Եսայի 25

Որպեսզի օգնեք ուսանողներին հասկանալ, թե որքան դժվար կարող է լինել համբերությամբ ինչ-որ բանի սպասելը, հետևյալ պարբերությունը կարդալու կամ ամփոփ ներկայացնելու ժամանակ ցուցադրեք մարշմելոու կամ երեխայի նկար, որը նայում է մարշմելոուին: Որպես այլընտրանք, կարող եք օգտագործել «Continue in Patience» տեսանյութը ChurchofJesusChrist.org կայքից, 0:00–ից 1:08-ը, որպեսզի ուսանողներին հնարավորություն տաք մտածել համբերությամբ սպասելու մեր կարիքի մասին: Տեսանյութում նախկինում Առաջին Նախագահությունից նախագահ Դիտեր Ֆ. Ուխդորֆը ներկայացնում է նույն մարշմելոուով փորձը:

2:42

Երեխաների համբերատար սպասելու կարողությունը ստուգելու համար հետազոտողները մի մեծ մարշմելոու են դրել չորս տարեկան մի քանի երեխայի առջև: Երեխաներին ասացին, որ իրենք կարող են անմիջապես ուտել պաստեղը։ Սակայն, եթե նրանք կարողանան սպասել 15 րոպե, ապա նրանց կտրվի երկու մարշմելոու: Երեխաների միայն 30 տոկոսը կարողացավ սպասել:

• Ըստ ձեզ, ի՞նչ տարբերություն կար այն երեխաների միջև, որոնք կարող էին սպասել և նրանց, ովքեր չէին կարող սպասել:

• Ե՞րբ եք դժվարություն ունեցել ինչ-որ բանի սպասելու համար: Ի՞նչը դարձրեց այն դժվարություն ձեզ համար:

Երբեմն Երկնային Հայրը կարող է խնդրել մեզ սպասել՝ ցանկալի պատասխան կամ օրհնություն ստանալու համար: Երբեմն Նա կարող է չտալ ցանկալի պատասխանը կամ օրհնությունը ոչ մեր ուզած ժամանակին կամ ոչ այնպես, ինչպես ուզում ենք:

• Տիրոջ ո՞ր օրհնություններին կամ պատասխաններին կարող է անհրաժեշտ լինել համբերությամբ սպասել:

  Ուսանողները կարող են նշել, որ սպասում են Մորմոնի Գրքի ճշմարիտ լինելու հաստատմանը, փնտրում են բժշկող օրհնություններ իրենց հիվանդ սիրելի մարդու համար կամ խնդրում են Երկնային Հորը՝ ստանալու ավետարանի հարցերի իրենց պատասխանները:

  Որպեսզի օգնեք ուսանողներին պարզել, թե ինչպես է այս դասը վերաբերում իրենց անձնական ​​կարիքներին, հնարավորություն տվեք նրանց խորհել ինքնագնահատման հետևյալ հարցերի շուրջ:

• Ի՞նչ օրհնություններ կամ պատասխաններ եք սպասում ներկայումս Երկնային Հորից: Նա ինչի՞ կարող է խնդրել ձեզ, որ սպասեք ապագայում:

• Որքանո՞վ է հեշտ կամ դժվար ձեզ համար Երկնային Հորից ինչ-որ բանի սպասելը:

Այսօրվա ուսումնասիրության ժամանակ խնդրեք Սուրբ Հոգու օգնությունը՝ մեծացնելու ձեր հասկացողությունը Երկնային Հոր և Հիսուս Քրիստոսի կամքին և ժամանակին սպասելու կարևորության մասին: Կարող եք աղոթքով հրավիրել Երկնային Հորը՝ զորացնելու համբերությամբ սպասելու ձեր կարողությունը:

Կարդացեք Եսայի 25․1–4, 6–9 հատվածները՝ փնտրելով, թե ինչ է Տերը արդեն արել Իսրայելի համար և ինչ է անելու նրանց համար ապագայում:

• Ո՞ր օրհնություններն են կարևոր ձեզ համար։

• Ըստ հատված 9-ի, ի՞նչ է Տերը խնդրում մեզ անել՝ Իր օրհնությունները ստանալու համար:

Տասներկու Առաքյալների Քվորումից երեց Ռոբերտ Դ. Հեյլսն (1932–2017) ուսուցանել է.

Սուրբ գրություններում սպասել բառը նշանակում է հուսալ, ակնկալել և վստահել: Տիրոջը հուսալն ու վստահելը պահանջում է՝ հավատք, համբերություն, համեստություն, հեզություն, երկայնամտություն, պատվիրանները պահել և մինչև վերջ համբերել: («Տիրոջն ապավինել` Քո կամքը կատարվի», Լիահոնա, նոյ. 2011, 71)

• Կա՞ որևէ բան, որ կցանկանայիք ավելացնել՝ օգնելու մեկին հասկանալ, թե ինչ է նշանակում սպասել Տիրոջը:

• Ըստ ձեզ, ինչո՞ւ է կարևոր Տիրոջ համար, որ մենք սովորենք սպասել Իրեն: Ինչպե՞ս է դա օգնում մեզ ավելի նմանվել Նրան:

Ուսանողների համար օգտակար կլինի տեսնել Երկնային Հորը սպասող Հիսուս Քրիստոսի օրինակը: Կարող եք կիսվել այլ օրինակներով երեց Հեյլսի «Տիրոջն ապավինել` Քո կամքը կատարվի» ուղերձից (դիտել 0:59–ից 2:57-ը)։

16:11

Ուսումնասիրելու համար ընտրեք հետևյալ հատվածներից մեկը կամ մի քանիսը. Սաղմոս 27․14, Եսայի 40․31, Վարդապետություն և Ուխտեր 133.45։ Փնտրեք լրացուցիչ օրհնություններ, որոնք Տերը խոստանում է նրանց, ովքեր սպասում են Իրեն:

• Ինչպիսի՞ն կարող են լինել Տիրոջը սպասելու օրհնություններն այսօր:

  Տիրոջը սպասելիս ուսանողները կարող են կիսվել հետևյալ օրհնություններով․ խաղաղություն, ուրախություն կամ ուժ:

  Որպես օրհնությունների օրինակ, որոնք եկել են Տիրոջը սպասելուց հետո, կարող եք ցուցադրել «Continue in Patience» տեսանյութում ներկայացված նախագահ Ուխդորֆի պատմությունը, որը հասանելի է ChurchofJesusChrist.org կայքում, դիտել 1:07–ից 2:41-ը։ Ուսանողներին առաջարկեք փնտրել, թե նախկինում Առաջին Նախագահությունից նախագահ Ուխդորֆն ինչ է արել հավատքով գործելու համար՝ Իմաստության Խոսքին հետևելու խոստացված օրհնություններին սպասելիս:

  

  2:42

  Հետևյալ հարցերը ցուցադրելուց հետո, երբ ուսանողները մտածում են իրենց պատասխանների շուրջ, կարող եք համառոտ կիսվել ձեր ունեցած փորձառությամբ:

• Ե՞րբ եք ունեցել պատասխանի կամ օրհնության սպասելու փորձառություն:

• Ի՞նչ եք արել, որն օգնել է ձեզ սպասել Տիրոջը:

Պատկերացրեք, որ ձեզ խնդրել են խորհուրդներ տալ մի մարդու, որը դժվարանում է սպասել օրհնության կամ իր աղոթքների պատասխանին: Ձեր ուսումնասիրության օրագրում.

• Գրեք այն, ինչ սովորեցիք այսօր, որն օգնել է ձեզ հասկանալ Տիրոջը սպասելու կարևորությունը: Կարող եք կիսվել նրանով, թե ինչ գիտեք Տիրոջ մասին և ինչն է օգնել ձեզ:

• Եսայի 25 գլխից գրեք մի հատված կամ մեկ այլ սուրբ գրություն, որը կարող է օգտակար լինել Տիրոջը ակտիվորեն սպասող մարդու համար:

• Գրեք մի բան, որն, ըստ ձեզ, օգտակար կլինի անել այն մարդու համար, որը սպասում է Տիրոջ պատասխաններին և օրհնություններին: Կարող եք ներառել մի փորձառություն, երբ դուք կամ ձեզ ծանոթ մարդն ունեցել եք Տիրոջ օրհնությունները ստանալուց: