« អេសាយ ១៣–១៤; ២២; ២៤–៣០; ៣៥ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេសាយ ១៣–១៤; ២២; ២៤–៣០; ៣៥ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេសាយ ១៣–១៤; ២២; ២៤–៣០; ៣៥
អេសាយ ១៣–១៤; ២២; ២៤–៣០; ៣៥
ទិដ្ឋភាពទូទៅ
អេសាយបានព្យាករអំពីពរជ័យទាំងឡាយដែលអស់អ្នករង់ចាំព្រះអម្ចាស់នឹងទទួលបាន ។ លោកក៏បានព្យាករអំពីការស្ដារឡើងវិញនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ និងព្រះគម្ពីរមរមនផងដែរ ។
រៀបចំខ្លួនខាងវិញ្ញាណរបស់អ្នក ព្រះអង្គសង្រ្គោះបានរៀបចំព្រះកាយទ្រង់ខាងវិញ្ញាណដើម្បីបង្រៀន ។ យើងអាចធ្វើតាមគំរូរបស់ទ្រង់ ។ បើសិនអ្នកបានរៀបចំខ្លួនខាងវិញ្ញាណជាស្រេច នោះអ្នកនឹងអាចស្តាប់ឮ និងធ្វើតាមការណែនាំពីព្រះវិញ្ញាណបានកាន់តែប្រសើរ នៅពេលអ្នកបង្រៀន ។ ដើម្បីរៀនបន្ថែមអំពីរបៀបដែលព្រះអង្គសង្គ្រោះបានរៀបចំព្រះកាយដើម្បីបង្រៀន សូមមើល « ព្រះអង្គសង្រ្គោះបានរៀបចំព្រះកាយទ្រង់ខាងវិញ្ញាណដើម្បីបង្រៀន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ១៦ ) ។ សកម្មភាពខាងក្រោមអាចជួយអ្នករៀបចំខ្លួនខាងវិញ្ញាណ ។ វានឹងជួយអ្នកវាយតម្លៃពីរបៀបដែលអ្នកកំពុងអនុវត្តគោលការណ៍នៃការបង្រៀនដូចជាព្រះគ្រីស្ទរួចទៅហើយ ក៏ដូចជាជួយអ្នកបង្កើតគោលដៅសម្រាប់ការកែលម្អបន្ថែមផងដែរ ។ សូមមើល « ការកែលម្អឲ្យបានប្រសើរឡើងក្នុងនាមជាគ្រូបង្រៀនដូចជាព្រះគ្រីស្ទ—ការវាយតម្លៃផ្ទាល់ខ្លួន » ( ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ២០២២ ] ទំព័រ ៣៧ ) ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
អេសាយ ២៥
គោលបំណងមេរៀន ៖ ដើម្បីជួយសិស្សឲ្យយល់ពីសារៈសំខាន់នៃការរង់ចាំព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យជញ្ជឹងគិតអំពីគ្រាមួយដែលពួកគេ ឬនរណាម្នាក់ដែលពួកគេស្គាល់ត្រូវរង់ចាំដោយអត់ធ្មត់សម្រាប់ចម្លើយ ឬពរជ័យពីព្រះវរបិតាសួគ៌ ។ ពួកគេអាចរៀបចំខ្លួនដើម្បីចែកចាយអ្វីដែលធ្វើឲ្យបទពិសោធន៍នៃការរង់ចាំងាយស្រួល ឬពិបាកសម្រាប់ពួកគេ ។
-
មាតិកាដែលត្រូវបង្ហាញ ៖ សំណួរដែលអញ្ជើញឲ្យមានការគិតពិចារណាអំពីបទពិសោធន៍ផ្ទាល់ខ្លួនដែលកំពុងរង់ចាំព្រះអម្ចាស់
-
វីដេអូ ៖ « Continue in Patience » ( ២:៤១ ) ចាប់ពីនាទីទី ០:០០ ដល់ ១:០៨ និង ១:០៧ ដល់ ២:៤១ « Waiting Upon the Lord: Thy Will Be Done » ( ១៦:១១ ) ចាប់ពីនាទីទី ០:៥៩ ដល់ ២:៥៧
អេសាយ ២៩
គោលបំណងមេរៀន ៖ ដើម្បីជួយសិស្សឲ្យមានអារម្មណ៍ដឹងគុណចំពោះការស្ដារឡើងវិញនៃដំណឹងល្អនៃព្រះយេស៊ូវគ្រីស្ទ និងព្រះគម្ពីរមរមន ។
-
ការរៀបចំសិស្ស ៖ សូមអញ្ជើញសិស្សឲ្យគិតពីរបៀបដែលពួកគេអាចឲ្យនិយមន័យពាក្យស្ញប់ស្ញែង និងអស្ចារ្យ ។ ដោយប្រើនិយមន័យរបស់ពួកគេ សូមអញ្ជើញពួកគេឲ្យស្វែងរកខគម្ពីរ ឬដំណើររឿងមួយនៅក្នុងព្រះគម្ពីរមរមនដែលស្ញប់ស្ញែង ឬអស្ចារ្យសម្រាប់ពួកគេ។
-
មាតិកាដែលត្រូវបង្ហាញ ៖ ឃ្លាដែលពិពណ៌នាអំពីការក្បត់សាសនាដ៏អស្ចារ្យ សេចក្ដីយោងបទគម្ពីរដើម្បីជួយសិស្សយល់អំពី អេសាយ ២៩:៤ សេចក្តីណែនាំអំពីសកម្មភាពនៅចុងបញ្ចប់នៃមេរៀននេះ
-
វីដេអូ ៖ « What Is the Restoration? » ( ៥:១៣ ) ចាប់ពីនាទីទី ០:៣២ ដល់ ២:០៩ និង ២:០៩ ដល់ ៥:១៣ « ព្រះគម្ពីរមរមន ៖ តើជីវិតរបស់អ្នកទៅជាយ៉ាងណា បើគ្មានគម្ពីរនេះ ? » ( ១៥:០១ ) ចាប់ពីនាទីទី ៥:៣៨ ដល់ ៨:៤៤