជឹងគិតអំពីមូលហេតុដែលពួកគេមានអំណរគុណចំពោះព្រះវរបិតាសួគ៌ និងព្រះយេស៊ូវគ្រីស្ទសម្រាប់ការស្ដារឡើងវិញ និងព្រះគម្ពីរមរមន ។ សូមពិចារណាចែកចាយអារម្មណ៍របស់អ្នកពីមូលហេតុដែលអ្នកមានអំណរគុណចំពោះការស្ដារឡើងវិញ ឬព្រះគម្ពីរមរមន ។
ទន្ទេញ
អ្នកអាចចង់ជួយសិស្សឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះអំឡុងមេរៀននេះ ហើយរំឭកវាក្នុងមេរៀនក្រោយៗទៀត ។ ឃ្លាបទគម្ពីរគន្លឹះសម្រាប់ អេសាយ ២៩:១៣–១៤ គឺ « ការស្តារឡើងវិញនៃដំណឹងល្អគឺជា ‹ ការណ៍អស្ចារ្យ ហើយចម្លែក › » ។ គំនិតសម្រាប់សកម្មភាពទន្ទេញមាននៅក្នុងឯកសារឧបសម្ព័ន្ធដែលនៅក្រោម « សកម្មភាពរំឭកចំណេះចំណានខាងគោលលទ្ធិឡើងវិញ » ។