Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 29: “Një Punë e Mrekullueshme dhe një Çudi”

“Isaia 29: ‘Një Punë e Mrekullueshme dhe një Çudi’”, Manuali i Mësuesit të Seminarit për Dhiatën e Vjetër (2026)

“Isaia 29: ‘Një Punë e Mrekullueshme dhe një Çudi’”, Manuali i Mësuesit të Seminarit për Dhiatën e Vjetër

Isaia 13–14; 22; 24–30; 35: Mësimi 118

Isaia 29

“Një Punë e Mrekullueshme dhe një Çudi”

Në ç’mënyrë është ungjilli i Jezu Krishtit dhe Libri i Mormonit i mrekullueshëm për ty? Isaia përshkroi Rivendosjen e ungjillit të Jezu Krishtit, duke përfshirë daljen në dritë të Librit të Mormonit, si një “mrekulli dhe çudi” (Isaia 29:14). Ky mësim mund t’i ndihmojë nxënësit të ndiejnë mirënjohje për Rivendosjen e ungjillit të Jezu Krishtit dhe Librin e Mormonit.

Veprimtari të Mundshme të të Mësuarit

Braktisja (Fetare)

Për të parë nevojën për Rivendosjen e ungjillit, është e dobishme për nxënësit që të kuptojnë Braktisjen e Madhe.

Për ta bërë këtë, thuajuni nxënësve se ata do të përpiqen dhe të gjejnë një ngjarje në bazë të të dhënave. Më pas paraqitni frazat vijuese me radhë ndërsa nxënësit përpiqen të gjejnë “Braktisjen e Madhe”. Ndërsa nxënësit e përcaktojnë atë, ftojini ata të ngrenë duart, por të mos e japin ende përgjigjen.

Përdor frazat vijuese për të përcaktuar se çfarë ngjarje po përshkruhet:

“terri mbulon tokën” (Isaia 60:2)
“uri … për të dëgjuar fjalët e Zotit” (Amos 8:11)
“do të hyjnë midis jush ujqër grabitqarë” (Veprat e Apostujve 20:29)
“rënia” (2 Thesalonikasve 2:3)

Lexo tek Isaia 29:8–10, duke kërkuar përshkrime të Braktisjes së Madhe.

Si i përshkruan fragmenti njerëzit që ose e kanë braktisur, ose nuk kanë pasur kurrë qasje tek e vërteta e Zotit për shkak të Braktisjes së Madhe?

Ne jetojmë në një botë ku shumë vetë janë ende shpirtërisht të uritur, të lëkundur ose të fjetur. Ne gjithashtu mund të bëjmë zgjedhje që na largojnë nga Zoti. Ndalu një çast për të përsiatur mënyrat se si ti, ose ata që ti do, mund të ndiheni në këtë mënyrë.

Ndërsa studion sot, kërko ndihmë nga Fryma e Shenjtë për të vlerësuar atë që na kanë dhënë Ati Qiellor dhe Jezu Krishti për t’i kapërcyer këto sfida dhe për t’u drejtuar tek Ata.

Një punë e mrekullueshme dhe një çudi

Lexo tek Isaia 29:4 për të përcaktuar atë me të cilën Isaia profetizoi se do të na bekonte Zoti për t’i kapërcyer pasojat e Braktisjes së Madhe.

Për t’i ndihmuar nxënësit të kuptojnë se vargu 4 i referohet Librit të Mormonit, mund t’u jepni nxënësve disa nga referencat vijuese të shkrimit të shenjtë:

2 Nefi 33:13
Mormoni 8:23
Paragrafi i fundit te “Dëshmia e Profetit Joseph Smith” që gjendet në faqet e parathënies së Librit të Mormonit.

Përndryshe, mund t’i paraqitni të gjitha referencat në tabelë dhe t’i ftoni nxënësit të përdorin sa më shumë prej tyre që u nevojiten për të përcaktuar atë me të cilën na ka bekuar Zoti. Nxënësit mund të zgjedhin një ose më shumë nga këto referenca dhe të bëjnë referencë‑kryq ose t’i lidhin ato me vargun tek Isaia 29:4. Kjo do t’i ndihmojë ata ta kujtojnë atë që po mësojnë.

Ju mund t’i ftoni nxënësit të lexojnë tek Isaia 29:11–12 dhe të kërkojnë fraza të tjera që mund t’i referohen daljes në dritë të Librit të Mormonit. Nxënësit mund të shenjojnë frazën: “Libër që i jepet dikujt që nuk di të lexojë” (Isaia 29:12). Kjo frazë i referohet Jozef Smithit, që mori shumë pak shkollim formal. Nëse nxënësit nuk e dinë, mund të shpjegoni se këto vargje i referohen një ngjarjeje në historinë e Kishës që gjendet te Joseph Smith – Historia 1:62–65.

Isaia 29:13–14 është një fragment i zotërimit doktrinor. Merreni parasysh t’i ftoni nxënësit t’i shenjojnë fragmentet e zotërimit doktrinor në një mënyrë të dallueshme, që të mund t’i gjejnë me lehtësi.

Lexo tek Isaia 29:13–14, duke kërkuar atë që tha Zoti se do të bënte për të kapërcyer pasojat e Braktisjes së Madhe.

Presidenti Rasëll M. Nelson shpjegoi se çfarë është puna e mrekullueshme dhe çudia:

“Ajo ‘[punë] e mrekullueshme [dhe çudi] do të përfshinte [daljen në dritë të] Librit të Mormonit dhe Rivendosjen e ungjillit’”. (“Dëshmi Shkrimesh të Shenjta”, Liahona, [shënimi nr. 26], nëntor 2007, f. 46)

Si do ta përmblidhje atë që mund të mësojmë nga Isaia 29:13–14?

Nxënësit mund të tregojnë diçka të ngjashme me sa vijon: Zoti e rivendosi ungjillin e Jezu Krishtit, duke përfshirë daljen në dritë të Librit të Mormonit, për të kapërcyer pasojat e Braktisjes së Madhe.

Shpjegoni se Rivendosja e Ungjillit është “[r]ivendosja nga Perëndia e të vërtetave dhe ordinancave të ungjillit të tij mes njerëzve në tokë” (“Rivendosje e Ungjillit”, Udhëzuesi për Shkrimet e Shenjta, Gospel Library [Biblioteka e Ungjillit]). Përndryshe, mund të shihni materialin filmik “What Is the Restoration?” [“Çfarë Është Rivendosja?”] nga kodi kohor 2:09 deri në 5:13.

5:13

Për t’i ndihmuar nxënësit ta analizojnë këtë të vërtetë, merreni parasysh t’i vendosni në grupe për të diskutuar pyetjet vijuese.
Çfarë mund të na mësojë kjo e vërtetë rreth Atit Qiellor dhe Jezu Krishtit?
Si mund të na ndihmojnë Rivendosja e ungjillit të Jezu Krishtit dhe Libri i Mormonit t’i kapërcejmë vështirësitë shpirtërore të shkaktuara nga Braktisja e Madhe?

Bekimet e punës së mrekullueshme dhe çudisë

Ajo sa vijon mund t’i ndihmojë nxënësit të kuptojnë se si Rivendosja dhe Libri i Mormonit mund të na ndihmojnë t’i kapërcejmë pasojat e Braktisjes së Madhe.

Shkruaje pyetjen “Si mund të më bekojë Zoti nëpërmjet Rivendosjes dhe Librit të Mormonit?” në ditarin tënd. Lexo tek Isaia 29:18–19 dhe shkruaje atë që gjen që i përgjigjet pyetjes.

Plotësoje një nga veprimtaritë vijuese:

Veprimtaria 1

Përcakto një varg ose histori nga Libri i Mormonit që të sjell më pranë Atit Qiellor dhe Jezu Krishtit. Nëse është e dobishme, mund të shohësh fragmentet e zotërimit doktrinor të Librit të Mormonit.

Shpjego përse është i mrekullueshëm për ty.

Veprimtaria 2

Përcakto një doktrinë, ordinancë, bekim ose aspekt tjetër të Rivendosjes së ungjillit të Jezu Krishtit (profetë të ditëve të sotme, tempuj, priftëria, e me radhë) që të ndihmon të afrohesh më pranë Atit Qiellor dhe Jezu Krishtit.

Shpjego përse është i mrekullueshëm për ty.

Pas një kohe të mjaftueshme, ftojini nxënësit të vendosen në grupe të vogla dhe të japin shpjegimet e tyre.

Merreni parasysh ta përmbyllni orën mësimore duke i ftuar nxënësit të përsiatin arsyet përse janë mirënjohës ndaj Atit Qiellor dhe Jezu Krishtit për Rivendosjen dhe Librin e Mormonit. Merreni parasysh të tregoni ndjenjat tuaja rreth arsyeve përse jeni mirënjohës për Rivendosjen ose Librin e Mormonit.

Mësoni Përmendsh

Nëse doni, mund t’i ndihmoni nxënësit t’i mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë për vargun tek Isaia 29:13–14 është: “Rivendosja e ungjillit është një ‘mrekulli dhe çudi’”. Idetë për veprimtaritë e mësimit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.

Burime Shtesë

A ka përfunduar Rivendosja e ungjillit?

Presidenti Diter F. Uhtdorf, asokohe i Presidencës së Parë, dha mësim:

18:31

“Ndonjëherë ne mendojmë për Rivendosjen e ungjillit si diçka të përfunduar, tashmë të lënë pas – Jozef Smithi e përktheu Librin e Mormonit, ai i mori çelësat e priftërisë, Kisha u organizua. Në të vërtetë, Rivendosja është një proces i vazhdueshëm; ne po jetojmë në të pikërisht tani. Ajo përfshin ‘gjithçka që Perëndia ka zbuluar, gjithçka që Ai zbulon tani’ dhe ‘shumë gjëra të mëdha dhe të rëndësishme’ që ‘Ai ende do të zbulojë’ (Nenet e Besimit 1:9). … Zhvillimet emocionuese të së sotmes janë pjesë e asaj periudhe të përgatitjes, të parashikuar prej kohësh, që do ta arrijë kulmin në Ardhjen e Dytë të lavdishme të Shpëtimtarit tonë, Jezu Krishtit.” (“A Po Flini Gjatë Rivendosjes?”, Liahona, maj 2014, f. 59)

Presidenti Rasëll M. Nelson shpjegoi:

“Rivendosja është një proces, nuk është një ngjarje dhe do të vazhdojë derisa Zoti të vijë sërish. …

Rivendosja e vazhdueshme ka nevojë për zbulesë të vazhdueshme.” (“Tempulli dhe Themeli Juaj Shpirtëror”, Liahona, nëntor 2021, f. 94)

Si mund të fitoj një dëshmi vetjake për hyjnueshmërinë e Rivendosjes?

Te Rivendosja e Plotësisë së Ungjillit të Jezu Krishtit: Një Proklamatë në Dyqindvjetor drejtuar Botës thuhet:

“Me nderim dhe mirënjohje, ne, si Apostujt e Tij, i ftojmë të gjithë që ta dinë – ashtu siç e dimë ne – që qiejt janë hapur. Ne pohojmë se Perëndia po e bën të njohur vullnetin e Tij për bijtë dhe bijat e Tij të dashura. Ne dëshmojmë se ata që me lutje e studiojnë mesazhin e Rivendosjes dhe veprojnë me besim, do të bekohen që të fitojnë vetë dëshminë e tyre për hyjnueshmërinë e saj dhe qëllimin e saj për ta përgatitur botën për Ardhjen e Dytë të premtuar të Zotit dhe Shpëtimtarit tonë, Jezu Krishtit.” (“Rivendosja e Plotësisë së Ungjillit të Jezu Krishtit: Një Proklamatë në Dyqindvjetor drejtuar Botës”, Gospel Library [Biblioteka e Ungjillit])

Veprimtari Plotësuese të të Mësuarit

Profecitë e Librit të Mormonit tek Isaia 29

Isaia dha profeci të tjera për Librin e Mormonit tek Isaia 29. Nëse ndieni se do të ishte e dobishme, mund t’i shpjegoni këto profeci, ose nxënësit mund t’i lexojnë shkrimet e shenjta vijuese dhe të përcaktojnë se si ato lidhen me Librin e Mormonit:

Isaia 29:4 – Isaia profetizoi rreth daljes në dritë të fletëve të arta nga pluhuri.
Isaia 29:11–12 – Isaia profetizoi rreth Martin Harrisit që i çoi kopje të disa prej personazheve të Librit të Mormonit profesorit Çarls Entoni.

Për t’i ndihmuar nxënësit të kuptojnë se si u përmbush profecia e Isaias tek Isaia 29:11–12, mund të vizatoni tabelën vijuese në dërrasë:

Subjekti i njërës prej profecive të Isaias	Profecia e Isaias për atë që do të bënte personi ose populli	Përmbushja e profecisë
Isaia 29:11 – “dikujt”		Joseph Smith – Historia 1:63–65
Isaia 29:11 – “dikujt që di të lexojë”		Joseph Smith – Historia 1:63–65
Isaia 29:12 – “dikujt që nuk di të lexojë”		Joseph Smith – Historia 1:59

Mund t’i ndani nxënësit në dyshe dhe t’i kërkoni secilës dyshe që të lexojë referencat në tabelë së bashku dhe të përmbledhin profecitë e Isaias dhe përmbushjen e tyre në ditët e mëvonshme në kolonën në qendër. (Nëse doni, mund të shpjegoni se Nefi shënoi edhe rrëfimin e Isaias te 2 Nefi 27:6–10, 15–20. Rrëfimi i Nefit siguron më shumë hollësi sesa rrëfimi i Isaias në Bibël.)

Si një mundësi tjetër për veprimtarinë me tabelë, mund të shihni materialin filmik “A Marvelous Work and Wonder” [“Një Punë e Mrekullueshme dhe Çudi”] (3:57) ose t’i vini nxënësit të lexojnë rrëfimin e Martin Harrisit dhe Çarls Entonit në faqet 46–48 te Shenjtorët, vëllimi 1: Standardi i së Vërtetës, 1815–1846.

3:57

Libri i Mormonit – Një punë e mrekullueshme dhe një çudi

Mund të përdorni materialet filmike vijuese para se nxënësit të përfundojnë veprimtarinë 1 ose 2 në mësim. Gjithashtu mund t’u tregoni atyre t’i ndihmojnë nxënësit të përcaktojnë mënyrën se si Libri i Mormonit mund të sjellë shpresë dhe gëzim në jetën tonë.

“Shihni te Libri, Shihni te Zoti” nga kodi kohor 1:32 deri në 3:22. Plaku Geri E. Stivenson, i Kuorumit të Të Dymbëdhjetëve, tregon përvojën e Meri Elizabeth Rollinsit me leximin e Librit të Mormonit.

15:7

“Go Ye Therefore” [“Shkoni, Pra”] nga kodi kohor 1:22 deri në 3:05. Motra Silvia H. Ollred, ish-anëtare e Presidencës së Përgjithshme të Shoqatës së Ndihmës, tregon përvojën e saj e të mësuarit rreth Librit të Mormonit.

10:25

Besim në çdo hap

Ndihmesa ndaj nxënësve që të përcaktojnë disa nga bekimet e Rivendosjes mund t’i ndihmojë ata ta rritin mirënjohjen e tyre për punën e mrekullueshme dhe çudinë e Zotit. Një mënyrë për t’i ndihmuar nxënësit ta bëjnë këtë është të këndoni ose të dëgjoni këngën “Faith in Every Footstep” [“Besim në Çdo Hap”]. Nxënësit mund të ndjekin tekstin e këngës dhe të përcaktojnë 1) mënyrat se si mund të marrim pjesë në punën e mrekullueshme dhe çudinë e Zotit dhe 2) bekimet që vijnë nga puna e Tij e madhe. Më pas, ata mund ta tregojnë atë që gjetën.

5:37