Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Isaias 25: Paghulat sa Ginoo

“Isaias 25: Paghulat sa Ginoo,” Manwal sa Magtutudlo sa Seminary sa Daang Tugon (2026)

“Isaias 25: Paghulat sa Ginoo,” Manwal sa Magtutudlo sa Seminary sa Daang Tugon

Isaias 13–14; 22; 24–30; 35: Leksiyon 117

Isaias 25

Paghulat sa Ginoo

A young woman kneels at her bedside and looks out the window as if she is pondering or waiting for an answer to her prayer.

Unsay imong reaksyon nga morag wala tubaga ang imong kinasingkasing nga pag-ampo? Sa tibuok kasulatan, gipasabot sa Ginoo ug sa Iyang mga propeta ang atong panginahanglan sa paghulat sa Ginoo (tan-awa ang Isaias 25:9), nga mapailobong magtinguha sa mga panalangin ug mga tubag. Kini nga leksiyon makatabang sa mga estudyante nga masabtan ang kaimportante sa paghulat sa Ginoo.

Pagpangandam sa estudyante: Dapita ang mga estudyante nga pamalandongan ang panahon dihang sila o ang ilang kaila kinahanglang mapailobong magpaabot para sa usa ka tubag o panalangin gikan sa Langitnong Amahan. Pwede silang mangandam sa pagpakigbahin kon unsay nakapasayon o nakapalisod sa ilang kasinatian sa pagpaabot.

Posibleng mga Kalihokan sa Pagkat-on

Pag-ugmad sa pailob pinaagi sa paghimo niini

Aron sulayan ang katakos sa mga bata nga mapailobong maghulat, nagbutang ang mga researcher og dako nga marshmallow atuban sa pipila ka kwatro anyos nga bata. Giingnan ang mga bata nga pwede nilang kaonon dayon ang marshmallow. Pero, kon makahulat silag 15 minutos, hatagan silag duha ka marshmallow. 30 porsyento lang sa mga bata ang nakahulat.

Sa imong hunahuna, unsay kalainan sa mga bata nga nakahulat ug niadtong wala?
Kanus-a ang panahon dihang naglisod ka og paabot sa usa ka butang? Nganong naglisod ka niadto?

Usahay, hangyoon kita sa Langitnong Amahan nga paaboton ang gusto natong tubag o panalangin. Usahay, dili Niya ihatag ang gusto natong tubag o panalangin sa paagi o sa panahon nga gusto nato.

Unsa ang pipila ka ehemplo sa mga panalangin o tubag gikan sa Ginoo nga kinahanglan nga mapailobon natong hulaton?

Hisgotan tingali sa mga estudyante ang paghulat sa kompirmasyon nga tinuod ang sa Basahon ni Mormon, ang pagpangayo sa mga panalangin nga makaayo sa atong nasakit nga mga minahal, o ang paghangyo sa Langitnong Amahan nga tubagon ang ilang mga pangutana sa ebanghelyo.

Aron tabangan ang mga estudyante nga mailhan kon sa unsang paagi magamit nila kini nga leksiyon para sa ilang indibidwal nga mga panginahanglan, paghatag og kahigayonan aron ilang mapamalandong ang mosunod nga mga pangutana sa pagsusi sa kaugalingon.
Unsang mga panalangin o tubag gikan sa Langitnong Amahan ang gipaabot nimong madawat karon? Unsa kahay iyang ihangyo nga paaboton nimo para sa umaabot?
Para nimo, unsay nakapasayon o nakapalisod sa imong paghulat sa usa ka butang nga gikan sa Langitnong Amahan?

Samtang magtuon ka karon, tinguhaa ang tabang sa Espiritu Santo aron molambo ang imong pagsabot sa kaimportante sa paghulat sa kabubut-on ug hustong panahon sa Langitnong Amahan ug ni Jesukristo. Pwede nimong dapiton sa mainampoong paagi ang Langitnong Amahan nga palig-onon ang imong katakos sa paghulat.

Mapailobong paghulat sa Ginoo

Makatabang tingali ang pagpakigbahin ngadto sa mga estudyante nga gipadala sa Ginoo ang propetang Isaias sa nasod sa Juda sa panahon dihang gubot kaayo ang politika ug sosyal nga kawalay kasiguruhan. Gipahinumdoman sa Isaias 25 ang balay sa Israel sa dagkong mga panalangin nga anaa sila ug ang ilang madawat gikan sa Ginoo.

Basaha ang Isaias 25:1–4, 6–9, nga pangitaon kon unsa ang nabuhat na sa Ginoo para sa Israel ug kon unsay Iyang buhaton para nila sa umaabot.

Unsang mga panalangin ang mipatigbabaw alang kanimo?
Sumala sa bersikulo 9, unsay gipabuhat sa Ginoo kanato aron atong madawat ang Iyang mga panalangin?

Tabangi ang mga estudyante nga mailhan ang kamatuoran nga sama sa kon maghulat sa Ginoo, magmalipayon ug magmaya kita sa Iyang kaluwasan. Pwede nimong isulat sa pisara ang hugpong sa mga pulong nga “maghulat sa Ginoo”.

Dapita ang mga estudyante nga ahandurawon nga gihangyo sila sa usa ka higala nga ipasabot ang kahulogan niini nga hugpong sa mga pulong. Tabangi ang mga estudyante sa paghimo og pagpasabot alang niini nga hugpong sa mga pulong. Kon nagkinahanglan og dugang tabang ang mga estudyante sa pagsabot sa kahulogan sa paghulat sa Ginoo, pwede nimong ipakigbahin ang mosunod nga pamahayag.

Si Elder Robert D. Hales (1932–2017) sa Korum sa Napulog Duha ka Apostoles mitudlo:

Sa mga kasulatan, ang pulong paghulat nagpasabut nga molaum, magpaabut, ug mosalig. Ang paglaum ug pagsalig sa Ginoo nagkinahanglan og pagtuo, pailub, pagpaubos, kaaghup, kamainantuson, pagsunod sa mga sugo, ug paglahutay sa katapusan. (“Nagahulat sa Ginoo: Matuman ang Imong Kabubut-on,” Liahona, Nob. 2011, 72)

Naa ba kay gustong idugang aron tabangan ang usa ka tawo nga masabtan ang kahulogan sa paghulat sa Ginoo?
Sa imong hunahuna, nganong importante sa Ginoo nga makakat-on kita sa paghulat Kaniya? Sa unsang paagi kana makatabang nato nga mahimong mas mahisama Kaniya?

Dagkong mga panalangin alang niadtong maghulat sa Ginoo

Aron tabangan ang mga estudyante nga makita ang uban pang panalangin nga gisaad sa Ginoo alang niadtong magpaabot Kaniya, pwede nimong gamiton ang mosunod nga kalihokan para sa kahanas sa pagtuon sa kasulatan. Kini nga kalihokan motabang sa mga estudyante nga magpraktis sa pag-link o pag-cross reference sa mga bersikulo aron madugangan ang ilang pagsabot sa baroganan.

Pagpili og usa o kapin sa mosunod nga mga bersikulo aron tun-an: Salmo 27:14; Isaias 40:31; Doktrina ug mga Pakigsaad 133:45. Pangitaa ang dugang mga panalangin nga gisaad sa Ginoo alang niadtong magpaabot Niya.

Unsa kahay mga panalangin sa paghulat sa Ginoo karon?

Ipakigbahin tingali sa mga estudyante ang mga panalangin nga sama sa kalinaw, hingpit nga kalipay, o kalig-on samtang naghulat sila sa Ginoo.

Ingon nga ehemplo sa mga panalangin human maghulat sa Ginoo, pwede nimong ipakita ang istorya ni Presidente Uchtdorf diha sa bidyo nga “Continue in Patience,” gikan sa ChurchofJesusChrist.org, time code 1:07–2:41. Dapita ang mga estudyante nga pangitaon kon unsay gihimo ni Presidente Uchtdorf, kanhi sa Unang Kapanguluhan, aron molihok uban ang hugot nga pagtuo samtang naghulat sa gisaad nga mga panalangin sa pagsunod sa Pulong sa Kaalam.

2:42

Human nimo ipakita ang mosunod nga mga pangutana, pwede kang mopakigbahin og mubong kasinatian samtang hunahunaon sa mga estudyante unsaon nila pagubag.
Kanus-a ka nakasinati nga naghulat para sa usa ka tubag o panalangin?
Unsay imong gihimo nga nakatabang nimo sa paghulat sa Ginoo?

Kita kinahanglang aktibong maghulat sa Ginoo

Ang paghatag og kahigayonan sa mga estudyante nga ipakigbahin ang ilang gitun-an makapasayon para nila sa pag-ila sa ilang nakat-onan ug pag-uswag. Usa ka paagi sa pagbuhat niini mao ang kalihokan nga naa sa ubos. Kon makatabang, dapita ang mga etudyante nga maghunahuna og dugang mga detalye nga idugang sa senaryo aron mahimo kining mas haom kanila.

Handurawa nga gihangyo ka sa pagtambag sa usa ka tawo nga nakigbisog sa pagpaabot sa usa ka panalangin o tubag sa iyang pag-ampo. Diha sa imong journal sa pagtuon:

Ilista ang imong nakat-onan karon nga nakatabang nimo nga masabtan ang kaimportante sa paghulat sa Ginoo. Pwede nimong ipakigbahin ang imong nahibaloan bahin sa Ginoo nga nakatabang nimo.
Isulat ang usa ka tudling gikan sa Isaias 25 o laing kasulatan nga makatabang sa usa ka tawo nga aktibong maghulat sa Ginoo.
Isulat ang usa ka butang nga para nimo makatabang sa usa ka tawo samtang nagpaabot sila sa mga tubag ug mga panalangin sa Ginoo. Pwede nimong iapil ang usa ka panalangin dihang nasinatian nimo o sa imong kaila ang mga panalangin sa Ginoo.

Ikonsiderar ang pagtapos sa klase pinaagi sa pagpakigbahin kon sa unsang paagi nimo masabtan nga makasalig ka sa Ginoo samtang nagpaabot Kaniya.

Dugang nga mga Kapanguhaan

Unsa kaha kon maglisod ko sa pagpaabot sa Ginoo?

Si Sister Amy A. Wright, Unang Magtatambag sa Kinatibuk-ang Kapangulohan sa Primary, mipakigbahin:

10:39

Kasagaran atong makit-an ang atong mga kaugalingon … [nga] mapailubon “[nga] mosalig sa Ginoo.” Naghulat nga ayohon sa pisikal o sa emosyonal nga paagi. Naghulat alang sa mga tubag nga modulot sa labing lawom nga bahin sa atong mga kasingkasing. Mosalig alang sa usa ka milagro.

Ang pagsalig sa Ginoo mahimong usa ka sagrado nga dapit—usa ka dapit sa paghashas ug paghapsay diin kita makaadto sa pagkahibalo sa Manluluwas diha sa lawom ug personal nga paagi. Ang pagsalig sa Ginoo mahimo usab nga usa ka dapit diin kita makakita sa atong mga kaugalingon nga mangutana, “O Dios, hain ba ikaw?”—usa ka dapit diin ang espiritwal nga kamalungtaron nagkinahanglan kanato sa paggamit sa hugot nga pagtuo diha ni Kristo pinaagi sa tinuyo nga pagpili Kaniya og usab ug usab ug usab. Ako nahibalo niini nga dapit, ug ako nakasabot niining matang sa pagsalig.

… Ako nakat-on sa tataw nga paagi nga ang pagkalingkawas gikan sa atong mga pagsulay managlahi alang sa matag usa kanato, ug busa ang atong tutokan kinahanglan nga mas minos ang mahitungod sa paagi nga kita nakalingkawas ug mas dugang mahitungod sa Tigluwas Mismo. Ang atong gipatigbabaw kinahanglan kanunay nga diha ni Jesukristo!

Ang paghupot og hugot nga pagtuo diha ni Kristo nagpasabot og pagsalig dili lamang sa kabubut-on sa Dios apan usab sa Iyang tiyempo. Tungod kay Siya nasayod gayod unsa ang atong gikinahanglan ug kanus-a nato kini gikinahanglan. Kon kita motugyan sa kabubut-on sa Ginoo, kita sa kataposan makadawat sumala sa gikinahanglan og labaw pa niana nga atong gitinguha. (“Si Kristo Moayo Nianang Naguba,” Liahona, Mayo 2022, 83–84)

Si Presidente Jeffrey R. Holland sa Korum sa Napulog Duha ka Apostoles mipasabot:

14:19

[D]unay mga panahon sa atong kinabuhi nga gani ang atong pinaka-espirituhanong paningkamot, ug matinguhaong mga pag-ampo dili moani sa kadaogan nga atong gipangandoy, kabahin man sa dagko nga mga isyu sa kalibotan o sa ginagmay nga personal nga mga isyu. Busa samtang magtrabaho kita ug magpaabot sa mga tubag sa pipila sa atong mga pag-ampo, akong ihalad kaninyo ang akong apostolikanhong saad nga kini gidungog ug gitubag, apan tingali dili sa panahon o sa paagi nga atong gusto. Apan kanunay kini nga gitubag sa panahon ug sa paagi nga kini tubagon sa usa nga nasayod sa tanan ug walay paglurang nga maloluy-ong ginikanan. Pinalangga kong mga igsoon, palihog sabta nga Siya kinsa dili gayud magduka o matulog mahunahunaon alang sa kalipay ug sa umaabut nga kahimayaan sa Iyang mga anak labaw sa tanan nga buhaton sa usa ka balaang binuhat. Siya ang mahimayaon nga hulagway sa tiunay nga gugma, ug Manggiluy-on nga Amahan ang Iyang ngalan. (“Naghulat sa Ginoo,” Liahona, Nob. 2020, 115–116)

Dugang nga mga Kalihokan sa Pagkat-on

Isaias 25:8—“Mopahid sa mga luha gikan sa tanang mga nawong”

Makabenepisyo tingali ang mga estudyante sa paghisgot kon sa unsang paagi kita mahupay sa Langitnong Amahan ug ni Jesukristo samtang nagpaabot kitang mawala ang mga pagbati sa grabeng kaguol. Kon angay, pwede nimong dapiton ang mga estudyante nga ipakigbahin ang pipila ka kasinatian nga nahiagoman sa mga tin-edyer nga maoy hinungdan sa ilang kaguol. Dayon dapita ang mga estudyante nga basahon ang Isaias 25:8, nga pangitaon kon unsay gisaad sa Ginoo nga buhaton sa tanan nga nakasinati og grabeng kaguol sa ilang kinabuhi.

Kanus-a nimo nasinati ang paghupay sa Langitnong Amahan ug ni Jesukristo dihang mibati ka og grabeng kaguol?
Unsa ang pipila ka paagi nga makapaningkamot kita nga mahisama Nila ug motabang sa usa ka tawo nga mibati og kaguol?

Pwede nimong ipasalida ang bidyo nga “He’ll Be There” (2:43). Pinaagi og usa ka kanta, gipakigbahin sa usa ka batan-ong lalaki ang iyang pagpamatuod nga hupayon kita ni Jesukristo diha sa atong kagul-anan.

2:42

Isaias 26:19—Maghulat sa Pagkabanhaw ang mga patay

Aron tabangan ang mga estudyante nga masabtan kon sa unsang paagi nato maserbisyohan ang atong mga katigulangan nga nagpaabot nga mapahigayon ang ilang buluhaton sa templo, ikonsiderar ang pagpakita og hulagway sa usa ka lawak hulatanan o usa ka karatula nga, “Lawak Hulatanan.” Dapita ang mga estudyante sa paghisgot sa mosunod nga pangutana.

Sa imong nahibaloan bahin sa plano sa kaluwasan, sa unsang paagi ang kalibotan sa espiritu nahisama sa usa ka lawak hulatanan para sa atong mga katigulangan?
Unsa kaha para nila ang ipasabot sa “paghulat sa Ginoo”?

Pwedeng basahon sa mga estudyante ang Isaias 26:19, nga pangitaon ang saad sa tanang anak sa Langitnong Amahan.

Sa unsang paagi kini nga bersikulo makatabang sa usa ka tawo nga bag-o lang namatyan og usa ka minahal?

Dapita ang mga estudyante sa pagpakigbahin kon sa unsang paagi kini nga mga espiritu “naghulat sa Ginoo.” Ikonsiderar ang paghangyo sa mga estudyante nga hisgotan kon sa unsang paagi ang atong mga paningkamot sa pagpundok sa Israel makatabang niini nga mga espitiru nga nagpaabot sa Ginoo sa kalibotan sa espiritu.