Seminary
Isaias 13–14; 22; 24–30; 35: Kinatibuk-ang Pagpasabot

“Isaias 13–14; 22; 24–30; 35: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“Isaias 13–14; 22; 24–30; 35: Kinatibuk-ang Pagpasabot,” Manwal sa Magtutudlo sa Seminary sa Daang Tugon

Isaias 13–14; 22; 24–30; 35

Isaias 13–14; 22; 24–30; 35

Kinatibuk-ang Pagpasabot

Gipanagna ni Isaias ang mga panalangin nga madawat niadtong magpaabot sa Ginoo. Gipanagna usab niya ang Pagpahiuli sa Ang Simbahan ni Jesukristo sa mga Santos sa Ulahing mga Adlaw ug ang sa Basahon ni Mormon.

icon sa seminaryAndama ang Imong Kaugalingon sa Espirituwal nga Paagi. Giandam sa Manluluwas ang Iyang Kaugalingon sa espirituwal nga paagi aron motudlo. Masunod nato ang Iyang ehemplo. Kon andam ka sa espirituwal, mas madungog ug masunod nimo ang giya sa Espiritu samtang magtudlo ka. Aron makakat-on og dugang kon sa unsang paagi giandam sa Manluluwas ang Iyang kaugalingon sa espirituwal nga paagi, tan-awa ang “Giandam sa Manluluwas ang Iyang Kaugalingon sa Espirituhanong Paagi aron sa Pagtudlo” (Pagtudlo Sumala sa Pamaagi sa Manluluwas [2022], 16). Ang mosunod nga kalihokan makatabang nimo sa pagpangandam sa espirituwal nga paagi. Motabang kini nimo sa pagsusi sa imong mga paagi sa paggamit sa mga baroganan sa Kristohanong pagtudlo, ug motabang nimo sa pagtakda og mga tumong aron hinayhinay nga mouswag. Tan-awa sa “Paglambo isip usa ka Kristohanon nga Magtutudlo—Usa ka Personal nga Pagtimbang-timbang” (Pagtudlo Sumala sa Pamaagi sa Manluluwas [2022], 37).

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Isaias 25

Katuyoan sa leksiyon: Aron tabangan ang mga estudyante nga masabtan ang kaimportante sa paghulat sa Ginoo.

  • Pagpangandam sa estudyante: Dapita ang mga estudyante nga pamalandongan ang panahon dihang sila o ang ilang kaila kinahanglang mapailobong magpaabot para sa usa ka tubag o panalangin gikan sa Langitnong Amahan. Pwede silang mangandam sa pagpakigbahin kon unsay nakapasayon o nakapalisod sa ilang kasinatian sa pagpaabot.

  • Sulod mga ipakita: mga pangutana nga nag-aghat sa pagpamalandong sa personal nga mga kasinatian sa pagpaabot Ginoo

  • Mga bidyo: “Continue in Patience” (2:41) gikan sa time code 0:00 hangtod 1:08 ug 1:07 hangtod 2:41; “Nagahulat sa Ginoo: Matuman ang Imong Kabubut-on” (16:11) gikan sa time code 0:59 hangtod 2:57

Isaias 29

Katuyoan sa leksiyon: Aron tabangan ang mga estudyante nga mahimong mapasalamaton sa Pagpahiuli sa ebanghelyo ni Jesukristo ug Basahon ni Mormon.

  • Pagpangandam sa estudyante: Dapita ang mga estudyante nga hunahunaon kon unsaon nila paghatag og kahulogan sa mga pulong nga kahibolungan ug katingalahan. Gamit ang ilang kahulogan, dapita sila sa pagpangita og usa ka bersikulo o istorya sa Basahon ni Mormon nga kahibulongan o katingalahan ngadto kanila.

  • Sulod nga ipakita: hugpong sa mga pulong nga naghulagway sa Dakong Apostasiya; mga pakisayran sa kasulatan aron tabangan ang mga estudyante nga masabtan ang Isaias 29:4; mga instruksiyon sa kalihokan sa kataposan sa leksiyon

  • Mga bidyo: “What Is the Restoration?” (5:13) gikan sa time code 0:32 hangtod 2:09 ug 2:09 hangtod 5:13; “Ang Basahon ni Mormon: Unsa Kaha ang Imong Kinabuhi Kon Wala Kini?” (15:01) gikan sa time code 5:38 hangtod 8:44