Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 29: “Usa ka Kahibulongang Buhat ug Usa ka Katingalahan”

“Isaias 29: ‘Usa ka Kahibulongang Buhat ug Usa ka Katingalahan,’” Manwal sa Magtutudlo sa Seminary sa Daang Tugon (2026)

“Isaias 29: ‘Usa ka Kahibulongang Buhat ug Usa ka Katingalahan,’” Manwal sa Magtutudlo sa Seminary sa Daang Tugon

Isaias 13–14; 22; 24–30; 35: Leksiyon 118

Isaias 29

“Usa ka Kahibulongang Buhat ug Usa ka Katingalahan”

Sa unsang paagi kahibulongan alang nimo ang ebanghelyo ni Jesukristo ug ang Basahon ni Mormon? Gihulagway ni Isaias ang Pagpahiuli sa ebanghelyo ni Jesukristo ug lakip na ang pag-abot sa Basahon ni Mormon, isip “usa ka kahibulongang buhat ug usa ka katingalahan” (Isaias 29:14). Kini nga leksiyon makatabang sa mga estudyante nga mahimong mapasalamaton sa Pagpahiuli sa ebanghelyo ni Jesukristo ug Basahon ni Mormon.

Pagpangandam sa estudyante: Dapita ang mga estudyante nga hunahunaon kon unsaon nila paghatag og kahulogan sa mga pulong nga kahibolungan ug katingalahan. Gamit ang ilang kahulogan, dapita sila sa pagpangita og usa ka bersikulo o istorya sa Basahon ni Mormon nga kahibulongan o katingalahan ngadto kanila.

Posibleng mga Kalihokan sa Pagkat-on

Apostasiya

Aron makita ang panginahalanglan sa Pagpahiuli sa ebanghelyo, makatabang sa mga estudyante ang pagsabot sa Dakong Apostasiya.

Aron mahimo kini, sultihi ang mga estudyante nga ilang sulayan ug tagnaon ang mga timailhan nga gibase sa hitabo. Dayon usa-usaha og i-display ang mosunod nga hugpong sa mga pulong samtang sulayan sa mga estudyante og tagna ang “Dakong Apostasiya.” Samtang ilhon kini sa mga estudyante, dapita sila nga iisa ang ilang kamot pero dili usa isulti ang tubag.

Gamita ang mosunod nga hugpong sa mga pulong aron ilhon kon unsa nga panghitabo ang gihulagway:

“tabonan sa kangitngit ang kalibotan” (Isaias 60:2)
“gutomon sila sa mensahe gikan sa Ginoo” (Amos 8:11)
“anhaon kamo sa mapintas nga mga lobo” (Mga Buhat 20:29)
“pagsupil” (2 Mga Taga-Tesalonica 2:3)

Basaha ang Isaias 29:8–10, nga pangitaon ang mga paghulagway sa Dakong Apostasiya.

Sa unsang paagi ang tudling naghulagway sa mga tawo nga mibiya o walay akses sa kamatuoran sa Ginoo tungod sa Dakong Apostasiya?

Nagpuyo kita sa kalibotan diin daghan pa ang gigutom, nagkiang-kiang, o natulog sa espirituwal. Usahay mopili usab kita og mga butang nga makapahilayo nato sa Ginoo. Paggahin og panahon sa pagpamalandong og mga paagi nga ikaw, o ang imong mga minahal, mobati niini.

Samtang magtuon ka karon, tinguhaa ang tabang sa Espiritu Santo aron ikaw makadayeg sa gihatag kanato sa Langitnong Amahan ug ni Jesukristo aron mabuntog kini nga mga kalisdanan ug modangop Kanila.

Usa ka kahibulongang buhat ug usa ka katingalahan

Basaha ang Isaias 29:4 aron mailhan ang gpropesiya ni Isaias nga gustong ipanalangin kanato sa Ginoo aron mabuntog ang mga epekto sa Dakong Apostasiya.

Aron tabangan ang mga estudyante nga masabtan nga ang bersikulo 4 nagtumong sa Basahon ni Mormon, pwede nimong ihatag sa mga estudyante ang mosunod nga mga pakisayran sa kasulatan:

2 Nephi 33:13
Mormon 8:23
Kataposang parapo sa “Ang Pagpamatuod ni Propeta Joseph Smith” nga makita sa pasiunang mga panid sa Basahon ni Mormon.

Ingon nga alternatibo, pwede nimong ipakita ang tanang pakisayran diha sa pisara ug dapita ang mga estudyante nga gamiton ang mas daghan niini kay kinahanglan nilang ilhon kon unsay gihatag sa Ginoo nga panalangin kanato. Pwedeng mopili ang mga estudyante og usa o kapin pa niini nga mga pakisayran ug i-cross reference, o i-link, kini sa Isaias 29:4. Makatabang kini nila nga mahinumdoman ang ilang nakat-onan.

Pwede nimong dapiton ang mga estudyante nga basahon ang Isaias 29:11–12 ug pangitaon ang ubang hugpong sa mga pulong nga pwedeng magtumong sa pag-abot sa Basahon ni Mormon. Pwedeng markahan sa mga estudyante ang, “basahon igatunol niadtong dili maalam” (Isaias 29:12). Kini nga hugpong sa mga pulong nagtumong kang Joseph Smith, nga gamay ra kaayo ang edukasyon. Kon wala mahibalo ang mga estudyante, pwede nimong ipasabot nga kini nga mga bersikulo nagtumong sa usa ka panghitabo sa kasaysayan sa Simbahan nga anaa sa Joseph Smith—Kasaysayan 1:62–65.

Ang Isaias 29:13–14 maoy usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Basaha ang Isaias 29:13–14, nga mangita kon unsa ang gisulti sa Ginoo nga Iyang buhaton aron nga mabuntog ang mga epekto sa Apostasiya.

Gipasabot ni Presidente Russell M. Nelson kon unsa and kahibulongang buhat ug katingalahan:

Kana nga kahibulongan nga buhat [ug katingalahan] maglakip sa pag-abot sa Basahon ni Mormon ug sa Pagpahiuli sa ebanghelyo. (“Mga Saksi sa Kasulatan,”Liahona, Nob. 2007, 46)

Unsaon nimo pag-summarize ang atong nakat-onan gikan sa Isaias 29:13–14?

Ipakigbahin tingali sa mga estudyante ang parehas sa mosunod: Gipahiuli sa Ginoo ang ebanghelyo ni Jesukristo, apil ang pag-abot sa Basahon ni Mormon, aron mabuntog ang mga epekto sa Dakong Apostasiya.

Ipasabot nga ang Pagpahiuli sa Ebanghelyo mao ang “pagtukod pag-usab sa mga kamatuoran sa Dios ug sa mga ordinansa sa iyang ebanghelyo diha sa mga tawo sa yuta” (“Pagpahiuli sa Ebanghelyo,” Giya ngadto sa mga Kasulatan, Librarya sa Ebanghelyo). Ingon nga alternatibo, pwede nimong ipasalida ang “Unsa ang Pagpahiuli?” gikan sa time code 2:09 hangtod 5:13.

5:1

Aron tabangan ang mga estudyante sa paghunahuna niini nga kamatuoran, ikonsiderar ang pagbahinbahin nila sa mga grupo aron hisgotan ang mosunod nga mga pangutana.
Unsay gitudlo kanato niini nga kamatuoran bahin sa Langitnong Amahan ug kang Jesukristo?
Sa unsang paagi ang Pagpahiuli sa ebanghelyo ni Jesukristo ug ang sa Basahon ni Mormon motabang nato sa pagbuntog sa espirituwal nga mga kalisdanan tungod sa Dakong Apostasiya?

Ang mga panalangin sa kahibulongan nga buhat ug katingalahan

Ang mosunod makatabang sa mga estudyante nga makita kon sa unsang paagi ang Pagpahiuli ug ang Basahon ni Mormon makatabang nato sa pagbuntog sa mga epekto sa Dakong Apostasiya.

Isulat ang pangutana nga “Sa unsang paagi ako panalanginan sa Ginoo pinaagi sa Pagpahiuli ug sa Basahon ni Mormon?” diha sa imong journal. Basaha ang Isaias 29:18–19 ug isulat kon unsay imong nakaplagan nga motubag sa pangutana.

Kompletoha ang usa sa mosunod nga mga kalihokan:

Kalihokan 1

Ilha ang usa ka bersikulo o istorya gikan sa Basahon ni Mormon nga nagdala kanimo paduol sa Langitnong Amahan ug kang Jesukristo. Kon makatabang, pwede nimong tan-awon ang mga tudling sa doktrinal nga kahanas sa Basahon ni Mormon.

Ipasabot kon nganong kahibulongan kini para nimo.

Kalihokan 2

Ilha ang usa ka doktrina, ordinansa, panalangin, o uban pang aspeto sa Pagpahiuli sa ebanghelyo ni Jesukristo (mga propeta karon, mga templo, ang pagkapari, ug uban pa) nga magtabang nimo nga mas makapaduol nimo sa Langitnong Amahan ug kang Jesukristo.

Ipasabot kon nganong kahibulongan kini para nimo.

Human ang igong panahon, dapita ang mga estudyante nga magpormag gagmayng grupo ug ipakigbahin ang ilang mga pagpasabot.

Ikonsiderar ang pagtapos sa klase pinaagi sa pagdapit sa mga estudyante nga mamalandong kon nganong mapasalamaton sila sa Langitnong Amahan ug kang Jesukristo alang sa Pagpahiuli ug sa Basahon ni Mormon. Ikonsiderar ang pagpakigbahin sa imong mga pagbati kon nganong mapasalamaton ka sa Pagpahiuli o sa Basahon ni Mormon.

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon pagrebyo niini sa umaabot nga mga leksiyon. Ang importanteng hugpong sa mga pulong sa kasulatan para sa Isaias 29:13–14 mao ang “Ang Pagpahiuli sa ebanghelyo maoy ‘usa ka kahibulongan nga buhat ug usa ka katingalahan.’” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Natapos na ba ang Pagpahiuli sa ebanghelyo?

Si Presidente Dieter F. Uchtdorf, kanhi sa Unang Kapangulohan, mitudlo:

18:31

Usahay maghunahuna kita sa Pagpahiuli sa ebanghelyo ingon nga kompleto, butang nga nahitabo na—si Joseph Smith mihubad sa Basahon ni Mormon, nadawat niya ang mga yawe sa pagkapari, ang Simbahan naorganisar. Apan sa tinuod lang, ang Pagpahiuli usa ka nagpadayon nga proseso; nagpuyo kita niini karon mismo. Naglakip kini sa “tanan nga gipadayag sa Dios, sa tanan nga gipadayag Niya karon,” ug sa “daghan nga dagko ug mahinungdanon nga mga butang” nga “Siya mopadayag pa” (Mga Artikulo sa Hugot nga Pagtuo 1:9). … Ang makapahinam nga mga kalamboan karon kabahin nianang dugay nang gipanagna nga panahon sa pagpangandam nga matapos sa mahimayaong Ikaduhang Pag-anhi sa atong Manluluwas, si Jesukristo. (“Wala Ba Kamo Nalambigit sa Buhat sa Pagpahiuli?,” Liahona, Mayo 2014, 59)

Si Presidente Russell M. Nelson mipasabot:

Ang Pagpahiuli usa ka proseso, dili usa ra ka panghitabo, ug magpadayon hangtod ang Ginoo moanhi pag-usab. …

Ang nagpadayon nga Pagpahiuli nagkinahanglan og nagpadayon nga pagpadayag. (“Ang Templo ug ang Inyong Espirituwal nga Pundasyon,” Liahona, Nob. 2021, 95)

Unsaon nako ppaagbaton og personal nga pagpamatuod sa pagkabalaan sa Pagpahiuli?

Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan sa Ikaduhang Siglo nga Kasaulogan nag-ingon:

Uban sa balaang pagtahud ug pagpasalamat, kami isip Iyang mga Apostoles modapit sa tanan nga masayud—sama kanamo—nga ang kalangitan bukas. Kami momatuod nga ang Dios mipahibalo sa Iyang kabubut-on alang sa Iyang pinalanggang mga anak nga lalaki ug mga anak nga babaye. Kami mopamatuod nga kadtong mainampuong magtuon sa mensahe sa Pagpahiuli ug molihok uban sa pagtuo mapanalanginan nga makaangkon og ilang kaugalingong pagsaksi sa kabalaan niini ug sa katuyoan niini sa pag-andam sa kalibutan alang sa gisaad nga Ikaduhang Pag-anhi sa atong Ginoo ug Manluluwas, si Jesukristo. (“Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan sa Ikaduhang Siglo nga Kasaulogan,” Librarya sa Ebanghelyo)

Dugang nga mga Kalihokan sa Pagkat-on

Mga panagna sa Basahon ni Mormon sa Isaias 29

Si Isaias mihatag og lain pang mga panagna sa Basahon ni Mormon diha sa Isaias 29. Kon para nimo makatabang, pwede nimong ipasabot kini nga mga panaagna, o pwedeng basahon sa mga estudyante ang mosunod nga mga kasulatan ug ilhon sa unsang paagi may kalabotan sa Basahon ni Mormon:

Isaias 29:4—gipanagna ni Isaias mahitungod sa pag-abot sa bulawan nga mga palid gikan sa yuta.
Ang Isaias 29:11–12—gipanagna ni Isaias nga si Martin Harris magdala sa mga kopya sa pipila sa mga karakter sa Basahon ni Mormon ngadto kang Charles Anthon.

Aron tabangan ang mga estudyante nga makita kon sa unsang paagi natuman ang panagna ni Isaias sa Isaias 29:11–12, pwede nimong idrowing ang mosunod nga tsart diha sa pisara:

Ang hilisgotan sa usa sa mga paagna ni Isaias	Gipanagna ni Isaias kon unsay himoon sa usa ka tawo o katawhan	Ang katumanan sa panagna
Isaias 29:11—“mga tawo”		Joseph Smith—Kasaysayan 1:63–65
Isaias 29:11—“tawong makabasa”		Joseph Smith—Kasaysayan 1:63–65
Isaias 29:12—“niadtongdili maalamon”		Joseph Smith—Kasaysayan 1:59

Pwede nimong parespareson ang mga estudyante ug hangyoon ang matag pares nga dungan nga basahon ang mga pakisayran nga naa sa tsart ug i-summarize ang mga panagna ni Isaias ug ang modernong mga katumanan niini diha sa tunga nga kolum. (Pwede nimong ipasabot nga girekord usab ni Nephi ang asoy ni Isaias diha sa 2 Nephi 27:6–10, 15–20. Mas daghang detalye ang asoy ni Nephi kay sa asoy ni Isaias diha sa Biblia.)

Ingon nga alternatibo sa kalihokan sa tsart, pwede nimong ipasalida ang “A Marvelous Work and Wonder” (3:57) o ipabasa sa mga estudyante nga gustong mobasa sa asoy ni Martin Harris ug Charles Anthon sa panid 49–52 sa Mga Santos, Volume 1: Ang Sumbanan sa Kamatuoran, 1815–1846.

3:57

Ang Basahon ni Mormon—Usa ka kahibulongan nga buhat ug usa ka katingalahan

Pwede nimong gamiton ang mosunod nga mga bidyo sa dili pa taposon sa mga estudyante ang kalihokan 1 o 2 sa leksiyon. Pwede usab nimong ipakita kanila aron sa pagtabang sa mga estudyante nga mailhan kon sa unsang paagi ang Basahon ni Mormon magdalag paglaom ug kalipay sa atong kinabuhi.

“Tan-awa ang Basahon, Tan-awa ang Ginoo” gikan sa time code 1:32 hangtod 3:22. Gipakigbahin ni Elder Gary E. Stevenson sa Kurom sa Napulog Duha ang kasinatian ni Mary Elizabeth Rollins sa pagbasa sa Basahon ni Mormon.

15:7

“Go Ye Therefore” gikan sa time code 1:22 hangtod 3:05. Si Sister Silvia H. Allred, kanhi sakop sa Kinatibuk-ang Kapangulohan sa Relief Society, mipakigbahin sa iyang kasinatian sa pagkat-on bahin sa Basahon ni Mormon.

10:24

Hugot nga pagtuo sa matag lakang

Ang pagtabang sa mga estudyante sa pag-ila sa pipila sa mga panalangin sa Pagpahiuli makatabang nga madugangan ang ilang pasalamat sa kahibulongan nga “buhat ug usa ka katingalahan” sa Ginoo. Usa ka paagi sa pagtabang sa mga estudyante nga mahimo kini mao ang pagkanta o pagpaminaw sa “Faith in Every Footstep.” Pwedeng sundon sa mga estudyante ang mga liriko ug ilhon ang (1) mga paagi nga makaapil kita sa kahibulongan nga “buhat ug usa ka katingalahan” ug (2) mga panalangin nga resulta sa Iyang dakong buhat. Dayon pwede nilang ipakigbahin ang ilang nakaplagan.

5:37