Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եսայի 29․ «Զարմանահրաշ ու զարմանալի բաներ»

«Եսայի 29․ «Զարմանահրաշ ու զարմանալի բաներ»», Հին Կտակարան․ Սեմինարիայի ուսուցչի ձեռնարկ (2026)

«Եսայի 29․ «Զարմանահրաշ ու զարմանալի բաներ»», Հին Կտակարան․ Սեմինարիայի ուսուցչի ձեռնարկ

Եսայի 13–14, 22, 24–30, 35․ Դաս 118

Եսայի 29

«Զարմանահրաշ ու զարմանալի բաներ»

Ինչո՞վ են ձեզ համար զարմանահրաշ Հիսուս Քրիստոսի ավետարանը և Մորմոնի Գիրքը: Եսային նկարագրել է Հիսուս Քրիստոսի ավետարանի Վերականգնումը, այդ թվում՝ Մորմոնի Գրքի ի հայտ գալը՝ որպես «զարմանահրաշ ու զարմանալի բաներ» (Եսայի 29․14)։ Այս դասը կօգնի ուսանողներին երախտագիտություն զգալ Հիսուս Քրիստոսի ավետարանի և Մորմոնի Գրքի վերականգնման համար:

Ուսանողի նախապատրաստում. ուսանողներին առաջարկեք մտածել, թե ինչպես կարող են սահմանել զարմանահրաշ և զարմանալի բառերը: Օգտագործելով այդ բառերի սահմանումը, առաջարկեք նրանց գտնել մի հատված կամ պատմություն Մորմոնի Գրքում, որը զարմանահրաշ կամ զարմանալի է իրենց համար:

Հնարավոր ուսումնական վարժություններ

Ուրացություն

Որպեսզի ուսանողները կարողանան տեսնել ավետարանի վերականգնման անհրաժեշտությունը, օգտակար կլինի, որպեսզի նրանք հասկանան, թե ինչ է Մեծ ուրացությունը:

Դա անելու համար ասեք ուսանողներին, որ նրանք պետք է փորձեն կռահել մի իրադարձություն՝ հիմնվելով հուշումների վրա: Ապա ցուցադրեք հետևյալ արտահայտություններն առանձին-առանձին, երբ ուսանողները փորձում են կռահել, թե ինչ է «Մեծ ուրացությունը»: Երբ ուսանողները բացահայտեն այն, առաջարկեք նրանց բարձրացնել իրենց ձեռքը, բայց դեռ չկիսվել իրենց պատասխանով:

Օգտագործեք հետևյալ արտահայտությունները՝ որոշելու, թե ինչ իրադարձություն է նկարագրվում.

«խավարը կծածկի երկիրը» (Եսայի 60․2)
«Տիրոջ խոսքերը լսելու սով» (Ամովս 8․11)
«ձեր մեջ հափշտակող գայլեր կգան» (Գործք Առաքելոց 20․29)
«ապստամբություն» (Բ Թեսաղոնիկեցիներին 2․3)

Կարդացեք Եսայի 29․8–10 հատվածները՝ փնտրելով Մեծ ուրացության նկարագրությունները:

Ինչպե՞ս է հատվածը նկարագրում այն մարդկանց, որոնք Մեծ ուրացության պատճառով հեռացել են Տիրոջ ճշմարտությունից կամ այդ ճշմարտությունը երբեք հասանելի չի եղել նրանց համար։

Մենք ապրում ենք մի աշխարհում, որտեղ շատ մարդիկ դեռևս հոգևորապես քաղցած են, տատանվում են կամ քնած են։ Մենք կարող ենք նաև այնպիսի ընտրություններ կատարել, որոնք կհեռացնեն մեզ Տիրոջից: Մի քանի րոպե տրամադրեք՝ խորհելու, թե դուք կամ ձեր սիրելի մարդիկ ինչու կարող են այդպես մտածել:

Այսօրվա ուսումնասիրության ժամանակ օգնություն խնդրեք Սուրբ Հոգուց՝ գնահատելու այն, ինչ Երկնային Հայրը և Հիսուս Քրիստոսը տվել են մեզ, որպեսզի հաղթահարենք այս դժվարությունները և դառնանք դեպի Իրենց:

Զարմանահրաշ ու զարմանալի բաներ

Կարդացեք Եսայի 29․4 հատվածը, որպեսզի հասկանաք, թե, ըստ Եսայու մարգարեության, Տերը ինչպես կօրհնի մեզ՝ հաղթահարելու Մեծ ուրացության հետևանքները:

Որպեսզի օգնեք ուսանողներին հասկանալ, որ հատված 4-ը վերաբերում է Մորմոնի Գրքին, կարող եք ուսանողներին տրամադրել սուրբ գրությունների հետևյալ հղումներից մի քանիսը.

2 Նեփի 33․13
Մորմոն 8․23
«Մարգարե Ջոզեֆ Սմիթի վկայության» վերջին պարբերությունը, որը գտնվում է Մորմոնի Գրքի ներածական էջերում:

Որպես այլընտրանք, կարող եք ցուցադրել բոլոր հղումները գրատախտակին և առաջարկել ուսանողներին օգտվել դրանցից այնքան, որքան անհրաժեշտ է, որպեսզի պարզեն, թե Տերը ինչով է օրհնել մեզ: Ուսանողները կարող են ընտրել այս հղումներից մեկը կամ մի քանիսը և խաչաձև հղում կատարել կամ կապել Եսայի 29․4 հատվածի հետ։ Դա կարող է օգնել նրանց հիշել իրենց սովորածը։

Ուսանողներին առաջարկեք կարդալ Եսայի 29․11–12 հատվածները և փնտրել այլ արտահայտություններ, որոնք կարող են վերաբերել Մորմոնի Գրքի ի հայտ գալուն: Ուսանողները կարող են նշել «գիրքը տալիս են անգրագետ մի մարդու» արտահայտությունը (Եսայի 29․12)։ Այս արտահայտությունը վերաբերում է Ջոզեֆ Սմիթին, որը շատ քիչ է հաճախել միջնակարգ դպրոց: Եթե ուսանողները չգիտեն, կարող եք բացատրել, որ այս հատվածները վերաբերում են Եկեղեցու պատմության մի իրադարձության, որը կարելի է գտնել Ջոզեֆ Սմիթ—Պատմություն 1․62–65 հատվածներում։

Եսայի 29․13–14 հատվածները վարդապետության սերտման հատվածներ են: Առաջարկեք ուսանողներին նշել վարդապետության սերտման հատվածները տարբերակիչ եղանակով, որպեսզի կարողանան հեշտությամբ գտնել դրանք:

Կարդացեք Եսայի 29․13–14 հատվածները՝ փնտրելով, թե Տերը ինչ է ասել, որ կանի՝ հաղթահարելու Ուրացության հետևանքները:

Նախագահ Ռասսել Մ. Նելսոնը բացատրել է, թե որոնք են զարմանահրաշ ու զարմանալի բաները.

Այդ զարմանահրաշ [ու զարմանալի] բաներն իրենց մեջ ներառելու են Մորմոնի Գրքի ի հայտ գալը և ավետարանի վերականգնումը։ («Սուրբ գրքերի վկայություններ», Լիահոնա, նոյ․ 2007, 46)

Ինչպե՞ս կարող եք ամփոփ ներկայացնել այն, ինչ կարող ենք սովորել Եսայի 29․13–14 հատվածներից։

Ուսանողները կարող են կիսվել հետևյալով. Տերը վերականգնեց Հիսուս Քրիստոսի ավետարանը, ներառյալ Մորմոնի Գրքի ի հայտ գալը՝ հաղթահարելու Մեծ ուրացության հետևանքները։

Բացատրեք, որ Ավետարանի վերականգնումը «Աստծո կողմից երկրի վրա Իր ավետարանի ճշմարտությունների և արարողությունների վերահաստատումն է մարդկանց մեջ» («Ավետարանի վերականգնումը», Սուրբ գրքերի ուղեցույց, Gospel Library հավելված)։ Որպես այլընտրանք, կարող եք դիտել «What Is the Restoration?» տեսանյութը 2:09-ից5:13-ը։

5:13

Որպեսզի օգնեք ուսանողներին վերլուծել այս ճշմարտությունը, կարող եք նրանց բաժանել խմբերի՝ քննարկելու հետևյալ հարցերը:
Ի՞նչ կարող է այս ճշմարտությունն ուսուցանել մեզ Երկնային Հոր և Հիսուս Քրիստոսի մասին:
Ինչպե՞ս կարող է Հիսուս Քրիստոսի ավետարանի և Մորմոնի Գրքի վերականգնումն օգնել մեզ հաղթահարել Մեծ ուրացության պատճառով առաջացած հոգևոր դժվարությունները:

Զարմանահրաշ ու զարմանալի բաների օրհնությունները

Հետևյալը կարող է օգնել ուսանողներին տեսնել, թե Վերականգնումը և Մորմոնի Գիրքն ինչպես կարող են օգնել մեզ հաղթահարել Մեծ ուրացության հետևանքները:

Ձեր օրագրում գրեք «Ինչպե՞ս կարող է Տերը օրհնել ինձ Վերականգնման և Մորմոնի Գրքի միջոցով» հարցը: Կարդացեք Եսայի 29․18–19 հատվածները և գրեք, թե ինչ գտաք, որը կարող է դիտարկվել որպես հարցի պատասխան:

Կատարեք հետևյալ վարժություններից մեկը․

Վարժություն 1

Նշեք մի հատված կամ պատմություն Մորմոնի Գրքից, որը ձեզ ավելի է մոտեցնում Երկնային Հորը և Հիսուս Քրիստոսին: Եթե օգտակար կլինի, կարող եք ծանոթանալ Մորմոնի Գրքի վարդապետության սերտման հատվածների հետ:

Բացատրեք, թե ինչու է այն զարմանահրաշ ձեզ համար:

Վարժություն 2

Նշեք Հիսուս Քրիստոսի ավետարանի վերականգնման վարդապետությունը, արարողությունը, օրհնությունը կամ այլ կողմ (ժամանակակից մարգարեներ, տաճարներ, քահանայություն և այլն), որն օգնում է ձեզ ավելի մոտենալ Երկնային Հորը և Հիսուս Քրիստոսին:

Բացատրեք, թե ինչու է այն զարմանահրաշ ձեզ համար:

Ուսանողներին բավարար ժամանակ տրամադրելուց հետո առաջարկեք նրանց բաժանվել փոքր խմբերի և կիսվել իրենց բացատրություններով:

Կարող եք ավարտել դասը՝ առաջարկելով ուսանողներին խորհել, թե ինչու են իրենք երախտապարտ Երկնային Հորը և Հիսուս Քրիստոսին՝ Վերականգնման և Մորմոնի Գրքի համար: Կարող եք կիսվել ձեր մտքերով, թե ինչու եք երախտապարտ Վերականգնման կամ Մորմոնի Գրքի համար:

Մտապահել

Օգնեք ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Եսայի 29․13–14 հատվածների սուրբգրային հիմնական արտահայտությունն է՝ «Ավետարանի վերականգնումը «զարմանահրաշ ու զարմանալի բան է»»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում:

Օժանդակ նյութեր

Ավետարանի վերականգնումն ավարտվե՞լ է:

Նախկինում Առաջին Նախագահությունից նախագահ Դիտեր Ֆ․ Ուխդորֆն ուսուցանել է.

18:31

Երբեմն մենք մտածում ենք ավետարանի վերականգնման մասին որպես մի երևույթի, որն ավարտվել է, արդեն իսկ իրականացել է. Ջոզեֆ Սմիթը թարգմանել է Մորմոնի Գիրքը, նա ստացել է քահանայության բանալիները, Եկեղեցին կազմավորվել է: Իրականում, Վերականգնումը շարունակվող գործընթաց է. մենք ապրում ենք այդ փուլում հենց հիմա: Այն ներառում է «այն ամենը, ինչ Աստված հայտնել է, այն ամենը, ինչ Նա այժմ հայտնում է» և «շատ մեծ ու կարևոր բաներ», որոնք «Նա դեռևս հայտնելու է» (Հավատո Հանգանակ 1․9)։ … Ներկայիս իրադարձություններով լի զարգացումները մասն են կազմում վաղուց նախատեսված այն նախապատրաստական շրջանի, որն իր գագաթնակետին կհասնի մեր Փրկիչ Հիսուս Քրիստոսի փառավոր Երկրորդ Գալուստի ժամանակ: («Դուք քնա՞ծ եք Վերականգնման ընթացքում», Լիահոնա, մայիս 2014, 59)

Նախագահ Ռասսել Մ. Նելսոնը բացատրել է․

Վերականգնումը գործընթաց է, ոչ թե իրադարձություն, և կշարունակվի մինչև Տերը կրկին գա: …

Շարունակվող Վերականգնումը շարունակական հայտնության կարիք ունի: («Տաճարը և ձեր հոգևոր հիմքը», Լիահոնա, նոյ․ 2021, 94)

Ինչպե՞ս կարող եմ անձնական վկայություն ձեռք բերել Վերականգնման աստվածային բնույթի մասին:

Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին հռչակագում ասվում է․

Ակնածանքով և երախտագիտությամբ մենք՝ որպես Նրա առաքյալներ, հրավիրում ենք բոլորին իմանալ, ինչպես և մենք գիտենք, որ երկինքները բաց են: Մենք հաստատում ենք, որ Աստված Իր սիրելի որդիների և դուստրերի համար հայտնում է Իր կամքը։ Մենք վկայում ենք, որ նրանք, ովքեր աղոթքով ուսումնասիրում են Վերականգնման ուղերձը և գործում են հավատքով, կօրհնվեն և անձնական վկայություն կստանան այդ ուղերձի աստվածային ծագման ու մեր Տեր և Փրկիչ Հիսուս Քրիստոսի խոստացված Երկրորդ Գալուստի համար աշխարհը նախապատրաստելու նպատակի մասին։ (Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին, Gospel Library հավելված)

Լրացուցիչ ուսումնական վարժություններ

Եսայի 29 գլխում ներկայացված Մորմոնի Գրքի մարգարեությունները

Եսային Մորմոնի Գրքի այլ մարգարեություններ է ներկայացրել Եսայի 29 գլխում։ Եթե կարծում եք, որ օգտակար կլինի, կարող եք բացատրել այդ մարգարեությունները կամ ուսանողները կարող են կարդալ հետևյալ սուրբ գրությունները և նշել, թե ինչպես են դրանք առնչվում Մորմոնի Գրքին.

Եսայի 29․4 Եսային մարգարեացել էր ոսկե թիթեղների՝ գետնի տակից ի հայտ գալու մասին։
Եսայի 29․11–12 Եսային մարգարեացել է, որ Մարտին Հարրիսը Մորմոնի Գրքի նիշերի որոշ օրինակները կփոխանցի պրոֆեսոր Չարլզ Էնթոնին:

Որպեսզի օգնեք ուսանողներին տեսնել, թե ինչպես է կատարվել Եսայի 29․11–12 հատվածներում նկարագրված Եսայու մարգարեությունը, կարող եք գրատախտակին գծել հետևյալ աղյուսակը.

Եսայու մարգարեություններից մեկի թեման	Եսայու մարգարեությունն այն մասին, թե ինչ է անելու մարդը կամ մարդիկ	Մարգարեության իրականացումը
Եսայի 29․11 «մարդիկ»		Ջոզեֆ Սմիթ—Պատմություն 1.63–65
Եսայի 29․11 «գրագետ մարդը»		Ջոզեֆ Սմիթ—Պատմություն 1.63–65
Եսայի 29․12 «անգրագետ մարդը»		Ջոզեֆ Սմիթ—Պատմություն 1․59

Կարող եք ուսանողներին բաժանել զույգերի և զուգերից յուրաքանչյուրին խնդրել միասին կարդալ աղյուսակի հղումները և կենտրոնական սյունակում ամփոփ ներկայացնել Եսայու մարգարեությունները և դրանց կատարումը վերջին օրերում: (Կարող եք բացատրել, որ Նեփին նաև հիշատակել է Եսայու պատմությունը 2 Նեփի 27․6–10, 15–20 հատվածներում։ Նեփիի պատմությունն ավելի շատ մանրամասներ է պարունակում, քան Եսայու պատմությունն Աստվածաշնչում)։

Որպես աղյուսակի վրա աշխատելու այլընտրանք, կարող եք դիտել «A Marvelous Work and Wonder» տեսանյութը (3:57) կամ խնդրել ուսանողներին կարդալ Մարտին Հարրիսի և Չարլզ Էնթոնի պատմությունը՝ էջ 46–48 Սրբեր, հատոր 1․ Ճշմարտության դրոշը, 1815–1846 գրքում։

3:57

Մորմոնի Գիրքը. Զարմանահրաշ ու զարմանալի բաներ

Կարող եք օգտագործել հետևյալ տեսանյութերը, նախքան ուսանողները կկատարեն դասի 1-ին կամ 2-րդ վարժությունները: Կարող եք նաև ցուցադրել դրանք՝ օգնելու ուսանողներին հասկանալ, թե Մորմոնի Գիրքն ինչպես կարող է հույս և ուրախություն բերել մեր կյանք:

«Նայել Գրքին, նայել Տիրոջը», դիտել 1:32-ից 3:22-ը։ Տասներկուսի Քվորումից երեց Գարի Ի. Սթիվենսոնը կիսվում է Մորմոնի Գիրքը կարդալու Մերի Էլիզաբեթ Ռոլինսի փորձառությամբ:

15:6

«Go Ye Therefore», դիտել 1:22-ից 3:05-ը։ Սփոփող միության գերագույն նախագահության նախկին անդամ քույր Սիլվիա Հ. Ալրեդը կիսվում է Մորմոնի Գիրքն ուսումնասիրելու իր փորձառությամբ:

10:25

Հավատք ամեն քայլում

Օգնեք ուսանողներին հասկաալ, որ Վերականգնման որոշ օրհնություններ կարող են օգնել նրանց մեծացնել իրենց երախտագիտությունը Տիրոջ զարմանահրաշ ու «զարմանալի բաների» համար: Եղանակներից մեկը, որը կօգնի ուսանողներին անել դա՝ «Faith in Every Footstep» երգը երգելը կամ լսելն է։ Ուսանողները կարող են հետևել երգերի բառերին և նշել (1) եղանակներ, որոնցով կարող ենք մասնակցել Տիրոջ զարմանահրաշ ու «զարմանալի բաներին» և (2) օրհնությունները, որոնք գալիս են Նրա մեծ աշխատանքից: Ապա նրանք կարող են կիսվել իրենց գտածով:

5:37